Пәтер проблемасын кім шешеді?..

Қалалық тұрғындар күнделікті өмір­де мынадай жағдайды бастан өт­керіп жүр: ыстық судың шүмегін бұрасаңыз, ал­дымен бір-екі литр салқын су, содан соң барып ыстық су ағады... Босқа аққан есіл тіршілік нәрінің құнын ыстық су­дың бағасы бойынша шытырлатып тұ­рып қалтаңыздан төлейсіз. Күніне бір пәтердің өзінен жүздеген литр су осы­лайша рәсуа болып жатқан жоқ па? Обал-ай.
Егемен Қазақстан
16.05.2017 212

Осы жағдайды айтып пәтер ие­­лері кооперативіне хабарлассаңыз, су басқармасына немесе жылу-электр ор­­талықтарына сілтейді. Дәрменсіз. Бұл мәселені шешуге шама-шарқы жоқ. Онсыз да жұқарған жүйкеңді тозды­рып, амал жоқ, телефон тұтқасын алып ти­іс­­ті орындарға бір емес, бірнеше рет қо­­­ңырау соғуыңа тура келеді. Одан нә­ти­­же шықса жақсы-ау, шаршап-шал­ды­­ғып, күдеріңді үзіп, қолыңды бір-ақ сіл­тейтін сәттер де болады.

Жасырып керегі не, күнделікті өмірде көріп жүрміз, көп қабатты үйлердің тұрғындары балалары есіктен енгенше байыз таппай, алаңдап-елеңдеп отырады. Алаңдауға негіз бар. Өйткені, көп үйлерде лифт ескі. Кез келген сәтте істен шығып, жарты жолда тоқтап қалуы мүмкін. Лифтінің ішінде екі-үш сағаттап қамалып қалғандар да бар. Тіпті, лифтердің дұрыс жұ­мыс істемеуі салдарынан тұрғындар ме­рт болған жағдайлар да кездесті. Мұның бә­рі адамның жүйке жүйесіне әсер ететіні анық. Ата-аналар да балаларының жазым бо­лып қалмағанын ойлайды. Есік-терезеден қай­та-қайта қарап, алаңдап, елеңдеп отыра­тыны сол. Бұл – Қазақстанның көптеген қа­ла­ларындағы көп қабатты үйлердің тұр­ғындары күн сайын бастан өткеріп отырған жағдай. Осыны айтып пәтер иелері кооперативіне хабарлассаңыз, өздеріне шаң жуытпайды, лифт шаруашылығына ха­барласуға «кеңес береді». 

Біздің ойымызша, көп қабатты тұр­­ғын үйлердің осындай сансыз мә­се­ле­ле­рімен ПИК айналысуы тиіс. Өйт­ке­ні, тұр­ғындардың көбі жұмысбасты. Тау­сыл­­майтын коммуналдық мәселе­лер­мен шұғылдануға уақыты жоқ. Бұл пә­тер иелері кооперативтерінің күн сайын ти­я­­нақты жүргізетін әрі қадағалайтын жұ­мы­сы болуы керек деп ойлаймыз. Әлде олар тұрғындар тарапынан жиналатын қар­жыны ғана қадағалап, шөп басын сындыр­май отыра беруі керек пе? 

Осы тақырыпты журналистік зерттеу барысында мынадай бір жағдайға тап болдым. Бірнеше жұмыс беруші агенттіктердің сайттарын бір емес, бірнеше мәрте қара­дым, ешқайсысынан «ПИК төрағасы керек» дегенді кездестірмедім. «Басқарушы директор керек», «Коммерциялық директор қажет»... Мұнан басқа да лауазымды қызметтерге мамандарды шақырғанын байқадым, ал ПИК төрағасы қызметіне шақырып жатқан ешкім жоқ. Неге? Себебі, ПИК төрағасы деген ең бір жанға жай­лы жұмыс болып шықты. Өзі би, өзі қо­жа. Барлық ПИК төрағалары осындай де­геннен аулақпын, әрине. Бірақ, көбі кооперативтің жұмысын өз қалауынша жүр­гізеді. Олардан кооперативтің есеп-қи­сабы, кіріс-шығысы туралы ақпарат алу мүмкін емес. Керек десеңіз, көптеген кооперативте төраға мен бас бухгалтердің қанша айлық алатынының өзі құпия. Аз айлық алмайтыны аян. Айлығы шайлығына жетпей отырса, орнын оп-оңай босатып бере салар еді-ау. Бір ғана мысал. Астана қаласының әкімі Әсет Исекешевтің сайтына ПИК жұмысына қатысты түскен арыз-шағымдардың 70 пайызы пәтер иелері кооперативтерінде қаржылық ашықтықтың жоқтығына байланысты болған. Осының өзі көп нәрсені аңғартса керек.

Жұмысты жүргізе алмай отырған төрағаларды орнын ысыру үшін ақ тер, көк тер болуға тура келетініне сенімдімін. Өйткені, олардың «өліспей-беріспейтіні» анық. Төрағалық орын майшелпек болғ­ан­­дықтан босатқысы келмейді. Оны ор­ны­нан алу үшін тұрғындарды жинап, жаңа сайлау өткізу керек. Бұл да әуре-сарсаңы көп жұмыс. Тіпті, тұрғындар жа­ңа төраға сайлаған күннің өзінде «ескі» тө­рағалардың орнын босатпай, сотқа жү­гініп, дау-дамайға ұласып жатқан жағ­дай­­лар кейбір қалаларда кездесіп отыр. 

Жалпы, қай қалада болсын пәтер иелері кооперативтерінің жұмысын жақсарту күн тәртібіндегі өзекті мәселелердің бірі екені анық. Негізі ПИК-тердің жұ­мы­сын реттейтін тиісті заңнамалық құ­жа­т­тар бар. Соған сәйкес, жергілікті ат­қарушы би­­ліктің «құлашын кең сермеу­ге» мүм­кін­­дігі жоқ. Заңнама бойынша қор­да­ла­н­ған мәселелерді шешу – тұр­ғын­дар­дың өз­дерінің құзырында. Бірақ, соған қа­ра­мас­тан, Астана қаласының әкімдігі ПИК-тер­дің жұмысын жақсартуды мықтап қолға алып отыр. Қазірдің өзінде Астана қаласында 419 ПИК тіркелген екен. Бұл кооперативтер 2,5 мыңға жуық көп қабатты үйлердің тұрғындарына қызмет көрсетеді. Алдағы уақытта ПИК қатары тағы да артатыны анық. Өйткені, жаңадан салынып жат­қан тұрғын үйлер көп. Сондықтан, Астанада коммуналдық мәселелер көбей­ме­се азаймайтыны сөзсіз. Осыны ескерген болуы керек, Астана қаласының әкім­ді­гі елорданы дамытудың 2020 жылға дей­ін­гі дамыту бағдарламасы аясында «Элек­трон­ды пәтер иелері кооперативін» қолға алып отыр. Мұның артықшылығы неде? Біріншіден, ПИК-тердің жұмысына байланысты барлық ақпарат қолжетімді болады. ПИК пен тұрғындар арасында тікелей байланыс портал арқылы жүзеге асады. Тіпті керек десеңіз, тұрғын үй және коммуналдық мәселелерге, ПИК-тердің жұ­мысына байланысты қанша арыз-шағым түс­ті, оның орындалуы қалай, осының бә­рін әкімдіктің тиісті құрылымдары қа­да­ғалап, сараптама жасай алады.

Ғалым Омархан,
«Егемен Қазақстан»

СОҢҒЫ ЖАҢАЛЫҚТАР

20.01.2018

Татар инженерлері «көшпелі қонақүй» ойлап тапты

20.01.2018

Ертең еліміздің басым бөлігінде күн ашық болады

20.01.2018

Қауіпсіздік Кеңесінің отырысына «Болашақ» бағдарламасымен АҚШ-та оқып жатқан студенттер қатысты

20.01.2018

Алматыда автобус ағашқа соғылып, 8 адам жарақат алды

20.01.2018

Қысқы Олимпиадаға Шығыс Қазақстаннан қанша спортшы қатысады?

20.01.2018

Астана тұрғын үй құрылысына тартылған инвестициялардың көлемі бойынша көш бастап тұр

20.01.2018

Орталық Азия елдері Қазақстанның БҰҰ Қауіпсіздік Кеңесінің төрағалық ету жұмыстарына жоғары баға берді

20.01.2018

Франция үкіметі қазақстандық студенттерге 100 стипендия қарастырып отыр – Франция елшісі

20.01.2018

БҰҰ ҚК-де Терроризмнен азат әлемге қол жеткізу тәртібі кодексінің жобасы таныстырылды

20.01.2018

ІІМ: Ақтөбедегі автобус өрті қауіпсіздік шараларын сақтамағаннан болған

20.01.2018

Желаяқ Элина Михина «Altay Athletics» клубымен келісімшартқа отырды

20.01.2018

Өскеменде құқық қорғаушылар бір айда 200-ден астам тұрғынға қызмет көрсетті

20.01.2018

Алматыда балалар психикасын нығайтуға бағытталған конференция өтті

20.01.2018

Оралда 276 пәтерлік көпқабатты екі үй пайдалануға берілді

20.01.2018

Сыр өңірі Татарстан Республикасымен өзара әріптестік туралы меморандумдарға қол қойды

20.01.2018

Бауыржан Жолшиев «Астана» футбол клубының Дубайдағы оқу-жаттығу жиынына қосылды

19.01.2018

"Мұзбалақ" көркем анимациялық фильмінің трейлері жарияланды

19.01.2018

Астана әкімі алдағы аязды күндерге байланысты қауіпсіздік шараларына назар аударуға шақырды

19.01.2018

Өзбекстан тарапы автобус өрті кезінде көмектескен Қазақстанға алғыс айтты

19.01.2018

Қазақстанда алдағы күндері 40-45 градус аяз болады

ТАҒЫ ЖҮКТЕУ
КОЛУМНИСТЕР

Дархан ӨМІРБЕК, «Егемен Қазақстан»

Сөз еркіндігі және балама пікірге төзімділік

АҚШ-та білім алып жүргенімізде екі апта бойы сөз бостандығы абсолют­тік болуы тиіс пе деген тақырыпты тал­қыладық. 

Сұңғат ӘЛІПБАЙ, «Егемен Қазақстан»

Ғажайып жаңалықтар

Заманауи экономиканың дамуы адамзатқа орасан зор жаңа мүмкіндіктер ұсынатындығын, соған сай экономиканың кейбір дәстүрлі салаларының түбегейлі өзгеріске түсетінін қазірдің өзінде байқауға болады. Тек бір ғана ауыл шаруашылығын алып қарайықшы.

Қорғанбек АМАНЖОЛ, «Егемен Қазақстан»

Қайдасың, менің ертегім?!

Алпысыншы жылдардың басында мектеп табалдырығын аттаған біздің толқынның бала қиялын баураған ғажап – қазақтың ертегілері мен батырлар жыры еді-ау. Сол кезде сол бір ғажайыптар әлемінен санамызға сің­ген сансыз суреттер бұл күнде сағындырып, сабырымызды сарқып ішкендей болады. Сондағы небір керемет сиқырларды көруге көңіл ынтығып, көкірек көзі құмартып, құштарлана ашылғандай күйге енеті­німіз бар.

Дархан ҚЫДЫРӘЛІ, «Егемен Қазақстан»

Тажалды тізгіндеудегі байыпты бітімгерлік

Вашингтондағы кездесулер жоғары деңгейде өтті. Әлемнің белді, белгілі ақпарат құралдары да ол туралы жарыса жазуда. Маңызды кездесулердің өзекті тұсы – Қазақстанның ядролық қаруды таратпау жөніндегі табанды ұстанымы мен байыпты қызметін жоғары бағалау болды. Бұл іс жүзінде Елбасы Нұрсұлтан Назарбаевтың жаһандық бейбітшілікті сақтау мақсатындағы жеке бастамалары мен осы бағыттағы қажырлы қызметіне, әлем­дік деңгейдегі қайраткерлік болмысы­на берілген баға деп пайымдаймыз. 

Бақытгүл САЛЫХОВА, педагогика ғылымдарының кандидаты

Тілді кез келген жаста үйренуге болады

Әлемде қанша тіл болса, адам сол тілдерді үйренуге ұмтыла береді жә­не бұл қызығушылық ешқашан тоқ­тамайды. Әрине кейде бір тіл басқаларына қарағанда маңызды, танымал, оңай, әдемі болып көрі­нуі мүмкін. Дегенмен адамның қы­зығушылығы мен сүйіспеншілігі ой­ға келмеген тілдерді де үйренуге жетелейді.

Тағы да оқу

Пікірлер(0)

Пікір қосу