Қызықты шаралардың көрігі қызды

Көптен күткен ЭКСПО-2017 халықаралық мамандандырылған көрмесі ә дегеннен жоғары деңгейде басталып, қызықты өтуде. Келген қонақтар таңдай қағуда, тамсануда. Ұйымдастырылып жатқан шаралардың легінде есеп жоқ. Әрқайсының өз ерекшелігі бар.
Егемен Қазақстан
13.06.2017 696

Аудиогидпен Астананы аралаңыз

Астана қаласындағы «Нұржол» гүлзарында, барлық саябақ аумағын қамтитын Есіл өзенінің жағалауында аудиогидпен жаяу жүргіншілерге арналған экскурсиялар жұмыс істей бастады. «Астана Конвеншн Бюро» ЖШС директорының орынбасары Асқар Адамбековтің айтуынша, биыл екі жаяу аудиогид көпшілікке қызмет етпек. Оның көмегімен туристер мен қонақтар қаланың негізгі айшықты жерлері туралы қажет ақпаратты ала алады.

Қызметті пайдалану үшін «Хан шатыр» сауда және ойын-сауық орталығы жанында, «Бәйтерек» монументі алдында және Есіл өзенінің жағасында орнатылған арнайы шатыршаларға бару керек. Аудиогид пен жол көрсетуші картаны алып, 5 мың теңге кепілдеме қалдырсаңыз болғаны. Бағыт аяқталған соң құрылғыларды табыстап, кепілге қалдырған турист ақшасы кері қайтарылады.

«Елорданың айшықты жерлері туралы ақпарат қазақ, орыс, ағылшын, қытай және өзге де тілдерде болады. Биыл жаяу жүргіншілер гидін «Easy Travel» желісі арқылы пайдалануға мүмкіндік жасалды. Басты айырмашылығы – мұндай жағдайда аудиогид үшін кепілдікке құрылғы алудың қажеттілігі болмайды. Кез келген адам мобильдік құрылғы арқылы «Easy Travel» порталына кіріп, сол жерде Астананың көрікті жерлері туралы барлық қажетті ақпаратты тыңдай алады», дейді А.Адамбеков. Оның сөзінше, «Easy Travel» желісінде бүкіләлемдік жаяу аудиогидтер жүктелген. Көргеніміздей, ол Астанада да пайда болды.

Ұлттық өнімдерді насихаттауға үлкен мүмкіндік

ЭКСПО-2017 көрмесі қарсаңында отандық тауарлар сатылатын «Халық маркасы» павильоны бой көтергені туралы осы уақытқа дейін жазған болатынбыз. Оның бірінші қабатына «ЭКСПО-2017» белгісі басылған кәдесыйлар, магниттер, спорттық киімдер, ойыншықтар, кеңсе заттары сынды көпшілік тұтынатын дүниелер қойылған. Екінші қабаттан қазақстандық дизайнерлер тіккен киімдер, зергерлік бұйымдар, тері өнімдері, бесік, сандық, төсек жабдықтары, тіпті, отандық косметикаларды да табуға болады. Тағы бір қабат отандық азық-түлік заттарына арналған. Онда құрт-май, ірімшік, ет тағамдарының дәмін татып, сол мезетте сатып алуға мүмкіндік бар. Ұлттық брендтердің басын қосқан павильонның артықшылығы сол, отандық тауар өндірушілерден тікелей жеткізіледі және тауарға үстеме баға қосылмайды.

«Кез келген отандық өнім біздің сөреде үш ай тегін тұрады. Үш айда халық оң пікір білдірсе, тауар сұранысқа көптеп ие болса, келісімшарт бекітіп, ақылы түрде ынтымақтастық орнатамыз», дейді «Халық маркасы» қазақстандық тауарлар мен қызметтер сапасын бақылау федерациясының президенті Римма Тәжібаева. Мұнда қызмет көрсету сапасына ерекше мән берілген. Қызметкерлеріне ұлттық киіммен жүру, келушіні «Қош келдіңіз!» деп күлімдеп қарсы алу міндеттелген.

«Астанаға келген шетелдіктерді зәулім ғимараттармен, гамбургер, кока-коламен таң қалдыра алмаймыз. Олар біздің ұлттық ерекшелігімізді іздеп келеді. Павильон табалдырығынан аттаған әрбір адам қазақтың киімін киіп, тағамын татып, әсем бұйымдарын көріп, шын мәнінде Қазақстанда жүргенін сезінетін болады», дейді Римма Данабайқызы. Оның айтуынша, федерацияның бас­ты мақсаты – шетте сұранысқа ие болады-ау деген Қазақстанның сапалы өнімдерін жинап, экспортқа шығару. Сол себепті, Ақтау әуежайындағы «Duty free» желісімен келісімшарт жасасқан. Ал Ақтау қаласының таңдалған себебі – теңіз жағасындағы шаһар арқылы тауарларды Әзербайжан, Араб елдері, Түркия сияқты 25 мемлекетке экспорттауға болады.

Р.Тәжібаева ЭКСПО-2017 көрмесінің отандық өнімдерді насихаттауға үлкен мүмкіндік екенін атап өтті. «Халықаралық шараға көп қонақ келеді. Бұл – ұлттық ерекшелігімізді көрсетуге, өзімізді танытуға, отандық өнімдерді насихаттауға тамаша мүмкіндік», деді ол. Көрме аяқталған соң, «Халық маркасы» федерациясы Қазақстанның үздік 100 брендін марапаттап, «Miss Kazakhstan – Made in Kazakhstan» сұлулық байқауын өткізбек.

Асхат РАЙҚҰЛ,
«Егемен Қазақстан»

Суреттерді түсірген

Ерлан ОМАРОВ,
«Егемен Қазақстан»

СОҢҒЫ ЖАҢАЛЫҚТАР

23.05.2018

Қ.Тоқаев: Атырау облысы – ел экономикасының флагманы

23.05.2018

Жаңаөзенде судағы қауіпсіздік ережелері түсіндірілді

23.05.2018

Маңғыстауда өрт қауіпсіздігі бойынша 77 бекет орнатылды

23.05.2018

Маңғыстаулық полицейлер мұқтаж отбасыларға көмек берді

23.05.2018

Нұрсұлтан Назарбаев Ресей Федерациясының Қорғаныс министрі С.Шойгумен кездесті

23.05.2018

Менингиттен қалай қорғану керек?

23.05.2018

«Баян сұлу» жобасының жеңімпазы анықталды

23.05.2018

Қазақ әдебиеті әлем тілдерінде сөйлейді

23.05.2018

Л.Гирш көпшілікке «Стихи о войне и мире» өлеңдер жинағын таныстырды

23.05.2018

Қазақстан Президенті қорғаныс ведомстволарының министрлерімен кездесті

23.05.2018

Қызылордада жасырын казино ашқан азамат ұсталды

23.05.2018

Сотқа жүгінбей татуласуға болады

23.05.2018

«Петропавл–Қорған» бағытындағы тас жолға 27 миллиард теңге бөлінбек

23.05.2018

Маңғыстауда сот жүйесін жетілдірудің 7 бағыты талқыланды

23.05.2018

Петропавлда омарташы мамандар оқытыла бастады

23.05.2018

Қазақстандықтар жеке мәліметтеріне қолжетімділікке тыйым сала алады

23.05.2018

«Азаматтарға арналған үкімет» 8 млн адамның цифрлық сауаттылығын арттырмақ

23.05.2018

«Арсеналға» жаңа бапкер келді

23.05.2018

Елбасы V халықаралық «KADEX-2018» көрмесінің ашылу рәсіміне қатысты

23.05.2018

Алматыда «Жас өркен» жастар орталығы ашылды

ТАҒЫ ЖҮКТЕУ
КОЛУМНИСТЕР

Думан АНАШ, «Егемен Қазақстан»

Мектеп вальсі туралы ой

Соңғы қоңырау – мектеп бітіруші түлектердің жанын тербететін аяулы сәт. Алабұртқан сезім, алып-ұшқан арман, үміт пен күдік. Одан өзге? Мектеп вальсі. Иә, мектеп вальсі туралы әр жүрек түкпірінде жазылмаған бір-бір шығарма бар шығар. Бұл – мектеп қабырғасымен, дос-құрбылармен ғана қоштасу емес, іште бұғып жатқан мөлдір, алғашқы алақұйын сезімдермен де қоштасу.

Қорғанбек АМАНЖОЛ, «Егемен Қазақстан»

Қызғаныш деген қызыл ит

Заты адам баласымен бірге жасасып келе жатқан, көнермес те көгер­мес сезімдердің бірі – қызғаныш. Адам­ның көзіне шел қапта­та­тын қара қыз­ға­ныштардан кекшілдік пен күн­шілдік, бақас­тық пен бақталастық қоз­дап, неше түрлі қылмыстар жасалып жата­ты­ны да ешкімге құпия емес. 

Талғат СҮЙІНБАЙ, «Егемен Қазақстан»

Алматының алмасы. Шырын қайда?..

Алматы жұрты күнде жауған жауын­мен, түнде ұрған суықпен жағаласып жүріп Алатаудың бөктеріндегі биылғы алма бақ гүл шашқан көркем шақтан көз жазып қалған сыңайлы. Содан ба екен, біреу «Биыл алма гүлдеді ме?» десе, біреу «Биыл өзі алма бола ма?» дейді қамығып. 

Қарашаш ТОҚСАНБАЙ, «Егемен Қазақстан»

Рух көтерудің жолы

Кейінгі өскелең жас ұрпақты патриот­тық рухта қалай тәрбиелейміз, ертеңгі ел қорғар өрендеріміздің бойына отаншылдық пен патриотизмді, елге, жерге деген сүйіс­пен­шілік сезімін  қалыптастырып, келешекте ержүрек, батыл болып өсулері үшін не істеуіміз керек деп,  жастардың ертеңгі тағдыры мен таңдауына жиі бас ауыртып, жанымыздың жабырқап жататыны рас.

Қамбар Ахмет,

Каспий мен Қара теңіздерді жалғау кімге тиімді?

Мамырдың екінші онкүндігінде ақпарат һәм саясат алаңында қызу тал­қыланған тақырыптың бірі – Қазақ­стан Президенті Нұрсұлтан Назарбаевтың Каспий мен Қара теңіздің арасын жал­ғайтын «Еуразия» каналын салу жөніндегі пікірі болды. 

Тағы да оқу

Пікірлер(0)

Пікір қосу