WSB: Қазақ-Куба «айқасы»

Ертең Астанадағы «Қазақстан» спорт кешенінде Дүниежүзілік бокс сериясының (WSB) жетінші маусымдағы финалдық жекпе-жегі өтеді. Жобаның финалына қазақстандық «Астана арландары» мен кубалық «Куба қабыландары» шықты. Аталған екі клуб бұған дейін жобаның екі дүркін жеңімпазы атанған. «Астана арландары» 2013 пен 2015 жылдары әлемнің теңсіз командасы атанса, «Куба қабыландары» 2014 және 2016 жылы чемпион болған. Яғни, ертең екі команданың бірі – WSB сериясының үш дүркін чемпионы атанды.
Егемен Қазақстан
14.07.2017 1848
2

Биылғы финалда чемпион атану үшін екі команда сақадай-сай. Әсіресе, кубалық боксшылардың қарқыны қатты. Өйткені, финалдық бәсекеге «қабыландар» әр жылдағы үш Олимпиада чемпионын алып келген. Олар: 2008 жылғы Бейжің Олимпиадасының 64 килодағы чемпионы – Роньель Иглесиас Сотолонго (ол қазір 69 килода жұдырықтасады) және 2016 жылғы Рио Олимпиадасының чемпиондары Арлен Лопес (75 кг) пен Хулио Сесар ла Крус (81 кг). Сондай-ақ, Йоханус Аргилагос (49 кг), Лазаро Альварес (60 кг) және  Эрисланди Савон (91 кг) былтырғы Олимпиаданың қол жүлдегерлері. Ал «арландар» сапында Олимпиада чемпионы болмаса да, Олимпия ойындарында 52 килода жұдырықтасқан Ілияс Сүлейменов (І2012) пен Олжас Сәттібаев (2016) бар.

Сонымен, WSB жобасының финалына шыққан Қазақ-Куба боксшыларының әлеуетін, жарыс жеңімпазы атануға қаншалықты мүмкіндіктері барын саралап, сараптап шығуды жөн көрдік.

49 кило – Теміртас Жүсіпов - Йоханус Аргилагос

Бұл жұпта Теміртас Жүсіпов қарсыласынан жас жағынан да тәжірибе жағынан да басым. Теміртас биылғы маусымда бес кездесу өткізген. Екі жекпе-жекте жеңіске жетсе, үшеуінде ұтылып қалған. Ал Аргилагос үш кездесу өткізіп, бір рет жеңіп, екі рет жеңілген. Айтпақшы, екі боксшы 2015 жылғы финалда жолығып, Жүсіповтың жеңісімен аяқталған болатын. Статистикаға сүйенсек, Теміртас ертеңгі кездесуде де жеңіске жетуі тиіс.

52 кг – Олжас Сәттібаев - Йосбани Вейтиа

Олжас Сәттібаев пен Йосбани Вейтиатың нәтижелері мен мүмкіндіктері бірдей. Екі боксшы да былтырғы Рио Олимпиадасының қатысушылары. Дегенмен, екеуі де жүлдеге іліге алмаған болатын. Сондай-ақ, осы маусымда Сәттібаев пен Вейтиа төрт кездесуден өткізіп, барлығында жеңіске жеткен. Сонымен қатар, олар 2015 жылғы финалда жолығып, Олжас Сәттібаев жеңіске жеткен. Олжастың өзі екі жыл бұрынғы жеңісін қайталайтынына сенімді.

56 кило – Ілияс Сүлейменов - Хавьер Ибаньес

         Ілиястың бұл жолғы қарсыласы қазақ бокс жанкүйерлеріне есімі аса танымал емес жас боксшы. Небәрі 20 жастағы Хавьер Ибаньес былтыр Куба құрамасы сапына алынған. Ол биыл WSB жобасында 5 жекпе-жек өткізіп, үш рет жеңіп, екі рет жеңілген. Ал халықаралық дәрежедегі бокс шебері Ілияс Сүлейменов бес кездесудің төртеуінде жеңіске жеткен.Аталған жекпе-жекте Сүлейменовтың жеңісіне куә болуымыз мүмкін. Дегенмен, қарсыласқа да құрметпен қараған дұрыс.

60 кило – Зәкір Сафиуллин - Лазаро Альварес

Бұл кездесу Зәкір үшін реванш жекпе-жек болмақ. Өйткені, ол 2015 жылғы финалда Альварестен ұтылып қалған еді. Негізі, екі боксшы тең дәрежеде жұдырықтасқан, бірақ төрешілер жеңісті кубалық боксшыға берген болатын. Екеуінің де жеңіске жетуге мүмкіндіктері де тәжірибелері де жеткілікті. Зәкір - Лазаро жекпе-жегінде кім жеңетінін дөп басып айту қиын. Сондықтан, жеңімпаздың есімін төрешілер мен шаршы алаңға қалдырайық.

