Табиғатпен тілдескен талант

Табиғат тылсымын, адамның жан дүниесін ұғып, оны сурет өрнегіне келістіріп түсіру кемел таланттың ой өлшеміне, бітім-болмысына қатысты екені әлімсақтан белгілі. Бұл тұрғыдан келгенде қазіргі сурет өнерінің белді өкілдерінің бірі ғана емес, бірегейі Шыныбай Пірімбаевтың шығармашылық қарымы мен қабілеті озып тұрғаны анық.
Егемен Қазақстан
11.04.2017 729

Оның қандай туындысын алсаң да, Қазақ елінің байтақ даласы мен қаласы, тіршілік иелері жарасым тауып тұрады. Өткен аптада елорда төріндегі Оқушылар сарайының «Астана Арт Лайн» галереясында өнер иесінің «Шабыт» атты көрмесі ұйымдастырылған еді. Оған Шы­ны­байдың 56 туындысы қойылған.  

Бұл туындылардың негізгі желісін табиғат тылсымдары құ­райды екен. Әсіресе, төрт мез­гілді тү­гендеген шығармалар, Алма­­ты­ның табиғаты, Алатау бау­райын­­дағы ботаның көзіндей Есік көлі ерекше көрініс тапқан.

Қазақстан Суретшілер және Еуразия дизайнерлер одақтарының мүшесі, Қазақ ұлттық өнер уни­верситетінің оқытушысы Шыны­бай Пірім­баевтың кіндік қаны тамған жері Арал өңіріндегі Қара­терең ауылы десек, сол туған топы­ра­ғына арнаған туындысы сурет­шінің өзегін өртеңге өнген гүлдей жарып шыққаны айдай анық. Ой мен бояуды ұштастыра отырып, қылқаламды ақ қағаздың бетіне апар­ғанда әдемі шығармалар дүниеге келіпті. Жалпы, жоғары дең­гейдегі кәсіби қылқалам шебе­рі Шыныбай шынайы шабыт иесі, сондай-ақ, классикалық акаде­мия­лық деңгейге жеткен суретші деуге болады. Шебердің сүйікті мо­тиві – туған жер таби­ғатының сұ­­лу­лығын көрсету басты мақ­са­ты еке­нін жо­ғарыда айттық. Сол туын­­ды­ла­ры­ның басты ерек­шелігі – түс­терге өте бай, бояуы қанық шы­­ғып, қа­рап тұрғанда айызыңды қандырады.

Мәскеудегі Суриков атын­дағы көркемсурет академия­сын бітірген суретшінің бұл көрмесіндегі туындылардан қазақ жұртының бүкіл тыныс-тіршілігі мен мұндалап тұрғандай. Көрменің ашылу салтанатында қазақтың зиялы қауым өкілдері Шыныбайдың шымыр талантына тәнті болуларымен қатар, суреттерінің терең мазмұнын тал­дап, дән ризалықтарын біл­діріп жатты. Көрме соңында Мәдениет сала­сының үздігі Еуразия дизай­нерлер одағының медалімен ма­ра­патталғанын Ермек Асылхан жет­кізді.

Бекен Қайратұлы,

«Егемен Қазақстан»

Суреттерді түсірген

Ерлан ОМАРОВ,

«Егемен Қазақстан»


СОҢҒЫ ЖАҢАЛЫҚТАР

22.04.2018

Мектеп оқушылары «Егеменде» болды

22.04.2018

Бақытжан Сағынтаев Қырғызстанның жаңа тағайындалған премьер-министрімен телефонда сөйлесті

22.04.2018

Астанада тұрғын үйлерді басқарудың онлайн–жүйесі әзірленуде

22.04.2018

Оралда төртінші мәрте «Ашық әкімдік» шарасы өтті

22.04.2018

Алматыда дәстүрлі қайырымдылық марафон өтуде

22.04.2018

Әзербайжан парламенті елдің жаңа үкімет басшысын бекітті

22.04.2018

Астанадағы сенбілікке 140 мыңнан астам қалалық қатысты

22.04.2018

Қостанайда мемлекеттік қызмет аллеясы болады

22.04.2018

Мақтарал аудандарында абаттандыру жұмыстары жүріп жатыр

22.04.2018

Қостанайда болашақ жаңа қаланы дамыту ісі қаралды

22.04.2018

Оралда өрт қауіпсіздігін сақтамаған ойын-сауық және сауда орталығы бір айға жабылды

22.04.2018

Қостанай облысында 21-ші цифрлы  технологиялық IT кабинет ашылды

22.04.2018

Қырғызстанда жаңа премьер-министр сайланды 

20.04.2018

«Smart Zholy» бағдарламасының үздік стартап жобалары анықталды

20.04.2018

23-26 мамыр күндері Астанада «KADEX - 2018» көрмесі өтеді

20.04.2018

Денсаулық сақтау министрі Орал қаласында

20.04.2018

Заңнамаға архив ісі мәселелері бойынша өзгерістер қаралды

20.04.2018

Дубайдағы инвестициялық кездесуде ОҚО-ның инвестициялық өсу драйвері зерттелді

20.04.2018

Ақтөбеде зиянды қалдықтар тасқыны толастар емес

20.04.2018

ТҮРКСОЙ Шыңғыс Айтматов жылын ашты

ТАҒЫ ЖҮКТЕУ
КОЛУМНИСТЕР

Қорғанбек АМАНЖОЛ, «Егемен Қазақстан»

Кісілік әліппесі

Жер бетінде сонау да сонау көз жеткісіз, көңіл сенгісіз небір ықылымдардан бері жасап келе жатқан заты адам баласының ең зарлы мақсаты не десе, ол – адам болу дер едік. Түр-сипатыңмен, тәніңмен ғана емес, жаныңмен, алпыс екі тамырыңдағы қаныңмен, бүкіл болмыс-бітіміңмен. 

Сейфолла ШАЙЫНҒАЗЫ, «Егемен Қазақстан»

Ауылдарды сақтаудың амалы қайсы?

Ауыл халқы азайып барады. Неге? Ешкім­ге ештеңенің керегі жоқ болып кеткен бүгінгідей заманда ол жағын ойлап бас қатырып жатқан да бірде-бір жан жоқ. Бар айтатын уәждері – урбанизация. Бір есептен ол да дұрыс шығар. Қалаларға қарай жа­қындаса ауыл қазақтары да өркениетті өмір­ге араласады, өзгелермен бірге қазіргі за­ман­­ның игіліктеріне ортақтасады. Бірақ... 

Жақсыбай САМРАТ, «Егемен Қазақстан»

Қайырымдылық көмектің қайыры болады

Табиғат апатына немесе соғыс, қарулы қақтығыс салдарынан күйзеліске ұшырап, аштыққа, босқыншылыққа тап болған елдерге қайырымдылық көмек көрсету – халықаралық қоғамдастықтың игі шарала­ры­ның бірі. БҰҰ-ның Халықаралық соты ондай көмектердің азық-түлік, киім, дәрі-дәрмек түрінде болуын, қару-жарақ түрінде берілмеуін қатаң бекіткен.

Бақытгүл САЛЫХОВА, педагогика ғылымдарының кандидаты

Тағам сыры: аурудың алдын алу мүмкін бе?

«Ас – адамның арқауы» деп кішкен­тай­ымнан естіп өскен адам ретінде, та­мақ жемесе адамның күші болмайды, жұ­мыс істеуге, өмір сүруге энергиясы жетпейді деп ойлайтынмын.  Бірақ ас­тың да асы бар, оның пайдасы мен зияны туралы шы­найы да, өтірік те, ойдан құрас­ты­рыл­ған да әңгімелерді көп естіп, кейде білмегендіктен сеніп те қалып жүреміз.

Талғат СҮЙІНБАЙ, «Егемен Қазақстан»

Алматы: Шағын ауданның астарлы ақиқаты

Алматыда аты жоқ, бірақ, нөмір­­­лен­­ген 12 шағын аудан бар. Шын­туай­­тында, олар 12 емес, барлығын қос­­қанда – 13. Қала сәулетіне билік жүр­гізуші партия қызметкерлері, сірә, жобалау үстінде «шайтанның 12-сін» сес­ көрген-ау, ақырғы шағын ауданды – 10 «А» деп белгілепті. 

Тағы да оқу

Пікірлер(0)

Пікір қосу