Сән-салтанаты жарасқан керуен

астаналықтарды ерекше әсерге бөледі.
Егемен Қазақстан
27.07.2017 738

Елордаға жүк артқан отыз боталы түйе жетелеген өнерпаздар, елуге тарта атты қыз-бозбала бастаған «Ұлы Жібек жолы. Көне Тараздан Астанаға тарту» атты этномәдени керуен кел­ді. Тарихи мекен Тараздан әсем Астанаға екі айдан аса жү­ріп жеткен олар жол бойы он бекетке аялдап, ұлтымыздың ұмыт болған салт-дәстүрлерін паш еткен. Керуенмен келген өнер­паздар мен спорт шеберлері енді ай соңына дейін бас ша­һарымызда ЭКСПО-2017 халықаралық көрмесі аясында Жамбыл облысының мәдени күндерін өткізеді.

«Хан Шатыр» сауда және ойын-сауық орталығы ма­ңын­дағы «Ғашықтар» сая­ба­ғына келіп тоқтаған керуенді қарсы алуға Астана әкімі Әсет Исекешев, Жамбыл облысы әкімі Кәрім Көкірекбаев жә­не сол топырақта туған зия­лы қауым өкілдері келді. Бас­қосуда өңірге қарасты он ауда­н­ның көркемөнерпаздары «Әу­лие­ата­дан жыр шашу» атты конце­рт қойды.

«Екі мың жылдан аса тарихы бар қасиетті Әулиеата жерінен, жыр алыбы Жамбылдың елінен 1400 адам Астанаға келді. Этномәдени керуен 20 мамыр күні Тараз қаласынан жолға шы­ғып, Жамбыл облысының ал­ты ауданы мен Қарағанды облысының төрт ауданын басып, жол бойы мәдени шаралар өткізіп, екі ай дегенде Астанаға та­бан тіреді. Бұл – біздің өңірдің ЭКСПО-2017 халықаралық көр­месіне ең үлкен тартуы. Ке­ру­ен құрамында екі жүзге тарта танымал өнерпаздарымыз бар», деген облыс әкімі керуен то­бы­ның 1300 шақырым жолды басып өткенде қиындықтарға да ке­зік­кенін жеткізді. 

«Әрине, Арқаның төсіне  көне шаһардан ат, түйемен, арбамен ашық аспан астында жету оңай емес. Әсіресе, екі апта бұрынғы аптап ыстық кезінде температурасы 46-47 градусқа дейін көтерілген Мойынқұм даласынан өту өнерпаздарға да, малдарға да қиынға соқты. Бірақ сол машақаттың бәрін жеңіп, Астананың қақ төріне жеттік», деді Кәрім Көкірекбаев. 

«Ғашықтар» саябағында Жамбыл облыстық тарихи-өлкетану музейінің «Тараз – та­рихтың алтын дiңгегi» атты көр­месі өтіп, сақ дәуірінен Қазақ хандығы құрылғанға дейінгі 300-ден астам жәдігер – тари­хи инсталляциялар, тиындар, құмыралар және тараздық қыл­қалам шеберлерінің сурет­те­рі жұртшылық назарына ұсы­нылды. Сондай-ақ, «Көне Та­раз әлемі» тарихи-мәдени экс­позициялық кешені ашылып, киіз үйлер тігілді. Қолдан жа­салған әшекей бұйымдар, му­зыкалық аспаптар, жеміс-жи­дек­тер мен көкөністер са­ты­лым­ға шығарылды. 

Айша Бибі мен Қарахан, неме­ре­сіне ертегі айтып отырған әже жә­не құс ұшырып, тазы жүгірткен аң­шылардың сәні мен салтана­ты жарасқан керуен Астана тұр­ғындары мен қо­нақт+арына ұмы­тылмас әсер сыйлады. «Бұл естен кет­пейтін ерек­ше сапар болды. Бізді жол бой­ындағы әрбір ауыл қу­а­ны­ш­пен қарсы алды», дейді керуен құрамындағы әжей Тамара Әбдікәрімова. 

ЭКСПО-2017 көрмесі ая­сын­­да 30 шілдеге дейін жал­ға­­сатын мәдени күндерде ел­орда­лық тұрғындар мен қо­нақ­тар облыстық филармония ұжымының «Әулиеатадан – ән шашу» бағдарламасын, қа­зақ драма театрының «Қыз Жі­бек» саундтрегін, А.Бек­бо­сы­н­ның «Домалақ ене», С.Бал­ға­бае­втың «Ең жақсы еркек» спек­такльдерін, «Алатау» фо­ль­­­клорлық ансам­блі­нің «Ға­сырлар әуені» концертін жә­не Д.Таңатаров, Қ.Нұртас, И.Ра­сылхан сынды танымал әнші­лер­дің қатысуымен өтетін «Бір әуен, бір өлең» кешін тамашалайды. Мәдени шаралардың көпшілігі «Ғашықтар саябағында» өтеді.   

Бас қаладағы «Қазанат» ипподромында ұлттық ат спорты түрлері – көкпар, аударыспақ, теңге ілу, жамбы ату ойын­да­р­ы­ның көрсетілімдері ұйым­дас­­­тырылады. «Этноауыл» қа­ла­­­шығы маңында қазақ күресі, асық­ ату, бес тас, алаң­дағы тоғызқұмалақ ойын­да­рының көрсетілімімен қатар, құс­бегілік және тазы, төбет иттер көрмесі өтеді.

Сонымен бірге, 28-30 шіл­де күндері жамбылдықтар «Қазақ­стан» спорт кешені аумағында ауыл­шаруашылық жәрмеңкесін өткізіп, астаналықтарға 245 тонна экологиялық таза, жоғары сапалы азық-түлік өнімдерін ұсынады.

Асхат РАЙҚҰЛ, 
«Егемен Қазақстан»

Суреттерді түсірген

Орынбай Балмұрат,
«Егемен Қазақстан»

СОҢҒЫ ЖАҢАЛЫҚТАР

19.08.2018

Жакартада жанған жұлдыз

19.08.2018

Ауа райы болжамы: Ақмола облысы мен Астана аумағында дауыл тұрады

18.08.2018

Джакартада Жазғы Азия ойындарының ашылу салтанаты өтті

18.08.2018

БҰҰ-ның бұрынғы Бас хатшысы Кофи Аннан қайтыс болды

18.08.2018

Мемлекеттік хатшының қатысуымен Бұқар жыраудың 350 жылдық мерейтойы өтті

18.08.2018

Пара алған әкімдердің қылмысы әшкере болды

18.08.2018

Елордада «Ұлы дала рухы» республикалық фестивалінің солтүстік аймақтық іріктеу жарыстары өтіп жатыр

18.08.2018

Астанада түркі тіл білімінің өзекті мәселелері талқылануда

18.08.2018

Бүгін ауыл жасөспірімдерінің республикалық II жазғы спорт ойындары басталады

18.08.2018

Допинг дауынан кейін «Канело» ресми түрде қайта рингке оралды

18.08.2018

Ыбырай Алтынсариннің отбасы қолданған жәдігерлер жұрт назарына ұсынылды (ВИДЕО)

18.08.2018

Астанада мемлекеттік қызметкерлер арасында спорттық сайыс өтіп жатыр

18.08.2018

Қаламгер Сұлтан Қалиұлы дүниеден озды

18.08.2018

Бүгін Азия ойындарының салтанатты ашылуы өтеді

18.08.2018

Мыңнан аса астаналық веложарысқа қатысуда

18.08.2018

ҚМДБ еліміз қалалары бойынша айт намазының уақытын жариялады

18.08.2018

Демалыс күндері елімізде ауа райы құбылмалы болады

17.08.2018

Қазақстан Президенті «Журавлевка 1» ауыл шаруашылығы кешенін аралап көрді

17.08.2018

Роман Григорчук «Астана» клубының бас бапкерлігінен уақытша кетті

17.08.2018

Қазақстандық велотрекші әлем чемпионатының қола жүлдегері атанды

ТАҒЫ ЖҮКТЕУ
КОЛУМНИСТЕР

Қорғанбек АМАНЖОЛ, «Егемен Қазақстан»

Тілтолғақ пен тілтұтқа

Әлеуметтік желіден «Астана қаласы­ның қаракөз балдырғандары қазақша сөй­лемейтіні несі?» деген сыңайдағы сұрау­лы сөйлем, қобалжулы пікірді көзіміз шалып ойланып қалдық, қапаландық. 

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу