Ұлт тәрбиешілерінің ұстаханасы

Егемен Қазақстан
29.11.2016 171
Біз қашаннан «дүниенің кілті – оқу-білімде» деген ата сөзін ұстанған, табиғатынан жаны білуге, үйреніп-түюге құмар халықпыз. Сондықтан сөзімді Елбасы Н.Ә.Назарбаевтың «... Ел байлығы деген не, ол – білім, ол – жаңа технология, ол – бәрінен бұрын отаншылдық сезім» деген сөз маржанымен бастағым келіп отыр. Халқымыз үшін Президенттің аузынан шыққан осынау қадау-қадау ойлардың қасиеті ешқашан ескірмейді. Ойландырады, толғандырады. Жылдармен жаңаланып, заман талабынан көрініп келе жатқан облыстағы техникалық және кәсіптік білім беретін оқу орындарының бірі – Есік гуманитарлық-экономикалық колледжі. Тарихы да, тәжірибесі де бай білім шаңырағы жарты ғасыр бойы сапалы кәсіби мамандар даярлау ісімен айналысып келеді. Мұғалім даярлау – мемлекеттің алдыңғы қатарда дамуын қамтамасыз ететін негізгі ресурс, себебі мұғалім мемлекеттің зияткерлік капиталының іргетасын қалайды. Осы аксиоманы жете түсінетін Есік гуманитарлық-экономикалық колледжінің ұжымы 50 жылдық тарихында еліміздің білім саласына жиырма екі мыңға жуық мұғалім мамандар берді. Халық даналығында «Өткеніңді ұмытпасаң, болашағың жарқын болады» деген сөз бар. Өзінің жарты ғасырлық тарихында халықтың ықылас-пейіліне бөленіп, облысымыздағы беделді оқу орнына айналған колледж көпшілік сенімінен шыға білген, ел өмірінде өзіндік қолтаңбасы қалыптасқан білім ордасы. Колледж тарихын екі кезеңге бөліп қарастыратын болсақ, бірінші кезең құрылғаннан еліміздің тәуелсіздік алғанына дейін, екінші кезең тәуелсіздік алғаннан бүгінгі күнге дейінгі кезеңдерді қамтиды. Елімізбен тағдырлас білім ордасы мемлекетімізбен бірге жетіліп, өркендеп, жылдан жылға өрістей даму үстінде. Бүтіндей бір елдің қаншама буын ұрпағын тәрбиелеп шығарған киелі қара шаңырақтың ел тарихындағы алатын орны ерекше. Қазақ елінің біртуар перзенттері, көрнекті партия және мемлекет қайраткерлері Дінмұхамет Қонаев және Қазақ КСР Министрлер Кеңесінің төрағасы Мәсімхан Бейсебаев қол қойған қаулы негізінде 1966 жылдың 4 мамырында Қазақ КСР Жоғарғы және орта білім беру министрлігінің № 344 бұйрығына сәйкес педагогикалық училище өз жұмысын бастады. Алғашқы түлектерін оқуға қабылдап, оларға 14 оқытушы дәріс берген еді. Бастапқы қалыптасу кезеңінде оқу орнының қиындығы мен ауыртпалығын көтеріп, басшылық жасаған алғашқы директоры В.Д.Помогалов болды. Одан кейінгі жылдарда білім ордасын өркендетіп, керегесін кең ұстаған Владимир Сагалов, Жұмақан Букаев болса, білім мекемесін келесі кезеңдерде абыроймен басқарған Нұрхан Бектасова, Қасымалы Темірғалиев, Тоққожа Естенов сынды басшылар колледжге сіңірген ұшан-теңіз еңбектерімен ел есінде сақталды. Жыл өткен сайын білім мекемесінің оқытушылар құрамы ұлағатты ұстаздармен толығып, материалдық-техникалық және оқыту-әдістемелік мүмкіндіктері де арта түсті. Училище кеңес одағы кезінде де орта кәсіптік білім беретін оқу орындарының арасында Бүкілодақтық жарыстарға қатысып, 1984 ж. КСРО ОК мен БОКОК-тің ауыспалы Қызыл туын жеңіп алып, оқу орнын Одаққа танытқан болатын. Ұлағатты ұстаздар салған сара жол әрі қарай заман талабы мен нарық сұраныстарының қажеттілігіне сай өз жалғасын тауып келеді. Колледжді қалыптастыруға өлшеусіз еңбек сіңірген директор, оқу-ағарту саласында аянбай еңбек еткен айтулы педагог Нұрхан Сүттібайқызы Бектасованың есімі оқу орнының шежіресінде алтын әріптермен жазылды. Білікті де білімді басшы мемлекетіміз үшін қиын-қыстау кезеңде қажырлы еңбегінің арқасында колледждің тәжірибелі оқытушыларын, материалдық базасының басым көпшілігін сақтап, ақылы негізде оқитын топтарды ашу арқылы ұжым мүшелеріне жұмыс істеуге мүмкіндік жасады. Сонымен қатар Қазақстан өз тәуелсіздігін алған жылдары педагогикалық училище аттестациядан үздік өтіп, 1993 жылы педагогикалық колледж болып атауы өзгертілуіне де өзіндік ықпалын тигізді. Оқу орны тарихының жарқын бір беті – Білім беру ісінің үздігі, Қазақстан Республикасының Еңбек сіңірген қайраткері, Алматы облысының Құрметті азаматы Тоққожа Естеновтың есімімен тікелей байланысты. Колледждің жаңа мамандықтар бойынша білім беруі, колледж атауы Есік гуманитарлық-экономикалық колледжі болып өзгеруі, колледж ғимаратының күрделі жөндеуден өтуі, материалдық-техникалық базасының нығайтылуы, колледж мұражайының, «Сақ» дизайн студиясының ашылуы – киелі шаңыраққа шынайы иелік жасаған Тоққожа Естенұлының басшы ретіндегі ерен іскерлігінің жемісі. Іскер басшы Тоққожа Естенұлы Естенов педагогикалық ұжымды замануи үрдістерге бағыттай отырып, білім берудің мазмұны мен формасына жаңашыл өзгерістер енгізу арқылы әлемдік білім берудің инновациялық, ақпараттық-технологиялық жүйесіне бейімдеу жұмыстарын ұйымдастыруда өлшеусіз үлес қосты. Қасиетті білім шаңырағына айналған колледжде болашақ маман тәрбиесіне ғұмырын арнаған, халқының игілігі үшін жанын сала еңбек еткен азаматтар аз емес. Олардың өнегелі еңбек жолы мен жарқын есімдерін біз ұдайы құрметпен еске аламыз. Колледж ұжымы заманауи үдерістерге үн қосып, республика деңгейіндегі жобаларды оқу үрдістеріне енгізу арқылы болашақ мамандардың кәсіби шеберлігін шыңдап, рухани-адамгершілік құндылықтар аясында тәрбиелеуге ерекше назар аударады. Мәңгілік жалпыадамзаттық құндылықтарға негізделген кемел мінезді, ойы, сөзі және ісі бірлікте болатын адам тәрбиелеу – қазіргі қоғамның басты міндеті. Осыған орай Білім және ғылым министрлігінің 2014 жылғы №346 бұйрығына сәйкес «Өзін-өзі тану» рухани-адамгершілік білім беру қанатқақты жобасы негізінде жұмыс істейтін ұйымдарының тізіміне Есік гуманитарлық-экономикалық колледжі еніп, колледж базасында «Алматы облысы бойынша тәрбие мен рухани-адамгершілік білім беру серіктестерінің қауымдастығы» қоғамдық бірлестігін құрылып, Еңбекшіқазақ, Райымбек, Ұйғыр аудандарында жемісті жұмыстарын бастап кетті. Бүгінгі таңда Есік гуманитарлық-экономикалық колледжі республика көлемінде ғана емес, әлемдік деңгейде танымалдыққа ие болды деп нық сеніммен айтуға болады. Оның жарқын дәлелі – колледждің тәжірибе алмасу, тарату мақсатында Америка Құрама Штатында өткен «THE SYSTEM OF EDUCATION IN THE USA» атты семинарға, 2013 жылы Ұлыбританияда өткен теориялық-практикалық семинар жұмысына, сондай-ақ 2015 жылы Францияда «Конкорд» Халықаралық академиясы және ФИДЖИП Халықаралық Федерациясының ұйымдастыруымен өткен жазғы конференцияға қатысып, «Өзін-өзі тану» рухани - адамгершілік білім берудің жаңартылған бағдарламасын техникалық және кәсіптік білім беру мекемелерінде оқыту ерекшеліктері» жобасын ұсынуы және INSAM Жоғары бизнес және басқару институтының (Швейцария) жүргізген аналитикалық зерттеу қорытындысы бойынша «Ең үздік білім беру мекемесі» «Золотая сова» халықаралық құрмет сыйлығына ие болуы. Сондай-ақ, Халықаралық Ұлттық бизнес-рейтингтер одағының жүргізген сараптамалық зерттеу қорытындысы бойынша әлеуметтік және зейнетақы қорларына салықтар мен аударымдарды адал төлеп, өз қызметкерлеріне қамқор болып, кәсібилікке негізделген экономиканың жаңа типін қалыптастыратын кәсіпорын ретінде Алматы облысының кәсіпорындары ішінде Алтын рейтинг тізімінде жүлделі І орынға ие болып, «Сала көшбасшысы – 2015» ұлттық сертификатқа ие болдық. Ал соңғы он жылдың ішінде 2 мәрте Алматы облысы әкімінің бастамасымен өткен «Үздік кәсіптік білім беру ұйымы» байқауының 2010, 2016 жылғы жүлдегері атандық. «Ұлт тәрбиешілерінің ұстахана­сы» атанған Есік гуманитарлық-экономикалық колледжі өзінің 50 жылдық даму тарихында маңызды өзгерістерге қол жеткізді, жаңа тұрпатты білім ордасына айналды. Бүгінде білім ордасынан тәлім алып, еліміздің түкпір-түк­пі­ріне қанат қаққан әрбір түлегіміз бар жиған білімдерін жас ұрпаққа, өз халқының игілігіне арнағаны ақиқат. Оқытушылар құрамы сандық әрі сапалық жағынан өсті. Республикамызға танымал іргелі білім ордасында 162 оқытушы жемісті қызмет атқарады. Олардың 48-і жоғары санатты, білікті ұстаздар, 1-і «Халық мұғалімі», 19-ы Ы.Алтынсарин атындағы медаль иегері, 4-і «Қазақстан Республикасы білім беру ісінің үздігі». Болашақ мамандарға сапалы білім алуға жағдай туғызу мақсатында колледждің материалдық-техникалық базасы үнемі жетілдірілуде. Білімді ақпараттандыру бүгінгі таңда білім беру жүйесін жаңартудың негізгі жолдарының бірі ретінде қарастырылады. Оқу кабинеттері жаңа технологиялық, ақпараттық құралдармен жабдықталған. Колледжде 47 кабинет, 4 зертхана, әр мамандықтың қажетіне сай бөлінген 300 компьютер, интернет класс, 30 интерактивті тақтамен жабдықталған оқу және мультимедиа кабинеттері, интернетке қосылуға мүмкіндік беретін wi-fi нүктелерімен кеңінен пайдаланылуда. Сонымен қатар колледж асханасы, спорт кешені бар. Оқу ғимаратының кіре берісі мен мәжіліс залында замануи LED экрандар орнатылған. Аталмыш құрылғылар тәрбие мен оқытуды ұйымдастырудың тиімділігін арттыруда. Жұмыс барысында қол жеткізген жетістіктеріміз үлгілі ұстаздарымыздың, ұжымның ерен еңбектерінің жемісі. «Ұйымдаса білген – ұтады» деген халқымыздың тәмсіл сөзіне ден қойсақ, жұмысы жүйелі жоспарланған, алар межесі анық айқындалған жерде жеңіс те, жеміс те болатынын бағамдаймыз. Сондықтан білім саласындағы атқарылуға тиісті түрлі іс-шараларды жүйелеп, зерделей отыра жүргізсек, әлі де талай биіктерге көтерілетініміз анық. Гүлнар ЖОШИБАЕВА, Қазақстан Республикасы Білім беру ісінің үздігі, Ы.Алтынсарин төс белгісінің иегері, Бейбітшілік әлемі халықаралық «Халық мұғалімі» медалінің иегері, Еңбекшіқазақ ауданының Құрметті азаматы, «Есік гуманитарлық-экономикалық колледжі» МҚК директоры
СОҢҒЫ ЖАҢАЛЫҚТАР

17.01.2019

Жамбылда экономиканың барлық салаларында 4-5 пайыз өсім бар

17.01.2019

Станимир Стоилов ұлттық құрамадан кетті

17.01.2019

Оралдықтар 19 қаңтарда суық суға шомылады

17.01.2019

Маңғыстауда «Қошқар-Ата» қалдық қоймасына қатысты жұмыстары тұрақты жүргізіліп келеді

17.01.2019

Жаңадан ашылған ауданға жастар оралып жатыр

17.01.2019

«Егемен» жазған мақала сенатор сауалына арқау болды

17.01.2019

«Батыс» өңірлік қолбасшылығында сержанттар кеңесі өтті

17.01.2019

113 мыңнан астам отбасы тұрғын үй жағдайын жақсартты - Қ.Өскенбаев 

17.01.2019

Шымбұлақта фристайлдан әлем кубогі өтеді

17.01.2019

Атырау облысында екпе алмаған балалар қызылшаға шалдығып жатыр

17.01.2019

Алматыдағы Баум тоғайы түрлене түспек

17.01.2019

Бокстан Қазақстан әйелдер құрамасы Сербиядағы турнирді сәтті бастады

17.01.2019

Талдықорғанда «ақылды» аялдама салынып жатыр

17.01.2019

Қазақстандық теннисшілер жұбы екінші кезеңге шықты

17.01.2019

Галышева мен Рейхерд АҚШ-тағы әлем кубогі кезеңінде бақ сынайды

17.01.2019

Шайбалы хоккейден әйелдер құрамасы әлемдік сынның финалына өтті

17.01.2019

Батыс Қазақстан ТЖД 17 күнде 43 SMS-хабарлама таратты

17.01.2019

 Қостанайда 867 үкіметтік емес ұйымның 586-ы жұмыс істейді

17.01.2019

Әр төртінші заем «Нұрлы жер» бағдарламасы бойынша берілген

17.01.2019

Батыс Қазақстанда 256 мемлекеттік қызметкердің орны бос тұр

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

ҰҚСАС ЖАҢАЛЫҚТАР

Тағы да оқу

Пікір қосу