Нағыз халықтық бағдарлама

Егемен Қазақстан
07.12.2016 81
stroykaҒаламдық экономикадағы қаржылық дағдарыстың екпіні алпауыт елдердің өзін әбігерге сала бастаған тұс еді. Әлем бойынша дамудың тың бағыттары түзіліп, жаңа экономикалық саясат қағидаттары жасалып жатты. Дәл осы кезде отандық экономикалық өркендеудің бағыттарын айқындайтын әрі сыртқы факторлардан туындайтын қатерлердің алдын алу мақсатында ұзақ мерзімді мемлекеттік бағдарлама қажеттігі күн тәртібіне шықты. Соның бірі – Елбасы Нұрсұлтан Назарбаевтың Қазақстан халқына арнаған Жолдауында жария етіліп, мемлекеттің дамуына ерекше үлес қосып отырған «Нұрлы жол» инфрақұрылымды дамытудың 2015-2019 жылдарға арналған мемлекеттік бағдарламасы осылайша өмірге келген болатын. «Нұрлы жол» бағдарламасы – жаһан­дық қатерлерден туындайтын сыртқы фак­торларға қарсы жауап қана емес, ішкі экономикалық өсімді қамтамасыз ету­ді көз­деген кешенді шаралардың бір­тұ­тас жиынтығы. Басты өзегі отандық инфра­құрылымды дамыту болып табы­ла­тын бағдарлама еліміздегі ұлттық идея – индус­трия­ландыру саясатымен де біте қайнасып жатыр. Сон­дай-ақ, әлеу­меттік жаңғырту бағытындағы ке­шенді ша­ралардың бағытын анықтап, отандастарымыздың лай­ықты өмір сүру­іне қажетті басымдықтарды айшық­тауға арналғандығымен де қызу қолдауға ие болды. Са­­рапшылардың пікірінше, әлеуметтік саладағы баспана­мен қамту, тұрғын үйлерді жаңғырту, көлік-жол инфра­құрылымын жақсарту бағыттары бойынша қолға алы­нған жұмыстарға жұрт риза. Және бұл жұмыстар оң нә­тижесін бере бастады. Негізінен, тиімді көліктік-логис­ти­­­калық инфра­құ­рылым құру, инду­с­три­я­­­- лық инфрақұрылымды жә­не туристік инфрақұрылымды дамыту, бірыңғай элек­тр энергиясы жүйесі шеңберінде энергетикалық инфра­құрылымды ны­ғайту, тұрғын үй-коммуналдық ша­руа­шылығының инфрақұрылымын және жылумен, су­мен жабдықтау мен су бұру желілерін жаңғырту, аза­маттар үшін тұрғын үйдің қол­жетімділігін арттыру, білім беру са­ла­сының инфрақұрылымын дамыту және кәсіпкерлік субъектілерінің бәсекеге қабілеттілігін же­тілдіру сияқ­­ты бірнеше сүбелі бағыттарды қам­титын мем­лекеттік бағ­дарламаның жү­­зеге асуы орта мерзімге жос­пар­лан­ға­нымен, жекелеген салаларда «Нұрлы жол­дың» ша­рапаты әзірден-ақ анық се­зіліп отыр. Мәселен, «Нұрлы жол» бағдарламасын жүзеге асы­ру­дың әлеуметтік бағыты бойынша тұрғындарды қол­же­тімді баспанамен қамтамасыз етуге қатысты ерекше тоқталуға болады. Бір ғана 2015 жылы бағдарлама аясында тұрғын үй салуға және сатып алуға 250 млрд теңге жұмсау жоспарланған екен. Бұл қаржыға құрылыс ком­панияларынан жалпы ауданы 1 483 мың шаршы метр болатын 29 мың пәтер сатып алу жоспарланған. Нә­ти­же­сінде, сол жылдың алты айы аралығында Астана, Алматы, Көкшетау, Семей, Қостанай қалаларында ауда­ны 76,5 мың шаршы метр болатын 1 357 пәтер пайдалануға берілген. Ал жыл бойына 78,7 млрд тең­геге жалпы ауданы 505,3 мың шаршы метр болатын 8 616 пәтер салынып, тұрғындардың баспаналы болуына жағдай жасалды. Яғни, тұрғын үй инфрақұрылымын ны­ғайту бағытында 2015-2016 жылдарға арналған жоба сәтті басталып, осы мақсатта Ұлттық қордан бөлінген 115 млрд теңге қаражат игеріліп жатыр деген сөз. Ал, «Нұрлы жол» бағдарламасы аясында 2016-2017 жыл­дар­ға жалдамалы тұрғын үй бойынша жоспар 324,1 мың шар­шы метрді, несиеге берілетін тұрғын үй бойынша жос­пар 366,9 мың шаршы метрді құрайды. Алдын ала есеп­теулер бойынша, биылғы жылы тапсырылуы тиіс ны­сандар бойынша жоспарлы 326 мың шаршы метрдің ор­нына 371,9 мың шаршы метр тұрғын үй салынып, межелі міндет артығымен орындалу үстінде. Нақтысы, еліміздің барлық өңірін қоса алғанда 26,8 мың шаршы метр тұрғын үй пайдалануға тапсырылып, 345,1 мың шаршы метр тұрғын үйдің құрылысы аяқталуға жақын. «Нұрлы жол» бағдарламасының тағы бір басым бағыты – кәсіпкерлік субъектілерін қолдауға арна­л­ған­дығымен құнды. Әсіресе, отандық кәсіпкерліктің даму­ын ынталандыру мақсатында жасалған жұмыстар ора­сан. Отандық брендті қалыптастыру мен жергілікті тауар өндірушілерді қолдау мақсатында қомақты қар­жы қарастырылған болатын. Мысалға, 2015 жы­лы «Нұрлы жол» бағдарламасы бойынша өңдеу өнер­кә­сібіндегі кәсіпкерлік субъектілеріне 100 млрд теңге мөл­шерінде жеңілдетілген несие берілсе, халықаралық қар­жы ұйым­да­ры­ның қатысуымен шағын және орта биз­нестің дамуына қажетті 155 млрд теңге мөл­ше­рінде несие тағы тартылған. Сол жылы жеңілдікті несие­леу шеңберінде жалпы сомасы 25,4 млрд теңге қа­рас­ты­рылып, түрлі деңгейдегі кәсіпкерлер ұсынған 129 жо­ба қаржыландырылған екен. Айтпақшы, «Нұрлы жол» бағ­дар­­ламасының халықтық сипатқа ие болып, әлеуметке етене жақындай түсуінің тағы бір мәні білім беру саласының инфрақұрылымын дамытуға айрықша маңыз берілгендігі болса керек. Білім саласының инфрақұрылымы дегенде есімізге үш ауысымды мектептер мен тозығы жеткен оқу ғимараттары түсетіні анық. Мемлекет басшысы Нұрсұлтан Назарбаев осы мәселеге айрықша мән беріп, 3 ауысымда оқыту мен апатты мектептердің проблемасын шешуді 2017 жылдың аяғына дейін толықтай ретке келтіруді қадап тапсырған болатын. Нәтижесінде, «Нұрлы жол» – дәл осы мәселенің шешімін табуға шындап кіріскен бағдарламаға айналды. Қазір Елбасының тапсырмасын іске асыру мақсатында Ұлттық қордан 62 млрд теңге бөлу көзделген. Оны игеру бағдарлама шеңберінде жүзеге асып жатыр. Мысалға, 2015 жылдың ішінде аймақтар бойынша бір мезетте 34 мектеп құрылысы аяқталып, пайдалануға берілген болатын. «Нұрлы жол» бағдарламасының нысаналы индикаторы ретінде қарастырылған шаралардың ішінде де әлеу­меттік дамуды ілгерілетуге арналған мақсаттар қойылған еді. Мәселен, 2019 жылы 2014 жылмен салыстырғанда ішк­і жалпы өнімнің 32,7 пайызға өсуін қамтамасыз ету ар­қылы әлеуметтік төлемдерді арттыру мен жаңа жұмыс орындарын ашу көзделген. Осы міндеттердің соңғысы бойынша, 2015-2019 жылдар аралығында 402,6 мың адам­ға арналған жұмыс орындарын құру, оның ішінде 94 мың адамды тұрақты жұмыспен және 308,6 мың адамды маусымдық қол еңбегімен қамту міндеті тұр. Түйіндей келгенде, инфрақұрылым­­ды дамытудың 2015-2019 жылдарға арнал­ған «Нұрлы жол» мемлекеттік бағ­дар­ламасы аясында жоспарланған мін­дет­тердің то­лығымен жүзеге асуы – елі­міз­де­гі жаңа экономикалық сая­саттың оң бағытта жүргізілуі мен нақты нәтижеге қол жеткізудің сәтті қадамы ретінде бағаланатын бола­ды. Оған қазірдің өзінде толық негіз бар. Мың сан мы­салд­ың бірен-саранын жоғарыда тіздік. Ендеше, қазан аузы жоғары... Қалмаханбет МҰҚАМЕТҚАЛИ, «Егемен Қазақстан»
СОҢҒЫ ЖАҢАЛЫҚТАР

20.08.2018

Жамбылда 250-ге тарта адам донорға мұқтаж

20.08.2018

2019 жылға тегін дәрі-дәрмектерді сатып алу басталды

20.08.2018

Зарина Дияс АҚШ-тағы турнирдің финалына шықты

20.08.2018

Рауан Кенжеханұлы «Нұр Отан» партиясы Төрағасының Бірінші орынбасарының кеңесшісі болып тағайындалды

20.08.2018

Ел мен жерді қадірлеуді өнерімен ұқтырып жүрген Александр

20.08.2018

«Ы.Алтын­сарин – ұлы педагог, ағартушы» атты көрме өтті

20.08.2018

Аялдамадағы  үш  азамат (әңгіме)

20.08.2018

Шымкентте Шәмші әндері әуеледі

20.08.2018

Қызылордада суға батқан жігітті құтқарды

20.08.2018

Көк­­шетауда тұңғыш элек­трондық кітапхана-коворкинг орта­лығы қызмет көрсетеді

20.08.2018

«Реал Мадрид» Испания чемпионатын жеңіспен бастады

20.08.2018

«Kazakh Tourism ҰК» ел аумағындағы ең биік 20 шыңға арнайы экспедиция ұйымдастырады

20.08.2018

Жайылма елді мекені диқандарының өсіріп жатқан қарбызының даңқы өрлеп тұр

20.08.2018

Ақтауда үздік тауар өндірушілер анықталды

20.08.2018

Азиада аламаны басталды

20.08.2018

Кемпірбай сыйға кенде емес

20.08.2018

«Қазақ әдебиеті», 1961 жыл»

20.08.2018

Тәкен және күй өнері

20.08.2018

Қазақстанның танымалдығы арта түсті

20.08.2018

Баянауылда туризм қалай өрістемек?

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Уикипедияның үйретері не?

Бүгінде адамдар қолдарына кітапты жиі ала бермейді. Оған себеп – интернет. Халық қажет деген мәліметтерді компью­терді ақтарып, уикипедиядан іздейді. Мұның өзі өскелең уақыттың талабы. Бі­­рақ сол ақпараттық технологияңыз уақыт­­тың талабымен үндескенімен, нақты ақпарат алып, тарихи шындыққа көз жет­кізгісі келген талғампаз адамдардың талабына сай келе бере ме? Міне, мәселенің осы жағына келгенде үлкен күмән туындай­тын тәрізді.

Қорғанбек АМАНЖОЛ, «Егемен Қазақстан»

Тілтолғақ пен тілтұтқа

Әлеуметтік желіден «Астана қаласы­ның қаракөз балдырғандары қазақша сөй­лемейтіні несі?» деген сыңайдағы сұрау­лы сөйлем, қобалжулы пікірді көзіміз шалып ойланып қалдық, қапаландық. 

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу