Нұрлан Әлімжанов: Өзім сомдаған барлық рөлдерді жақсы көремін

Егемен Қазақстан
30.11.2016 121
Тәуелсіздіктің ширек ғасырында отандық киноиндустриямыз да үлкен жетістікке жетті. Ауыз толтырып айтатын небір мықты фильмдер түсірілді. Соның ішінде Тұңғыш Президент Н.Назарбаев жайлы киноэпопеялық фильмдердің орны бір төбе. Біз Тұңғыш Президент күні қарсаңында Елбасы туралы түсірілген фильмдердің төрт бөлімінде басты рөлді сомдаған, Қазақстанның еңбек сіңірген қайраткері, актер, әнші, композитор Нұрлан Әлімжановпен әңгімелескен болатынбыз. – Нұрлан, әңгімені «Балалық шағымның аспаны» көркем фильмінде сізге қандай жауапкершілік жүктелгенінен бастасақ. Өз кейіпкеріңізді болашақ президент ретінде сезіну, болашақ президентті сомдаудың жауапкершілігі болды ма? – Мен Елбасымыздың бозбала шағы мен жастық кезіндегі бейнесін тура қайталай алмайтынымды саналы түрде білдім. Бірақ рөл тапсырылған сәттен бастап барынша көп ізденуге тырыстым. Ол кісінің өзі жазған кітаптарын оқыдым, ол туралы түсірілген деректі фильмдерді көріп, газет-журналдар мен кітаптарды оқып шықтым. Үлкен экранға шықпастан бұрын фильмді Елбасының өзі көретінін қаперде ұстадым. Болашақ президентті сомдаудың жауапкершілігі осы шығар. Ал болашақ президент ретінде сезіну деген мәселеге келсек, «Балалық шағымның аспаны фильмінде» басты кейіпкер тағдыр оған қандай сый дайындап тұрғаны белгісіз, ауылдан шыққан қарапайым ғана жігіт. Сондықтан, дәл осы фильмде болашақ президентті емес, білімге деген ұмтылысы, алға қойған мақсаты бар ауыл баласының бейнесін мүсіндеуге ұмтылдым. Бұл үшін көп тер төгуге тура келді. Камера алдында уыздай бозбала рөліне ену үшін спортзалдан шықпай 12 келіге дейін арықтадым. Қимыл-қозғалысымды, мінез-құлқымды барынша президенттің бозбала шағына ұқсатуға тырыстым. Тіпті, «Елбасы жолы» фильмдер циклының екінші, үшінші бөлімінде де кейіпкер сатылап өсіп отырады. Егер актер өзін іштей «президенттікке дайындап» қойса, бейне сәтті шықпас еді деп ойлаймын. – Осы «Отты өзен» және «Теміртау» фильмдеріне де сіз түстіңіз. Сізді Елбасыға сырт келбетіңіздің ұқсастығы үшін таңдады ма? – Жеке басым сырт келбетім Елбасыға қатты ұқсайды деп айта алмаймын. Мүмкін бет пішімімізде, маңдайымызда ұқсастықтар бар шығар. Осының өзі де әсер етуі мүмкін. Сондай-ақ, алғашқы фильмде Елбасының бозбала шағының бейнесін сәтті шығарды деп таңдауы да ғажап емес. Бірақ осы фильмдердің бәрінде бір адамды ғана сомдағаныммен, оның өмір жолының түрлі кезеңдері қамтылды. Бір фильмде бозбала, ал екінші, үшінші фильмдерде жігіт, азамат жасқа келген, ғашықтық ғаламатын бастан өткерген, қоғамдық жұмысқа араласқан Нұрсұлтанның рөлін шығаруым керек болды. Теміртау қаласында түсірілген осы екінші, үшінші фильмдер менің актерлік өмірімдегі өзгеше бір жаңалық десем, артық айтқандық емес. Өз көзіммен металлургтердің қарекетін көрдім. Елбасымыз неше жыл бойы темір балқытатын пештің, яғни, домна пешінің жанында тұрып жұмыс істеген ғой. Бұл пештердегі температура 2 мың градусқа дейін жетеді. Оның жанында тұрған адамның әрбір қадамы, қимыл-қозғалысы өте қырағы, сақ болуы қажет. Мүлт кетуге жол жоқ. 50-60-шы жылдарда бәрі қолмен жасалды емес пе? Сондықтан, мүлт кету өз өміріңе балта шабумен бірдей. Қазір металлургтердің жұмысы автоматтандырылған. Дегенмен, кәсіп бұдан қауіпсіз бола қоймаған екен. Домна пешінің жанында тұрып осыны өз көзіммен көрдім. Түсірілім біткен соң мен металлург жігіттердің барлығымен қимай, құшақтасып қоштастым. Олар рөлге енуім үшін көп көмектесті. – «Елбасы жолы» циклының төртінші бөлімі «Тығырықтан жол тапқан» фильмі туралы не айтасыз? – Бұл фильмде Мемлекет басшысының 1971-1977 жылдар аралығындағы өмір кезеңі бейнеледі. Саясатқа енді қадам басқан азаматты сомдадым. Әрине, бұл фильмнің де өзіне тән ерекшеліктері бар. Ұзақ дайындықпен түсірілді. Кино саласының жетекші мамандары жұмылдырылды. Ұзақ уақытқа дейін көпшіліктің есінде қалатын шығар деген ойдамын. – Ал осы фильмнің әрбір бөлімі түсіріліп біткен соң Президенттің тамашалайтыны, бағасын беретіні белгілі. Осы орайда адам ретінде Елбасының қандай жақсы қырларын байқай алдыңыз? – Нұрсұлтан Әбішұлы киноның әр бөлімін ерекше ықыласпен көрді деп айта аламын. Оң бағасын берді. Ол кісінің қарапайымдығын, аса еңбекқорлығын жеке өз басым үлгі тұттым. Киноның әр бөлімі аяқталған соң фильмге түскен әрбірімізбен емен-жарқын әңгімелесіп, дидарласып отырды. «Ханда қырық кісінің ақылы бар» деген сөздің растығын әр кездескен сайын түйсіндім десем артық айтпаймын. Жалпы, киноларға түсе жүріп, Елбасының рөлін сомдайды екем деген ой үш ұйықтасам түсіме кірген емес. Бұл да бір Алланың берген бағы шығар. Сондай-ақ, бұл басқа рөлдерімді маңызсыз санаймын деген де сөз емес. Өйткені, мен актермін. Өзім сомдаған барлық рөлдерді жақсы көремін. – Әңгімеңізге рахмет. Әңгімелескен Айгүл СЕЙІЛОВА, «Егемен Қазақстан»
СОҢҒЫ ЖАҢАЛЫҚТАР

21.01.2019

Мектеп түлегі «Болашақпен» оқи алады

21.01.2019

Шағын фермалардағы жоғарғы технология

21.01.2019

Қостанай облысы өткен жылы алғаш рет экспортқа мол ет шығарды

21.01.2019

Тереза Мэй Еуроодақтан шығуға байланысты қосымша жоспарын таныстырады

21.01.2019

Нұрсұлтан Назарбаев Зимбабве Республикасы Президентінің ресми сапары бойынша брифинг өткізді

21.01.2019

Қазақстанда соңғы 10 жылда нәрестелер өлімі-жітімі екі есе төмендеді

21.01.2019

Қарағандыда мамандандырылған фронт-офис ашылды

21.01.2019

Нұрлан НҰРҒАЛИЕВ: Ағам – мен үшін нағыз қаһарман!

21.01.2019

Әулиеатада денсаулық сақтау деңгейі жақсарып келеді

21.01.2019

Сыр өңірінің «Өлкетану» оқулығы әзірленді

21.01.2019

Қызылорда облысында экспорт көлемі артады

21.01.2019

Жылқының сүйек құрылымы

21.01.2019

Сәби өлімі неге көп?

21.01.2019

Алматылық студенттердің ішімдікті қаншалықты тұтынатыны зерттелді

21.01.2019

Б.Сағынтаев «Франция–Қазақстан» сауда-өнеркәсіптік палатасының өкілдерімен кездесу өткізді

21.01.2019

Ақтөбеде сегіз өзеннің арнасы тазаланып, тереңдетіледі

21.01.2019

Маңғыстауда шетелдіктер тастап кеткен кемелерді сатып алып жүр

21.01.2019

Әл-Фараби ауданына спорттық сауықтыру орталықтары қажет

21.01.2019

Қазақстанда қара және түрлі-түсті металды шетелге шығаруға тыйым салынды

21.01.2019

Қызылорда облысында 283 шетел азаматы әкімшілік жауапкершілікке тартылды

ТАҒЫ ЖҮКТЕУ
КОЛУМНИСТЕР

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

ҰҚСАС ЖАҢАЛЫҚТАР

Тағы да оқу

Пікір қосу