Қабілетті ұл-қызды қанаттандырған фестиваль

Дәл осы өнер додасын мүмкіндігі шектеулі бүлдіршіндердің шектеусіз мүмкіндігі десек те болады. Соңғы жылдары ұйымдастырылып жүрген республикалық «Жұлдызай» мүмкіндігі шектеулі балалар шығармашылығының фестивалі елдің түкпір-түкпіріндегі талай қабілетті ұл-қызды қанаттандырды. Өмірге деген, өнерге деген құштарлығын өсірді.
Егемен Қазақстан
11.04.2017 1157
2

Енді сәуірдің алғашқы аптасынан бастап жаңа жұлдыздарын табуға асыққан XII республикалық «Жұлдызай-2017» фестивалі жаңа қадамға барып отыр.

Біріншіден, биыл алғаш рет Алматы қаласының бас сахнасы – Республика сарайында фес­­тивальдің финалы мен гала-концерті өтеді. Өйткені, биыл қала әкімдігі жобаның бас серік­тесі болды. Бұған дейін дәс­­түр­лі фестиваль елордамыз Ас­та­нада өтіп келген-ді. Және бі­рін­ші рет фестиваль жеке­мен­­шік-мемлекеттік форматта ұйым­дас­тырылмақ.

Оған қоса, қазылар алқасы үстіміздегі жылдың 4 сәуірінен бастап жер жерлерде іріктеу турларын өткізу үшін еліміздің 16 қаласын аралап шығады. Бұлар – Астана, Алматы, Талдықорған, Шымкент, Тараз, Қызылорда, Аты­рау, Ақтау, Ақтөбе, Орал, Өске­мен, Павлодар, Көкшетау, Петропавл, Қостанай, Қарағанды қалалары.

Осы жылғы жобаның тағы бір ерекшелігі – ерекше балаларға арналған I республикалық спартакиада фестивальмен қатар бас­талады. Мини-футбол, үстел теннисі, жеңіл атлетика және асық ату сынды спорт түрлерінің жеңімпаздары Алматы қаласында өтетін жарысқа келеді. Сонымен, 2017 жылдың 26 мамыры мен 1 маусымы аралығына белгіленген спартакиада мен гала-концертке 10-18 жас аралығындағы 700-ге жуық бала қатысады деп күтілуде.

Журналистермен өткен бас­пасөз мәслихаты кезінде биыл жас дарындарды іріктеу вокал, ымдау, аспаптық орындау, хореография, бейнелеу және сәндік-қолданбалы өнер түрлері бойын­ша өтетіндігі мәлім болды. Әрине, бұл сыннан өткен балаларды келесі кезекте Алма­тының бас сахнасында өнер көр­сету, шеберлік дәрістері, экс­кур­сиялар, көрмелер, танымал өнер­паздармен кездесу және тамаша мерекелік көңіл-күй күтіп тұр.

Біз жоғарыда биыл бірінші рет «Жұлдызай» фестивалі жеке­меншік-мемлекеттік тұр­ғыда өткелі отырғанын айттық. Яғни, фестивальдің гала-кон­церті мен жүлде қорын және бренд­телген киімдермен қамта­масыз етуді BI Group компания­сы тағы да мойнына алды. Оның үстіне биыл жеңімпаздарға бері­летін жүлде қоры екі есеге көбейтіліп, 30 миллион теңгеге жетіп отыр.

– «Жұлдызай» фестивалі − ерекше талап-мұқтаждықтары бар балалар үшін аса маңызды шара. Ерекше туған таланттар шығармашылық қабілетін, спорттық машығын дамыта алады. Алматының көрікті жерлерін өз көздерімен көреді. Өздеріндей балалармен араласып, дос табады. Танымал өнер адамдарымен дидарласады. Биыл біз де осы фестивальға қолдау көрсетуге шешім қабылдадық. Және мүм­кіндігі шектеулі балалар арасында өтетін спартакиадаға ұлттық спорт түрін қостық. Фестиваль балаларға ұнау үшін барымызды салып жатырмыз, – дейді Алматы қаласы денешынықтыру және спорт басқармасының басшысы Әбіл Донбаев.

BI Group компаниясының «МЖК-Алматы» дивизионының бас директоры Айдос Мұқатаев «BI-Жұлдызай» қорына компа­нияның қызметкерлері 11 жылдан бері ерікті түрде қаражат аударып отырғанын айтады. Аталмыш компанияның қызмет­керлері қазір Қазақстан мен ТМД елдеріндегі 85 құрылыс нысанында жұмыс істеп жатыр. Осы арада қанатсыз құстай кішкентай дарындардың сахнаға шығып, оған қоса сал ауруына ұшыраған (ДЦП) балалардың еміне осы компанияның жұмысшылары септесіп келе жатқанын айту ләзім. Аталмыш компания биыл алғаш рет Алматы қаласы әкім­дігімен бірігіп, фестивальді ауқым­ды деңгейге көтере алған­дары үшін қуанышты.

– Осы фестивальді ұйым­дастырып жүргенімізге он жылдан асты. Біздің жобаға қа­тыс­қан балалардың көпшілігі өмірден жолын тауып кеткеніне қуанамыз. Бірақ біздің көзде­геніміз – дарынды балаларды танытып қана қоймай, өзіне деген сенімді ояту. Осы фестивальдің арқасында көзге түскен талай талантты жеткіншек жоғары оқу орындарына түсті. Олар өз­дерінде жігер мен қабілет бар екендеріне көздері жетті. Ең бас­тысы, «Жұлдызай» фестиваліне қатысқысы келетін ұл-қыздардың саны жыл сайын көбейіп келеді. Мүмкіндігі шектеулі балалардың өмірге деген құлшынысын оятуға қол жеткізе алғанымыз үшін қуа­намыз, – дейді «BI-Жұл­дызай» фестивалі директорының орынбасары Алтынай Тәңірбергенова.

Сонымен, «Жұлдызай» рес­публикалық фестивалі дәс­түр бойынша 1 маусымда – Халық­аралық балаларды қор­ғау күнінде үлкен концертпен аяқталмақ. Осы жылы фести­вальдің басты алаңы – Алматы қаласындағы Республика сарайы болады.

Осы арада «Жұлдызай» фес­тивалі Білім және ғылым ми­нистрлігі, облыстық білім беру басқармаларының қолдауымен 2005 жылдан бері үздіксіз өтіп келе жатқанын айтуға болады.

Фестивальдің 11 жылдық тарихында оған Қазақстанның түкпір-түкпірінен 36 мыңнан астам бала қатысқан. 7 мыңға жуық бала елордамыздың ең танымал сахналарында өнер көрсетті. Олардың көпшілігі осы жобаны іске асыру нәтижесінде еліміздің шығармашылық жоғары оқу орындарына қабылданған.

Айнаш ЕСАЛИ,

«Егемен Қазақстан»

АЛМАТЫ



СОҢҒЫ ЖАҢАЛЫҚТАР

22.01.2019

Ұлттық бірыңғай тестілеуді жылына төрт рет тапсырады

22.01.2019

Бюджет жобалары артық шығынды көтермейді

22.01.2019

Тарихи-мәдени мұра – баға жетпес қазына

22.01.2019

Қоғам жаңғырмай, сана жаңғырмайды

22.01.2019

Суармалы алқаптар қалпына келтірілуде

22.01.2019

Білімді азаматтар жемқорлыққа неге жол береді?

22.01.2019

Өзара ынтымақтастық мәселелері талқыланды

22.01.2019

Сапалы жолды сақтаудың әлегі

21.01.2019

Мектеп түлегі «Болашақпен» оқи алады

21.01.2019

Шағын фермалардағы жоғарғы технология

21.01.2019

Қостанай облысы өткен жылы алғаш рет экспортқа мол ет шығарды

21.01.2019

Тереза Мэй Еуроодақтан шығуға байланысты қосымша жоспарын таныстырады

21.01.2019

Нұрсұлтан Назарбаев Зимбабве Республикасы Президентінің ресми сапары бойынша брифинг өткізді

21.01.2019

Қазақстанда соңғы 10 жылда нәрестелер өлімі-жітімі екі есе төмендеді

21.01.2019

Қарағандыда мамандандырылған фронт-офис ашылды

21.01.2019

Нұрлан НҰРҒАЛИЕВ: Ағам – мен үшін нағыз қаһарман!

21.01.2019

Әулиеатада денсаулық сақтау деңгейі жақсарып келеді

21.01.2019

Сыр өңірінің «Өлкетану» оқулығы әзірленді

21.01.2019

Қызылорда облысында экспорт көлемі артады

21.01.2019

Жылқының сүйек құрылымы

ТАҒЫ ЖҮКТЕУ
КОЛУМНИСТЕР

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

ҰҚСАС ЖАҢАЛЫҚТАР

Тағы да оқу

Пікір қосу