Сенім грамоталарын қабылдады

Кеше Ақордада бірқатар шет мем­лекеттердің Қазақстандағы Тө­тенше және өкілетті елші­лерінің Қазақстан Президенті Нұрсұлтан Назарбаевқа Сенім гра­моталарын тапсыру рәсімі өтті.
Егемен Қазақстан
12.04.2017 811
2

Елбасы Сенім грамоталарын қабыл­даған елдердің қатарында Марокко Ко­роль­дігінің елшісі Абделжалил Собри, Оңтүстік Африка Республикасының елшісі Кийтуметци Сийпело Тандека Мэттьюс, Біріккен Араб Әмірліктерінің елшісі Мұ­хаммед Ахмед Сұлтан Иса әл-Джабер, Сауд Арабиясы Корольдігінің елшісі Захир бен Мутиш әл-Анези, Малайзия елшісі Дато Саид Мохамад Бакри Бин Саид Абдул Рахман, Грузия елшісі Зураб Аба­шидзе, Моңғолия елшісі Лувсан Баттулга секілді жеті мемлекеттің елшісі болды.  

Мемлекет басшысы рәсімге қатысу­шыларды құттықтап, шетелдік дипло­маттардың қызметтері Қазақстан үшін маңызды кезеңде басталғалы отырғанын атап өтті.

– Қаңтар айында мен халыққа арна­ған Жолдауда Қазақстанның үшінші жаң­ғыруын қамтамасыз ету міндетін белгі­ледім. Біз күш-жігерімізді елдің жаһандық бәсе­кеге қабілеттігін қамтамасыз ететін эконо­микалық өсімнің жаңа моделін құруға бағыттаймыз, – деді Нұрсұлтан Назарбаев.

Қазақстан Президенті өзінің биылғы 10 наурызда «Қазақстан Республикасының Конституциясына өзгерістер мен толық­тырулар енгізу туралы» Заңға қол қоюы ел өміріндегі тағы бір маңызды оқиға болып саналатынын айтты.

– Соңғы түзетулерге сәйкес, Прези­денттің бірқатар өкілеттіктері биліктің басқа тармақтарына берілді. Консти­туциялық құрылымның, ел егемендігі мен тәуелсіздігінің мызғымастық кепілдігі нығая түсті, – деді Мемлекет басшысы.

Нұрсұлтан Назарбаев Біріккен Ұлттар Ұйымы Қауіпсіздік Кеңесінің тұрақты емес мүшесі ретінде өңір атынан өкілдік ету Қазақстан үшін зор мәртебе екенін жет­кізді.

Қазақстан Президенті ядролық қауіп­сіздік, энергетикалық қауіпсіздік, су қауіп­сіздігі және азық-түлік қауіпсіздігі мем­лекетіміздің БҰҰ Қауіпсіздік Кеңесіндегі жұмысының басымдығы бар төрт бағыты ретінде қарастырылатынын атап өтті.

– Қазақстан – жаһандық антиядролық қоз­ғалыстың бастаушысы әрі көшбас­шыларының бірі. Биыл Астанада Ядролық сынақтарға қарсы іс-қи­мылдың халықаралық күні – 29 тамызда бірқатар маңыз­ды халықаралық іс-шара өткізуді жос­парлап отырмыз, – деді Мемлекет басшысы.

Нұрсұлтан Назарбаев БҰҰ-ның тұрақ­ты даму мақсаттарын, Париж келісімдерін іске асыруға және «жасыл экономиканы» насихаттауға Қазақстанның белсене атсалысып отырғанын айтты.

– Осы мақсатта Астанада «Болашақтың энергиясы» тақырыбымен ЭКСПО халықаралық көрмесі өтеді. Көрме жұ­мы­сы аяқталған соң ЭКСПО базасын­да «Астана» халықаралық қаржы орталығы ресми түрде жұмысын бастайды, сондай-ақ онда ІТ-стартаптардың халықаралық технопаркін, энергетикаға, қоршаған ортаға және технологияларға маманданған клас­терлерден тұратын ғылыми-техно­логиялық паркін құру көзделген, – деді Қазақстан Президенті.

Мемлекет басшысы экономикалық бағыт шетелдік серіктестермен ынты­мақ­тастығымыздың негізгі элементі болып саналатынын атап өтті.

– Біз сауданы ұлғайтып, өндірісті дамыту үшін сапалы инвестиция тартуға мүд­деліміз. Инвесторлар үшін түрлі жеңіл­діктер қарастырылған, сондай-ақ «бір терезе» қағидаты бойынша қызмет көрсетіледі. Біздің ел 2015 жылдан бері Дүниежүзілік сауда ұйымының мүшесі болып саналады. Қазақстан «Бизнес жүргізу жеңілдігі» көрсеткіші бойынша әлемнің 190 елінің арасынан 35-ші орын алып отыр, – деді Нұрсұлтан Назарбаев.

Қазақстан Президенті еліміздің географиялық тұрғыдан оңтайлы орналас­қанына тоқталып, мұның Қазақстанды маңызды көлік-транзит торабы ретінде қарастыруға мүмкіндік беретінін айтты.

– Еліміз арқылы Еуропадан Қытайға және Оңтүстік-Шығыс Азияға баратын қысқа жолдар өтеді. Осыған орай, «Нұрлы жол» ұлттық инфрақұрылымдық бағдар­ламасы белсенді түрде жүзеге асыры­луда. Кәсіпкерлер қауымы Индус­триялық-инновациялық дамудың 2015-2019 жылдарға арналған мемлекеттік бағ­дарламасына және ауқымды жекеше­лендіру науқанына атсалыса алады. Сіз­дердің елдеріңіз осы жобаларға белсене қатысады деп үміттенемін, – деді Мемлекет басшысы.

Нұрсұлтан Назарбаев тәуелсіз Қазақ­станның сыртқы саясатының көпвек­торлы сипатта екенін айтып, Біріккен Араб Әмірліктерін әлемдегі негізгі серік­тесіміздің бірі ретінде деп атады.

– Әмірліктер Қазақстан экономикасы үшін аса ірі өңірлік инвестор болып саналады. Біздің елде әмірліктер капиталының үлесі бар 200-ге жуық бірлескен кәсіпорын жұмыс істейді. Астанада құрылысы жүріп жатқан өңірдегі аса ірі «Абу Даби Плаза» инвестициялық жобасы көз алдарыңызда жүзеге асуда. Әмірліктер басшылығымен менің кездесулерімнің қорытындысы бойынша бірлескен ірі жаңа жобаларды жүзеге асыру жөнінде уағдаластық, – деді Мемлекет басшысы.

Қазақстан Президенті Сауд Арабиясы Корольдігін еліміздің сыртқы саясаттағы бастамаларын ұдайы қолдап келе жатқан маңызды халықаралық серіктесіміздің бірі ретінде қарастыратынымызды жеткізді.

– Екіжақты өзара іс-қимылды мей­лінше дамытуға менің Эр-Риядқа был­тырғы қазан айындағы сапарым да септігін тигізді. Біз агроөнеркәсіп кешені, мұнай химиясы, энергетика, геологиялық барлау салаларындағы өзара іс-қимылды ілгерілетуге өзара мүдделілікті қуаттадық, – деді Нұрсұлтан Назарбаев.

Мемлекет басшысы Марокко Король­дігімен қарым-қатынасымыздың жүйелі дамып келе жатқанын атап өтті.

– Астанада Марокко елшілігінің ашылуы өзара тиімді саяси, сауда-эконо­мика­лық және инвестициялық ынты­мақ­тас­тықты арттыруға тың серпін береді, – деді Қазақстан Президенті.

Нұрсұлтан Назарбаев Қазақстанның Азия-Тынық мұхиты өңіріндегі сенімді серіктесі – Малайзиямен үнқатысу қар­қынды дамып келе жатқанын айтты.

– Жоғары технологиялық инфра­құ­рылым және құрылыс жобалары, ислам банкингі жүйесі, «халал» стандартындағы азық-түлік өнімдерін шығару сияқты бағыттарда ынтымақтастықты дамытуға мән беру қажет. Малайзия – АСЕАН-ның мойындалған көшбасшысы. Қазақстан бұл қауымдастықпен тығыз байланысын одан әрі нығайтуға мүдделі, – деді Мемлекет басшысы.

Қазақстан Президенті Біріккен Араб Әмірліктерінің, Сауд Арабиясының, Марок­коның және Малайзияның елші­леріне сөз арнай отырып, олар биыл қыр­күйекте Астанада өтетін Ислам ынты­мақ­тастық ұйымының Ғылым мен технологиялар жөніндегі саммитіне өз елдерінің жоғары деңгейде қатысуы үшін белсене атсалысады деп үміт артатынын жеткізді.

Нұрсұлтан Назарбаев Қазақстанның Оңтүстік Африка Республикасымен өзара тиімді ынтымақтастықты дамытуға баса мән беретінін айтты.

– Оңтүстік Африка Республикасы әлемдік қоғамдастықтың беделді мүшесі әрі Африка құрлығындағы саяси және эко­но­микалық үдерістерге қатысып отыр­ған негізгі ел ретінде танымал. Қазақ­стан бұл елмен ынтымақтастығын серіктес­тіктің жоғары деңгейіне көтеруге мүдделі. Әріптестігіміздің жарқын мысалы ретінде 2015 жылы құрылған «Қазақ­стан Парамаунт Инжиниринг» бір­лес­кен кәсіпорнын айтуға болады, – деді Мем­лекет басшысы.

Сонымен қатар, Қазақстан Президенті Грузиямен екіжақты қарым-қатынасты дамытудың маңыздылығына тоқталды.

– Біз Тбилисимен үнқатысуды бар­лық салада және барлық деңгейде әрі қарай жалғастыруға мүдделіміз. Грузия Прези­дентінің Астанаға алдағы сапары аясында біз кең ауқымды мәселелерді талқылап, екіжақты өзара іс-қимылдың жаңа перспективалы бағыттарын айқындаймыз деп сенемін, – деді Нұрсұлтан Назарбаев.

Мемлекет басшысы еліміздің Моң­ғо­лияны Шығыс Азиядағы маңызды серіктес ретінде қарастыратынын атап өтті.

– Соңғы жылдары Моңғолияның Азия­дағы маңызды транзиттік мемлекет, сау­дадағы әріптес және табиғи ресурстарды жеткізуші ретіндегі рөлі айтарлықтай артты. Халықтарымыздың тарихындағы ортақтастық, экономикалық мүдделеріміз бен геосаяси сын-қатерлердің ұқсастығы Қазақстан мен Моңғолияның саяси, сауда-экономикалық және мәдени-гуманитарлық ынтымақтастығын одан әрі тиімді нығайту қажеттілігін тудырады, – деді Қазақстан Президенті.

Нұрсұлтан Назарбаев 2017 жылы Қазақстан мен рәсімге қатысып отыр­ған елшілердің елдері арасында дипло­ма­тиялық қарым-қатынастың орнауының мерейлі межесі атап өтілетінін айтты.

– Биыл біздің еларалық байла­ныс­тары­мыздың басталғанына 25 жыл толады. Сіздердің Астанадағы қызметтеріңіз ел­деріміз арасындағы ынтымақтастықты одан әрі нығайтуға бағытталады деп сене­мін, – деп түйіндеді Мемлекет басшысы.

Соңында Нұрсұлтан Назарбаев рә­сімге қатысушыларды Қазақстандағы дипломатиялық қызметтерінің ресми түрде басталуымен құттықтап, оларға және отбасыларына денсаулық пен табыс тілеп, елімізде өткізетін күндерінің жайлы болуына ниеттестік білдірді.

Елші Захир бен Мутиш әл-Анези Қа­зақстан Президентіне Сауд Арабиясы Ко­ро­лінің сәлемін жеткізгені туралы айтты.

– Сенім грамотасын тапсырғаным үшін қуаныштымын. Қазақстан Респуб­ли­касының Жоғары мәртебелі Президентіне Сауд Арабиясының Королінің сәлемін жеткіздім. Президент мырза Сауд Арабиясының Королі жолдаған қасиетті Қағбаның жамылғысын қуанышпен қабыл алды. Сонымен қатар,  Сауд Арабиясы Королінің Қазақстан Республикасына ресми сапармен келу ниеті көрсетілген хатын жеткіздім. Құдай қаласа,  сапар жақын арада жүзеге асады деген үмітіміз бар,– деді Сауд Арабиясы Корольдігінің елшісі.

Марокко Корольдігінің елшісі Абделжалил Собри журналистерге берген сұхбатында Қазақстан Президентіне Марокко Королі Мұхаммед VI-ның ыстық сәлемін жеткізгенін айтты.

– Мәртебелі Король бауырлас әрі дос­тас ел Қазақстанмен арада байланысты дамытуға мүдделі екендігін жеткізді. Қазақстан мен Марокко арасындағы байланыстардың жақсы екенінен хабардарсыздар. Біздің елдеріміз өз аймағында маңызды рөл атқарады. Екі мемлекет те басқа діндер, мәдениеттер және өрке­ниет­тер үшін ашық. Екі елде де бейбітшілік пен тұ­рақ­тылықты сақтауға маңыз беріледі, – деді ол.

Біріккен Араб Әмірліктерінің елшісі Мұхаммед Ахмед Сұлтан Иса әл-Джабер Қазақстан Президенті мен халқына қонақ­жай пейілі үшін алғысын білдірді.

– Қазақстан Республикасына келген алғашқы күннен бастап ыстық пейіл­мен қарсы алғандарыңыз үшін алғыс біл­діремін. Біріккен Араб Әмірліктерінің бас­шы­лығына да маған Қазақстан сынды достас мемлекетте дипломатиялық миссия атқа­ру сынды мәртебелі міндет жүктегені үшін риза,– деді ол. Елші айтып өткендей, екі мем­лекеттің арасындағы байланыстар мем­­ле­кеттердің басшыларының өзара дос­тығы­ның арқасында жыл санап нығайып келеді.

Жеті мемлекеттің Төтенше және өкі­лет­ті елшілері Қазақстан Президентіне алғыс­тарын білдірді. Олар өз елдерінің ал­дағы уақытта Қазақстанмен арадағы жан-жақты ынтымақтастық байланыстарды нығайта түсуге ниетті екендіктерін жеткізді. 


Арнұр АСҚАР,
«Егемен Қазақстан»



СОҢҒЫ ЖАҢАЛЫҚТАР

24.09.2018

FIFA-2018 марапаттау рәсімінде Роналду болмайды

24.09.2018

Ұлы Дала Еліне саяхат — «Жаңа Жібек жолы» бағыты бойынша экспедиция Таразға келді

24.09.2018

«Егемен академиясының» жаңа маусымына тіркелу басталды

24.09.2018

Мақтаарал құрылыс саласымен де танымал болмақ

24.09.2018

Атырауда «Тау тұлғалы Таумыш» республикалық ғылыми-тәжірибелік конференциясы өтті

24.09.2018

Ақмола облысында мемлекеттік қызмет мектебін ашылды

24.09.2018

Алматыда III Baikonyr Short Film Festivalдің жабылу салтанаты өтті

24.09.2018

Ақтөбелік полицейлер Агенттіктің «Пара алма!» үндеуіне құлақ асуда

24.09.2018

Қыздар Университетінің студенттері республикалық турнирдің жеңімпазы атанды

24.09.2018

Талдықорған қаласы әкімінің жаңа орынбасары тағайындалды

24.09.2018

25 қыркүйекте Үкімет үйінде Қазақстан Үкіметінің отырысы өтеді

24.09.2018

Ақтауға үлкен футбол оралды

24.09.2018

Үш дзюдошымыз да алғашқы айналымда ұтылды

24.09.2018

Оралда бокстан халықаралық турнирдің жеңімпаздары анықталды

24.09.2018

Қазақстанда ұшақ билеттері арзандауы мүмкін

24.09.2018

Қазақстанда 14 миллион тоннаға жуық астық жиналды

24.09.2018

«Түн құдайы» фильмі Парижде өткен ретроспектива барысында көрсетілді

24.09.2018

Универсиада алауы Алматы арқылы өтті

24.09.2018

Бүгін Бакуде үш дзюдошымыз белдесуде

24.09.2018

Бизнес салымдар үшін қай қаржы ұйымы тиімді?

ТАҒЫ ЖҮКТЕУ
КОЛУМНИСТЕР

Асан Мирас,

Ulaǵat pen muraǵat

Qaıǵyly ólimi qalyń jurttyń qabyrǵasyn qaıystyryp, qyrshyn ǵumyry qıylǵan óner, mádenıet, sport sańlaqtary qaı ultta bolsyn az emes. Ondaı has talanttardy halyq eshqashan umytpaıdy. Talanttardyń fánıdegi taǵdyry kelte bolǵanymen, halyqtyń júregi men jadyndaǵy ǵumyryn myńjyldyqtarmen ólsheýge bolady. Aıtalyq, áıgili grek ańyzyndaǵy aıbyndy batyrlar Ahılles pen Gektordyń esimderi dáýirlerden dáýirlerge kóshe júrip, ult sanasynda jarqyrap ǵumyr keshýde. Ańyzdyń epıloginde aıtylǵandaı, keıingi urpaq tıtandardy máńgi eske tutatyn bolady. Tipti, grektiń búkil tarıhy áli kúnge deıin ataqty Gektor men Ahıll shaıqasyna baılanysty óriledi. Biz muny nege aıtyp otyrmyz? Qaı ult bolmasyn, esimi elge eleýli tulǵalaryn este qaldyrýdyń esti joldaryn ustanady. Qazaq tarıhyn aqtarsaq ta, ádebıet betterin paraqtasaq ta túrli klassıkalyq joqtaý úlgilerine jolyǵatynymyz sózsiz. Joǵarydaǵy dańqty grek batyry Ahıllestiń de atyn aqıqatqa bergisiz asqaqtatqan áıgili Gomer abyz. 

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу