Он жеті оғланға обелиск орнатпақ

​Осыдан тура 22 жыл бұрын Тәжік-ауған аумағында ТМД елдерінің ішкі шекарасын күзетуде, үкімет тапсырмасын орындау барсында Ішкі әскердің 17 жауынгері ерлікпен қаза тапты.

11.04.2017 561

Осы орайда Қарағанды қаласында биылғы жылдың 7 сәуірінен бастап, 7 мамыр – Отан қорғаушылар мерекесіне дейін «Ерлік» атты айлық акция өтпек. 

Аталмыш акция облыс орталығындағы Жеңіс саябағында 1995 жылы 7 сәуірде тәжік-ауған шекарасында ерлікпен қаза тапқан 17 жауынгерге арналған «Ерлік күні» митингісінен бастау алады.  

Бүгінгі күні Қазақстан Республикасы Ұлттық ұланы «Орталық» өңірлік қолбасшылығының қолбасшысы, генерал-майор Еркін Ботақанов «Ардагерлер одағы» республикалық қоғамдық бірлестігінің Қарағанды филиалымен иықтаса, ерлікпен қаза тапқан батырларға арналған обелиск орнату жөнінде Қарағанды қаласының әкімшілігіне ұсыныспен шығып отыр. 

Тарихтан білетініміздей, халықаралық келісімге сәйкес, Ішкі әскердің, яғни қазіргі Ұлттық ұланның әскери қызметшілері 1993 жылдың маусымынан 1999 жылдың тамызына дейін тәжік-ауған шекарасын күзетуге қатысты. Осы жылдары кезекті ауысым түрі бойынша 20 құрама рота құрылып, 2 мыңнан астам сарбаз бен сардар жауынгерлік тапсырманы орындады. 1995 жылдың 7 сәуірінде Памир тауындағы Пшихавр шатқалында болған қарулы қақтығыс кезінде Ішкі әскердің 17 жауынгері ерлікпен қаза тауып, 33-і жараланған еді. 

Бұл сұрапыл шайқаста қарағандылық қаһарман, Жаңаарқа ауданы, Түгіскен ауылының тумасы Еркебұлан Мақажанов та ерлікпен қаза тапқан болатын. Еркебұлан Мақажановтың өшпес ерлігін ескере отырып, туған ауылында көше атауы беріліп, оқыған мектебі мен тұрған үйіне мемориалдық тақта орнатылды. 

Қазақстан Республикасы Жоғарғы Кеңесінің 1993 жылғы 15 сәуірдегі «Тәуелсіз Мемлекеттер Достастығының тәжік-ауған учаскесіндегі шекарасын қорғауды күшейту туралы» қаулысына сәйкес, жауынгерлік міндеттерін орындау кезінде өшпес ерліктің үлгісін көрсеткен Ұлттық ұланның әскери қызметшілері туралы айту бүгінгі жас ұрпақ үшін де, ертеңгі Отан қорғаушылар үшін де аса қажет іс. Есіл ерлерге орнатылмақ белгі де он жеті оғланды еске салып, боздақтарға тағзым яки құрмет болмақ.  Әрине, ешкім де, ешқашан да ұмытылмақ емес. Бұған дейін де Қазақстан Республикасы Ұлттық ұлан бас қолбасшысы және Астана әкімдігі бірлесе отырып, «Отан-Ана» монументі жанынан ерлікпен қаза тапқан 17 жауынгерге Аллея ашқан болатын, ал 2014 жылы обелиск орнатылды. Сонымен қоса, Қарағанды қаласында орналасқан Қазақстан Республикасы Ұлттық ұланы «Орталық» өңірлік қолбасшылығының ауласында жоғарыда аталған 17 сарбаздың есімдері алтын әріппен жазылған «Жауынгерлік Даңқ» мемориалы орнатылды.  

Жалпы, 1992-2001 жылдары тәжік-ауған шекарасы учаскесіндегі ТМД елдерінің шекарасын күзетудегі жауынгерлік әрекетке 9 мыңдай әскери қызметші қатысыпты. Шекарада қаруланған топтармен қақтығыс, заставаларға әртүрлі шабуылар, террорлық әрекет және диверсиялардың  нәтижесінде барлығы 43 казақстандық сарбаз қайтыс болса, 100-ден астамы жараланды. 

Кеншілер астанасында өтпек жоспарлы іc-шараға шаһар башылығы, мәслихат депутаттары, ҰҚК шекара қызметі, Қорғаныс министрлігінің «Астана» және Қазақстан Ұлттық ұланы «Орталық» өңірлік қолбасшылықтарының өкілдері мен бөлімдерінің жеке құрамдары, сонымен қоса, тәжік-ауған, ауған соғысының ардагерлері, патриоттық клуб оқушылары, облыстағы ЖОО студенттері, мектеп оқушылары қатыспақ.


