Ұлы дала елінің бір асқары

«Ел ағасыз болмайды, тон жағасыз болмайды» деген халқымыздың әдемі айтылған даналығы бар. Қазақтың қасиетті топырағында туып, ұлтының намысы мен туын ұстау әр адамның басына қона бермейтін бақыт. Асқар Алтынбекұлы Құлыбаев − сондай ұлт сөзін сөйлеген, халқына адал қызмет істеген, қоғам және мемлекет қайраткерлерінің бірі.
Егемен Қазақстан
30.06.2017 2154
2

Қоғамда неғұрлым іскер, неғұрлым білімді адамдар көп болса, соғұрлым қоғам алға жылжиды. «Өмірден үй­рен­ген адамдар ғана ұлтының ұлы пер­зенті бола алады», деген екен Қытай ре­формасының атасы Дян Сяопин. Осы сөз ойға оралған сайын сыйлас, сыр­­­л­ас ағамыз Асекеңнің тұлғасы көз ал­дыма келе береді. Өйткені, Асқар Ал­тынбекұлы өмірдің қиын да қызық жо­лынан жоққа жасып, бар­ға асып-та­сымай, өтіп келе жатқан зер­де­лі жан. Өткен заманның, тәуелсіз Ота­ны­мыздың сан соқпақтарында да ұл­ты­ның туы­н  биік ұстап жүрген тұлғаға ай­нал­ға­ны ақиқат. 
Асқар Алтынбекұлымен 80-жылдардан бері таныспын. Ол 1985-1990-жылдары бұрынғы Гурьев, бүгінгі Атырау облысының партия комитетінің бірінші хатшысы болып қызмет істеді. Көптеген істердің иірімін тауып, айналасындағы серіктестерімен кеңесе отырып басын қайырып, табыс тұғырынан көрінді. Бұл жағынан келгенде, ол өз қызметінде парасаттылық көрсетіп, азаматтық жолды берік  ұстанды. 
Ел басшылығы осындай жауап­кер­шілікті әрбір іс басында жүрген аза­маттарға жүктей отырып, сенім арт­қаны белгілі. Солардың қатарында Асқар Алтынбекұлының жүруі тектен-тек емес. Әсіресе, қазыналы аймақтағы өн­ді­рісті дамыту,  мұнай қорларын та­бу ісінде ол жігерлілік танытып, ұй­ым­дастырушылық қабілетінің де мол еке­нін көрсете білді. Сол өлкенің басшысы ре­тінде Асқар Алтынбекұлы шетелдік компаниялармен тығыз қарым-қатынас орнатып, келіссөздер жүргізіп, қалайда Қазақстан халқына пайдалы шешім шығаруға әрекеттенді. Еңбегі еш кеткен жоқ, сол кездегі әріптестік, инвесторлармен жұмыс істеу тәсілі Тәуелсіздік жыл­дарында өз жемісін берді. Оны бүгінгі Атырау өңірінен көріп тұрмыз.
Сонау Кеңес Одағы тұсында жүр­гіз­ген ілтипатты келіссөздер қазір де жал­ға­сып келеді. Батыс өлкелердегі Теңіз, Қарашығанақ, Қашаған кен орындары бүгінгі әлеуетімізді ғана емес, ертеңгі алар асуымыздың да түп негізі, экономикамызды алға сүйреуші күш болып қала бермек.
Қазақтың дархан даласындай бақ дарыған бай өлкенің төсінде еңбек жолын аға инженер-құрастырушыдан бастап, құрылысшыдай  құдіретті ма­ман­­дықтың бар ауыртпалығын, бар қы­зығын өткерудің арқасында ол  кәсіби маман, шебер ұйымдастырушы болды, ұлтымыздың оқымыстыларын ғылым жолына тартты.
Ол қашанда «Ұлық болсаң, кішік бол» деген халық даналығын естен шы­ғармай, соның үлгісімен өне­ге­лі өмір сүріп келеді. Тәуелсіздік ал­ған жылдары Асқар Алтынбекұлы құ­ры­лыс саласына ерекше көңіл бөліп, на­рық­тық экономиканы орнықтыруға мол мүмкіндіктерді қарастырып, қазақ  ғылымының жетістіктерін қолдап, оны өндіріске енгізу мәселесіне де әр кез көңіл бөлді. Азат мемлекетіміздің құ­ры­­луына, еркіндік алған қарқынды қ­а­да­мына өзіндік үлесін қосқанын, сөй­тіп, ұлт қалаулысына, жұрт жақ­сы­сына ай­налғанын  айтуды парыз санаймын.
Биік білім, әр іске әділеттік, ұлт­тық намыс, жеке бастың тазалығы, ха­лық­тық мүдде, мәдени өре кеңдігі, иман бай­лығы Асекеңнің бойынан молынан табылады. 
Инженерлік академия құрылған сәтте Асқар Алтынбекұлы беделді ға­лым­дармен бірге ұлттық инженерлік ғы­лым қарашаңырағының құрылуына үл­кен септігін тигізді, негізін қалау­шы­лардың бірі болды.  Осы күнге дейін ака­демияның өркендеуіне өлшеусіз ең­бек сіңіріп, қолдау көрсетіп келеді. Ғылымға деген адал ниетін айта отырып, өзі де әр алуан тақырыптар бойын­ша  зерттеулер жүргізіп, ол оң нәтижесін бе­ріп келе жатқанын еске сала кетсем деймін. 
Халықаралық ғылыми-инженерлік қоғам­дастық та Асекеңді өте құр­меттейді, алғырлығын бағалайды. Көп­те­ген ғылыми жетістіктері үшін, ерек­ше еңбегі үшін «Инженерлік даңқ» алтын орденімен марапатталуы әлем мойындаған ғалым екендігінің дәлелі.
Өз келешегіне өз қолымен жол са­лып, алға қойған мақсатына адал ең­бе­гімен жете алған біртуар қазақ пер­зе­нті­нің өмір жолы мен өнегесі кейінгі ұр­паққа шамшырақтай бағдар екені сөзсіз. 
Асқар Алтынбекұлы тәуелсіз елі­міз­дің бүкіл тіршілігі – экономи­касы, өнер­кәсібі, ғылым жүйесі, сая­си бас­шы­лықты жетілдіру т.б. ма­ңыз­ды мә­селелер төңірегіндегі ой-тұ­жы­рым­да­рын Елбасы Нұрсұлтан Әбішұлы На­зарбаевқа жеткізіп, Мемлекет бас­шы­сының үзеңгілес серігіне айналды. Халқымызға тән ізгілік пен ізеттілік жа­ғынан да  Асекең әр кез кейінгіге үлгі-өнеге бола білді. Ағайын арасындағы бе­реке-бірлікті, тату тірлікті сақтау жө­нінен де оның кісілігі мен кішілігін ерекше атауға болады.  
Кемел ойлап, кең пішетін кісілік кел­беті, жақсылық жасаудан, ізгілік көр­сетуден аянбайтын иманға толы ақыл-парасаты талай адамға шапағатын тигізуде. Халыққа кеңінен танылған дархан кең пейілді, ер мінезді ардақты азаматтың ғибратқа толы өмір жолын, өкше басар інілері мақтаныш  санайды.
Асекеңнің осындай азаматтық жолында қасында тіреу болып, қолдап, қош­тап жүрген аяулы жары Раиса Алдабергенқызының да орны ерекше. Раиса Алдабергенқызы ақжарқын, ашық мінезді, адам мен адамды бір-біріне бауыр­ластырып жүретін иманжүзді кісі. Балалары Талғат пен Тимур үлгілі тәр­­бие көріп, қазақ елінің көркеюіне, қа­рыштап дамуына үлес қосып келе жатыр.  
Бүгін Асекең адам жанының терең тұнығы, ал өмірінің асқар биігі болған 80 жасқа келді. 
Асқар Алтынбекұлымен заманымыз бір болғанына, егеменді еліміздің ең­сесін көтеріп, іргесін бекіту сияқты та­рихи, абыройлы жолда сапарлас бол­ғанымызға қуанамын. Жалғыз мен емес, ол кісіні білетін қызметтес, таныс жандардың да ниеті солай екеніне се­нім­дімін. 
Асқар Алтынбекұлы бүгінде әр сөзі  аталы ұлағатқа айналған мерейлі де ақсақал абыз жаста. Осы арада қазақтың хас батыры Бауыржан Момышұлының бір сөзі ойға орала береді. Қарттықты басты үш топқа бөліп, соның айтулысы абыз деген екен. Шынында, абыздық жасқа жетіп, абырой биігінен көріну, мәртебелі тұғырда тұрып танылу екінің біріне бұйыра бермейтін бақыт деп білеміз. Ендеше, сеңгірлі жасқа жеткен  Асқар Алтынбекұлы  қатарластарына да, біз секілді замандастарына да үлгі болатын тұлға екенін тілге тиек ете отырып, зор денсаулық, ұзақ ғұмыр, қажымас қайрат тілейтінімізді жеткізу борышымыз болып саналады. 

Бақытжан Жұмағұлов,
Қазақстан  Ұлттық инженерлік академиясының президенті,  
Мемлекеттік сыйлықтың лауреаты  

СОҢҒЫ ЖАҢАЛЫҚТАР

12.12.2018

Елбасының «Ұлы даланың жеті қыры» атты мақаласын талқылауға арналған TEDx форматында жиын өтті

12.12.2018

Мемлекет басшысының төрағалығымен Түркістан қаласын дамыту мәселелері жөнінде кеңес өтті

12.12.2018

Астанада Гейдар Алиевті еске алды

12.12.2018

Алматыда ережесіз жекпе-жектен жарыс өтеді

12.12.2018

«Жер жәннаты – Ақмола» деп аталатын жинақ жарыққа шықты

12.12.2018

Солтүстік Қазақстанда Желтоқсан құрбанын еске алу турнирі өтті

12.12.2018

Сенатта сыбайлас жемқорлыққа қарсы стратегияны іске асыру мәселелері талқыланды

12.12.2018

Солтүстік Қазақстанда цифрлы сүт фермасы іске қосылды

12.12.2018

Қазақ киносының Бауыржанын еске алды

12.12.2018

«Маңғыстау - адалдық алаңы» жобалық кеңсесі ашылды

12.12.2018

Павлодар облысында тұрғындар ауыз суды Ертіс өзенінен алуға мәжбүр

12.12.2018

Солтүстік Қазақстанда қарымды қаламгер Мәлік Мұқановтың  мерейтойы атап өтілді

12.12.2018

Маңғыстау полицейлерінің жалақылары өседі

12.12.2018

Отандық автоөндіріс саласының инвесторлары Қостанайда болды

12.12.2018

Конькиден Алматы қаласының біріншілігі аяқталды

12.12.2018

Қыздар университетінде тұрмыстық әлімжеттікке қарсы жиын өтті

12.12.2018

Қазақ спорт және туризм академиясында Президенттің «Ұлы даланың жеті қыры» мақаласы талқыланды

12.12.2018

Қарағанды облысында 2019 жылдың бюджеті бекітілді

12.12.2018

Павлодарда патриоттық әндер фестивалі өтті

12.12.2018

Шытырман оқиға жазудың жүйріктері анықталды

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Nápaqa qaıdan tabylar?

  «Qul bazar» tek qazaqqa arnalǵan sıaqty, 100 paıyz qazaq, qazaqtan basqa ult joq qul bazarda jaldanyp turǵan», dep kújingen jazba oqydym áleýmettik jeliden. Nege? Onyń sebebiniń biri – qazaqtyń kásip ıgerýge kerenaýlyǵynda tárizdi.

Бекен ҚАЙРАТҰЛЫ, «Егемен Қазақстан»

Qazaqtyń jylqytaný ilimi

Memleket basshysy Nursultan Nazarbaevtyń «Uly da­­lanyń jeti qyry» atty maqalasynda, «Atqa miný mádenıeti men jylqy sharýashylyǵy jer júzine Uly daladan taraǵan» degen toqtamdy pikir aıtylypty. Rasynda da, Elbasy atap ótkendeı jylqy mádenıeti men atty miniske úıretýdiń dara tehnologıasy uly dalada qalyptasqany anyq. Iаǵnı, jylqy mádenıetiniń san ǵasyrlyq qalyptasý, damý kezeńderi bıologıalyq jolmen júrgizilgen. Qazirgi tilmen aıtsaq, jylqytaný kóshpeli qoǵamnyń álmısaqtan qanyna sińgen tól óneri hám genetıkalyq jadysynyń keremet týyndysy.

Жақсыбай САМРАТ, «Егемен Қазақстан»

Táýelsizdiktiń tańǵajaıyptary

О́tken joly jazǵan baǵanymyzda («EQ», 21.11.18) Táýelsizdiktiń arqasynda qazaq jastarynyń sporttyń elıtalyq túrlerinen álemdik dodalarda tek sońǵy jyldary ǵana top jaryp jatqan birneshe mysaldaryn keltirgen edik. Sonymen birge qazaq ánderimen, ulttyq áýenmen álemdi aýzyna qaratyp júrgen ánshilerimiz týraly da jazǵanbyz. 

Қарашаш ТОҚСАНБАЙ, «Егемен Қазақстан»

Jekemenshik teatrlar jaıy

Jalpy, kez kelgen halyqtyń mádenıeti men rýhanı damý deńgeıi teatr salasyndaǵy jetistikterimen ólshenetini tarıhtan málim. О́rkenıetti memleketterdegi bir ǵana qalanyń ózinde teatr sany 200-den asyp jyǵylatyndyǵy sonyń buljymas dáleli bolsa kerek-ti.

Сейфолла ШАЙЫНҒАЗЫ, «Егемен Қазақстан»

Aqparattar aýqymyndaǵy aqıqat

Taıaýda Almatyda ótken medıaquryltaıda Qazaqstandaǵy buqaralyq aqparat qural­darynyń qazirgi jaı-kúıi keńinen áńgime boldy. Mamandar tarapynan aıtylǵan pikirlerge qulaq qoıar bolsaq, sońǵy jyldary qazaqstandyq BAQ-tyń, ásire telearnalardyń reıtıngi aıtarlyqtaı túsip ketken. Máselen, 2013 jyldan bergi aralyqta bul kórsetkish 22 paıyzǵa tómendegen eken. Onyń sebebi nede?

ҰҚСАС ЖАҢАЛЫҚТАР

Тағы да оқу

Пікір қосу