Стратегиялық серіктестер сенімі

Қазақстан Президенті Нұрсұлтан Назарбаевқа Корея Республикасының Төтенше және өкілетті елшісі Ким Дэ-Сик, Сербия Республикасының Төтенше және өкілетті елшісі Владан Матич, Индонезия Республикасының Төтенше және өкілетті елшісі Рахмат Прамоно, сондай-ақ, Румынияның Төтенше және өкілетті елшісі Чезар-Маноле Армяну Сенім грамотасын тапсырды.
Егемен Қазақстан
31.05.2017 2134
2

Рәсім барысында Мемлекет басшысы елшілерді Қазақстандағы дип­ло­матиялық қызметінің басталуы­мен құт­тықтап, олардың жұмысы мем­леке­таралық ынты­мақтастықты нығай­туға бағытталатынына сенім біл­дірді. Сон­дай-ақ, Елбасы олар­дың Қа­зақ­стан­дағы дипломатиялық миссиясы мем­лекетіміз үшін жаңа тарихи кезеңде бас­талғалы тұрғанын айтты.

«Бұл – сіздердің дипломатия сала­сында жеткен үлкен шыңдарыңыз. Біз Тәуелсіздіктің 25 жылдығын атап өткен елміз, жас мемлекетпіз. Осы жылдар бедерінде көп қиындықты еңсеріп, Қа­зақстанды дүние жүзінің картасына орналастырдық. Өсіп, өркендеп келе жатқан елдердің қатарына қостық. Енді Қазақстан өз өркендеуінің Үшінші ке­зеңіне қадам басты. Елімізде индус­трияландыру бағдарламасы қарқынды жүзеге асырылуда. Бәсекеге қабілетті жас­тар тәрбиелеу мақсатымен рухани жаңғыруды қолға алдық. Осы аталған бастамаларымыздың түпкі мақсаты, бас­ты бағыты – әлемдегі ең дамыған 30 елдің қа­тарына қосылу», – деді Мемлекет басшы­сы.

 Нұрсұлтан Назарбаев еліміздің өңір­дегі тұрақтылық пен қауіпсіздікті сақ­тауға қатысты бастамаларына, сон­дай-ақ, одан әрі даму мен өзара ынты­мақтастықты қамтамасыз ету бағытында жүзеге асырған шараларына тоқталып, Қа­зақстанның сыртқы саясаттағы қыз­ме­тінің нәтижелеріне назар аударды. «Қазақстан БҰҰ Қауіпсіздік Кеңесінің тұрақты емес мүшесі ретінде өз міндеттерін толық орындауда. Жаһандық ұйымның беделді органына өңір атынан өкілдік ету – біз үшін үлкен мәртебе. Еліміз дүние жүзінің түкпір-түкпіріндегі түйткілдер мен шиеленістерді шешуге белсене атсалысып келеді. Солардың бірі – Сириядағы ахуалды бейбіт жолмен реттеу мәселесі. Біз бұл проблеманы тек келіссөздер арқылы ғана шешуге болады деп ойлаймыз. Сондықтан, Астанада Сирия үкіметі мен қарулы оппозиция өкілдері алғаш рет бір үстел басында кездесіп, сөйлесіп, бір-бірімен келіссөздер жүргізді», – деді бұл жөнінде Қазақстан Президенті.

Сонымен қатар, Нұрсұлтан Назарбаев санаулы күндерден соң Астанада «Бо­ла­шақтың энергиясы» деген тақырыппен ЭКСПО-2017 халықаралық көрмесінің ашылу рәсімі өтетініне, оған әлемнің 100-ден астам елі қатысатынына тоқталды. «Бұл көрме адамзаттың бүгінгі таңдағы озық жетістіктерін көрсетіп, оларды на­сихаттауға бағытталатын болады. Көрме аяқталғаннан кейін оның базасында «Ас­тана» халықаралық қаржы орталығы жұмыс істейді. Сіздер ЭКСПО-2017 көр­месін өткізуге белсене атсалысады деп сенемін және «Астана» халықаралық қаржы орталығына сіздердің мемлекеттеріңіз үлкен қолдау білдіреді деп үміттенемін», – деді Елбасы.

Мемлекет басшысы қолайлы инвес­ти­циялық ахуалды қамтамасыз ету, еліміздің транзиттік-көліктік әлеуетін тиімді пайдалану жұмысының нәтижесіне де назар аударып, шетелдік бизнес өкілдерінің Қазақ­стандағы жобаларды іске асыруға қатысуының маңыздылығын атап өтті. «Еліміз шетелдік серіктестермен сау­да-экономикалық, инвестициялық ынты­мақтастыққа айрықша көңіл бөлуде. Қазақ­станда бизнеске қолайлы жағдай жасау үшін жүйелі іс-шаралар атқарылып келеді.

Инвесторларға түрлі жеңілдіктер қарастырылған. Сондықтан, өз елдеріңіз­дегі бизнесмендерге Қазақстанға келіп, жұмыс істеу қолайлы әрі пайдалы екенін түсіндірерсіздер деп ойлаймын. Оларға «бір терезе» қағидаты бойынша қызмет көрсетіледі. Бұған қоса, инвесторлармен жұмыс істейтін «Қазақинвест» деген ұлттық компания құрылды. Сонымен қатар, «Қазақэкспорт» атты ұлттық компания экспортқа шығатын ұлттық тауарларды қолдайтын болады. Біздің еліміз арқылы Азия мен Еуропаны жалғайтын төте жолдар, яғни автокөлік, темір жол­дары өтеді. Бұл орайда, Қазақстан үлкен транзиттік мемлекет болғалы тұр. «Нұрлы жол» бағдарламасы міне, осы­ған бағытталған. Біздің осы бастамамыз Еуразия кеңістігіндегі басқа инфра­құ­ры­лымдық жобалармен ұштасып жатыр. Ол ортақ континентіміздегі өзара ық­­пал­дастықты одан әрі дамытуға не­гіз­­делген. Қазір Қазақстанда ин­­дус­­­триялық-инновациялық даму бағ­дар­­­­ла­масы қолға алынып, ауқымды же­ке­­ше­­­лендіру науқаны жүріп жатыр. Сіз­дер­­­дің елдеріңіздің кәсіпкерлері осын­дай ма­ңызды жобаларымызға атсалыса­ды деп ойлаймыз. Мәселен, Тынық мұ­хи­тының жағасындағы Ляньюньган портынан шығатын контейнерлер Қытай-Қа­зақ­стан-Ресей арқылы Еуропаға 15 тәу­лікте жетеді. Қазірдің өзінде 1200 контей­нер жүріп жатыр. 2020 жылға дейін бұл көр­сеткіш 2 жарым есе өседі деп жоспар­лап отырмыз», – деді Нұрсұлтан Назарбаев.

Осыдан кейін Қазақстан Президенті елі­міз өз егемендігінің алғашқы кезеңінен бастап мемлекетаралық деңгейде сындарлы диалог пен ынтымақтастыққа негіз­дел­ген саясат жүргізіп келе жатқанын айтты.

 «Корея Республикасы – Қазақстанның Азиядағы негізгі серіктестерінің бірі. Мен Сеулге былтырғы қарашадағы мем­ле­кеттік сапарымның нәтижесін жоғары ба­ға­лаймын. Қол жеткізген уағда­ла­с­тық­тар стратегиялық серіктестігімізді ны­ғайта түсуге септігін тигізеді деп сене­мін. Жаңадан сайланған президентті құт­тықтауымда мен осы уағдаластықтар мен келіссөздерді одан әрі жүргізеді деп сенім білдірдім. Қазақстан экономи­касы үшін Оңтүстік Корея өңірдегі ең ірі инвесторлардың бірі болып санала­ды. Қазақстан дипломатиясының күш-жігері Солтүстік Кореяға қатысты мәселені тек бейбіт келіссөздер арқылы шешу­ге бағытталған. Мен осы өңірде бейбіт­шілік орнайтынына сенемін. Екі­жақты ынтымақтастықты барлық салада одан әрі дамыту жолдарын тал­қы­лау үшін Пре­зидент Мун Чже Иннің Қа­зақ­стан­ға сапармен келуін күтеміз», – деді Нұрсұлтан Назарбаев.

Бұдан әрі Мемлекет басшысы Қа­зақстан Оңтүстік Азия өңіріндегі сенімді серіктес Индонезиямен арадағы диалог қарқынды түрде дамып келе жатқанын, екі ел қарым-қатынасының дамуында ілгерілеушілік бар екенін атап өтіп, саяси және халықаралық мәселелерге қатысты Астана мен Жакартаның көзқарастары ұқсас екеніне назар аударды. «Астана мен Жакартаның саяси, халықаралық мә­се­лелерге көзқарасы бірдей. Екі ме­м­лекеттің сауда-экономикалық қа­рым-қатынасының әлеуеті жоғары. Бұл саладағы ықпалдастықты дамыту үшін үкі­меттеріміз белсене қызмет атқа­руға тиіс. Сіздер оған септігін тигі­зеді деп сенемін. Биылғы қыркүйекте Ас­тана­да өтетін Ислам Ынтымақтастығы Ұйы­мының Ғылым мен технологиялар жөніндегі саммитіне Индонезия прези­денті Джоко Видодоның қатысуын күтіп отыр­мыз. Біз биыл Эр-Риядтағы кездесуде де осы мәселе жөнінде сөйлестік», – деді Елбасы.

Нұрсұлтан Назарбаев Сербия Рес­пуб­ликасымен арадағы қарым-қатынастың да жүйелі әрі дәйекті түрде дамып келе жат­қанын жеткізді. «Қазақстан мен Сер­биямен арада мықты саяси ынты­мақтастық және сенім бар. Елдеріміздің байланысын нығайтуға соңғы екі жылдағы жоғары деңгейде өткен сапарлар тың серпін берді. Екіжақты саяси диалог пен сауда-экономикалық ынтымақтастықты дамытудың әлеуеті зор. Сондай-ақ, Ас­тана-ЭКСПО-2017 көрмесінің ашылу салтанатына Сербияның жаңа Президенті А.Вучичтің қатысатынын атап өткім келеді, – деді Нұрсұлтан Назарбаев.

 Мемлекет басшысы Қазақстанның Шығыс Еуропадағы маңызды серіктес – Румыниямен өзара тиімді ынты­мақ­тастықты одан әрі дамытуға баса мән беретінін айтты. Бұл ретте: «Румын экономикасының энергетика саласына Қазақстан салған инвестиция мемлекеттер арасындағы кооперацияның айшықты айғағы», – дей келе, Нұрсұлтан Назарбаев Астана мен Бухарест арасындағы ын­ты­­­ма­­қ­­тастықты серіктестіктің жоғары дең­­­гейіне көтеруге мүдделі екенімізді жет­­­кізді.

Сөзінің соңында Мемлекет басшы­сы дипломаттарды Қазақстандағы мис­сия­сының басталуымен тағы да құттықтап, ын­­ты­мақтастықты нығайту жолындағы іс­­теріне сәттілік, жұмыстарына табыс тіледі.

Бұдан кейін Қазақстан Президентіне Сенім грамотасын тапсырған Төтенше және өкілетті елшілер БАҚ өкілдеріне сұхбат берді. Корея Республикасының елі­міздегі Төтенше және өкілетті елшісі Ким Дэ-Сик қос тарап арасында дипломатиялық ынтымақтастық орнаған 25 жылдың ішінде өзара байланыс тетігі нығайып келе жатқанын жеткізді. «2009 жылдан бастап біздің қарым-қатынасымыз стратегиялық әріптестіктің жаңа деңгейіне көтерілді. Мен өз тарапымнан электронды үкімет, мемлекеттік басқару, адами ресурстарды басқару секілді мәселелерді, жалпы екіжақты байланысты кез келген салада одан әрі дамытуды назарда ұстайтын боламын. Қазір Корея үкіметі ЭКСПО-2017 көрмесіне белсене қатысуға дайындық шараларын жүргізіп жатыр. Көрме аясында Корея павильоны жаңа технологияларға негізделген озық өнімдерін жұртшылық назарына ұсынатын болады», – деді.

Ал Сербия Республикасының Тө­тен­ше және өкілетті елшісі Владан Ма­тич соңғы бірнеше жылдар бойы қос мемлекет қарым-қатынасының қар­қын ала түскеніне, Сербия үшін Қазақ­стан Орталық Азиядағы маңызды серік­тес­тердің бірі екеніне тоқталды. Ол: «Біз Қазақстанның сыртқы және ішкі сая­сатын қолдаймыз. Мен өз тарапымнан бүгінгі күнге дейін жүргізілген жұ­мыс­тарды одан әрі жалғастыруға күш са­латын боламын», – деді өз сөзінде.

Ал Индонезия Республикасының Тө­тенше және өкілетті елшісі Рахмат Пра­­моно: «Бүгінде Қазақстан БҰҰ Қауіп­­сіздік Кеңесінің тұрақты емес мүше­лігіне сайлануы арқылы әлемде бей­бітшілік пен тыныштықтың орнауына күш салып келеді. Оған Сирия­да қалыптасқан жағдай бойынша Ас­танада бейбіт келіссөздердің жүргі­зілуі дәлел. Сол себепті, Индонезия Қазақ­станның өңірдегі тұрақтылықпен қатар, дүние жүзіндегі қауіпсіздіктің нығаюына қосып отырған үлесін жо­ғары бағалайды. Жалпы, екі мемлекет әріптестігінің даму әлеуеті жоғары. Алдағы уақытта Индонезияның 2 компаниясы фармацев­тика және тау-кен салаларына инвестиция құюды көздеп отыр», – десе, Румынияның Төтенше және өкілетті елшісі Чезар-Маноле Армя­ну Қазақстан мен Румыния биыл 15 шіл­деде дипломатиялық байланыстың орнауының 25 жылдығын атап өтетінін жеткізді. «Қазіргі таңда қос мемлекет ара­сында президенттік, парламенттік, үкі­меттік деңгейде жоғары саяси үн­қатысу орнаған. Экономика, мәде­ниет, білім-ғылым салаларында жақ­сы деңгейдегі әріптестік жолға қойыл­ған. Мен алдағы уақытта екі­жақты келіс­сөздер көкжиегінің ке­ңеюіне, оның ішінде экономика, сауда, инновациялық технологиялар, адами ресурстарды бас­қару, білім-ғылым, мә­дениет пен спорт салаларындағы байланысты жандандыру жолында еңбек ететін боламын», – деді Чезар-Маноле Армяну.

Ләйла ЕДІЛҚЫЗЫ,
«Егемен Қазақстан»

Суреттер Президенттің баспасөз қызметінен алынды

СОҢҒЫ ЖАҢАЛЫҚТАР

17.01.2019

Асықтан төсеніш пен ойыншықтар жасайды

17.01.2019

Оралда «Автобус» жедел шарасы өтуде

17.01.2019

27 ақпан күні «Нұр Отан» партиясының кезекті XVIII съезі өтеді

17.01.2019

Жаңа әліпби негізіндегі қазақ тілі емлесінің ережелері

17.01.2019

Тікұшақ апатынан қайтыс болған ұшқыштың кім екені анықталды

17.01.2019

СІМ мен Ауылшаруашылық министрлігі инвестициялар мен экспорт бағытындағы үйлестіру жұмыстарын нығайтуда

17.01.2019

Жүзге жуық оқушы Wiki Camp акциясына қатысты

17.01.2019

Қорықшыларға қастандық жасағандар анықталды (видео)

17.01.2019

Үшінші мегаполистің төрт ауданында әкімдер тұрғындар алдында есеп берді

17.01.2019

4 мешітті ҚМДБ меншігіне өткізуде кедергілер бар

17.01.2019

Ақтөбелік жастар тұрғын үймен қамтамасыз етіледі

17.01.2019

Нұрлан Сейтімов Сыртқы істер министрлігінің Жауапты хатшысы болып тағайындалды

17.01.2019

Қостанайда тергеуші кісі тонаушыны қылмысы үстінде ұстады

17.01.2019

Алматыда Денис Теннің өліміне қатысты сот үкімі шықты

17.01.2019

Алматыда тікұшақ апатқа ұшырады

17.01.2019

Алғашқы медициналық санитарлық көмек қызметіне қатысты мәселелер талқыланды

17.01.2019

Сенат бірқатар үкіметаралық келісімді ратификациялады

17.01.2019

Алматыда Жүрсін Ерманның бес томдық шығармалар жинағының тұсаукесері өтеді

17.01.2019

2250 әскери қызметші жеңілдікпен пәтер сатып алды

17.01.2019

Жамбылда экономиканың барлық саласында 4-5 пайыз өсім бар

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

ҰҚСАС ЖАҢАЛЫҚТАР

Тағы да оқу

Пікір қосу