Тоқаев: Терроризмді түбірінен жою стратегиясына көшу керек

Сенат Төрағасы Қасым-Жомарт Тоқаев бастаған Қазақ­стан­ның парламенттік делегациясы Санкт-Петербургте ТМД Парламентаралық құрылымдардың жұмысына қатыс­ты, деп хабарлады Жоғарғы палатаның баспасөз қызметі.
Егемен Қазақстан
29.03.2017 656

ТМД Парламентаралық Ассам­блеясының 25 жылдығына арнал­ған ТМД ПАА Кеңесінің сал­та­натты отырысында Қ.То­қаев Қазақстан Президенті Нұрсұлтан Назарбаевтың мерей­тойға арналған Үндеуін оқып берді.

Н.Назарбаевтың ТМД заң шығару органдарының өкіл­деріне арнаған үндеуінде «Ассам­блея бүгінгі таңда ТМД заң шы­ғару органдарының өзара іс-қимылы мен ынтымақ­тас­тығының ерекше тұғырнамасы болып отыр әрі әлемдік парламентаризм жүйесінде көрнекті орын алады»,  деп атап өтілген.

Мемлекет басшысы ау­қымды саяси және экономи­калық ынтымақтастық жо­лын­да Достастықтың әлеуеті зор екеніне нық сенім білдір­ді. Қазақстан басшысы ТМД пар­ламентшілерін осынау беймаза кезеңде біздің халықтарымыз бен мемлекеттеріміздің игілігі үшін бұдан былай да белсенді жұмыс істеуге шақырды.

Қ.Тоқаев өз сөзінде Пре­зи­дент Н.Назарбаевтың Үндеуінде Еуразиядағы қауіпсіздік пен ынтымақтастық мәселелеріне орай Қазақстанның көзқарасы нақты әрі жан-жақты сипат­тал­ғанын, парламенттік өлшемнің ерекше маңызы айқындалғанын атап өтті.

Сенат Төрағасы Қазақ­стан­ның парламентаралық үнқаты­судан айнымайтынын айта келіп, Ассамблеяның жұмысына қолайлы жағдай жасағаны үшін Ресей Федерациясына ризашылығын білдірді. «ТМД ПАА-ның штаб-пәтері – Тав­рия сарайының Қазақстан үшін де тарихи маңызы зор, өйт­кені, ХХ ғасырдың басында осын­да Мемлекеттік Думада қазақ халқының даңқты өкіл­дері Әлихан Бөкейханов, Мұха­мед­жан Тынышпаев, Бақытжан Қаратаев және басқалар жұмыс істеді», – деді Қ.Тоқаев.

Қазақстан Парламенті Жо­ғарғы палатасының басшы­сы ұлт­тық заңнамаларды дамы­­ту­дағы және Достас­тық аясын­дағы жан-жақты ын­тымақ­тас­тық­ты тереңдетудегі ТМД ПАА-ның рөліне жоғары баға берді.

Қ.Тоқаев парламенттік дипломатия мейлінше икемді, кейде тіпті халықтар арасында теңдесі жоқ арнаға айналған жағдайда ТМД ПАА әлеуетін одан әрі нығайтудың маңызы зор деп санайды.

Қазақстан делегация­сы ТМД ПАА отырысына қа­тыс­ты. ТМД ПАА Кеңесінің мүше­лері Парламентаризмнің халықаралық күнін белгілеу туралы бастаманы талқылады. Қыр­ғызстанда өткен референ­думға жүргізілген мониторинг нәтижелерін және Достастық елдер­індегі 2017 жылы өтетін сай­лау науқандарын байқауды ұйымдастыру мәселелерін  қарады, сондай-ақ ТМД Пар­ламент­аралық Ассамблеясының 2016 жылғы қызметін қорытын­дылады.

Отырыс аясында Ресей Федерация Кеңесінің Төрайымы Ва­лентина Матвиенко Пре­зи­дент В.Путиннің атынан Қа­зақстан Парламенті Сенатының Төрағасы Қ.Тоқаевқа Құрмет орденін табыс етті.

Отырыс барысында ТМД Парламентаралық Ассам­блея­сының 25 жылдығына арналған пошта маркасын естелікке тапсыру салтанаты болды.

Қазақстан делегациясының басшысы Армения Ұлттық Жиналысынан Ресей империясы Мемлекеттік Думасының депутаты болған М.Пападжановтың бюстін ТМД ПАА-ға беру салтанатына қатысты.

Сол күні ТМД ПАА-ның 46-оты­рысы болды, онда Ассам­блеяның тұрақты комиссиялары ұсынған бірқатар үлгі заңдар мен ұсынымдар мақұлданды.

Қазақстан Парламенті Сена­тының Төрағасы Қасым-Жо­март Тоқаев, сондай-ақ, Санкт-Петер­бургте Халық­аралық терро­ризммен күрес жөніндегі пар­ламенттік конференцияда сөз сөйледі.  

ТМД-ға қатысушы мемле­кет­тердің Парламентаралық Ас­сам­­блеясы мен ЕҚЫҰ Пар­­ла­менттік Ассамблеясы ұйым­­дастырған форумның күн тәр­тібіне қауіпсіздік және терро­ризм­ге қарсы іс-қимыл сала­сындағы халықаралық ынты­мақ­тастық, террористік әрекет­ке қарсы қызметтің гумани­тар­лық мәселелері, халықаралық қауіпсіздік жүйесінің эконо­ми­калық және әлеуметтік негіздері енген болатын.

Қ.Тоқаев өз сөзінде терро­ризм­ді тек бірлескен күш-жігер арқасында ғана түбірінен жою­ға болатынына нық сенім білдіре келіп, Президент Н.Назарбаев­тың БҰҰ аясындағы Жаһандық анти­террористік желі құру тура­лы бастамасының маңыз­ды­лығына форумға қатысу­шылардың назарын аударды.

Конференцияға қаты­сушы­ларға арнаған сөзінде Қ.Тоқаев халықаралық құқықтағы «терроризм» ұғымының заңды және саяси қисынды анықтамасын беру қажеттігі туралы айтты. Төр­­аға ең күрделі мәселелерді же­дел шешуге ықпал ететін сая­си үде­рістерге асығыс әрі ағат ба­­ға­лаудан шектелуге шақыр­ды.

«Мұндай қадамдардың нәти­желі болатынын Сириядағы қа­рулы қақтығыстардың басы­нан бері оқ атуды тоқтату тетіктерін құруға алғаш рет мүмкіндік берген Астана келіссөздері паш етіп отыр», − деп атап өтті Сенат Төрағасы.

Қ.Тоқаев бірде-бір ел қау­пінен қорғалмаған кибертерроризм мәселелері туралы да айтты: «Адам құқықтары мен бостандықтарын құрметтеудің маңыздылығын толық түсінген жағ­дайда қауіпсіздікті қамтама­сыз ету үшін интернетті реттеу мәселелері бойынша ойланудың мәні зор. Басты мақсат – экстремизм идеясын насихаттауға және жастарды террористік ұйымдардың қатарына алдап-арбап тартуға кедергі жасау болып отыр», − деді ол.

Баяндамада кедейлік, сауат­сыздық, сыбайлас жемқорлық, аза­маттардың құқықтары мен бостандықтарын шектеу се­кілді терроризмнің бастапқы се­бептерін жоюдағы заң шығару ор­гандарының әлеуетіне ерекше назар аударылды. Қ.То­қаев ЕҚЫҰ Парламенттік Ассам­блеясы сессияларының бірінде Экстремизм және терроризмге қарсы іс-қимыл жөніндегі ұйым­ның Үйлестіру орталығын құру туралы мәселені қарауды ұсынды.

Қазақстан Парламенті Жо­ғарғы палатасының басшысы радикализм қатерлеріне қар­сы идеологиялық іс-қимылда Әлем­дік және дәстүрлі діндер көш­­басшылары съезінің де маңыз­дылығын атап өтті, сон­дай-ақ, Астанада 2016 жылы 31 мамыр­да өткен, жоғары мәртебелі діни қайраткерлер, бірқатар ел­дердің парламентшілері мен ғалымдар қатысқан «Дін­дер тер­роризмге қарсы» халық­ара­лық конференцияның қоры­тын­дылары туралы форумға қаты­сушыларды хабардар етті.

Қ.Тоқаев қазіргі замандағы реформалар мен халықпен ашық үнқатысуды терроризмге қарсы пәрменді шаралар ретінде атап өтті. Бұл тұрғыда мемлекеттік басқаруды жетілдіру және би­лік тармақтары арасындағы өкі­лет­­тіктерді қайта бөлу арқы­лы заң үстемдігін нығай­­туға бағыт­талған Қазақ­стан­дағы конс­титуциялық рефор­ма­лардың маңыздылығы айтылды. Төр­аға: «Терроризмге қарсы іс-қимыл­ға қатысты айтқанда, Консти­туцияға террористік әрекетке қатысқаны үшін Қазақстан азаматтығынан айыру туралы жаңалық енгізілді», − деді.  

Сенат Төрағасы сөзінің соңында терроризмді оқшаулау тәжірибесінен оны жаппай түбірінен жою стратегиясына көшу  жіті назар аударуды, үнқа­тысу мен өзара іс-қимылды талап ететін күрделі әрі жауапты жұмыс екенін атап өтті.

Қ.Тоқаев Еуропа Кеңесі Пар­ламенттік Ассамблеясының Төрағасы Педро Аграмунтпен әңгімелесті. Төраға Қазақ­стан­ның ЕКПА-мен ынтымақ­тас­тығының сындарлы сипатына тоқталды. Еліміз Еуропа Кеңесінің бірқатар маңызды конфенцияларына қатысушы Еу­ропаның Демократия жо­лын­дағы құқықтық комиссиясының (Венеция комиссиясы) толық мүшесі. Қазақстан Парламенті мен ЕКПА ынтымақтастық туралы келісімге қол қойды. Қазақстандық депутаттар Страс­бургте өтетін ЕКПА сессияларына тұрақты түрде қатысады. Қ.Тоқаев демократияны дамыту, гуманитарлық ынтымақтастық және қауіпсіздіктің жаңа қатер­леріне қарсы іс-қимыл үшін үнқатысу мен нәтижелі ынты­мақ­тастықты жалғастыра беру керек деп санайды.

Сенат Төрағасы ЕКПА бас­шысын Президенттің өкілет­тіктерін Парламент пен Үкіметке беру жөніндегі Қазақстандағы конституциялық реформалар туралы хабардар етті.


СОҢҒЫ ЖАҢАЛЫҚТАР

19.08.2017

Премьер қорғаныс-өнеркәсіп кешені кәсіпорындарының жұмысымен танысты

19.08.2017

Президент «Бурабай» гольф клубының ашылу рәсіміне қатысты

19.08.2017

Барселонадағы теракт бойынша басты күдікті анықталды

19.08.2017

Біз қазақша білуге міндеттіміз және болашағымызды осы тілмен байланыстырамыз

19.08.2017

Батысқазақстандық бастауыш сынып оқушылары биыл да ыстық тамақпен қамтылады

19.08.2017

Президент «Көкшетауминводы» акционерлік қоғамында болды

19.08.2017

Нұрсұлтан Назарбаев жұмыс сапарымен Ақмола облысына барды

19.08.2017

Бақытжан Сағынтаев Ауғанстан Атқарушы билігінің басшысымен кездесті

19.08.2017

Мемлекеттік хатшы Қазыбек бидің 350 жылдық мерейтойына қатысты

19.08.2017

Рудныйда облыстық жазғы «Тың-Целина-2017» спартакиадасы басталды

19.08.2017

Шымкентте шығарылатын аяқ киімдер Ресейге экспортталмақ

19.08.2017

Қостанайда пәтер ұрлығы едәуір азайды

19.08.2017

Жамбыл облысында шекарадан заңсыз өтпек болғандар ұсталды

19.08.2017

Қытайда селден 10 адам қаза болды

19.08.2017

Астананың бірнеше көшесінде көлік қозғалысы шектеледі

19.08.2017

Футболдан жасөспірімдер құрамасының аға жаттықтырушысы тағайындалды

18.08.2017

Павлодардан Астанаға 10 тонна қарбыз жеткізіледі

18.08.2017

Ақтөбе мектептері жаңа оқу жылына 95 пайыз дайын

18.08.2017

Бурабайда Нұрсұлтан Назарбаевтың қатысуымен кеңейтілген отырыс өтті

18.08.2017

Павлодарда 98 ауыл әкімі сайланды

ТАҒЫ ЖҮКТЕУ
КОЛУМНИСТЕР

Сүлеймен МӘМЕТ, «Егемен Қазақстан»

Қызметтегі мәдениет мәйегі

Патшаның барымтасына, кеңес­тік кезеңнің күнде қырық құбылған қулығына бой алдырмай, тұнық ойына дақ түсірмей өткен нағыз ұлт көсемі Әлихан Бөкейхан: «Тірі бол­­сам, қазаққа қызмет қылмай қой­май­мын. Ұлтына, жұртына қызмет ету − білімнен емес, мінезден», деп еді. Шы­нында, ол кезде білім кем, мінез мық­ты еді. Қазір білім ұшан-теңіз, бі­рақ ұлттық мінез олқы, ала-құла, тіл мү­кіс, намыс пен ар ақшаға тәуелді болып барады.

Ғалым ОМАРХАН, «Егемен Қазақстан»

Жұмысты жалғастырар жастар қайда?

Қолында қолақпандай дипломы бола тұра жас мамандардың ауылда жұмыс істеуге құлшынысы жоқ. Көбінің ойы − қызығы мен у-шуы көп қалада қалып, өзіндей өрім жастардың ортасында болу. Бұл үшін оларды күстаналаудың да жөні жоқ шығар, бәлкім. Өйткені, қалада тұра ма, ауылда тұра ма, әркімнің өз қалауы. Солай десек те, жастар жаппай қалаға қарай ағылып жатқанда қазақтың алтын бесігі – ауылдарымыздың келешегі қалай болмақ? Бала саны жетпей, мектептер мен басқа да мекемелердің жабылуы жалғаса берсе, ата-баба кәсібін жалғастыратын лайықты ізбасарлар жоқ болса, ауылдардың ертеңгі күні не болмақ? Ойлаудың өзі қорқынышты. 

Нұрғали ОРАЗ,

Тәуелсіздік дегеніміз – мәңгілік күрес

Кешкілік аллеяда серуендейтін осы бір кішіпейіл, мәдениетті кісіні жиі көріп қаламын. Алғашында бас изесіп қана жүрдік. Бірте-бірте тіл қатысып, тротуардың жиегіндегі сәкіге тізе бүгіп, әңгіме-дүкен құратын болдық.

Жақсыбай САМРАТ, «Егемен Қазақстан»

Кикілжің келіссөз арқылы шешіледі

Бүгінгі таңда әлемді алаңдатқан мә­селенің бірі Корей Халық-Де­мо­­кратиялық Республикасының яд­ролық қаруға қол жеткізу сая­саты болып отыр.

Талғат БАТЫРХАН, Егемен Қазақстан

ЭКСПО екі айналып келмес саған...

Алаштың алтын алқасындай Ас­та­на­ның ажар-көркіне аспанда­ғы ай қызығып, көктегі күн сүй­сін­гендей. Сарыарқадағы шамшы­рақтай сама­ла шаһар қазір тіпті құл­­пырып тұр. Сұлулығы көз суырғандай. Жер-жа­һан­ның жетіс­тік­тері жайнап төрінде тұр­са, бес құрлықты бетіне қаратар бе­дел жинамай қайтеді енді.

Пікірлер(0)

Пікір қосу