Велосипедпен жүру рак қаупін екі есе азайтады (ғылым жаңалықтары)

​Бүгінгі шолуда: Велосипедпен жүру рак қаупін екі есе азайтады. Канадада Слимс өзені жоғалып кетті. Ауланы көгалдандыру қылмыс деңгейін төмендетуге әсер етеді. Салқындатылған шай денсаулыққа зиянды болып шықты. Қызылша шырыны мидың қартаюын бәсеңдетеді. АҚШ-та 8,3 млн адам күйзелістің ауыр түріне шалдыққан.
Егемен Қазақстан
20.04.2017 2871
2

Велосипедпен жүру рак пен жүрек аурулары қаупін азайтады 

Ғалымдар велосипедпен жүру рак пен жүрек аурулары қаупін екі есе азайтатынын анықтады. Зерттеу нәтижелері Британ медицина журналында жарияланды, деп жазады ВВС.

Бес жылға созылған зерттеуге 250 мың британдық, олардың ішінде рак диагнозы қойылған 3748, жүрегі ауыратын 1110 адам қатысқан. 5 жыл ішінде олардың 2430-ы қайтыс болған. Зерттеу нәтижесінде велосипедпен жүру өлім қаупін ракпен ауыратындарда 45%-ға, жүрегі ауыратындарда 46%-ға азайтқан. Басқа жағдайда бұл көрсеткіш 41%-ды құрайды.

Зерттеуге қатысушылар велосипедпен аптасына орташа есеппен 48 км жүрген. Бірақ көп жүрген сайын, денсаулық та жақсара берген.

«Бұл зерттеу велосипедтің адам денсаулығына пайдасын көрсетті. Сондықтан веложолдарды көбейту керек», дейді зерттеуші докторлардың бірі Джейсон Гилл.

Ғалымдардың айтуынша, аптасына орташа есеппен 9-10 км жаяу жүру жүрек аурулары қаупін азайтады. Бірақ мамандар жаяу жүргеннен гөрі велосипедтің тиімді екенін айтады.

Cancer Research UK өкілінің айтуынша, велосипедпен жүру арқылы спорт залға бармай-ақ денсаулықты нығайтуға болады. Тек оны күнделікті тұрмыстың бір бөлігіне айналдыру керек. Мысалы, жұмысқа велосипедпен барып келуге болады.

Слимс өзенінің ағысы қарама-қарсы бағытқа ауысқан 

2016 жылы Канада ғалымдары Слимс өзенінің жоғалып кеткенін байқаған. Сол жерге жіберілген ғалымдар өз зерттеулерін жақында Nature Geoscience журналында жариялады. 

Зерттеу жұмыстарына Вашингтон университетінің геологы Такома бастаған Канада, Америка университеттерінің ғалымдары қатысты. Олардың айтуынша, бұрын солтүстіктегі Берингово өзеніне қарай аққан Слимс қазір оңтүстіктегі өзендердің біріне құяды. Бір қызығы, жүздеген жылдарға созылатын бұл құбылыс Канадада небәрі бір көктемнің ішінде болған. 

Зерттеушілердің бірі Дэн Шугар біздің заманымызда мұндай жағдай бірінші рет тіркелгенін айтады. Оған былтыр мамырдың соңында мұздықтардың ери бастауы әсер еткен. 

«Слимс өзені бағытының өзгеруі бүкіл ландшафтқа әсер еткен. Жабайы табиғат пен өзен химиясында да өзгерістер байқалады. Яғни, климаттың өзгеруі біз күтпеген құбылыстарға әкелуі мүмкін», дейді ғалымдар. 

Бір айта кетерлігі, он жыл бұрын Саймон Фрейзер университетінің ғалымы Джон Клаг өңірдің геологиялық құрылымының ерекше екенін айтып, осындай өзгеріс болатынын болжапты. 

Қоғамдық орындарды абаттандыру қылмыс деңгейін төмендетеді 

Америкалық ғалымдар қоғамдық орындарды абаттандыру қылмыс пен тәртіпсіздіктің азаюына ықпал ететінін анықтады. Зерттеу нәтижелері Applied Geograph журналында жарияланды.

Зерттеушілер нысаны ретінде Флинта қаласы таңдалған. Себебі автоөндіріс жабылған соң бұл қалада жұмыс орындары 41 %-ға азайып, қылмыс деңгейі артқан.

Мичиган штаты Университетінің ғалымдары қалада абаттандыру бағдарламасы басталғаннан кейінгі кезеңді бақылаған. Олардың айтуынша, бұл бағдарламаға қатысқан аймақтарда тәртіпсіздік азайып, басқа жерлерде қылмыс көбейген. Зерттеушілер абаттандыру жұмыстары мен қылмыс деңгейі бір-біріне байланысты деген қорытынды жасап, мәліметтерді жергілікті билікке ұсынды.

Ғалымдардың айтуынша, қоғамдық орындарды абаттандыру қаладағы психологиялық және әлеуметтік климатқа әсер етеді. Ондай жерлерде тұрғындар өздерін қауіпсіз сезінеді, әрі ұжымдық жауапкершілік пайда болады. Сонымен қатар ағаш көп отырғызылған аймақтарда күйзеліс пен жүрек-қантамыр аурулары азайып, жұмыссыздық, вандализм, ұрлық деңгейі төмендейді.

Салқын шай холера ауруына шалдықтыруы мүмкін

Салқын шай мен бөтелкеден су ішу холера ауруын жұқтыруға тез әсер етеді. Бұл туралы Пастер институтының эпидемиологтары PLOS Neglected Tropical Diseases журналында жазды.

Ғалымдар Вьетнамда холераның тарауына әсер еткен факторларды анықтау үшін зерттеулер жүргізді. Бұл елде 1979-1996 жылдары 56050 адам осы вирусты жұқтырып, бұл көрсеткіш тек 1997 жылы төмендеген. Ал 2010 жылдары осы ауруға шалдыққандар саны қайта арта бастаған.

Зерттеу барысында мамандар 300 адамның тамақтану режимін бақылаған. Нәтижесінде белгілі болғандай, холераға шалдыққандардың көбі салқын шай мен бөтелкеден су ішкен.

Холера – диарея, ағзаның сусыздануына әкелетін ішек инфекциясы. Оның алдын алу шарасы әлі табылмады. Ал вакцина иммунитетті тек уақытша ғана көтереді. Вирус неден пайда болатыны белгісіз. Дегенмен, холераны жұқтыру қаупі таза ауыз су жоқ жерлерде басымырақ.

Қарттардың ми жұмысына қызылша шырыны пайдалы 

Уэйк-Форест университетінің қызметкерлері қызылша шырыны мен дене жаттығуы қарттардың миына жақсы әсер ететінін анықтады. Олар зерттеу қорытындыларын Gerontology журналында жариялады.

Жастың ұлғаюымен келетін ми өзгерістерінің алдын алу мүмкін емес. Дегенмен, ғалымдар ерте диагностика мен профилактиканың жолдарын іздестіруде.

Зерттеу жұмыстарына қатысқан адамдар алты апта бойы қызылша шырынын ішіп, бір сағаттан кейін 50 минут жаяу жүрген. Ғалымдардың айтуынша, көбінің қан қысымы төмендеп, мидағы қан айналымы жақсарған. Сонымен қатар барлығының физикалық белсенділігі артқан. 

АҚШ-та ауыр дистресске шалдыққандар медициналық көмек сапасына наразы 

Нью-Йорк университетінің ғалымдары америкалықтардың 3,2 %-ы ауыр дистресске шалдыққанын анықтады. Зерттеу нәтижелері Psychiatric Services журналында жарияланды.

АҚШ-тағы ауруларды бақылау және алдын алу орталығы өкілдерінің айтуынша, ауыр дистресс (SPD) - қатты уайым, мазасыздық, әлеуметтік оқшаулық секілді белгілері бар ауру. Мақала авторларының айтуынша, АҚШ-та оған шалдыққандардың саны қазір 8,3 милионнан асады.

Зерттеуге 18-64 жас аралығындағы 207 853 адам қатысты. SPD-пен ауыратындардың көбі медициналық қызметтің төмендігіне, препараттардың жетіспеушілігіне, кәсіби медициналық көмек сапасына шағымданған.

Ғалымдар бұл жағдай өзгермесе, ерте өлім, өз-өзіне қол жұмсау көбейетінін айтып, денсаулық сақтау жүйесін өзгертуді ұсынды.

Дайындаған Гүлнұр Қуанышбекқызы, 

«Егемен Қазақстан»

СОҢҒЫ ЖАҢАЛЫҚТАР

15.12.2018

Тәуелсіздік күніне орай бірқатар қазақстандық дипломаттар мемлекеттік наградалармен марапатталды

15.12.2018

Денис Теннің өліміне қатысты іс сотқа жіберілді

15.12.2018

Димаштың келесі жеке концерті Мәскеуде өтеді

15.12.2018

Нұрсұлтан Назарбаев Қазақстан Тәуелсіздік күніне арналған салтанатты жиынға қатысты

15.12.2018

Шет ел басшылары Президент пен қазақстандықтарды Тәуелсіздік мерекесімен құттықтауда

15.12.2018

Америкалық баскетболшы Энтони Клеммонс Қазақстан азаматтығын алды

15.12.2018

Ғалымбек Кенжебаев бокстан Қазақстан құрамасының бас бапкері болып тағайындалды

15.12.2018

Астанада гидроцефалияға шалдыққан балаға ота сәтті жасалды

15.12.2018

Талдықорғанда неонаталды хирургия орталығы ашылды

15.12.2018

Қостанайда көп қабатты үйдегі бір пәтер өртеніп, екі адам қаза болды

15.12.2018

15 желтоқсанға арналған ауа райы болжамы

14.12.2018

Атырауда қысым тетіктерін шығаратын Қазақстандағы алғашқы кәсіпорын ашылды

14.12.2018

Сенат комитетінде «Табиғи монополиялар туралы» заң жобасы қаралды

14.12.2018

Атырауда жаңа мамандандырылған ХҚКО ашылды

14.12.2018

С.Әкелеев: Бекболат Тілеухан мен Айгүл Қосанованың дауысын мен қойғам

14.12.2018

​БҰҰ Қауіпсіздік Кеңесінің мүшелері Астана форматындағы Сирияаралық келіссөздерді мойындады

14.12.2018

Бақытжан Сағынтаев мемлекеттік қызметкерлер мен ұлттық компаниялардың қызметкерлеріне марапаттар табыстады

14.12.2018

Қазақстан Президенті мемлекеттік наградалар мен сыйлықтар тапсыру рәсіміне қатысты

14.12.2018

ШҚО Аягөз қаласында 600 орындық мектеп ашылды

14.12.2018

Қызылорда облысының әкімі Қ.Көшербаев кәсіпкерлермен кездесті

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Baılyq jasaýshy sala

Árbir adam óz úıiniń ishinde qandaı zattar bar ekendigin jáne onyń qaı jerde turǵandyǵyn, qaı shkaftyń ishinde qandaı zattyń jatqandyǵyn, jertólesinde qandaı azyq túrleriniń saqtalyp turǵandyǵyn jaqsy biledi. Sondyqtan eshnársesin shashaý qaldyrmaıdy. Qajetine qaraı paıdalanyp otyrady. Al ózimizdiń ortaq úıimiz – Qazaqstanda qandaı zattar bar ekendigin, ásirese, jerimizdiń astynda qandaı mıneraldyq shıkizat kózderiniń shoǵyrlanǵanyn jáne olardyń qory qandaı ekendigin bilemiz be?

Анар ТӨЛЕУХАНҚЫЗЫ, «Егемен Қазақстан»

Nápaqa qaıdan tabylar?

  «Qul bazar» tek qazaqqa arnalǵan sıaqty, 100 paıyz qazaq, qazaqtan basqa ult joq qul bazarda jaldanyp turǵan», dep kújingen jazba oqydym áleýmettik jeliden. Nege? Onyń sebebiniń biri – qazaqtyń kásip ıgerýge kerenaýlyǵynda tárizdi.

Бекен ҚАЙРАТҰЛЫ, «Егемен Қазақстан»

Qazaqtyń jylqytaný ilimi

Memleket basshysy Nursultan Nazarbaevtyń «Uly da­­lanyń jeti qyry» atty maqalasynda, «Atqa miný mádenıeti men jylqy sharýashylyǵy jer júzine Uly daladan taraǵan» degen toqtamdy pikir aıtylypty. Rasynda da, Elbasy atap ótkendeı jylqy mádenıeti men atty miniske úıretýdiń dara tehnologıasy uly dalada qalyptasqany anyq. Iаǵnı, jylqy mádenıetiniń san ǵasyrlyq qalyptasý, damý kezeńderi bıologıalyq jolmen júrgizilgen. Qazirgi tilmen aıtsaq, jylqytaný kóshpeli qoǵamnyń álmısaqtan qanyna sińgen tól óneri hám genetıkalyq jadysynyń keremet týyndysy.

Жақсыбай САМРАТ, «Егемен Қазақстан»

Táýelsizdiktiń tańǵajaıyptary

О́tken joly jazǵan baǵanymyzda («EQ», 21.11.18) Táýelsizdiktiń arqasynda qazaq jastarynyń sporttyń elıtalyq túrlerinen álemdik dodalarda tek sońǵy jyldary ǵana top jaryp jatqan birneshe mysaldaryn keltirgen edik. Sonymen birge qazaq ánderimen, ulttyq áýenmen álemdi aýzyna qaratyp júrgen ánshilerimiz týraly da jazǵanbyz. 

Қарашаш ТОҚСАНБАЙ, «Егемен Қазақстан»

Jekemenshik teatrlar jaıy

Jalpy, kez kelgen halyqtyń mádenıeti men rýhanı damý deńgeıi teatr salasyndaǵy jetistikterimen ólshenetini tarıhtan málim. О́rkenıetti memleketterdegi bir ǵana qalanyń ózinde teatr sany 200-den asyp jyǵylatyndyǵy sonyń buljymas dáleli bolsa kerek-ti.

ҰҚСАС ЖАҢАЛЫҚТАР

Тағы да оқу

Пікір қосу