Президенттік басқару институтының тиімділігі қандай?

Осыдан тура 27 жыл бұрын Қазақстанда президенттік басқару институты енгізілді. Осы жылдарда Елбасы Н.Назарбаевтың бірден-бір дұрыс басқару жолын таңдағанын өмірдің өзі көрсетіп берді. Президенттік басқару институты саяси-экономикалық дамудың қозғаушы күші, қоғамды топтастырудың қуатты діңгегі болды.
Егемен Қазақстан
25.04.2017 2872
2

Кеше Қазақстан Республикасы Тұңғыш Президенті – Елбасы Н.Назарбаев кітапханасында осы мәселеге арналған «Прези­дент­­тік институт – Қазақ­стан Рес­пуб­ликасындағы мемлекет­тілік­тің негізі» атты дөңгелек үстел болып өтті. Оны кітапхана дирек­­торының орынбасары Бей­сем­бай Жұмабеков ашып, жүр­гізіп отырды. Өзінің кіріс­пе сөзін­де ол еліміздің табыс­ты мем­­лекетке айналуы – прези­дент­тік басқару институтын таңдап алған Елбасымыздың көреген сая­сатының арқасы екенін атады. Пре­зидент елімізде дінаралық және конфессияаралық келі­сім­дерді орната отырып, қазақ­стан­дықтарды бір мақсаттың жолына топтастыра білді, деді ол.

Дөңгелек үстелде негізгі баян­даманың бірін Президент жанын­дағы Мемлекеттік басқару ака­демиясының профессоры Зинаида Федотова жасады. Ол еліміздегі президенттік басқару институтының қалыптасуы мен тиімділігі, тәуелсіз Қазақстанды дамытудың күрделі және жауап­ты кезеңдері туралы айтып берді. «Қазақстан президенттік басқару үлгісінде қалыптасудың және дамудың табысты жолынан өтті. Жас мемлекеттің аяққа нық тұруы және нығаю жылдарында, дағдарысқа қарсы реформалар мен барлық қоғамдық салаларды жаңғырту кезеңдерінде мық­ты президенттік билік айрық­ша қажет еді. Бүгінгі таңда Қазақ­стан жаңғырудың жаңа кезең­дері­­не қадам басқандықтан мем­ле­­кет­­­тілікті нығайту, демо­кра­тия­ны одан әрі дамыту мәсе­лесі өзек­ті. Қазақстандағы прези­дент­тік институт уақыт сынынан өтіп, саяси тұрақтылық пен қа­рыш­­ты экономикалық дамуды қам­­та­­масыз етті», деді ол өзінің сөзінде.

Тәуелсіз Қазақстанның тұң­ғыш Сыртқы істер министрі бол­ған Төлеутай Сүлейменов өзі­нің сөзін негізінен министр­лік­тің қалыптасуы мен дамуына арна­ды. Қай күнде ізашарларға бәрі де қиын болады ғой, біз де соны бастан кештік. Тек хат­­та­малық қағаздар толтыру­мен ғана айналысқан оншақты маман­нан ғана тұратын министр­лікті тәуелсіз елдің дербес дип­ломатиялық құрылымына айнал­дыру оңай болған жоқ. КСРО Сыртқы істер министрлігінің құры­лым­дарында қызмет істеп жүр­ген 22 қазақ­стандықты шақы­рып, алыс-жақын шет елдермен дипломатиялық жұмыстарды жүргізуде солардың тәжірибесі мен білімдерін пайдаландық.

«Елбасы Н.Назарбаев өзінің «Қазақстан жолы» кітабында мемлекеттік қызметтің маңызды са­ласы – дипломатиялық жұ­мыс­тарды тақыр жерден бастауға тура келгенін атап өткен. Бізге әуелі Қазақстанның эко­номи­калық әлеуетінің, геосаяси ор­на­­ласуының талдауын жасап, еліміздің халықаралық қарым-қатынастардағы рөлін және орнын анықтау талап етілді. Дипломатиялық мүмкіншіліктер арқылы еліміздің ішкі дамуы­на қолайлы жағдайлар қалыптас­тыру мәселесі алға қойылды. Осындай талаптарды орындай отырып, біз жалпы тұрақтылықты және қауіпсіздікті нығайтуға, өзара тиімді ықпалдастықты дамытуға бағытталған сыртқы саясат қалыптастырдық. Біз­дің дипломатияның негізгі қағи­да­лары белсенділік, теңгерімділік, прагматизм, конструктивті үн­қатысу және жан-жақты ықпал­дастық», деді өзінің сөзінде Төлеутай Сүлейменов.

Президент жанындағы Қазақстанның Стратегиялық зерттеулер институтының дирек­торы Зарема Шаукенова Елбасы Н.Назарбаевтың «Болашаққа бағдар: рухани жаңғыру» бағ­дар­ламалық мақала­сында­ғы талаптарға тоқталып, олар тәуел­сіз мемлекеттің эволю­ция­­лық өсу жолындағы сананы жаң­ғырту ісінде маңызды рөл ат­қара­тындығын атап өтті. Соның ішінде қазақ тілі жазуының латын әліпбиіне көшуі басқа ха­лық­тардың мүддесіне қол сұқ­пайтындығын жеткізді.

