Ресурстар – инвестиция тарту көзі

Бүгінде не көп, «халықаралық» деп айдар тағылған өңірлік және республикалық деңгейде өткізіліп жүрген әртүрлі форумдар көп. Соның ішінде соңғы уақытта бизнес және инвестициялық форумдар да жиі өткізіліп жүр.
Егемен Қазақстан
28.03.2017 448

Бұл басқосулар босқа қаражат шашудың көзіне айналмай, өзін-өзі ақтап жүр ме? Бұған еліміздің батыс өңірлерінің мысалынан тек оң жауаптар қайтаруға болады. Айталық, осыдан 4-5 жыл бұрын осы аймақта өткізілген бизнес-форумдардың бірінде инвесторлардың қызығушылығын туғызған бір мәселеден кейін көп кешікпей электр қуатын өндіретін зауыт құрылысы басталып кеткен-ді. Мұндай мысалдар аз емес.


Ал таяуда Ақтөбеде аяқталған Қазақ­стан-Израиль бизнес-форумы­ның қорытындылары жөнінде не деу­ге болады? Біріншіден, оның өзара тең әріптестік тұрғыда өткендігі әрі екі жаққа да тиімділік пен пайда әкеле алатын құнды ұсыныс-пікірлердің жеріне жеткізе айтылғаны – басты жетістік. 

Еліміздегі жетекші индустриялық-аграрлық аймақтардың қатарынан ойып тұрып орын алатын Ақтөбенің қазба байлықтарға өте бай екені, мұн­дағы жердің қойнауында Менде­леев кестесіне кіретін элементтердің түгел­ге дерлік бар екені бір ғана құм мен тастан тұратын ел өкілдері – из­раил­­дік­тердің назарын аударғаны анық.

Бір сөзбен айтқанда, өңірдің өте бай ресурсы, соның ішінде энер­ге­тикалық ресурстардың мол­дығы өңірдің инвестициялық тартым­дылығын тереңдете түспек. Алтын көмбенің үстінде отырсаң да, оның игілігін көре алмасаң, одан не үміт, не қайыр. Бұл ретте ауызды қу шөп­пен сүртудің ешқандай жөні жоқ. Өңірде газ бен суды және электр қуатын тұтыну бағалары елі­міз­дің өзге аймақтарымен салыс­тыр­ған­да біршама төмен. Ақтөбенің гео­гра­фиялық тұрғыдан өте ұтымды ор­наласуы, әуе, темір жол және автомобиль көліктері қарым-қатынасы да оң жолға қойылғаны бизнес-ортаны тартымды ете түсудің тағы бір жағымды факторы. Форумда сөз алған Израильдің Қазақстандағы Тө­тенше және өкілетті елшісі Ми­хаэль Бродский ауыл шаруашылығы саласы мен медицинаны дамыту және өзара қауіпсіздікті қамтамасыз ету мәселесінде ортақ нәти­жеге үміт арта алатыны жөнін­де айтып берді. Біріншіден, израиль­дік «Нетафим» және «МАD» секіл­ді компаниялар аймақта агротехно­логиялық шараларды жүргізуге, соның ішінде тамшылатып суару, құс өсіру және жылыжайлар тұр­ғызу ісіне инвестициялық қара­жат­тар бөліп жатса екі жаққа да тиім­ді болмақ. Өңірде өндірілетін ауыл­шаруа­шылық өнімдері жеткілікті. Өнімді өндіру бар да, өңдеу бар. Қазір­гі күні облыста кейінгі айтыл­ған мәселеде түйткілдер жоқ емес. Әсіресе форум үстінде айтылғандай, агломерациялық даму үрдісіне бет бұрған аймақта әсіресе сүт өнімдерін өңдеу ісінде іркілістер бар. Осы олқылықтың орнын толтыруға Из­раильдің жоғары технологиясы тартылса, бұдан ешкім де ұтылмайды.

Облыс әкімі Бердібек Сапар­баевтың айтуынша, кез келген технология, кез келген инвестициялық жоба жергілікті жерге икемді болуға тиіс. Азық-түлік қауіпсіздігі мәсе­ле­лері тек осындай байыпты көзқарас жағ­дайында ғана жоғары мәнге ие бола алады.

Оның ойынша, құс етін өн­діру жөнінде негізінен еліміздің оң­түстік өңірлерінің қажетін өтеуге лайықталған жобалар батыс аймаққа дәлме-дәл келмеуі кәдік. Жалпы, облыс құс етімен өзін өзі елу пайыз қамтып отыр. Әрі мұның өзі мүм­кін­дік пен әлеуеттің шегі емес. Сон­дықтан бұл арада туындаған мәселеге біржақты қарауға болмайды.

Израиль – әлемдегі медицина саласы ең жақсы дамыған елдер­дің қатарына кіреді. Осы орайда елі­мізде ешқандай баламасы жоқ ме­ди­циналық кластер құру ісін қол­ға алған өңірге израильдік маман­дар­дың көмегі қажет екені анық. Бүгінгі күні ақтөбелік оташы-маман­дар бүйрек алмастыру отасын же­тік мең­геріп үлгерді десек, артық айт­қан­дық болмайды. Форум кезінде из­раильдік «МВІ» медициналық орта­лығының өкілдері ақтөбелік ден­сау­лық сақтау саласының мамандарын жетілдіруге, оларды кәсіби қайта оқыту курстарынан, сондай-ақ, бар­лық ғылыми және хи­рургиялық салалар бойынша шебер­лік-сыныптар өткізуге әзір екен­діктерін мәлімдеді.

Әрине Қазақстан-Израиль бизнес-форумы кезінде тараптар тарапынан айтылған соңғы әрі өте қажетті де өзекті мәселе – қауіпсіз­дік мәсе­лесі болды. Өйткені, өндіріс пен адамдар қауіпсіздігі алдын ала әрі жан-жақты ойластырылмаған жағ­дайда өкінішті жағдайлар орын алмасына ешкім кепілдік бере алмайды. Жергілікті атқарушы билік пен құқық қорғау органдары бұл мәселеде қоян-қолтық қызмет атқа­рып келе жатқаны да белгілі. Деген­мен, қауіпсіздік мәселесін сақтау ісі одан әрі жүйелі түрде жалғасын таба білсе игі. Осындай түйінге Қазақстан-Из­раиль бизнес-қоғамдастығының өкіл­дері де қол қояды деген ойдамыз.


Темір ҚҰСАЙЫН, «Егемен Қазақстан»

АҚТӨБЕ  





СОҢҒЫ ЖАҢАЛЫҚТАР

21.10.2017

«Хабар» агенттігі БАҚ өкілдері арасында дәстүрлі футбол турнирін өткізеді

21.10.2017

Кенияда журналистер мінген тікұшақ көлге құлады

21.10.2017

5,5 пайыздық мөлшерлемемен несие бере бастады

21.10.2017

Роналду жылдың ең үздік футболшысы атанды

21.10.2017

Мешітті тонаған азамат ұсталды

21.10.2017

Кәсіпкерлер палатасы есеп берді

21.10.2017

Қазақ романсиадасына 20 жыл

21.10.2017

Қырғыз саясаткері Нұрсұлтан Назарбаевқа өтініш білдірді

21.10.2017

Сарыағаштық шаруалар қайта өңдеу ісін жандандыра бастады

21.10.2017

Газ келді. Қосуда қиындық бар

21.10.2017

Рухани келісім – бейбітшілік негізі

21.10.2017

Ауғанстан мешіттеріндегі жарылыстан құрбандар саны артуда

21.10.2017

Түркияда Қазақстан мәдениеті мен киносының күндері

21.10.2017

Қостанайда құқық қорғау қызметтері орталығы ашылды

21.10.2017

Қарттар үйіне көтеру құрылғысын тарту етті

21.10.2017

Қостанайда полицейлер көкпар тартты

20.10.2017

Қазақстанның Қауіпсіздік Кеңесінде кадрлық өзгерістер болды

20.10.2017

Астанада жетімдер саны азайды

20.10.2017

Сарыағаш ауданында қарқынды бау көлемі артып келеді

20.10.2017

Тараз Мемлекеттік педагогикалық институтына 50 жыл толды

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Кімді тұлға тұтамыз?

Баяғының жастарына «Мен өмір­ден өзімді іздеп жүрмін» деп сөйлеу тән болатын... Жақында Америкада оқып жүрген қазақ­стандық жас өреннің пікірін тыңдап көруге тура келді.

Жылқыбай ЖАҒЫПАРҰЛЫ, «Егемен Қазақстан»

Дауыл алдындағы тыныштық болып жүрмесін

Төрткүл дүниені тығырыққа тіреген 2008 жылғы жаһандық қаржы дағдарысы мен 2009 жылғы «ұлы рецессиядан» енді ғана оңала бастаған әлем экономикасы 2016 жылдан бастап баяу да болса тұрақты даму бағытына бет бұрды.

Бақытгүл САЛЫХОВА, педагогика ғылымдарының кандидаты

Шексіз білім

«Білім шексіз бе, әлде білімнің шегі бар ма?» деген сұраққа жа­­уап­ іздеп жүріп, Оксфорд уни­вер­ситетінің профессоры, матема­тик Мар­кус дю Сотойдың «Біз нені біле алмаймыз: білім шегіне сая­хат» («What we cannot know») ат­ты кітабын сатып алдым. Про­фес­сор бұл кітабында нөлден бас­­­тап жетіге дейінгі межені бел­гілейді. Нөлінші межені «Белгілі, бірақ белгісіз» әлде «Белгілі, бірақ бей­мәлім» деген дұрысырақ па?­ Біз біле­тін нәрседен бастап еш­қашан біле алмайтынға, ал одан шек­сіздікке дейінгіні тұспалдайды. Біз нені білмейміз және нені біле ал­маймыз? 

Сейфолла ШАЙЫНҒАЗЫ, «Егемен Қазақстан»

Ұялы байланыс: ұтқан кім, ұтылған кім?

Бүгінде ұялы телефонды пайдалан­байтын адам кемде-кем. Олай болса осынау ертелі-кеш қолымыздан тастамай «рахатын» көріп жүрген игілік үшін кімдерге қанша ақша санап береді екенбіз?  

Талғат СҮЙІНБАЙ, «Егемен Қазақстан»

Қарсылық па, таршылық па?

«Біреу Алматыға бір «КамАЗ» сәбіз әкеліп төгіп, елге тегін таратты» деген хабардың шығуы мұң екен, веб-сайттар ақырғы жаңа­лықтың айналасына шыбындай үймеледі. 

Тағы да оқу

Пікірлер(0)

Пікір қосу