Қазақстан ЭКСПО көрмесін өткізуге толықтай дайын

Бүгін «Астана ЭКСПО-2017» ұлттық компаниясының департамент басшылары БАҚ өкілдері алдында халықаралық көрмеге дайындықтың соңғы кезеңі жайында егжей-тегжейлі есеп берді.
Егемен Қазақстан
04.06.2017 1364

«АстанаЭКСПО-2017» ҰК» АҚ басқарушы директоры Бейбіт Қарымсақов өз сөзінде көрменің ашылуына тура бір аптадай уақыт қалғандығын еске салып өтті. Оның айтуынша, барлық нысандар көрмеге дайын. Дегенмен, көрме аумағын абаттандыруға қатысты бірен-саран жұмыстар ғана қалып отыр. «Соңғы бірнеше апта бойы біз көптеген оқу-жаттығу өткізіп, төтенше жағдайларға дайындық жүргіздік. Бүгінгі негізгі дайындық  барысына көрменің бүкіл аумағы жұмылдырылады. Атап өтерлігі, 10 маусымға дейін  көрме аумағы келушілер үшін жабық болады», - деді ол. Коммерцияландыру департаментінің директоры Дәурен Еркімбеков  бүгін ұлттық компания мен мердігер ұйымдардыңқызметкерлері шақырылғандығын, оларға тегін билеттер турникет жүйесін тексеру үшін берілгендігін айтты. Халықаралық қатысушылармен жұмыс департаментінің директоры Ілия Оразақов халықаралық қатысушылардың 126 мың шаршы метр павильоны толық дайын екендігін атап өтті. «Қазіргі уақытта 4,5 ел ғана қалды. Олар өздерінің құрылыс-монтаждау жұмыстарын аяқтайды. Біз халықаралық қатысушылардың операциялық құрамын дер уақытында жасақтадық. Әрбір павильонның 30-дан 150-ге дейін қызмет көрсететін қызметкерлері бар. Олардың барлығы да Астанада, белсенді жұмыстарын бастады. Бүгін біздің қатысушыларымыз 11 павильонға бара алады», - деді Оразақов.

«Жоспарланған барлық іс-шаралар толық көлемде орындалды. Қажетті барлық құрал-жабдықтар сатып алынып, орнатылды. Бейне бақылау, дабыл және кіріп-шығуды басқару жүйелерініңбарлығы орнатылып, 100 пайыз дайын болды. Қауіпсіздікті қамтамасыз етуге жұмылдырылған барлық қызметкерлер, ең алдымен құқық қорғау органдары мен жеке күзет құрылымдарының қызметкерлері қажетті оқыту курсынан, тілдік дайындықтан өткізілді. Жексенбілік топтарды жасақтауға біз барынша назар аудардық. Біздің жексенбілік топтарымыз 1 сағаттың ішінде шамамен 13 мың адамды қабылдай алады. Бұл ретте күту уақыты 30-40 минуттан аспайды.  Бұған қоса, жексенбілік топтарға шетел тілін білетін еріктілерді де жұмылдырып отырмыз», - деді келесі кезекте сөз алған «Астана ЭКСПО-2017» ұлттық компаниясы Қауіпсіздік департаментінің директоры Рүстем Шәкенов.

Ал  аталған компанияның Сервистік қамтамасыз ету департаментінің директоры Дияс Әзбергенов бүгінгі негізгі дайындық барысында көрменің көліктік қолжетімділігін сынақтан өткізу жоспарланып отырғандығын атап өтті. «Ол уақытша тұрақтарға, қоғамдық көліктерге, көлік аймағындағы жұмыстарға қатысты жайттар. Бұл жұмыстарды біз қалалық әкімдікпен және жол полициясымен бірлесіп атқарудамыз. Мұнан бөлек негізгі дайындық барысында көрме аумағында орналастырылған 7 медициналық бекеттің де жұмысын сынақтан өткізуді жоспарлаудамыз. 8 жедел жәрдем көлігі тұрақты түрде кезекшілік атқаратын болады. Көрме барысында жұмылдырылған медициналық қызметкерлердің жалпы саны 210 қызметкерді құрайды. Олардың қатарында дәрігерлер, фельдшерлер, реаниматологтар бар», -деді ол. Сонымен қатар компанияның Контент және іс-шараларды ұйымдастыру департаментінің дирекоры Марат Омаров өзі басшылық жасайтын құрылымның басты мақсаты мерекелік шараларды ұйымдастыру екендігін айтты. «Бүгін біз үш алаңда 3 шара өткізетін боламыз. Олар Ұлттық күндер, Энергияхолы және амфитеатр алаңдарында ұйымдастырылады. Бізде барлығы да дайын,техника да, әртістер де сақадай сай», - деді Марат  Омаров. Ілгерілету және туризм департаментінің директоры Аллен Шайжүнісов бүгін еріктілерге арналған үлкен шараны өткізетіндіктерін атап өтті. «Бүгінгі күні 4500 ерікті іріктеп алынып, дайындалды. 800 ерікті Қарағанды,Қостанай, Павлодар облыстарынан және Алматы қаласынан келді. Күн сайын көрме аумағында 1500 ерікті жұмыс істейтін болады. Алғашқы ауысым 10 маусымнан бастап шілденің 1-іне дейін жұмыс істейді. Одан кейін келесі айдың ауысымы келеді және үшінші ауысым тамыздан 10 қыркүйекке дейін болады»,-  деді Шайжүнісов. 

Inform.kz

СОҢҒЫ ЖАҢАЛЫҚТАР

19.08.2018

Жакартада жанған жұлдыз

19.08.2018

Ауа райы болжамы: Ақмола облысы мен Астана аумағында дауыл тұрады

18.08.2018

Джакартада Жазғы Азия ойындарының ашылу салтанаты өтті

18.08.2018

БҰҰ-ның бұрынғы Бас хатшысы Кофи Аннан қайтыс болды

18.08.2018

Мемлекеттік хатшының қатысуымен Бұқар жыраудың 350 жылдық мерейтойы өтті

18.08.2018

Пара алған әкімдердің қылмысы әшкере болды

18.08.2018

Елордада «Ұлы дала рухы» республикалық фестивалінің солтүстік аймақтық іріктеу жарыстары өтіп жатыр

18.08.2018

Астанада түркі тіл білімінің өзекті мәселелері талқылануда

18.08.2018

Бүгін ауыл жасөспірімдерінің республикалық II жазғы спорт ойындары басталады

18.08.2018

Допинг дауынан кейін «Канело» ресми түрде қайта рингке оралды

18.08.2018

Ыбырай Алтынсариннің отбасы қолданған жәдігерлер жұрт назарына ұсынылды (ВИДЕО)

18.08.2018

Астанада мемлекеттік қызметкерлер арасында спорттық сайыс өтіп жатыр

18.08.2018

Қаламгер Сұлтан Қалиұлы дүниеден озды

18.08.2018

Бүгін Азия ойындарының салтанатты ашылуы өтеді

18.08.2018

Мыңнан аса астаналық веложарысқа қатысуда

18.08.2018

ҚМДБ еліміз қалалары бойынша айт намазының уақытын жариялады

18.08.2018

Демалыс күндері елімізде ауа райы құбылмалы болады

17.08.2018

Қазақстан Президенті «Журавлевка 1» ауыл шаруашылығы кешенін аралап көрді

17.08.2018

Роман Григорчук «Астана» клубының бас бапкерлігінен уақытша кетті

17.08.2018

Қазақстандық велотрекші әлем чемпионатының қола жүлдегері атанды

ТАҒЫ ЖҮКТЕУ
КОЛУМНИСТЕР

Қорғанбек АМАНЖОЛ, «Егемен Қазақстан»

Тілтолғақ пен тілтұтқа

Әлеуметтік желіден «Астана қаласы­ның қаракөз балдырғандары қазақша сөй­лемейтіні несі?» деген сыңайдағы сұрау­лы сөйлем, қобалжулы пікірді көзіміз шалып ойланып қалдық, қапаландық. 

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу