Мадагаскар: мұхиттың лебі Арқаға жетті

Бүкіл әлем назары қазір Қазақстан астанасындағы ЭКСПО-2017 көрмесіне ауып отыр. Кеше көрме алаңында Мадагаскар Республикасының ұлттық күні аталып өтті.
Егемен Қазақстан
04.07.2017 906

Елорда төрінде өткен салтанатты шара Қазақстан мен Мадагаскар елдерінің әнұрандарын орындаумен басталды.
– Мадагаскар елімен арамыз алшақ жатса да, осындай ауқымды шарадан қалыс қалмай, арқа төріне келіп, өз идеясын, жаңа технология­сын ұсынып отырғаны біз үшін үлкен құрмет. Меймандардан бір байқағаным, өте қонақжай, бауырмал болып келеді. Осы жағынан олар қазақ халқына қатты ұқсайды, – деді Ақпарат және коммуникация­лар министрлігінің жауапты хатшысы Жанат Қожахметов.
Сонымен қатар, жиын барысында сөз алған Мадагаскар Рес­пуб­ликасының жастар ісі және спорт вице-министрі Роберт Ран­дри­анирина өз елінде энергия сұ­ранысы көбінесе ағаш отын жә­не мұ­найды пайдалану арқылы жү­зе­ге асатынын айтты. 
– Елімізде энергия көзі көбінесе ағаш отын және мұнайды пайдалану арқылы алынады. Сондықтан, жаңартылатын энергия көздерін пайдалану жалпы мөлшердің 
1 пайызын құрайды. Гидравлика, күн, жел және биогаз сияқты баламалы қуат көздері қоршаған ортаға зиян тигізбейтінін білеміз. Енді, міне, ЭКСПО-да тәжірибе алмасуға келдік. Сонымен қатар, Мадагаскарда күн жылына 
2 800 сағат бойы шуағын шашып тұрады. Осыны тиімді пайдалану үшін күн панельдері көптеп орнатылып, электр қуатын өндіретін зауыттар салынып жатыр, – деді Роберт Рандрианирина.
Мадагаскар Республикасы Астанаға қандай ерекшеліктерін ала келгені көпшіліктің көкейін­де­гі маңызды сұрақ болып тұр­ды. Бұл ретте, делегацияның мүше­сі Руц Расимбарисон алдымен Мадагаскар әзірге гидроэлек­три­калық энергияны пайдаланып ке­ле жатқанын, уақыт өте келе «жа­сыл экономикаға» да көшу жоспарда тұрғанын мәлім етті.
– Көрменің басты тақырыбы «Болашақтың энергиясы» деп аталуының астарында көптеген ой жатыр. Баламалы энергия көздерін дамытумен қатар, энергетикадағы сапалы өзгерістер жолы, оны тасымалдау тәсілдеріне бүкіл әлем атсалысуы керек. Қазір Мадагаскарда қоқыс мәселесі үлкен қиындық тудырып отыр. Осыған байланысты біз сол тұрмыстық қал­дықтарды тиімді пайдаланып, энергия көзін алудың жолын таптық. Жаһан жұртшылығына ЭКСПО-2017 көрмесі арқылы осы ерекшелігімізді паш еткіміз келеді, – деді делегацияның мүшесі.
Мәдени бағдарлама барысында Мадагаскардың танымал «Tsienimparihy» музыкалық тобы өнер көрсетті. Бұл топ жиналған қауымды өз елінің өнерімен таныстырды. Олар «Jejy voatavo», «Djembe» секілді дәстүрлі аспаптарымен «Masakany manga/ripe mangoes», «Maitsokely/little green», «Zendana surprised» секілді туындыларын орындады.
Әр ел өзінің ұлттық құн­ды­лық­тарымен, салт-дәстүрімен ере­к­шеленеді. Малагасийлардың ұлттық киімі, қызылды-жасылды та­қиясы, сондай-ақ, жалаң аяқ жү­руі көпшілік назарын еріксіз ау­дартты. Ұлттық киімнің атауы – грофия. Айтуына қарағанда, ар­найы дайындалған матаны кептіріп барып, әзірленеді екен. Ал беліне жібек мата белбеу ре­тін­де тағылады. Аяқ киімсіз жүруі Ма­дагаскардың ауа райына тікелей байланысты. 
Мадагаскар – Африка құр­лы­ғының оңтүстік-шығысында, Үнді мұхитында орналасқан мемлекет. Әлемдегі аралдардың ішінде көлемі бойынша төртінші орында тұр. Аумағы 587,045 шаршы шақырымды құрайды. 26 маусым күні тәуелсіздігінің 57 жылдығы  аталып өтті.

СОҢҒЫ ЖАҢАЛЫҚТАР

15.08.2018

Қазақстан 2019 жылы 5G интернетке қол жеткізеді

15.08.2018

Мемлекет басшысы Италия Республикасының Президентіне көңіл айту жеделхатын жолдады

15.08.2018

Бақытжан Сағынтаев денсаулық сақтау саласын дамыту мәселелері жөнінде кеңес өткізді

15.08.2018

БҚО: Шалқар көлінде 4 адамды құтқарылды

15.08.2018

«Хат қоржын»

15.08.2018

Елбасы Парламент Сенатының төрағасы Қасым-Жомарт Тоқаевты қабылдады

15.08.2018

Сақтандыру шарттарын 2019 жылдан бастап онлайн режимде жасауға болады

15.08.2018

Түріктер «Қазақфильмнің» туындыларын көрсетпек

15.08.2018

Алдағы тәулікте күн суытады

15.08.2018

Астананың апорты

15.08.2018

«Егеменнің» қолдауымен «Ұлы Дала рухы» фотокөрмесі өтті

15.08.2018

Адам Пжегодскийдің Жетісудағы көпқырлы қызметі

15.08.2018

Қыркүйек айынан бастап «Астана-Теміртау» күре жолы ақылы болады

15.08.2018

Дәметкен Сүлейменованың «Жаһанша Досмұхамедов һәм қазақ автономиясы» кітабы жарық көрді

15.08.2018

Жазықсыз атылған жампоз

15.08.2018

Астананың білім беру мекемелерінің 45 басшысы тәртіптік жазаға тартылды

15.08.2018

Қарулы күштерінің сержанты ер-азаматқа лайық батылдық жасады

15.08.2018

Атыраудағы «КасХим» жылына 27 млн полипропилен мен полиэтилен шығарады

15.08.2018

Керекулік өрендер жазды ойдағыдай өткізуде

15.08.2018

Алексей Цой жеке қабылдауына жазылған азаматтармен кездесу өткізді

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

Әлисұлтан ҚҰЛАНБАЙ, «Егемен Қазақстан»

Бесінші саммит және Каспий «бестігі»

Кеше Ақтау қаласында Каспий маңы мем­лекеттері басшыларының Бесінші саммиті өтті. Аса маңызды халықаралық жиынға Қазақ­станның, Ресейдің, Әзербайжанның, Иранның және Түрікменстанның президенттері қатыс­ты. Тараптар Каспий теңізінің құқықтық мәрте­бесі, теңізде экономика, көлік-транзит, эколо­гия, қауіпсіздік және басқа да салалар бойын­ша ынтымақтастық орнату мәселелерін талқылады. 

Қорғанбек АМАНЖОЛ, «Егемен Қазақстан»

Шалдың баласы

Қазақ менталитетінің өзіне тән тағы бір ерекшелігін айқындап, бекзат болмысын ажарлап әмбе сақтап келе жатқан әдет-ғұрыптарының бірі отбасындағы үлкен баланы, әсіресе ұлдың тұңғышын ата-әжесінің бауырына салу дер едік. Ол атасының баласы болып өседі. Шалдың баласы құдайдың еркесі, оны ешкім бетінен қақпайды. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу