Қайтқан капитаннан қайыр бар ма?

​​​​​​​Былтырғы Рио Олимпиадасында да 69 кило бойын қуалай жалғасқан алтын арқау үзілген жоқ. Бұл жолғы ұрпақтар сабақтастығын Данияр Елеусінов сәтті жалғастырды. Жалпы, спортшы атаулының спорт үйірмесіне жазылған сәтінен бастап, әрбір тер төккен жаттығуы мен барған үлкенді-кішілі жарыстар бойына есінен бір шықпайтын, көкейінен қуса да кетпейтін бір арман болса, ол осы – Олимп шыңы.
Егемен Қазақстан
24.07.2017 3405
2

Данияр сол жетістікке жетті. Жеткенде де әуесқой боксшы алуы тиіс жүлде мен марапаттың барлығын түгелінен еншілеп болып, жетті. Былай қарасаңыз, спортшы ретінде өкініші жоқ. Қуанышы басым. Ендеше, оның спорттық ғұмырының келесі кезеңіне именбей аяқ басуына еш кедергі жоқ-тын. Бокс әлеміне жаңалық болып келіп, алшаңдай басқан Алаш баласының арынын менмін деген промоутерлік орталықтардың көрмей қалуы тағы мүмкін емес. Бірақ, Данияр ешкімге елеусіз жатқан, аты мен атағы, даңқы мен дабырасы жоқ австралиялық компаниямен келісімшартқа отырғанда ішіміз бір қылп ете қалғанын несіне жасырайық?І. Сол күмән бекер емес екен, шикі келісімнен ақыры ши шығып тынды. 

Бірер күн бұрын ғана бокстан ұлттық құраманың экс-капитаны Данияр Елеусінов «ұлттық құрама есігін қайта ашамын» депті. Ойланып қараңызшы, оның өзі толыққанды бітіріп шыққан, ең үздік жүлдесін еншілеп болған мектепке қайта оралуында мән, маңыз бар ма? Жоқ дей алмассыз, десе де тым аз. Тек, бір ғана мотивация – екі дүркін Олимпиада чемпионы атану. Бірақ, енді төрт жыл бойы бабында тұрып және әлемдік додаларды тағы да қоғадай жапырып шыға салатындай өз ішімізде де «69 кило» салдырлап бос тұрған жоқ. Даниярдан да жас, Даниярдан да креативті жігіттер баршылық. Жоқ, біз Даниярдың әлеуетін жоққа шығарғалы тұрған жоқпыз, тек оған жасалынатын бәсекелестіктің Олимпиада чемпионына жеңіл тимейтінін ескерткіміз келеді.

Бокстан ұлттық құрама бас бапкері Мырзағали Айтжанов Даниярға әрқашан есігі ашық екенін жеткізген еді осыған дейін: «Елеусінов әлі Ұлттық құрамаға оралған жоқ. Егер командаға келемін деп ниет білдіріп жатса, есігіміз Данияр үшін әрқашан ашық екенін бұған дейін айтқанмын», деген еді біраз бұрын.

Құрамаға оралғаннан қайыр бола ма?

Бұған дейін де бас команда сапынан кетіп, бірақ қайта ойланып қолғап киген жігіттер болмады емес, болды. Әрі олар атағынан ат үркетін мықтылар еді. 2000 жылдары Олимпиаданың екі дүркін күміс жүлдегері, әлем чемпионатының үш жүлдесін (алтын, күміс, қола) алған, Азия чемпионатының екі дүркін чемпионы атанған Болат Жұмаділов Сидней Олимпиадасынан кейін карьерасын аяқтаған еді. Спортпен біржола қош айтысқаннан кейін Жұмаділов араға екі жыл салып, 2002 жылы бокста «алынбаған еншім бар» деп шегеде ілулі тұрған қолғабын қайта киген болатын. Алайда, ұлттық құрама сапына қайта оралғанымен, ешқандай ірі турнирге қатыса алмады. Сөйтіп, іздеп келген «еншісін» таба алмай кетті. Ал 2004 жылғы Афина Олимпиадасының чемпионы Бақтияр Артаев қазақ боксшылары арасында екі дүркін Олимпиада чемпионы атану мақсатында 2008 жылы Бейжің Олимпиадасына қатысып, ширек финалда болашақ Олимпиада чемпионы ұлыбританиялық Джеймс Дигейлден ұтылған еді. Осы жеңілістен кейін ол карьерасын аяқтап, әкімдік лауазымға ауысып, мемлекеттік қызметке кірісіп кетті. Кейінірек, Лондон Олимпиадасына 81 келіде қатысуды мақсат етіп, ұлттық құрамаға қайта оралды. Алайда, бапкерлер құрамы бұл салмақта Олимпиадаға 2011 жылы әлем чемпионатының күміс жүлдегері Әділбек Ниязымбетовты апарып, Лондоннан да күміспен күптелгенін білеміз. Деректерге сүйенсек, 2011 жылы Бакуде өткен әлем чемпионатына бапкерлер Ниязымбетов пен Артаевты қатар алып барған. Бірақ, соңғы сәтте таңдау Әділбекке түскен екен. Сөйтіп, ұлттық құрамаға қайта оралған екі боксшы да өзі ойлаған мақсатқа жете алмаған. Данияр Елеусінов те осы жағдайларды  қаперінде ұстағаны жөн сияқты. Бұл тарихты айтып Даниярды қорқытқанымыз емес...

69 килода бірінші нөмір болуға кім лайық?

Егер, Елеусіновте күзде өтетін Қазақстан чемпионатына 69 килода қатысса, бапкерлер құрама оған нәтижесіне қарай қай салмаққа шыққаны дұрыс екенін анықтайтын болады. Бүгінде 69 килода ел чемпионы атанған Абылайхан Жүсіпов бірінші нөмірлі боксшы ретінде саналады. Сондай-ақ, бұл салмақта былтырғы жастар арасындағы әлем чемпионы Садриддин Ахметов пен жақында ғана «Астана арландары» сапында финалдық бәсекеде жұдырықтасып, Олимпиада чемпионы кубалық Рониель Сотолонгоны екінші рет жеңіп, ұлттық құрамада бірінші нөмірлі боксшы болуға әбден лайық екенін тағы бір дәлелдеген Асланбек Шымбергенов бар.

Егер, Елеусіновте салмақ қуу жағынан қиындықтар туындаса, онда ол 75 килода сынға түсуі мүмкін. Статистика бойынша, ұлттық құрамадағы карьерасын аяқтап,  қайта оралған боксшылар немесе Олимпиадалық циклдан кейін өздерін жаңа салмақта сынап жатады. Бәлкім, адағы Қазақстан чемпионаты мен басқа жарыстарда Даниярды 75 килодан көріп қалуымыз да әбден мүмкін. Бірақ, бұл салмақта да бәсекелестік көп. Мысалы, былтырғы ел чемпионы, Азия чемпионатының күміс жүлдегері Әбілхан Аманқұл. Ислам ойындарының жеңімпазы Тұрсынбай Құлахмет. Қазір 81 келіде сынға түсіп жүрген Ерік Әлжанов та бар. Дәл қазіргі құрамадағы жігіттердің қарымы мен бәсекелестігін ескерсек, Даниярға оңайға соқпайын деп тұр.

«Елеусінов стилін өзгерту керек»

Бірқатар бокс мамандары Данияр Елеусіновтың бокс стилі ескіргенін, оған бұрынғыдай екінші нөмірмен жұдырықтасу емес, бірінші соққыны өзі жасау керектігін айтады. Сарапшылардың пікірінше, егер Данияр бұрынғыдай техникасына сеніп, соққыларын күшке салмай жұдырықтасатын болса, одан нәтиже күту бекер дейді. Бұл сөзді бас бапкер Айтжановтың өзі де  қолдап отыр. «Бокс ережесі бұрынғыдай емес. Күн сайын өзгеріп, сәт сайын жаңарып жатыр. Қазір бокс қашып жүріп жұдырықтасқанды емес, бірінші және анық, нокаутқа жіберетіндей соққы жасағанды ұнатады. Бұрынғыдай ұпайға жұмыс істеу есебі қалды, қазір қарсыласыңды ұрып жықпасаң, жеңіске жетуің өте қиын. Оны Олимпиада, әлем, Азия чемпионатынан өздеріңіз де көріп жүрсіздер».

Бокс мамандары техникаға емес, күшке көбірек көңіл бөлу керектігіне соңғы Олимпиада кезінде көздерін жеткізгенін айтады. Біз де мұны жуырда Ташкентте өткен Азия чемпионаты кезінде байқадық. Финалға шыққан бірқатар боксшыларымызға қарсыластарынан басым түсу үшін шешуші соққылар жетпей жатқаны анық байқалды.

Сонымен, капитан  ұлттық құрамаға қайта оралды. Қайтқан капитаннан қайыр бар ма?

Маман пікір

Бақтияр Артаев, Афина Олимпиадасының чемпионы:

– Данияр Елеусіновтың ұлттық құрамаға оралғанына өз басым қуаныштымын. Бұл қуаныштың екі себебі бар. Біріншісі, марқұм Бекзат Саттарханов ағамыз бен өзімнің екі дүркін Олимпиада чемпионы болсам деген арманымыз орындалмап еді. Біз жетпеген жетістікке жетіп, орындалмай кеткен арманымызды Данияр орындаса екен деймін. Екінші себеп, 69 килода ішкі бәсекелестіктің күшеюі. Бәсеке бар жерде нәтиже болатыны анық. Қазіргі таңда бұл салмақта жүрген кез келген боксшы Олимпиадаға баруға лайық деп есептеймін. Мысалы, WSВ жобасының финалында Олимпиада чемпионы кубалық боксшы Сотолонго мен Рио ойындарында Даниярдан жеңілген өзбек Гиясовты жеңген Асланбек Шымбергеновты, жастар арасындағы әлем чемпионы атанған Садриддин Ахмедовты және жас талантымыз Абылайхан Жүсіповты айта аламын. Құдай қаласа, Токио Олимпиадасында дәстүрге айналған 69 килоның алтын тағы да қазақ баласына бұйырады деп сенемін.

 

Әли БИТӨРЕ,

«Егемен Қазақстан»

СОҢҒЫ ЖАҢАЛЫҚТАР

24.01.2019

«Жетісу» мемлекеттік қызмет мектебінде сабақ басталды

24.01.2019

Қызылордада кәсіпкерге артық салық салынған

24.01.2019

Евгений Егембердиевтің Грозныйдағы турнирдегі қарсыласы анықталды

24.01.2019

Білім гранты - жарқын болашақ кепілі

24.01.2019

Нью-Йорк Таймс: Тұйықсу мұздығы түгесіліп барады

24.01.2019

Абылайхан Қайроллаев: Жастар жылында іргелі міндеттер белгілеп отырмыз

24.01.2019

Бақыт Сұлтанов «Қамқор» әлеуметтік қызмет көрсету орталығында болды

24.01.2019

Надежда Ногайға «допинг қолданды» деген айып тағылды

24.01.2019

Дзюдодан еліміздің әйелдер құрамасы Токиода жаттығып жүр

24.01.2019

Арайлым ЕСІМБЕКҚЫЗЫ: Флеш-моб, форумдарды азайтып, нақты жұмыстарды қолға аламыз

24.01.2019

Швецияда допты хоккейден әлем чемпионаты басталады

24.01.2019

Алматы облысының полицейлері телефон «лаңкесін» анықтады

24.01.2019

Жастарды қолдау – болашақты бағамдау

24.01.2019

Маңғыстауда онкологиялық аурулар салдарынан көз жұмғандар саны азайған

24.01.2019

Атыраудағы мигранттар неге заңды менсінбейді?

24.01.2019

Боинг компаниясы алғашқы әуе таксиін таныстырды

24.01.2019

Маңғыстауда «Protecting Business and investments» жобасы аясында кәсіпкерлерден 29 өтініш түскен

24.01.2019

Алматы облысында Нұрғиса Тілендиев ауылында ІТ сынып ашылды

24.01.2019

Саран қаласында жаңа күн электр стансасы іске қосылды

24.01.2019

Қостанайда ауыр атлетикадан жасөспірімдер арасындағы чемпионат басталды

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу