Теміртаудағы құтты шаңырақ һəм Елбасы тұрған үй

Осыдан бірер жыл бұрын астаналықтарға жаңа пәтер кілтін табыстап тұрып, Президентіміз Нұрсұлтан Назарбаев «Үй дегенің – құр қабырғалар мен төбеңдегі пана ғана емес, бұл ең алдымен адамның өз шекарасы, бала-шағасы өсетін жайлы орын. Бәріміз, тіпті, мен де сарыла күткен алғашқы шағын пәтерімді ешқашан естен шығармаймын», деген болатын.
Егемен Қазақстан
06.07.2017 3918
2

Елбасы содан кейінгі сөзін былай деп жалғаған еді: Қарағанды металлур­гиялық комбинатында ме­таллург болып қызмет етіп жүргенімде ол Совет Ода­ғындағы қайталанбас завод болатын. Біз ол жерге жолдамамен келдік. «Жақ­­­сы жалақыларың, пә­терлерің болады» деген соң, бәріміз сонда ағылдық. Мен 22 жасымда үйлендім. Сөйтіп, алдыңғы қатарлы металлург ретінде цех басшысы маған мекен-жайы жазылған пәтер кілтін ұсын­ды. Асығып-үсігіп әл­гі мекен-жай бойынша бар­сақ, ол жерде тек қандай құрылыстың жүргізілетіні ғана белгіленген екен. Ме­­­кен-жайын өмір бойы ұмытпаймын: Комсо­мол­дар даңғылы 25 үй, 28 пәтер. Ол – аумағы небәрі 27 шар­шы метрді құрайтын пә­тер еді. Алайда, ол маған пәтер емес, хан сарайындай көрінетін». 
Міне, бүгін Астана күні қарсаңында Елбасымыз еңбек жолын бастаған Те­міртау қаласына жолға шық­тық. Мақсатымыз – Мем­лекет басшысы тұрған көк төбелі үйлерді көру. 
Күн санап көркейіп келе жатқан шағын қала­ның шырайы көз тойдырады. Көше бойлай сап түзеген көп қа­батты үйлерге, салынып жат­қан түрлі ғимараттарға қарап, қайран қаласың. Кенет, әлдененің тарсылы назарымызды аударсын. Трамвай. Жоқ, бұрын көр­медік емес, көрдік. Ойлап тұр­сақ, еліміздің бірен-са­ран қалаларында ғана бар бұл темір тұлпарлар ке­шегінің келмеске кетіп бара жатқан бір-бір тарихы сынды ғой. Қарағандының өзінде қал­маған. Көліктің таптырмас бұл түрі шынымен өте қолайлы. Кептелек, ке­шігу дегенді білмейсің. Баратын жеріңе уақытында жеткізеді.
Баратын жер дегендей, Президентіміз тұрған бір­неше мекенжайдың арасынан таңдағанымыз – осы қалада тұрғандағы соңғы баспанасы Димитров көше­сінде орналасқан 83-үй­дегі 6-шы пәтер (суретте). Жалпы, Елбасы Те­мір­тауда тұрған жылдар­да төрт рет қоныс ауыстырыпты. 
Жоғарыда айтқан ме­кен-жайдан бөлек, Қара­ғанды индустриалды уни­­­верситетінің проректоры Оксана Гуменчук нақ­­­тылағандай, оқудан кейін Елбасы Теміртау қа­ласындағы үшінші шағын аудандағы Республика даң­ғылындағы 63/2 үйінің 5 пәтеріне орналасқан. Үш бөлмелі пәтер, болашақ Елбасының сол баспанасы, комбинаттағы жақсы қызметі үшін берілген сы­йы екен. Аталмыш үйдің қазіргі тұрғыны Геннадий Титовскийдің айтуынша, үйдің жобасы бойынша, есіктер басқа жақтан болуы керек еді, алайда Нұрсұлтан Әбішұлы оны келесі беті­нен салдырған, және ол бүгінгі тұрғындарға өте ың­ғайлы көрінеді.
Нұрсұлтан Әбішұлы­ның Теміртауда тұрған үшін­ші үйіне, яғни Қар.шоссе көшесіндегі 24/1-ші үйге, өкінішке қарай, біздің жол түспеді... Алай­да, әріптесіміз Әсем Мир­жекееваның сараптамасынан білетініміздей, ол үйде сексеннің сеңгіріне шыққан зейнеткер ана тұрады. Жур­налиске ша­ғымданған әжей тұрып жатқан үйдің біршама тозып қалғандығын айтқан. Алдағы уақытта ол үйге жөн­деу жүргізу керегін де қала басшылығына қа­перлей кеткеніміз жөн.
Негізгі межемізден адаса қоймадық. Ойымыз – Назарбаевтар отбасы тұрған бір пәтерді кө­ріп, көрші-қолаңмен әңгі­мелесу. Біз барған үй – Елба­сының Теміртаудағы төр­тінші баспанасы. Димитров көше­сіндегі көк сарай.
Алдымыздан шығып, өзін Лидия Ходырева деп таныстырған азаматша маған 16-шы пәтерге кө­теріліп, Валентина Ку­ликовамен әңгімелесуге кеңес берді. 83 жастағы Ва­лентина Михайловнамен әңгіме жарастырдық.
– Бұрын Теміртауда қала­лық №2 аурухана болатын. Қазір жоқ. Орны да қалмаған болар. Ұзақ жыл соның отоларинголо­гия бөлімшесінде жұмыс істедім. Шағын қалада адам­дар бір-бірімен жиі ұшы­расады ғой. Он­да тұрған түк те жоқ. Нұрсұлтан Әбішұлының қара­луға келгені есімде. Кейін көрші болдық. Назарбаевтар шаңырағына жиі барып тұратынмын. Қонақ ретінде демей-ақ қоя­йын, дәрігер ретінде көп болдым. Сара Алпыс­қызын да жақсы та­ни­мын. Пәтеріміз бө­лек болғанымен, бір үй­де тұрғасын, талай көр­шіміздің отбасылық дәрі­гері болып кеттік қой. Ара­сында Назарбаевтар отбасы да бар, – деді Валентина Михаиловна.
Алғысымызды білдіріп, кетуге ниеттендік. Бізбен бірге ілесіп шыққан Лидия Александровна да тегін адам емес екен. Көп жылдар мұғалім болған, мектеп директорлығына дейін көтерілген. Аңқылдақ мі­незді. Ол кісіге де рах­ме­тімізді айтып, енді кейіп­керіміз тұрған пәтерге баратынымызды жеткіздік.
Шынымызды айтсақ, осы үйге келмес бұрын біраз материал ақтардық. Бұл қос қабатты үйлерді өткен ғасырдың 40-50-жылдары жапон тұтқындары салған екен. Тұрған жері де жаман емес. Қала орталығы. Бұл пәтерді Елбасына Теміртау қалалық атқару комитеті ұсынған көрінеді. Пәтерде көбінесе сол атқару коми­тетінің төрағалары тұрған. Себебі, пәтер қала атқару комитетіне бекітілген. Бұ­рындары мынадай ереже болатын: егер кәсіпорын өз қызметкерлеріне арнап үй салатын болса, тұр­ғын үйдің 10 пайызын ол қа­лалық атқару коми­тетінің иелігіне беруі тиіс. Бұл үйде қала басшыларымен бір­ге жұмысшылар, мұ­ға­лімдер, дәрігерлер сын­ды қарапайым адам­дардың тұр­ғаны сондықтан.
Қобалжып тұрып, о бас­тан көздеп келген 6-шы пә­терге көтерілдік. Жи­на­қ­ы, тап-тұйнақтай кіре­беріс. Түк өзгермеген сы­ңайлы. Баспалдақ шетін­­дегі сүйеніштер де ауыс­тырылмағанға ұқсай­ды. Қа­ғылған қоңырауға есік ашылды. Есіктің арғы жа­ғы­нан қазақтың көркем кел­бетті әйелі көрінді. Та­ныса келе Зәуреш Дайыр­бекова есім­ді азаматша екенін білдік. Президент тұрған пәтердің бүгінгі иесі осы кісі екен.
– Біз бұл үйге 1985 жы­­лы көшіп кірдік. Жұ­байым марқұм Бағдат Рахи­мов Гагарин аудандық ко­митетінде бірінші хатшы, қалалық атқару коми­тетінің төрағасы болды. Одақ құлағаннан кейін тоқ­­­саныншы жылдары пә­терді жекеменшіктеп ал­дық. Жетпісінші жылда­ры құ­рылыс техникумы деген болды. Кейін ол по­литех­никалық колледж болып өз­герді. Сол колледж­де 1970-2012 жылдар ара­лығында 42 жыл экономика, бухгалтерлік есеп пәндері бойынша сабақ бердім. Нұрсұлтан Әбіш­ұлымен кездесуім де қызық оқиға болды. Ол кезде Пре­зидентіміз комбинат хатшысы еді. Мен партияға өткен кезімде Нұрсұлтан Әбішұлы қалалық комитет мүшесі ретінде маған сұрақ қойып, жолдамамен келгенім туралы сұра­ған еді, – деді Зәуреш Дайырбекова.
Құтты қоныс, берекелі баспанадан қаншама ұр­пақ өрбіп, өріс кеңейген. Ша­ңырағы шашақты, боса­ғасы байлыққа толы бұл үйдің қандай да бір киесі бар дедік.

Мирас АСАН,
«Егемен Қазақстан» 
Қарағанды облысы,
Теміртау қаласы

СОҢҒЫ ЖАҢАЛЫҚТАР

18.01.2019

Қарағандылық инспекторға оқ атқан күдіктілердің фотосы жарияланды

18.01.2019

ҰБТ-дан жоғары балл жинаған түлек «Болашақ» арқылы шетелдерде оқи алады

18.01.2019

Батыс Қазақстан облысы әкімінің бірінші орынбасары болып Ғали Исқалиев тағайындалды

18.01.2019

Ақтөбе облысының шаруалары былтыр 228 млрд теңгенің өнімін өндірді

18.01.2019

Полиция департаменті айыппұлды уақытылы төлеуге шақырды

18.01.2019

Елордалық аурухана тұңғыш рет неврологиялық асқынуды азайтатын құрылғыны қолданды 

18.01.2019

Елордалық құтқарушылар жанып жатқан үйден 6 адамды шығарды

18.01.2019

Колумбиядағы жарылыс салдарынан 21 адам қайтыс болған

18.01.2019

Тимур Қожаоғлы: «Егемен Қазақстан» – Еуропа құрлығындағы маңдайалды басылым

18.01.2019

Алматыдағы тікұшақ апатынан кейін «Sky Service» рейстері тоқтатылды

18.01.2019

Геннадий Головкин ұлды болды

18.01.2019

Солтүстік Қазақстанда «Қайырымдылық керуені» акциясы жалғасты

18.01.2019

Головкиннің қарсыластары бір-бірімен жұдырықтасады

18.01.2019

Петропавлда ресейлік бас киімдер көрмесі ашылды

18.01.2019

Ақтөбеде жұмысшылардың еңбек құқықтарын қамтамасыз ету меморандумына қол қойылды

18.01.2019

Алматыда газбен жүретін жаңа автобустар іске қосылады

18.01.2019

СДУ-да IT технологиялары саласында білім беру жобасы басталды

18.01.2019

Мемлекет басшысы «Smart Aqkol» ахуалдық орталығына барды

18.01.2019

Елбасы кітапханасының Ақтөбеде өткен көшпелі көрмесін 120 мыңнан аса адам тамашалады

18.01.2019

Атырауда қазақтың үш биіне ескерткіш орнатылды

ТАҒЫ ЖҮКТЕУ
КОЛУМНИСТЕР

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

ҰҚСАС ЖАҢАЛЫҚТАР

Тағы да оқу

Пікір қосу