Қазақстан жаһандық бәсекелестікте биіктей түсті

Бәсекелестікке қабілеттілік ел экономикасын дамытудың қуатты қозғаушы күші.
Егемен Қазақстан
08.06.2017 952

Экономикамыздың жетекші салаларының әлеуеті артып, жаһандану заманындағы бәсекелестікке төтеп бере алатын болса, өркениеттілік шоғырына батыл қадам басқан Қазақстанның да беделі  үстем болмақ.  

Жақында әлемдік бәсе­ке­лес­тікті зерттеу орталығы болып табылатын беделді  Халық­аралық менеджментті дамыту институты (IMD, Швейцария, Лозанна) 2017 жылғы әлемдік бәсекелестік рейтингінің қоры­тындысын жариялады.  Осы 2017 жылғы IMD әлемдік бәсе­келестік рейтингі бойынша Қазақстан былтырғы жылғы көр­сеткішті бірден 15 сатыға жо­ға­рылатып, 32-ші орынды иеленді.

Жаһандық бәсекелестік рей­тингін бағалайтын IMD мето­дологиясы бойынша сынақ 4 көрсеткіш: Экономикалық қыз­мет, Үкімет қызметінің тиім­ділігі, Бизнес тиімділігі және Инфрақұрылым жағдайы бойын­ша бағаланады. Рейтинг  342 көрсеткіш бойынша жүр­гі­­зі­леді. Оның үштен екісі ста­тистикалық көрсеткіштер бол­са,  үштен бірі сауал жүргізу қоры­тынд­ылары болып табылады. Қазақстан бұл халықаралық беделді институттың рейтин­гіне 2008 жылдан бері тұрақты түрде қатысып келеді.

Сонымен, IMD-2017 рейтинг сынағы әлемнің 63 мемлекеті арасында жүргізілді. Әлемдегі ең бәсекеге қабілетті мемлекет ретінде Гонконг, Швейцария және Сингапур елдері танылды. Сингапур осы бәсекелестікте АҚШ-ты ығыстырып, үшінші орынды иеленді. IMD-2017 рейтингі бойынша Қазақстан бірден 15 сатыға көтерілген бірден-бір мемлекет болды. Мәселен, осы бәсекелестікте Қы­тай 7 сатыға жылжыса, Ин­до­незия 6 сатыға, БАӘ 6 са­ты­ға жылжыды. Қазақстан жарыс мәресінде Италия (44-ші орын), Үн­дістан (45), Ресей (46) және Түр­кия (47) мемле­кет­терінен қара үздіріп, алға шықты.

Иә, еліміз егемендік алған­нан бергі жылдары заманауи на­рықтық экономиканы қа­лып­тас­тырып, жаһандық экономиканың ажырамас бөлігі бола білді. Ши­рек ғасырлық тәуелсіздік кезең­інде Қазақстан нарықтық экономи­ка қағидаттары негізінде мүлдем жаңа мемлекет құрып, «Қазақ­стан-2030»  Стратегиясын жүзеге асырды. Еліміз жедел қарқын­мен дамып, әлемдегі ең қуатты 50 елдің қатарына кірді. Алда­ғы асулар бұдан да жоғары. Бүгін­гі жаһандық экономикалық бәсе­ке­лестік талаптары тым күрделі. Оны 2017 жылғы  IMD  әлем­дік бәсекелестік рейтингінің қоры­тын­дысынан да анық көруге болады.

IMD әлемдік бәсекелестік рейтингінде Қазақстан 4 сынақ көрсеткішінің екеуі бо­йынша өте жоғары әлеуетке ие екендігін көрсетті. Атап айтқанда,  «Үкімет қызметінің тиімділігі» көрсеткіштері бойынша еліміз 12 саты жоғарылап, 19-шы орынды иеленсе, «Бизнес тиімділігі көрсеткіштері бойынша 21 саты жоғарылап, 23-ші орынды иеленді. Өкінішке орай, қалған екі көрсеткіш бойынша, атап айтқанда,  «Инфрақұрылым жағдайы» (54-ші орын) және «Экономикалық қызмет» (54-ші орын) көрсеткіштері бойынша әлі де әлсіз екендігін байқатты.

Елбасы Нұрсұлтан Назарбаев Қазақстан халқына арнаған «Қазақстанның үшінші жаңғыруы: жаһандық бәсекеге қабілеттілік» атты биылғы Жолдауында «Коммуникацияның дамуы мен оптикалық-талшықты инфрақұрылымға жаппай қол­же­тім­ділікті де қамтамасыз ету керек. Цифр­лы индустрияны дамыту басқа да барлық салаларға серпін береді. Сондықтан, Үкімет ІТ саласын дамыту мәселесін ерекше бақылауда ұстауға тиіс», деп атап көрсеткен болатын. Осыған байланысты Қазақстан IMD әлемдік бәсекелестік рейтингі бойынша цифрлы бәсекелестікте өткен жылғы көрсеткішті 

5 сатыға жақсартып, 38-ші орынды иеленді. IMD  әлемдік бәсекелестік рейтингі бойынша 2017 жылғы әлемдік цифрлы саладағы бәсекелестікте Сингапур, Швеция және АҚШ мемлекеттері көш бастады.

Қазақстан бүгінгі таңда жаһандық экономика саласында өзінің лайықты орнын алған қуатты өндірістік державалардың біріне айналды. Еліміз осы жылдар ішінде өзінің қауіпсіздігі мен аумақтық біртұтастығын қалыптастырып қана қоймай, экономикалық дамуда әлемнің ірі мемлекеттерімен бәсе­ке­лестікке түсе алатын әлеуетке қол жет­кіз­ді. Елбасы белгілеген стратегиялық бағ­дар­ламалар бүгінде қол жеткізген өмір бе­лестеріне айналды. Ендеше, әлемдік экономика үрдісінде айшықты қадамдармен айқындалған Қазақстан таяу жылдардың ішінде дамыған отыз елдің бел ортасындағы лайықты орнын да ойып алатындығына күмән жоқ. Оған  әлемдік бәсекелестік дәрежесін айқындайтын ең беделді орталық – IMD-2017 рейтингі бойынша еліміз 2016 жылы ұлттық экономикамыздың белсенділігін толық қалпына келтіруінің арқасында жоғары көрсеткіштерге қол жеткізгендігі айқын дәлел болса керек. 

Жылқыбай Жағыпарұлы, 
«Егемен Қазақстан»

СОҢҒЫ ЖАҢАЛЫҚТАР

18.08.2018

Мыңнан аса астаналық веложарысқа қатысуда

18.08.2018

ҚМДБ еліміз қалалары бойынша айт намазының уақытын жариялады

18.08.2018

Демалыс күндері елімізде ауа райы тұрақты болады

17.08.2018

Қазақстан Президенті «Журавлевка 1» ауыл шаруашылығы кешенін аралап көрді

17.08.2018

Роман Григорчук «Астана» клубының бас бапкерлігінен уақытша кетті

17.08.2018

Қазақстандық велотрекші әлем чемпионатының қола жүлдегері атанды

17.08.2018

Тау туризмін дамыту қажет

17.08.2018

Еңбек ері – ұрпаққа үлгі

17.08.2018

Тарихи текетірес:Олжабай ма, Жаяу Мұса ма?

17.08.2018

Мемлекет басшысы «Агрофирма Эксимнан» ауыл шаруашылығы кешенін аралап көрді

17.08.2018

«Нұрлы жер» аясында миллионнан астам шаршы метрі пайдалануға берілді

17.08.2018

Өзбекстанға Қазақстан арқылы өтетін автокөлік ағыны көбейді

17.08.2018

Озық идеядан – өндіріске

17.08.2018

Қазақстан және Германия Сыртқы істер министрлері екі елдің ынтымақтастығын талқылады

17.08.2018

Балаларға лагерь, лагерьлерге қаражат жеткіліксіз

17.08.2018

Елбасы Ильичевка ауылындағы тұрғын үй құрылысымен танысты

17.08.2018

Нұрсұлтан Назарбаев «Тайынша май» жауапкершілігі шектеулі серіктестігіне барды

17.08.2018

«Корея» синдромы

17.08.2018

Жақсы іс жалғасын табады

17.08.2018

ШҚО-да Шәкәрімнің160 жылдығы тойланып жатыр

ТАҒЫ ЖҮКТЕУ
КОЛУМНИСТЕР

Қорғанбек АМАНЖОЛ, «Егемен Қазақстан»

Тілтолғақ пен тілтұтқа

Әлеуметтік желіден «Астана қаласы­ның қаракөз балдырғандары қазақша сөй­лемейтіні несі?» деген сыңайдағы сұрау­лы сөйлем, қобалжулы пікірді көзіміз шалып ойланып қалдық, қапаландық. 

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу