Шымкентте ​Әбдісалан атында бокс турнирі өтті

Бүгін даңқты боксшы, КСРО-ның еңбек сіңген спорт шебері Әбдісалан Нұрмахановты еске алуға арналған ХХIV халықаралық турнир мәресіне жетті. Шымкент қаласында жалауы желбіреген додада 105 боксшы бақ сынады.
Егемен Қазақстан
19.04.2017 6403

Финалға жолдама алған 20 боксшы 10 салмақ дәрежесі бойынша өзара жеңімпаздарды анықтады. 

49 кило салмақта тараздық Ермек Мәдиев ақтөбелік Қанағат Манатұлынан басым түссе, 52 килода сынға түскен Баққожа Инаятулла (Қызылорда) спорт шеберінен үміткер Данияр Серікке (БҚО) еш мүмкіндік бермеді.

Бұл турнирде ерекше айқастың бірі 56 килода орын алды. Аталмыш салмақта бақ сынаған жергілікті боксшы Олжас Қалаубек пен ӘОСК (ЦСКА) атынан сынға түскен Тастемір Бибосыновтың айқасы жанкүйерлер көңілінен шықты. Алма-кезек соққыларды аямай жұмсаған бұл айқаста Қалаубектің бағы жанды. Нақ осы спортшы «Турнирдің ең үздік боксшысы» атағына ие болды.

Финалға жолдама алған тағы бір ӘОСК-нің өкілі Дархан Жұмсақбаев (60 кг) осының алдында әріптесінің кеткен есесін қайтарып, ақтөбелік Заманбек Данабековтен басым түсті де, турнир жеңімпазы атанды.

64 және 69 кило салмақтарда жергілікті боксшылардың мерейі үстем болды. Тиісінше, Мейіржан Піртаев (64 кг) Ернұр Өлмесбектен (Қызылорда), Бекзат Халметов (69 кг) Ахмет Момбековтен (ОҚО) жеңісті жұлып алды.

Ал Баянбек Саметов (75 кг, Алматы облысы), Наурыз Сағымбаев (81 кг, ӘОСК), Әділет Орынбасаров (Астана) және Нұрсұлтан Аманжолов (91+ кг, Тараз) сынды боксшылар төрешілердің бір ауыз шешімімен жеңіске жетті.

Бір қызығы, халықаралық деген мәртебеге ие бұл турнирге көрші Өзбекстан елінен 3 боксшы ғана келіпті. Қалғанының барлығы өз жерлестеріміз. Себебін білу үшін, осы турнирді ұйымдастыруға тікелей жауапты, Сидней Олимпиадасының күміс жүлдегері, бүгінде ОҚО бокстан олимпиада резервін даярлайтын балалар мен жасөспірімдердің мамандандырылған спорт мектебінің директоры Мұхтархан Ділдәбековтен сұрағанымызда, ол былай деп жауап қатты: «Тәжікстан мен Түрікменстан елінің боксшылары бізге келу үшін өзбек жерінен өтеді. Сондықтан, боксшылары виза ашу керек болатын. Визасы дер кезінде дайын болмауының салдарынан олар бұл турнирге келе алмады. Ал қырғыз елі боксшыларының тізімін бекітіп, бізге жіберген болатын. Алайда, олар бұл турнирде төбе көрсетпеді. Себебін кейін анықтаймыз», деді Олимпиада жүлдегері.

«Көрген көзде жазық жоқ» демекші, турнирдің ашылу және жабылу салтанатына Әбдісалан Нұрмаханов шәкірттерінің төбе көрсетпегені қынжылтты. Бокстан Қазақстан құрамасының бас бапкері ретінде 1994 жылы жазғы Азия ойындарына, 1996 жылы Атланта Олимпиадасына жол бастап барғанын, сол додаларда талай қазақтың баласы жеңіс туын желбіреткенін дүйім жұрт біледі емес пе? Василий Жиров АҚШ-та жүр демесеңіз, елімізде жүрген қалған шәкірттері – Ермахан Ыбрайымов, Болат Жұмаділов, Нұржан Сманов, Қанатбек Шағатаевтың бұл турнирде төбе көрсетпегені ыңғайсыздау болды.

Себебін білу үшін сол баяғы Мұхтархан Ділдәбековке жүгіндік.

«Барлығына шақырту жібердік. Қазір ешкімге өкпелеуге болмайды. Әрқайсысының өз жұмысы бар. Мүмкін, келесі жылы қонақ ретінде келетін болар. Ал турнирдің деңгейіне келер болсақ, 30 сәуірде Ташкентте Азия чемпионаты басталады. Өзге елдің боксшыларының келмеуінің бірден-бір себебі осы. Қазақстан құрама мүшелері де Сары құрлық додасына дайындалып жатыр. Сондықтан, биылғы жарыс Қазақстан чемпионаты секілді өтті. Болашақта турнир деңгейін АИБА-ның «А» санатына дейін көтеру керек. Сонда Шымкентке жыл сайын кемінде 15-20 елдің боксшылары өздері сұранып келетін болады», – деді Мұхтархан Қабыланбекұлы.

Ұйымдастырушылардың айтуынша, келер жылдан бастап турнирді тек 75, 81, 91 және 91 килодан жоғары салмақта ғана өтеді. Себебі, нақ осы салмақтарда Әбдісалан Нұрмаханов жас кезінен бастап ересектер додасына дейін бақ сынаған.

Алмас Манап,

«Егемен Қазақстан»

СОҢҒЫ ЖАҢАЛЫҚТАР

23.02.2018

Алматыда Әлемдік экономика және саясат институты алаңында сарапшылар кездесуі өтті

23.02.2018

Элизабет Тұрсынбаева Кореядағы Олимпиадада 12-орын алды

23.02.2018

Сарайшық ескерткіштерін ғылыми зерттеу жұмыстары қолға алынады - Арыстанбек Мұхамедиұлы

23.02.2018

Дәулетжан Махмұт. Портрет

23.02.2018

Қазақстандағы алғашқы сотсыз татуласу орталығы Қызылордада құрылады

23.02.2018

Өскемендегі Жастар театры «Аршын мал алан» мюзиклін сахналады

23.02.2018

Атырау облысының әкімі тұрғындар алдында есеп берді

23.02.2018

Жамбылда атқарылатын жұмыс көп

23.02.2018

Әкім есебіне жетістіктер ғана арқау бола ма?

23.02.2018

Жаңа латын графикасына қатысты пікірлер

23.02.2018

Денсаулық сақтау саласын цифрландыру: телемедицина қызметін қайта қарау қажет

23.02.2018

Қисынсыз қойылған атаулар

23.02.2018

Мүсінші дәрігер Ержан Қази

23.02.2018

Көкшетауда кәсіби және әуесқой автоспортшылар арасында техникалық жарыс өтті

23.02.2018

Таразда Нұрғиса Тілендиевтің шығармашылығына арналған танымдық концерт өтті

23.02.2018

Сөз сойыл №53

23.02.2018

Мағжан Жұмабаевтың 125 жылдығы қарсаңында «Ақын жүрген жерлермен» акциясы басталды

23.02.2018

Нұрғали Ораз. Қыз құлаған

23.02.2018

«Қазақтың ірілері». Жақсылардың айбары мен дидары

23.02.2018

Кітаптар да адамдар сияқты...

ТАҒЫ ЖҮКТЕУ
КОЛУМНИСТЕР

Ғабит ІСКЕНДЕРҰЛЫ, «Егемен Қазақстан»

Мәселе заманда емес, адамда...

Адамның азаматтығы, жауап­кер­шілігі туралы қай кезде де кеңі­нен сөз болады емес пе? Сондай әңгіме барысында кейбіреулер әңгі­ме арқауына айналған жандарға ая­ныш білдіріп, «олар сатқындық жа­с­айын деді дейсің бе, амалдың жоқтығынан жасады ғой, бәріне заман кінәлі» дегені бар-тын. Сонда Ұшыға апам былай деген еді: «Күн де орнында, сол баяғыша шығады, сол қалпында батады. Ай да орнында сол бұрынғыша туады. Өзгерсе адамның пейілі, ниеті өзгерген. Заманға жауапкершілік жүктеудің жөні жоқ...».

Анар ТӨЛЕУХАНҚЫЗЫ, «Егемен Қазақстан»

Эфирде бейбастақтыққа неге жол беріледі? 

Әуе толқынынан хабар тыңдап отырмын. Әңгіме бойтұмар жайында өрбуде. Радио хабарын жүргізуші әлемге танымал адамдардың бой­тұмар ретінде нені ұстайтынын айта келе Кэмерон Диазды мысалға алды.

Александр ТАСБОЛАТОВ, «Егемен Қазақстан»

Даму үшін әділдік ауадай қажет

Әділдік қашанда адамзаттың арманы болып келеді. Жасыратыны жоқ, кейде бір ұжым түгілі, бір отбасының өзінде әділдік кемшін қалып жатады. Осындай жағдайда оның тұтас мемлекетте орнауы орындалмас армандай көрінетіні рас.

Зарема ШӘУКЕНОВА, ҰҒА корреспондент-мүшесі

Конфессияаралық диалогтың қазақстандық алаңы

Атақты америкалық саясаттанушы Самуэль Хантингтон 1996 жылы өзінің әлемдік ғылыми қоғамдас­тық арасында кең талқылауға түс­кен «Өркениеттер қақтығысы және әлемдік тәртіптің трансформациясы» атты кітабын жарыққа шығарды. 

Сұңғат ӘЛІПБАЙ, «Егемен Қазақстан»

Қайтқан малда қайыр бар

Осының алдында газет бетінде жарияланған «Бай бол­­саң, халқыңмен бол!» атты мақа­ламызда («Егемен Қазақстан», 09.02. 2018 жыл) меншік иелері­нің елімізден астыртын жолдар арқылы шығарып әкетіп жатқан капиталының түбі оларға қайыр бермейтіндігін, қазіргі күні Батыс әлемінде жүріп жатқан саяси-эко­номикалық үдерістердің екпі­німен бұл қаржылар сол жақ­тың өзінде ерте ме, кеш пе, қақпан­ға түсірілетіндігін, ал оның идеологиясы қазірдің өзінде әзір екендігін жазған едік. 

Тағы да оқу

Пікірлер(0)

Пікір қосу