Шетел баспасөзіне шолу: Қытайдың «Бір белдеу, бір жолы» әлем экономикасын өзгертпек

Бүгінгі шолуда: Арабтар үнемдеуді үйренбек. Қытайдың жаңа жобасы қандай мақсат көздейді? Солтүстік Корея АҚШ-пен соғысқа дайынбыз дейді. АҚШ отандық экономиканы қолдаудың жаңа саясатына көшті.
Егемен Қазақстан
18.04.2017 2307
2

Сауд Арабиясы үнемдеуге көшті

Сауд Арабиясы үкіметі құзіретті министрліктер мен ведомстволарға инфрақұрылым мен экономиканы дамыту бойынша қазір жүріп жатқан миллиардтаған доллардың жобаларын тоқтату немесе қайта қарауды тапсырды, деп хабарлайды investing басылымы ел үкіметіне сілтеме жасап. 

«Бұлар – ондаған жыл бұрын, мұнай бағасы жоғары кезде қолға алынған жобалар. 2014 жылы мұнай бағасы құлдырағаннан кейін мемлекеттің бюджеттік шығыстары да қысқара бастады. Билік қазіргі таңда қатаң үнемдеуге көшуі керек» деп жазады басылым. 

Үкімет жұмысын жақсарту мақсатында өткен жылы құрылған елдегі капиталды және операциялық шығындарды реттеу бюросы кемінде 25 пайызға орындалған жобалардың тізімін жасамақ. 

Шенеуніктер аталған жобалардың өміршеңдігін тексеріп,елдің шикізатқа тәуелді экономикасын әртараптандыру мақсатында қай жобаны соңына дейін жеткізіп, қайсысын тоқтату керектігі туралы шешім қабылдамақ. 

Бюджетке түсетін ауыртпалықты азайту мақсатында ел үкіметі аталған жобаларға жеке секторды тартуды да ойластыруда. 

«Бір белдеу, бір жол» әлемдік экономиканы қалай өзгертеді?

Қытайдың «Бір белдеу, бір жол» атты ірі бастамасы әлем экономикасының бағытын өзгертпек, деп жазады Синьхуа агенттігі.  

Басылымның хабарлауынша, Қытайдың экспорттық қуатын нығайтуға бағытталған бұл жобада Пекиннің ЕАЭО елдерімен арадағы экономикалық ынтымақтастығы маңызды рөлге ие. «Өйткені, Еуразиялық одақ нарығы Қытайдың ірі тұтынушыларының бірі Еуропаға ашылған есігі» деп жазады агенттік.

Бұл тұрғыда ЕАЭО мен Қытай арасында өзара сауда туралы келісімшарттардың берері сол екені айтылады. 

Осы орайда Қытай ақпарат агенттігі «Бір белдеу, бір жол» мегабастамасының әлем экономикасының бүгінгі бет-бейнесін өзгертетінін болжайды. Сарапшылардың пікірінше, теңіз жолы тасымалына негізделген бүгінгі халықаралық сауда болашақта Ұлы Жібек жолы бойында қайта жанданып, Еуразиялық кеңістік әлем экономикасының күретамырына айналмақ. 

Естеріңізге сала кетейік, алдағы мамыр айында Пекинде «Бір белдеу, бір жол» атты халықаралық форум ұйымдастырылмақ. 

ҚХДР ракеталық сынақтарды тоқтатпақ емес

Солтүстік Корея ракеталық сынақтарын жалғастыра береді, деп мәлімдеді елдің сыртқы істер министрінің орынбасары Хан Сон Рль дүйсенбі күні BBC-ге берген сұхбатында. 

Оның айтуынша, егер АҚШ өз тарапынан әскери шаралар қолға алатын болса, арада соғыс оты тұтанып кетуі ықтимал. «Егер Құрама Штаттар әскери шара қолдануға батылы барса, екі ел арасында басталып кететін соғысқа дайын болуы керек» деп ескертті КХДР сыртқы істер министрінің орынбасары. 

Ал ҚХДР-дың БҰҰ-дағы елшісінің орынбасары АҚШ-пен арадағы қандай да соғысқа дайын екендіктерін мәлімдеді. 

“Құрама Штаттар әлемдегі бейбітшілікке қауіп төндіруде. Олар өзге елдің саясатына араласуын тоқтатар емес. Олардың ойынша, әлемдегі тұрақтылық пен халықаралық құқықтың сақталуына тек солар ғана кепілдік бола алады. Олардың өздеріне деген сенімділігі Корей жартыаралында әскери операция бастауына түрткі болуда» деді елшінің орынбасары. 

Ертеректе АҚШ вице-президенті Майкл Пенс Солтүстік Кореяның ядролық сынақтарын тоқтату үшін Ақ үйдің Пхеньянға экономикалық және дипломатиялық қысымды еселей түсетінін мәлімдеген еді. 

Америка отандық өнім мен отандық еңбек күшіне басымдық береді

АҚШ президенті Дональд Трамп «Америкалық өнімді сатып ал, америкалықты жалда» деп аталатын жаңа протекционистік (отандық экономиканы қолдауға бағытталған) қаулы қабылдады, деп жазады Reuters агенттігі Ақ үйдің баспасөз қызметіне сілтеме жасап.  

Президент әкімшілігінің мәліметінше, қаулы бойынша федералды келісімшарт негізінде мемлекеттік сатып алуларда америкалық тауарлар үлесін арттыруды көздейді.

Қаулы негізінде, құзіретті ведомство жекелеген компаниялардың шетелмен жасасқан сауда келісімшарттарында отандық өнімнің саудалануын бақылайтын болады.

Сонымен қатар, қаулы жұмыс күшіне де өзгерістер енгізбек. Нақтырақ айтар болсақ, АҚШ-қа шетелден жұмыс күшінің ағылуын реттеу мен жергілікті кәсіпорындарда америкалықтардың бірінші кезекте жұмыспен қамтылуы қарастырылған.  

Осы құжат негізінде елдің еңбек министрлігі, әділет министрлігі, ұлттық қауіпсіздік министрлігі мен сыртқы істер ведомствосы елдің көші-қон саясатындағы кемшіліктердің алдын алып, америкалық жұмыскерлердің мүддесін қорғамақ. Осы мақсатта ведомстволар шетелден келетін жұмыс күшіне қойылатын талапты күшейтіп, тек жоғары білікті мамандарға ғана рұқсат бермек.

Дайындаған Бауыржан Мұқанов

"Егемен Қазақстан"

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу