Құлын неге қырылуда?

Киіктің қырылуынан жүрегі шайлығып қалған Қостанай-Торғай өңірі мал өлсе, алаңдай бастайды. Киіктен кейін Торғай өңірінде біраз ірі қара малдың шығын болғаны бар. Бірақ мал өлімінің киікке қатысы бар-жоғын ешкім дәлелдей алмады.
Егемен Қазақстан
10.04.2017 1593

Облыстық ветеринария басқармасының басшысы Берікжан Қайыпбайдың айтуынша, киік қырылған 2015 жылдан кейін облыстағы 6 аудан­ның сол маңайға жақын деген 18 елді меке­нінде малдың барлығына пастереллезге қар­сы егу шара­лары жүргізілді. Биыл көктемде Аман­гелді, Алтын­сарин, Қостанай, Меңдіғара, Әулие­көл аудан­дарында біраз жылқының іш тас­тап, құлын шығын болды. Бір Амангелді ауданының өзінде 83 бие­нің құлын тастағаны белгілі болған. Оның он бесін ветери­нарлар көзімен көріп, биоматериалдар алған.

– Биыл ауру бес ауданда байқалды. Дер уақы­тында алынған биоматериалдар жіберілген Ветеринария жөніндегі ұлттық референттік зерттеу орталығы ринопневмония ауруы болуы мүмкін деген диагнозды болжап отыр. Егер орталық мамандары тарапынан осы диагноз нақты бекітілсе, біраз әбігер әкелмек. Себебі, бұл жылқы түлігінің ең қауіпті және өте тез тарай­тын ауруларының бірі, биелердің іш тастауы оның басты белгісі болып табылады. Қазір екі шаруашылық жылқыларында ауру қатты білініп отыр, одан биелердің 90 пайызына дейін іш тастайды, – дейді облыстық ветеринария басқар­масының басшысы Берікжан Қайыпбай.

Осыған орай облыс әкімі Архимед Мұхамбетов шара қолдануды тездету керектігін тапсырды. Жұқпалы ауру тез тарап, бүгін өңірде 104 мың басқа жетіп отырған қыл құйрықтың санын азай­туы әбден мүмкін. Сондықтан, профилак­тика­лық жұмыстардың, оның ішінде ауруға қарсы егудің келесі жылы жүргізілуін күтпей, биыл Ауыл шаруашылығы министрлігінің алды­на қалыптасып отырған жағдайды жеткізу керек­тігін, ол үшін 60 миллион теңгені облыс өзі қарас­тыруы тиіс екенін айтты. Сонымен қатар, облыс бас­шысы жылқы өсірумен айналысатын адам­дар­дың өздері де малдың күтіміне ерекше назар аударуы керектігін ескертті. Малдың пайдасын өзі көріп, зиянын мемлекет мойнына артып қоюға болмай­­ды. Жылқыны сатып алғанда оны тексеріп, аурудан таза екенін анықтап алуы тиіс. Қайткенде де мал күтімінің жауапкершілігін иесі сезінуі тиіс.

Қазір биелердің іш тастауы байқалған аудан­дар­дағы жағдайды, жұқпалы аурудың таралуын вете­ринар мамандар ерекше бақылауға алған. Бірақ әзірге ринопневмония болуы мүмкін деген ауру­дың жылқылар арасында таралуы, биелердің құлын тастауының жалғасуы байқалған жоқ. Егер жұқ­палы дерт жаппай орын алса, онда ветери­нар­лар шектеу шараларын жедел жүзеге асыруға даяр.

Нәзира Жәрімбетова,

«Егемен Қазақстан»

ҚОСТАНАЙ



СОҢҒЫ ЖАҢАЛЫҚТАР

17.01.2018

Қ.Тоқаев: «Басты міндетіміз – Елбасы Жолдауын заңнамалық қамтамасыз ету»

17.01.2018

Құдық қазу жұмыстарына кеткен шығынның 80 пайызы қайтарылады

17.01.2018

Астанада заманауи балабақша ашылды

17.01.2018

Мәскеуде Қазақстанның жаңа консулы тағайындалды

17.01.2018

Тайландта босанған ана санавиациямен елге жеткізілді

17.01.2018

Нұрсұлтан Назарбаев пен Дональд Трамптың кездесуі әлемдік БАҚ назарында

17.01.2018

Асқар Жұмағалиев «Қорғас-Шығыс қақпасы» аймағының жұмысымен танысты

17.01.2018

Құлсарыда жылыжай  ашылды

17.01.2018

Қ.Тоқаев Елбасының АҚШ сапары туралы пікір білдірді

17.01.2018

Президенттің АҚШ-қа сапары. Стратегиялық серіктестіктің жаңа кезеңі

17.01.2018

АҚШ-та Қазақстан әдебиеті мен мәдениет орталығы ашылады

17.01.2018

Аяз мүйізді, мүйіз тұқылды қалай қысады?..

17.01.2018

Түлкиевтің туындысы

17.01.2018

Атырауда көкпар тартушылар көбейді

17.01.2018

Абайдың алғашқы кітабы

17.01.2018

Сыр өңірінде жаңа аурухана ашылды

17.01.2018

Алматыда ауған соғысының ардагері Борис Керімбаевтың мерейтойы атап өтілді

17.01.2018

Жарасбайдың жаналғышы

17.01.2018

Аққу кеткен...

17.01.2018

Парасат пен пайымды ту еткен ғалым. Немесе инженер Тұрлыбек Ысқақов туралы

ТАҒЫ ЖҮКТЕУ
КОЛУМНИСТЕР

Бақытгүл САЛЫХОВА, педагогика ғылымдарының кандидаты

Тілді кез келген жаста үйренуге болады

Әлемде қанша тіл болса, адам сол тілдерді үйренуге ұмтыла береді жә­не бұл қызығушылық ешқашан тоқ­тамайды. Әрине кейде бір тіл басқаларына қарағанда маңызды, танымал, оңай, әдемі болып көрі­нуі мүмкін. Дегенмен адамның қы­зығушылығы мен сүйіспеншілігі ой­ға келмеген тілдерді де үйренуге жетелейді.

Александр ТАСБОЛАТОВ, «Егемен Қазақстан»

Дамудың даңғыл жолы

Елімізде жүргізіліп жатқан ірі реформалар нәтижесі қазір өз жемісін бе­руде. Қолға алынған зор мін­дет­тер­дің негізгі мәні – Қазақ­стан­ның жан-жақты дамуы, көр­кеюі болатын. Сондықтан бұл реформалар аяқ астынан пайда бола қойған жоқ. За­ман­ның дидары ө+згеруіне орай, мем­лекеттік салалардың жүгі де, ісі де өзгеруі тиіс еді.

Серік НЕГИМОВ, Қазақстанның еңбек сіңірген қайраткері

Рухсыздық – оқымаудан, тыңдамаудан

Құдірет адамзатты керемет хикметпен, ілтипатпен, мейірбандықпен, көркемдік сұлулығымен қызықтырып, сыңғырлатып жаратқаны мәлім. Ойлау мен қарекет жасау үшін жаралған адамның тұлғасы, таратыңқырап айтқанда, оның қолынан, қиялынан, білімдарлығынан шыққан сәулет, сурет, мүсін, қолөнер, музыка, сөз өнерінің таңғажайып жәдігерлері, телегей-теңіз шынайы жан сырлары, ғылыми-шығар­машылық ғаламат жетістіктері өлшеусіз ғой. 

Думан АНАШ, «Егемен Қазақстан»

Ұжымдық ұстаным

Ұжымдық рух ұлы жеңістерге қол жеткізеді. Қазақ айтады: «Үш адамның басы қосылса – қауым». Қауым­дасқаннан бері адамзат сан түрлі қоғамдық құрылысты өт­кер­ді. Ал қазіргі нарықтық қоғам­ның кілті – табыс. Яғни биік мүдде жолында ұжымдасу және белгілі нәтижеге қол жеткізу.

Әлисұлтан ҚҰЛАНБАЙ, «Егемен Қазақстан»

Қазақстанның жаһандық қауіпсіздік бастамалары

Еліміз егемендіктің бастапқы ке­зінде-ақ өңірлік және жаһандық қауіпсіздік Қазақстанның сырт­қы саясатының негізгі басым­дық­тарының бірі болатынын төрт­күл дүниеге жария еткен еді. Содан бері еліміз халық­аралық аренада сол бағытты берік ұстанып, оны бел­сенді түрде жүзеге асырып келеді.

Тағы да оқу

Пікірлер(0)

Пікір қосу