64 кило – Ділмұрат Мижитов - Энди Круз

Былтыр 56 килода осы жоба арқылы Рио Олимпиадасына жолдама алып, төрт жылдықтың басты бәсекесіне қатыса алмай қалған Энди Круз биылдан бастап 64 килода сынға түсіп жүр. Нәтижесі де жаман емес. Бес кездесудің барлығында жеңіске жеткен. Ал жобаның дебютанты Ділмұрат Мижитов жас болса да боксшыларға лайықты қарсылас атанып жүр. Бұл кездесудің де нәтижесін шаршы алаңға қалдырайық.

69 кило – Асланбек Шымбергенов - Роньель Иглесиас Сотолонго

Асланбек Шымбергенов кубалық боксшымен 2015 жылғы финалда кездесіп, жеңіске жеткен. Сондай-ақ, 2014 жылғы «Чемпиондар кездесуінде» Сотолонго тағы бір «арлан» Мадияр Әшкеевтен жеңілген. Жалпы, Роньельге қазақ боксшыларымен жұдырықтасу ыңғайсыз. Екі боксшы да биыл жеңіліп көрмеген. Асланбектің соңғы жекпе-жектері көңіл қуантарлық. Егер, ертеңгі кездесуде Шымбергеновтың бабы мен бағы келіссе екі жыл бұрынғы жеңісті қайталауы мүмкін.

75 кило – Аманқұл Әбілхан - Арлен Лопес

Аманқұл Әбілхан Ұлттық құрамадан «арландарға» көмектесуге келген жалғыз боксшы. Қолының жарақатына қарамастан ол Лопеске қарсы жекпе-жек өткізуге дайын. Жас пен тәжірибе бойынша Куба боксшысының бәсі жоғары. Дегенмен, жас боксшымыз кубаның «ардагер» боксшысына қауқары жететініне сенімдіміз. Тек жарақаты сыр бермесе болғаны.

81 кило – Арман Рысбек - Хулио Сезар Ла Крус

Бокс мамандары мен жанкүйерлерінің пікірінше, бұл кездесудің фавориті ретінде кубалық боксшы саналуда. Оның себебі де жоқ емес. Өйткені, Ла Крус өзі барған жарыстың бәрінде қарсыластарын жеңіп қана қоймай, алтын медальін алып қайтады. WSB жобасында да сондай. Жеңіліс не екенін білмей келеді. Бірақ, бұл кездесуде Нұрлан Ақүрпеков шәкіртінің жеңіске жететініне сенімді. Кубалық боксшыға қарсы жоспар құрып қойғанын, егер Арман жоспарды орындаса, жеңіске жететінін айтады.

91 кило – Антон Пинчу - Эрисланди Савон

Әуелде «арландар» сапынан бұл килода финалдық кездесуге Василий Левит шығуы керек болған. Алайда, ол байқаусызда қолын жарақаттап алып, рингке шыға алмайтын болды. Ал Антонның Савонға қаншалықты қауқар көрсете алатынын ертең шаршы алаңда көретін боламыз. Дегенмен, Эрисланди Савонды Олимпиаданың үш дүркін чемпионы, атақты боксшы Феликс Савонның жиені демесеңіз, нағашысы секілді аса бір мықты боксшы емес. Бұл боксшылардың жеңіске жетуге деген мүмкіндіктерін 50 де 50 деп қалдырайық.

+91 кило – Олжас Боқаев - Йоанди Тойрак

Олжастың кубалық боксшы Йоанди Тойракқа қарағанда халықаралық аренадағы мен осы жобадағы тәжірибесі аздау. Олжас биыл екі кездесу өткізіп, бір рет жеңсе, бір рет ұтылған. Йоанди да биылғы жобада көп рингке шыға қоймаған, бірақ тәжірибе өз сөзін айтуы керек. Десе де, Олжас Боқаевқа алдағы кездесуде сәттілік пен жеңіс тілейміз.

Сондай-ақ, егер негізгі 10 жекпе-жектен соң кездесу 5-5 есебімен аяқталып жатса, 52 килода қосымша кездесу өткізіп, жеңімпаз клубтың есімі  анықталатын болады. Қосымша кездесуде «арландар сапынан Олжас Байниязов шықса, «Куба қабыландары» сапынан Франк Залдивар сынға түседі.

 

Әли БИТӨРЕ,

«Егемен Қазақстан»

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу