Табиғи косметология тамыршысы

...Жұмыс-жұмыс деп жүріп жақындарын ұмытып кететін, мансап қуып отбасын ойламайтын, сөйтіп армандарын жүзеге асыра алмағандар қашанда жеткілікті. Мұндай жағдайда сүйікті ісін тастамаған, бірақ шаңырақтың да береке-бірлігін алға қойып, отағасының алдынан да қия кесіп өтпеген Гүлшаштың тірлігі – бүгінгі қазақ қыз-келіншектеріне үлгі-өнеге болуға сұранып-ақ тұр.
Егемен Қазақстан
05.04.2017 805

Ең алғаш қазақтың осынау көркем қы­зын көргенде «Гүлшаш десе, Гүлшаш екен» дегенбіз. Жақсы атына сырттай ғана қанық жанмен жа­қы­ны­рақ танысу барысында кез кел­ген мамандық адамдыққа негіз­де­летініне тағы да көзіміз жетті. «Адал­дығы жоқ кә­сіп мұралы болмайды» дей­тін оның ойлы сөзі көптеген замандас­та­рымыз үшін көкейкесті.

– Мен кәсіпқой музыка маманымын, бір­неше музыкалық аспаптарда ойнаймын. Үлкен сахнада билеген кездерім болды. Және құдайдың берген әншілік қабілетіне де ие едім. Бірақ тұрмысқа шыққан соң осы өнерімнің бірін де жалғастыра алма­дым. Дүниеге сәби әкелдім. Шын өнер­­дің шыңына жету үшін жеке өмірді құр­бандыққа шалу керек. Ал мен бірінші оры­нға отбасымды қой­дым. Әйел болған соң бала тәр­бие­леуің керек, күйеудің жағ­дай­ын жасау қажет.

Бұл бизнесті бастауыма не түрт­кі болды? Студент кезімізде му­зыка пә­нінің мұ­­ға­лімдігіне дә­ріс алып жүр­­­генде, гри­м­д­еу-әрлеу сабақтарын өте­­тінбіз. Осы са­­бақ­­ты ұнатушы едім. Сах­­налық образдар, күнделікті қалай боя­ну керек, кешкі сән-сал­танатқа ар­налған боянулар қандай бола­ды, осы­ған машықтанып жүрдік.

Ал 1997 жылы жеке кәсібімді бас­та­ғанда, экономикалық қиындықтардан кейі­нгі халы­қтың тұрмысы мәз емес еді. Жұ­рт өз өзін күтіп, боянып-сы­лан­бақ түгілі, күнделікті жейтін та­­мақ, жолкіре табудың өзі де мәселе бол­­­ды. Соған қарамастан, Қы­тайға ба­­­рып, косметология мамандығы бой­­­­ынша білімімді байыттым. Нәсіп бо­­лар кәс­іптің қыр-сырын тереңірек үй­­ренуге бел байладым.

Әрине, бизнесім бірден дөңгелеп кеткен жоқ. Басында айына 6 мың тең­геге жалданып істеп жүрдім. Аз­сы­нған жоқпын. Басында кішігірім са­лонды жалға алып, қыз­мет көрсетіп жүр­дік, – дейді Гүлшаш Әу­бәкірқызы.

– Кешегі және бүгінгі кос­ме­то­­ло­гия­ның ара­сы жер мен көктей болар?

– Кез келген мамандықты адал­дықпен ат­қарсаң, алысқа барасың. Аталмыш са­лаға келгендердің көп­­шілігі алдымен ақшаны ойлай­ды. Бір ғана мысал, қазір қыз-ке­лін­шек­тер­дің көпшілігі кір­пік жал­ғатуға әуес. Жауыннан кейінгі са­ңы­рау­­құ­лақ­тай қаптатып, жасанды кірпік жа­­­быстырып алған. Бірінен-бірі ай­нымайт­ын татуаждар. Тіпті, ерсі кө­рінетін қастар бар. Қарасаңыз, жап-жас қыздар үш күндік курстарға ба­рып, шала-шарпы үйреніп алып, кір­пік жабыстырып, татуаж жасап, тыр­нақ бояп, амалдап ақша тапқысы келеді.

Әрине, бір кәсіпті үйренуге деген тал­пыныс жақсы. Бірақ, сол желіммен жал­ғанған кірпіктерден кейін адам­ның өз кірпіктері саудырап түсіп қалады. Өйт­кені, желімнің химиялық құ­рамы өте күшті, көзге тигізетін зия­ны да көп. Кос­метологиялық же­лім деген бол­май­ды. Мен кірпік жал­ға­ту­ға келген­дер­ге мәселенің мәнісін тү­сіндіріп, ке­ңес бе­ремін. Әрине, бір ап­таға дейін әде­місі әде­мі, ал одан кей­інгі зияны қан­ша­ма?! Қаз­ір косме­тология дамыған. Жа­сан­ды­лыққа ұрын­бай-ақ, кірпікті тіті­р­кен­діру әді­сі арқылы дә­­румендермен қо­рек­тен­ді­ріп, өсіруге бо­лады.

Осы салада жүріп, маман ретінде мен де біраз ой түйдім. Тағы да айтамын. Мысалы, неше түрлі қымбат кос­метика, ата­ғы жер жарған бренд тау­­арлар бар. Біз сол кремдердің көп­ші­лігінің атын жа­ға­мыз, атына ақша жұмсаймыз.

Қазір қыз-келіншектер сұлу кө­рі­ну үшін пышаққа түсіп, ботокс сияқ­ты әдіс­термен бетінің жанын кетіріп, қабағын кес­кізіп, бәріне барады. Тіпті, сапасыз плас­тикалық операциялардан өліп кетіп жат­қандар да бар. Міне, осының бәрі ақша та­будың кесірінен болып жатыр. Қаншама әйел өзінің табиғи бет-бейнесінен, ай­наға қарауға жүрегі дауаламайтын жағ­дайлар орын алуда. Адамның ден­саулығы мен кел­бетіне қатысты кә­сіппен айналысатын­дар бірінші кезекке адалдықты, сапаны қою керек. Қауіпсіз болуына жауапты бо­луы тиіс. Қазір елдің көбі косметология саласын жылдам байитын бизнес деп ой­лайды. Мүлде олай емес. Егер ар мен жау­апкершілікті ойламасаң, алысқа бара ал­майсың.

Өзім де әйел болған соң, әуестеніп 600-700 доллар тұратын бетмай жа­ғып көргенмін. Солардың көпшілігі та­биғи өнімдерге жете бермейді. Тіпті, кейбірі Қазақстанда шығарылған өнімдерге татымайды. Қазір өзін күтемін деген қыз-келіншектерге ақ­шаның жоқтығын алға тартып қайғырудың қажеті шамалы. Үйде оты­рып-ақ, табиғи өнімдерден бет­тің құр­ғақ-майлылығына қарай мас­ка­лар жасап, теріні нәрлендіріп, сер­пінділігін сақ­тау­ға болады. Қазір жұ­рттың көзі ашық, оның қалай да-

йындау әдістері мен құ­ра­мын интернет арқылы оп-оңай тауып алады.

Қазір қолымда қаншама косметика тұр­­са да кәдімгі балғын үй қаймағына, дә­­ру­мен­дер мен жеміс-жидектерден тұратын қол­­дан жасалған косметикаға жүгіну дұ­рыс екеніне көзім әбден жетті.

Сұлу болып көрінгісі келген адам бірін­ші кезекте жүрегін таза ұстасын. Адамның іші­нен шығатын әдемі ниетке ештеңе же­т­пейді. Содан кейін жүйке тыныш, ұй­қы қанық болуы керек. Егер түнімен қы­ды­рып, ішімдікке әуестеніп, ойын-сау­ық­тан қолың босамайтын болса, келесі күні са­ған мың жерден жағылған косметика да кө­мек­теспейді, дейді Гүлшаш.

– Дегенмен, қандай кос­ме­то­ло­гия­лық жа­ңалықтармен қуанта аласыз?

– Қазіргі адамдардың басын қа­ты­р­­ған мә­селе – арықтау. Өз-өзіңді та­мақ­тан шекте­мей зиянсыз арықтау болғандықтан, шет­елдерге барып, осының ең тиімді әдіс­терін оқып, машықтанып, тәжірибе жү­зін­де қолдануға көштік. Қандай арықтау әдісі бол­са да, сен аузыңды тыйма деп ешкім айтпай­ды. Етіңнен ет кесіп алып тастаса да, та­мағыңды тыймасаң үрленген шар сияқты кете бересің. Ал біздің жаңа арықтау әді­сі­мізде ет, бауырсақ жеуге де болады. Ең бас­тысы, суық нәрсе жеуге тыйым сала оты­рып, ағзадағы нүктелерге 10-15 минут уқа­лаумен әсер етіп, нақты нәтижелерге қол жеткізіп отырмыз. Бұл әдіспен 15 күн­де 5 кило салмақ тастауға болады.

Ал енді бетке әжім түсірмеу де қыз-келіншектер үшін мәңгілік мә­се­ле бо­лып қала береді. Біз қазір қа­­бақты көтеру, сал­быр­аған ұртты ке­тіру, көз айна­ла­сындағы әжім­дерді нүк­телерге әсер ете отырып, жа­зу әді­сін қолданып жүрміз. Көбіне ем­дік шөп­тер, балдың түрлерін пайдаланамыз. Айналып келгенде, табиғаттың бер­ген көркем мінезі мен табиғи өнім­дерге еш­теңе балама бола алмайды, дейді біздің Гүлшаш.

Айнаш ЕСАЛИ,
«Егемен Қазақстан»
АЛМАТЫ


СОҢҒЫ ЖАҢАЛЫҚТАР

21.09.2017

«Астана» қаржы орталығы – ел экономикасы үшін тиімді жоба

21.09.2017

Транзиттік әлеует артады

21.09.2017

Бізді біріктіре түседі

21.09.2017

Жаңғыру мен дамудың ұстыны

21.09.2017

Латын әліпбиі тілді жаңа сапалық деңгейге көтереді

21.09.2017

Сапасыз білім сан соқтырады

21.09.2017

Өрелі өрен іздеймін

21.09.2017

«Қасиетті Қазақстан» картасы жасалуда

20.09.2017

ОҚО-да топырақсыз жем-шөп шығаратын жаңа қондырғы іске қосылды

20.09.2017

Ресей жинақ банкінің Басқарма төрағасы өзі оқыған мектебіне тарту жасады

20.09.2017

Оралда балалар кафесіне айналған ұшақ қызмет көрсетеді

20.09.2017

«Qazaqstan3D» веб-сайты мен «Жеті қазына» жобасы таныстырылды

20.09.2017

Дәурен Абаев жалған ақпарат таратқан БАҚ-қа жүктелетін міндетті айтты

20.09.2017

Жетістікке жетуіңе қай жерде туғаның да әсер етеді

20.09.2017

Солтүстік Корея санкцияны елейтін емес

20.09.2017

ЭКСПО-2017 кезінде 9 мың адам медициналық көмекке жүгінген

20.09.2017

«Астана» қаржы орталығы инвесторларға теңдессіз жеңілдік ұсынбақ

20.09.2017

Елімізде арбитраж орталығы мен тәуелсіз қаржы соты құрылады

20.09.2017

Мәжілісте транзиттік әлеуетті күшейтетін заң жобалары мақұлданды

20.09.2017

Бесқарағайда Нұрлыбек Баймұратовтың 130 жылдығына орай айтыс өтеді

ТАҒЫ ЖҮКТЕУ
КОЛУМНИСТЕР

Қайрат ӘБІЛДИНОВ, «Егемен Қазақстан»

Сапасыз білім сан соқтырады

Спортшылардың «спорттық ғұ­мы­ры» қамшының сабындай қыс­қа. Жұрттың бәрі Головкиндей отыз­дың жуан ортасында жай оғындай жар­қылдап жүрмейді. Жасы келіп, күш-қуаты кемігенде боксшы қолғабын, фут­­болшы бутсысын шегеге іледі. Иә,­­ талай жылғы серігімен қош ай­­­тыс­қан ардагер спортшының қай-­қайсысы болса да «Әрі қарай не­ істеймін?» деген тағдыршешті сұрақ­қа түбі бір маңдай тірейді. 

Анар ТӨЛЕУХАНҚЫЗЫ, «Егемен Қазақстан»

Өрелі өрен іздеймін

Халқымыз  «Ұлың өссе ұлық­ты­мен, қызың өссе қылықтымен ауылдас бол» деп бекер айтпаған. Өйткені, жа­ңа көктеп келе жатқан жас шыбық қа­тарына қарап бой түзейді, бір-бі­рінің ойын байытады немесе кері әсерімен қисық, қыңыр болып өсуіне де әсерін тигізеді. Қанатты сөз осындайларды көріп ой түйгеннен туса керек.

Ғалым ОМАРХАН, «Егемен Қазақстан»

Такси мен «тәбет»

Астанадағы автобустардың қыз­мет көрсету сапасы жайлы мақала шық­қан­нан кейін («Қоғамдық көлік және жолаушы мәдениеті», «Егемен Қазақ­стан», 7 қыркүйек, 2017 жыл) бірнеше оқырман хабарласып, «Так­сист болып бір-екі күн жұмыс істеп көріңізші, біраз мәселеге қанығар едіңіз» деп ой тастады. 

Жанат МОМЫНҚҰЛОВ, Сарапшы

Қазақстанның миссиясы айқын

Еліміздің сыртқы әлемдегі абы­рой-атағы мен халықаралық бе­делі жүзеге асырылып жатқан ірі­ бас­тамалар мен кең ауқымды іс-шаралардан көрініс тауып, өзі­нің тиісті бағасын алып отыр. 

Нәзира РАХМАНҚЫЗЫ, кинотанушы

Рухани айналымға түспеген фильмдер

Кино туралы сөз қозғалса, жұрттың назары әсіресе тарихи-биографиялық, комедиялық фильмдерге көбірек ауатыны белгілі. Қоғамдық пікір негізінен осы екеуінің айналасында өрбіп жатады. Қазіргі біздің жағдайы­мыз да дәл осындай. Оның себебі түсі­нік­ті ғой.  

Тағы да оқу

Пікірлер(0)

Пікір қосу