Кристиан Костов. Нағашысына тартқан жиен

Мамыражай көктемнің шуағына шомған қарт Днепрдің жағасы кешелі бері ән-думанға бөленіп жатыр. Талайдың бағын ашқан «Еurovision-2017» халықаралық ән байқауы Киев қаласында салтанатты түрде ашылды. Бүгін кешке бірінші жартылай финалда 18 қатысушы өзара бақ сынасады.
Егемен Қазақстан
09.05.2017 7263
2

Үміткерлердің арасында болгарлық Кристиан Костов та бар. Жас әншінің байқауға әзірлігін білмек мақсатында хабарласқан болатынбыз. Кристиан уақытының өте тығыз екеніне қарамастан, біздің сауалымызға жауап беруге тырысты.

– 2015 жылы Болгарияда өткен X FACTOR байқауында екінші орын алған едім. Осы себепті де төрешілер ESC 2017 конкурсына қатысуымды құп көрді. Болгар Ұлттық телевидениесі «Еurovision-2017» байқауына іріктеу жариялап, үміткер ретінде таныстырылдым. Бүгінде басым көпшілік өзінің білгенін айтып, білмегенімді үйретіп, көмектесіп жатыр. Жастығым менің – басты көзірім. Дегенмен «саған әлі тәжірибе керек» дейтіндер де жоқ емес,– дейді Кристиан.

Кристиан Костов 2000 жылы Мәскеу қаласында дүниеге келген. Кішкентайынан дарынымен көзге түскен балақайды ата-анасы Мәскеудегі атақты «Непоседы» балалар ансамбліне оқуға береді. 2012 жылы «Детская Новая Волна» халықаралық жасөспірімдер байқауына қатысуы оның өнер жолындағы жұлдызын жарқырата түсті. Дәл осы жылы Лина Арифулинаның «Школа музыки» балалар телевизиялық жобасына шақырту алған ол, байқауда Батырхан Шүкеновпен бірге өнер көрсетіп, көпшілік көзайымына айналды. Сол кезде оның жасы небәрі он екі жаста еді.

Отбасы туралы, анасының қазақ қызы екендігін естігенімізді айтып, жөн-жобасын сұрадық.

– Иә, менің анам Зәуреш қазақ қызы. Әкем мен анам Кеңес Одағы кезінде Мәскеуде институтта оқып жүргенде танысқан екен. Анам әкемді бір көргеннен ұнатып қалғандығын айтып отырады. Әкем Константин болса қазақстандық арудың жүрегін жаулап алғанына әлі күнге сене алар емес, – деп күледі Кристиан.

Осындайда «жігіттің жақсы болмағы – нағашыдан» деген мақалдың бекер айтылмағанын түсінесің. Оны «өнер мен өнегені үйреткен атам мен әжем» деп Кристианның өзі де қуаттайды.

– Бойымдағы өнер атамнан берілген деп айтсам артық айтпаған болар едім. Сіздер менің Сейфолла атамды көрсеңіздер ғой, жүрген жері думан, кез келген отырыстың жұлдызына айналады. Жалпы, біз отбасымызбен өнерге жақынбыз. Анам мен тәтем екеуі караокенің ханшайымдары. Менің кіші бауырларым – Арман мен София Мәскеудегі атақты В.С. Локтев ансамблінің хорында өнер көрсетеді, – деп ақтарыла сөйледі.

Кристиан Бостондағы Беркли музыкалық колледжіне оқуға қабылданған. «Еurovision» байқауына қатысуы себепті оқуға келесі жылдан бастап толық кіріспек. Шығармашылығы туралы сөз болған тұста, америкалық әнші Бруно Марс пен британдық Эд Ширанның өнерін үнемі назарда ұстайтындығын айтады. Ол Димаш Құдайбергеннің де есімімен таныс болып шықты. «Димаштың техникалық базасы мықты әрі маңдайы жарқыраған тенор» деп бағалаған Кристиан әншінің Франциядағы табысы үшін ерекше қуаныпты. Ал әжесі мен атасы туралы айтқан бір ауыз лепесінен жиеннің нағашы жұртына деген ілтипаты мен сүйіспеншілігін сезіндік.

– Өкінішке қарай, Қазақстанға бармағалы көп болды. Бірақ туыстарымыз Мәскеуге жиі келетіндіктен, олар бізбен бірге тұрады деп айтсам да болады. Әжем мені бесік жырымен өсірді. Ал атам маған ертелі-кеш тарих пен география пәндерін оқытты. Ол әлем картасы мен астаналарын көзін жұмып тұрып жатқа соғады. Олар маған жақындарымды сүюді, жақсы көруді үйретті,– дейді.

Ел газеті «Егемен Қазақстан» атынан хабарласып жатқанымызға алғысын білдірген Кристиан басылымға өзінің тілектес екенін жеткізді: 
«Хабардармын, бірер жылдан кейін ғасырлық мерейтойын тойлайтын іргелі басылым ғой. Журналистиканың озық үлгісін көрсетіп келе жатқан газет ұжымы мен басылым оқырмандарына барлық жақсылық атаулыны тілеймін». 

Ерке күннің қалықтаған ақ құсындай болған өрімдей өнерпаз Кристиан Костов «Beautiful mess» әнімен 11 мамыр күні екінші жартылай финалда өнер көрсетпек. Жүрек қылын шертетін мөлдір де тұнық дауысымен ән толқынына өзгеше леп әкелген нағашысына тартқан жиеннің ән әлеміндегі дүбірі түгесілмесін деп тілейік! 

Ая ӨМІРТАЙ, 
«Егемен Қазақстан»

СОҢҒЫ ЖАҢАЛЫҚТАР

25.03.2019

Арман ӘЛМЕНБЕТ. Көңіл қалтарыстарындағы үш сурет (этюдтар)

25.03.2019

Әсет Исекешев Елбасы Қорының Атқарушы директоры болып тағайындалды

25.03.2019

Елбасы Нұрсұлтан Назарбаев Түркия Республикасының бұрынғы президенті Абдулла Гүлмен телефон арқылы сөйлесті

25.03.2019

Ғ. Қойшыбаев Сыртқы істер министрінің орынбасары қызметінен босатылды

25.03.2019

Nur-sultan – жаңа дәуір символы

25.03.2019

Қызылордада жалпы білім беретін пәндер бойынша республикалық олимпиада басталды

25.03.2019

Таразда Астана атауын ауыстыруға байланысты акция өтті

25.03.2019

Елбасы Кеңсесінің құрылымдық бөлімшелерінің басшылары тағайындалды

25.03.2019

Илон Маск: Марста қалашық салына бастағанын көргім келеді

25.03.2019

«Алтын адам» Татарстан төрінде

25.03.2019

Атырауда «Елордамыз – Нұр-Сұлтан» атты мерекелік концерт өтті

25.03.2019

Мұғалжар ауданында аз қамтылған отбасыларға қаржылай сертификаттар берілді

25.03.2019

Ж. Қасымбек Батыс Қазақстан облысының көктемгі су тасқыны кезеңіне әзірлігін тексерді

25.03.2019

Дархан Кәлетаев Президент Әкімшілігі Басшысының бірінші орынбасары қызметіне тағайындалды

25.03.2019

Жалғыз райхан жәудіреп жазға қалды

25.03.2019

26 наурызда еліміздің бірқатар аймағында дауылды ескерту жарияланды

25.03.2019

Жастар жылы жөніндегі жол картасын іске асыру туралы баспасөз конференциясы өтеді

25.03.2019

Абдуллах Гүл: Нұрсұлтан Назарбаев – тұтас түркі әлемінің ақсақалы

25.03.2019

Тұңғыш Президенттің тарихтағы рөлі жоғары

25.03.2019

ҚР Президенті Қасым-Жомарт Тоқаевтың ұстанымдары (видео)

ТАҒЫ ЖҮКТЕУ
КОЛУМНИСТЕР

Айнаш ЕСАЛИ, «Егемен Қазақстан»

Etjeńdi balalar

Qoǵam kóz jumyp qaraı almaıtyn máse­lelerdiń basynda bala densaýlyǵy tur. Bú­gin­de mańaıymyzǵa zerdelep qaraıtyn bolsaq, tyǵynshyqtaı, tolyq jasóspirimder kó­beıe túsken. Semizdik – aýrý bolyp esep­teletindikten, qazirgi ýaqytta dıspanserlik esep­ke alynady. Sábı saýlyǵy ana qursaǵyna bit­­ken kúnnen bastap qalyptasatyndyǵyn al­dymen ata-anasy túsinýi qajet.

Amangeldi QURMET,

Igi bastama ult tanymymen úılesýi tıis

Keıde qazaq qoǵamyndaǵy oqıǵalar men qubylystarǵa nazar aýdarǵan kezde «Biz ózi­mizimdi ózimiz tolyq tanymaımyz-aý osy» degen oıǵa qalatynymyz bar. Árıne, qa­zaq ekenimizdi, bizdiń de tanym-túısigimiz, dúnıetanymymyz, ar­man-ańsarymyz, muraty­myz bar ekenin bilemiz. 

Арнұр АСҚАР, «Егемен Қазақстан»

Алты жасар Алпамыстың арманы не еді?

«Білесің бе, оқитын болсам тез өсіп, үлкен бастық болам. Оқуды да тез бітіремін. Тез келіншек аламын. Сосын менің он екі ұлым болады. Оның бірі колхоз бастығы, екіншісі агроном, үшіншісі мұғалім, бәрі де үлкен-үлкен бастық болады...»

Думан АНАШ, «Егемен Қазақстан»

Kúmis tostaǵandaǵy kóne álipbı

Kóne órkenıet oshaqtarynan urpaqqa mura bolyp qalǵan qundy dúnıelerdiń bi­ri – adamzattyń aqyl-oıyn taspalaǵan jazý­lar. Elbasy «Uly dalanyń jeti qyry» atty ma­qalasynda Esik qorymynan tabylǵan «Altyn adamnyń» janyndaǵy kúmis tosta­ǵan­dardyń birinde oıyp jazylǵan tańba­lar bar ekenin aıta kelip, «Bul – Ortalyq Azıa aýma­ǵynan buryn-sońdy tabylǵan jazý ataýlynyń ishindegi eń kónesi» degen bolatyn.

Жақсыбай САМРАТ, «Егемен Қазақстан»

«Jaqsy kitap – jan azyǵy»

Kitap oqıtyn jáne oqymaıtyn adamdardyń alshaqtyǵy árqashan kózge kórinip turady. Alǵashqylardyń oıy tereńdeý, tili sheshendeý bolsa, sońǵylardyń tili tutqyr, aýzynan sózi túsip turatynyn jıi kóresiz. Máseleni jaqsy bilip tursa da, ondaılar oıyn jetkize almaı, ábden qysylady.

ҰҚСАС ЖАҢАЛЫҚТАР

Тағы да оқу

Пікір қосу