Қытайдың бас газеті Димаш туралы не дейді?

Қытай Халық Республикасының бас басылымы «Халық газетінің» кешегі (14.04.2017) шығарылымында Димаш Құдайбергенов туралы арнайы мақала жарық көрді.
Егемен Қазақстан
15.04.2017 2809

«Қытай мен Қазақстанның мәдениет саласындағы қарым-қатынасын ән әуенімен жаңа белеске көтерді. Ол Қытайдың өнер сахнасында асқақтата ән шырқап, аз уақыттың ішінде-ақ сансыз жанкүйерлердің қолдауына ие болды. Ол екі ел арасындағы мәдениет ауыс-түйісі мен халық тілегінің тоғысуына көпір болу үшін барынша талпынды.

«Бір белдеу, бір жол» халықаралық селбестік форумына бір ай уақыт қалды, осы сәтке орай мәдениеттің жарқын жаршысы болған жас жігітпен жақын танысайық», деп бастайды мақала авторлары Рын Шаншан мен Каң Ян. Төменде мақала мазмұнынан үзінділер ұсынамыз.

Димаш асқақ әнімен араға көпір салды

Көк көстюм киген жігіт баяу басып, бұлыңғыр тартқан сахнаның ортасына келіп, күйзелісті күңіреніспен басталатын «Adagio» әнін нашына келтіре шырқай жөнелді. Күйсандықтан құйқылжыған музыка әуені аққудың мамығындай майда дауыспен жарыса көтерілді.

Хунан телеарнасының 6-ші кезекті өтіп отырған «Мен әншімін» атты бағдарламасында 500 көрерменінің таңдауымен, біріншілік сол сахнадағы ең жас әнші Димашқа бұйырды.

Димаш 1994 жылы Қытаймен көршілес жатқан қазақ елінде дүние есігін ашқан. Қазақтың ата салты бойынша, атасы мен әжесінің қолында өскен екен. Атасы домбырашы, әжесі әнші, ата-анасы да әйгілі музыканттар еді. Осындай отбасында ержеткен Димаш та кішкентайынан ән-күйге әуес болды.

Димаш 2010 жылы 16 жасында халықаралық ән бәсекесінде Бас жүлдені қанжығасына байлады, 2015 жылы қазанда Түркияның Ыстанбұл қаласында өткізілген Азия көлеміндегі халықаралық музыка фестивалына Қазақстан атынан қатынасты, қазақ елінде жанкүйерлер Димашты елдің мақтанышы деп қарайды. Ол түрлі ән стилдеріне жаттығып, кең таралған әндерді, еуропаша әуендерді және түрлі құлпырма үнді әндерді айту тәсілдерін меңгерді. Анасы: Димаштың өздігінен үйрену қабылеті жоғары, дауыс аумағын кеңейтуге де өзі жаттыққан, төрт октава арасында емін-еркін шырқай алады, - дейді. Түрлі тілдердегі операларды шырқау үшін Димаш неміс, украин, түрік тілдерін үйренген. Қазір ол қытай тілін үйрену үшін қолынан қытайша сөздігін тастамайды.

Музыкада мемлекет пен тіл шекарасы болмайды. Димаштың Қытайда ән шырқауы оның қытайлық көрермендермен таныстығының бастамасы, әрі Қазақстанды Қытайға, Қытайды Қазақстанға таныстыруға көпір болды деуге болады.

Жақында Қазақстандағы "Хабар" телеарнасы «Мен әншімін» бағдарламасын көрсететін болды. Жартылай шешуші жарыс кездерінде де Қазақстанның Қытайдағы елшісі студияға келіп, Димашқа қолдау көрсетті. Димаш қазақстандықтардың мақтанышы. Олар Димаш арқылы қытайлық әншілермен, Қытай мәдениетімен ішкерілей танысты. Қазақстандық әлеуметтік желі қолданушылар: Қытайдың эстрадасы тартымды екен, Димаш Қытайдың көркемөнерімен танысуымызға дәнекер болды, - дейді.

Қытай мәдениетін таныстыру елшісі ретінде, Димаш Чыңдуға барып, мемлекеттік брендіміз мысық аюды көрді, Чыңдудағы дәстүрлі мәдениетімізді айғақтайтын арнайы дайындалған көшелерді аралап, Чыңдудағы мәдениеттің мән-маңызымен танысты. Димаш Чыңдудағы сапарын үнемі еске алады, өте-мөте, Чыңдудағы музыкалық орта оған ерекше әсер қалдырыпты. Қарт өнерпаздардың, балалардың өнері, бетқалқа құбылту өнері сынды Қытайдың дәстүрлі көркемөнері мен музыка өнері оның есінен берік орын алыпты.

Димаш әсем әуені мен жай іс-әрекеттері арқылы екі ел арасындағы мәдениет ауыс-түйісін және екі ел халқының тілегін тоғыстырды. Жарыс барысында ол Қазақстан мен Қытайдың музыкасын бірнеше рет тоғыстыра орындап сынап көрді, натижесінің сәтті болғанын көрдік. Алдағы жерде ол Қытайда жиі өнер көрсетеді, қытайлық әншілерден үйренгені мен өзінің Қытайдан көрген-білгендерін Қазақстан халқына жеткізеді. Қазақ елінен келген жас әнші алдағы сапарында өзінің арманына талмай қанат қағып, ән әуенін асқақтата береді деп сенеміз.

Дайындаған Ұларбек НҰРҒАЛЫМҰЛЫ

«Егемен Қазақстан»


СОҢҒЫ ЖАҢАЛЫҚТАР

26.06.2017

Қызылордада журналистердің "Қанатты қалам" форумы өтті

26.06.2017

Астанада Иманбаев көшесінде көлік қозғалысы толықтай шектелді

26.06.2017

Алматыда «Ұлы дала рухы-2017» этнофестивалі өтті

26.06.2017

Қызылорда облысының жұмыспен қамтуды үйлестіру және әлеуметтік бағдарламалар басқармасының басшысы

26.06.2017

ОҚО-да азаматтардың әлеуметтік мәртебесін анықтау жұмыстары жалғасуда

26.06.2017

Ұлттық экономика министрі халыққа есеп берді

26.06.2017

Айттың екінші күні – Алматыда аспаннан «медаль жауды»

26.06.2017

Қайрат Сарымсақов таэквондодан әлем чемпионатының қола жүлдегері атанды

26.06.2017

Қазақстанда жаңалық ашушылардың 87%-ы алматылықтар

26.06.2017

Астана 2020 жылға қарай Еуразия кеңістігіндегі туристер үшін ең тартымды қалалардың бірі болады

26.06.2017

Чайковский музыкасы шалқыды

26.06.2017

Бақытжан Сағынтаев «Цифрлық Қазақстан» бағдарламасының жобасы бойынша кеңес өткізді

26.06.2017

Журналистер сайысқа түсті

26.06.2017

Қайрат Әбдірахманов Венгрияның Сыртқы істер және сыртқы экономикалық байланыстар министрімен кездесті

26.06.2017

Лондонда тәртіпсіздік салдарынан алты полицей жапа шекті (видео)

26.06.2017

Біліксіз мұғалімдер ағылшын тілінен сабақ беріп жүр

26.06.2017

Бурабай ауданының әкімі ауысты

26.06.2017

Сенат Төрағасы Мажарстан Сыртқы істер және сыртқы экономикалық байланыстар министрімен кездесті

26.06.2017

Мажарстан Халықаралық Түркі академиясына бақылаушы мәртебесін алуға өтініш берді

26.06.2017

Астанада «Ежелгі Мысыр ескерткіштері» атты халықаралық көрменің ашылу салтанаты өтті

КОЛУМНИСТЕР

Қалмаханбет МҰҚАМЕТҚАЛИ, «Егемен Қазақстан»

Төрінен қонақ үзілмейтін үлкен үй

Кез келген қаладағы келімді-кетімді жолаушыларға лайықты қызмет көрсетіп, адамдардың демалуы мен жүріп-тұруына жағдай жасау – жауапты міндет. Әлемнің дамыған елдері бұл бағыттағы жұ­мыстарды логистикалық карта аясында жүргізіп, қонақ қабылдау мен қызмет көрсетудің де озық үлгі­лерін қалыптастырып отыр. Яғни, туризмнің дамуына күш, қай­рат, қаржы жұмсау арқылы оны есе­леп қайтарып алу қамында көптеген жұ­мыстар жасалуда. Қуанарлығы, еліміздегі логистика бағытындағы дамыту жұмыстары өз деңгейінде жүріп жатыр. 

Талғат СҮЙІНБАЙ, «Егемен Қазақстан»

Кәденің қадірін білейік

КСРО-ның бір қиырындағы Мурманнан екінші қиырындағы Владивостокқа бет алған 66 жастағы желаяқ жүгіріп келе жатқан жолынан бұрылып, Ұзынағашта екі сағат аялдады. Тайлы-таяғымыз қалмай ғажап жанды көрмекке аудандық партия комитетіне – қазіргіше, аудан әкімдігіне жиналдық. Орыс ақсақалы жүгіруді 20 жыл бұрын бастапты, кереметі – бір заманда алпыс екі тамырына құрсау салған 10 шақты ауруынан құлан таза айыққан.

Бақытгүл САЛЫХОВА, педагогика ғылымдарының кандидаты

Клай-фай жанры немесе әдебиеттегі табиғат апаттары

Бірер апта бұрын АҚШ президенті Дональд Трамптың қоршаған ортаны қорғауға қатысты Париж келісімінен шығамын деген еді. 2015 жылдың желтоқсан айында 194 мемлекет қол қойған Париж келісімі – ғаламдық жылыну процесін тежеуге арналған әрекеттер жоспары. Тараптар өздеріне климаттың өзгеруіне икемделу, техникамен қайта жасақтану, ауаға залалды заттардың шығарылуын азайту бойынша шаралар қабылдауға міндеттемелер алған болатын. АҚШ аталған келісімнен бас тартып отыр. Бір қуаныштысы, шығамын деген сәтте шыға салуға болмайды, бұл рәсім төрт жылға созылады екен. Осы жағдай есіме клай-фай жанрындағы әдебиетті түсірді.

Жылқыбай ЖАҒЫПАРҰЛЫ, «Егемен Қазақстан»

Үкілі үміт үдесі

«Тойдың болғанынан, боладысы қызық» демекші, Арқа төсіндегі ару Астанада жаһандық шара – ЭКСПО-2017 көрмесінің жалауы желбірегеніне, міне, он күннің өрмегі ауды. Осы уақыт ішінде «Ұлттық жобаға» деген егемен елдің үкілеген үміті ақтала ма, Бүкіләлемдік жетіс­тіктер көрмесінің қос ғасырға тақау шежіресінде өткен көрмелер керуенінде «Астана ЭКСПО-2017» Халықаралық көрмесінің алар орны қандай дәрежеде болар екен деген сұрақтарға жауап іздеуіміз де заңды.

Қарашаш ТОҚСАНБАЙ, «Егемен Қазақстан»

Жік пен жіп

Автобуста өзіңнен жасы үлкен адамға ұшып түрегеліп орын беру үшін кісіге соншалық көп ақылдың керегі жоқ-ау. Отбасында адам қан­дай тәрбие алса, көшеде, қоғамдық орындарда мұнысы тайға таңба басқан­дай көрініп тұрады емес пе? Бірақ қай ата-ана «автобуста көзіңді тас жұмып, құлаққабыңды киіп отыра бер» деп үйдегі баласының сана­сын бөтен оймен лайлайды дейсің. Соған қарағанда, адамның мәде­ниетті болмағы үйдегі алған тәрбиесіне қоса, «Тірлікте көп жаса­ғандықтан көрген бір тамашамыз» деп Мәшһүр Жүсіп Көпейұлы айт­пақшы, әр адамның өмірден дұрыс сабақ түйіндей білуіне байланысты болса керек-ті. 

Пікірлер(0)

Пікір қосу