Л.Н.Гумилев атындағы Еура­зия ұлттық университетінің профессоры Наталья Кала­ш­никова өзінің сөзінде қазіргі мем­лекеттердің дамуы – тиімді­лігі мықты, жауапты және креативті ұлттық көшбасшыларға байла­ныс­ты екенін айта келіп, Н.Назарбаевтың нақ сондай тұл­ға екенін айтты. Ал Елбасы кітапханасының жетекші ғылы­ми қызметкері, профессор Ғазиз Телебаев өзінің сөзінде Ел­ба­сының бастамасымен қол­ға алынған «Мәңгілік Ел» идея­сы­ның маңыздылығына тоқ­тал­ды. «Мәңгілік Ел» Патриот­тық актісінің аясындағы жалпы­ұлт­тық бірегейлікті қалыптастыру бірқатар жылдарға созылатын шаруа, оны кезең-кезеңмен атқар­ған жөн. Ең бастысы – біре­гейлікті қалыптастыру қоғам­дық сананың жаңғыруын талап етеді. Елбасы «Болашаққа бағдар: рухани жаңғыру» бағдарламалық мақаласында бұл туралы маз­мұнды пікірлер айтқан», деп атап өтті ол.

Дөңгелек үстел жұмысының қорытындысы бойынша қарар қа­был­данды және жасалған баян­дамалар жеке жинақ бо­лып жарыққа шығатындығы айтылды.

Дөңгелек үстелдің жұмысына ҒЗИ мен орталықтардың, Мемлекеттік басқару академия­сы мен көптеген ЖОО-лар­дың профессорлық-оқытушылар құра­­мы­ның өкілдері, әлеуметтік-сая­­си дамудың сарапшылары, Конс­­ти­туциялық Кеңес мүшелері мен Парламент депутаттары қатысты.

Дөңгелек үстел өз жұмысын аяқтаған соң жиналғандар үшін осы ғимаратта «Дәуір тоғысында» атты көрме ұсынылды. Онда прези­денттік институттың қалып­тасуы мен даму жол­дары тарихи құжаттармен, фото­сурет­термен, кітаптармен және басқа да жәдігерлермен кеңі­нен таныстырылды. Соның ішін­де Президент Н.Назарбаевқа шетел­дік мемлекет басшылары мен де­легациялардан сыйға тартылған бұйымдар, сыйкәделер, тарихи жәдігерлер және т.б. болды.

Жақсыбай Самрат,

«Егемен Қазақстан»



СОҢҒЫ ЖАҢАЛЫҚТАР

17.01.2019

Жамбылда экономиканың барлық салаларында 4-5 пайыз өсім бар

17.01.2019

Станимир Стоилов ұлттық құрамадан кетті

17.01.2019

19 қаңтарда Оралда 14 ойықта суға түседі

17.01.2019

Маңғыстауда «Қошқар-Ата» қалдық қоймасына қатысты жұмыстары тұрақты жүргізіліп келеді

17.01.2019

Жаңадан ашылған ауданға жастар оралып жатыр

17.01.2019

«Егемен» жазған мақала сенатор сауалына арқау болды

17.01.2019

«Батыс» өңірлік қолбасшылығында сержанттар кеңесі өтті

17.01.2019

113 мыңнан астам отбасы тұрғын үй жағдайын жақсартты - Қ.Өскенбаев 

17.01.2019

Шымбұлақта фристайлдан әлем кубогі өтеді

17.01.2019

Атырау облысында екпе алмаған балалар қызылшаға шалдығып жатыр

17.01.2019

Алматыдағы Баум тоғайы түрлене түспек

17.01.2019

Бокстан Қазақстан әйелдер құрамасы Сербиядағы турнирді сәтті бастады

17.01.2019

Талдықорғанда «ақылды» аялдама салынып жатыр

17.01.2019

Қазақстандық теннисшілер жұбы екінші кезеңге шықты

17.01.2019

Галышева мен Рейхерд АҚШ-тағы әлем кубогі кезеңінде бақ сынайды

17.01.2019

Шайбалы хоккейден әйелдер құрамасы әлемдік сынның финалына өтті

17.01.2019

Батыс Қазақстан ТЖД 17 күнде 43 SMS-хабарлама таратты

17.01.2019

 Қостанайда 867 үкіметтік емес ұйымның 586-ы жұмыс істейді

17.01.2019

ТҮҚЖБ-ның әр төртінші заемы «Нұрлы жер» бағдарламасы бойынша берілген

17.01.2019

Батыс Қазақстанда 256 мемлекеттік қызметкердің орны бос тұр

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

ҰҚСАС ЖАҢАЛЫҚТАР

Тағы да оқу

Пікір қосу