Мирас АСАН,

«Егемен Қазақстан»

ҚАРАҒАНДЫ

СОҢҒЫ ЖАҢАЛЫҚТАР

29.04.2017

Сағынтаев Сауд Арабиясының министрі Халид Әл-Фалихпен кездесті

29.04.2017

Назарбаев қырғыз президентіне көңіл айту жеделхатын жолдады

29.04.2017

Жоғарғы Сот ұжымы жалпықалалық сенбілікке қатысты

29.04.2017

Елбасының «Болашаққа бағдар: рухани жаңғыру» мақаласы түрік тіліне аударылды

29.04.2017

Қызылорда облысының әкімі Қазақстан этносаясаты бойынша дәріс оқыды

29.04.2017

Қазақстан және Өзбекстан Президенттері «Caspian Food» жауапкершілігі шектеулі серіктестігіне барды

29.04.2017

Елбасы Өзбекстан президентімен кездесті

29.04.2017

Сенаторлар сенбілікке қатысты

29.04.2017

Назарбаев табиғат апатына байланысты Қырғызстан Президентіне көңіл айтты

29.04.2017

Қазақстан және Өзбекстан Президенттері «Caspian Food» жауапкершілігі шектеулі серіктестігіне барды

29.04.2017

Әуендер достыққа бастайды

29.04.2017

Қазақстан Президенті Өзбекстан Республикасының Президенті Шавкат Мирзиёевпен кездесті

29.04.2017

ОҚО-да тасқын судың алдын алу жұмыстары қарқынды жүргізілуде

29.04.2017

​Қыранның – бас, тұмсық, танау, көз, қанат-қауырсын сындары

29.04.2017

Қытайдағы қазақ жігіті Шыңжаң марафоншыларының көшін бастады

КОЛУМНИСТЕР

Жылқыбай ЖАҒЫПАРҰЛЫ, «Егемен Қазақстан»

Жол салсаң, мол сал

Санаулы күндерден кейін әлемдік деңгейдегі айтулы шаралардың бірі – ЭКСПО-2017 Халықаралық көр­ме­сінің де жалауы желбіремек. Яғ­ни, бас қала ел айнасы болса, жол-кө­лік инфрақұрылымы оның беделін арт­тыратын бренді болып табылады. Мемлекет басшысының елорданы одан әрі өркендету мәселесінде қа­ла­ның базалық инфрақұрылымын, оның ішінде қала жолдары мен жол ай­рықтарын барынша дамытуға үнемі ба­сымдық беріп келе жатқандығы да сон­дықтан.

Анар ТӨЛЕУХАНҚЫЗЫ, «Егемен Қазақстан»

Дәріге байланған ғұмыр

«Қазір еліміздегі донор жетіс­пеу­шілігі өте өткір мәселе. Бүгінде ал­мас­тырылған органның 90 пайызы ті­рі донорлардан алынады. Егер бұ­лай кете берсе, енді бір 20 жылда бір бүй­ректі ұлт атану қаупі барлығын жа­сыруға болмайды. Одан шығудың жо­лы қандай?

Қайрат ӘБІЛДИНОВ, «Егемен Қазақстан»

Көрменің көрігін спорт қыздырады

Ағымдағы жылдың 10 маусы­мында Астанада ЭКСПО-2017 ха­лық­аралық мамандандырылған көр­месі келушілерге айқара есік ашады. Күллі әлем көз тіккен көрменің өтетін мерзімі жақындаған сайын бойды толқыныс сезімінің билейтіні түсінікті жайт. Иә, «Қонақ аз отырып, көп сынайды». Әлемнің әр қиырынан ағылған меймандардың алдында жайылып жастық, иіліп төсек болу өз алдына, қолдағы барды көрсете білудің өзі өнер һәм зор міндет.

Зарема ШӘУКЕНОВА, ҰҒА корреспондент-мүшесі

Этностар мүддесі барынша қорғалған ел

Қазақстан заманауи өмірге, ха­лықаралық қоғамдастыққа се­німді түрде кірігіп отыр. Біз елі­міз­дің имиджін көтере отырып, ин­вестициялық және экспорттық әлеуетімізді, экономикамызды қа­р­қынды дамытуға баса назар ау­дарып келеміз. Осы саясаттың ар­қасында Қазақстан әлем мой­ын­даған елге айналды.

Гүлзейнеп Сәдірқызы, «Егемен Қазақстан»

Ең ауыр күнә

Ана құрсағындағы шара­на­ның 18 күнде жүрегі соғып, 8 апта­да айналасындағы тір­ші­л­ікті се­зе бастайды екен. Ал 12 апта­да саусағын сорып, ба­сын қимылдатады. Міне, сол кеу­де­сі­не жан бітіп, адам кейпіне келген шақалақ өзіне келе жатқан қау­іпті, жасалатын қиянатты сез­генде жиырылып қарсылық көр­сететін көрінеді. Демек, әйел ағ­­засында жүріп жатқан табиғи қа­лыпты күшпен бұзып, баланы жасанды жолмен алдыртып тас­тау әйел үшін құдай алдында күнә, адам алдында қылмыс де­се де болғандай. Өйткені, Ис­лам дінінде кісі өлтіру ең ауыр кү­нә болып есептеледі. Ал ана құр­са­ғындағы кеудесінде жаны бар шарананы кесіп, бөлшектеп алып тастау ауыр күнәға жатпай ма?..

Пікірлер(0)

Пікір қосу