Заманмен үндескен мақала

Елбасының бағдарламалық мақаласы Қазақ­стан­ның ғы­лыми қауымдастығына жаңа леп әкеліп қана қоймай, жоғары санаттағы рухани кезеңге бет­бұрыс жасауға бағыт сіл­теді.
Егемен Қазақстан
17.04.2017 678

Мемлекет басшысы ұсы­нып отырған мәдени рефор­ма өте дер кезінде ұсыны­луымен маңызды. Мұнсыз эко­­номикалық және басқа да салалық өзгерістер бәрібір тиімсіз болар еді. 2017 Қазақстан дамуы үшін өзгеріске толы жыл болмақ. Экономикалық жаңғыру мен конституциялық реформамен бірге Президент өте өзекті мәселені – адам капиталы мәселесін алға тартып отыр. Бәсекелестікте жетістікке және көшбасшылыққа жет­кісі келетін халық ұлттың бәсекелестікке қабілеттілігін арттыра отырып, бүгінгі күннің және болашақтың азаматын қалыптастыруда оны көп тіл білетін, мәдениетті, өзін ғана емес, жақын әрі алыс көршісіне құрметпен қарайтын жан-жақты білімді, сауатты тұлғаға айналдыруды көздейді.

Мен ел Президентінің бас­тамасымен құрылған Мәде­ниеттерді жақындастыру орта­лығына жетекшілік жасаймын. Бұл орталықтың қызметі мен міндеті біздің азаматтарымызды келісім рухына, бүкіл әлем және Қазақстан азаматтары ұстанатын өзінің және өзгенің дініне, мәдениетіне құрметпен қарау ісіне үйлестірілген. Бұл қасиеттер біздің ата-бабамызға да, халқымызға да ешкім сырттан әкеп таңбаса да, табиғатына тән болып келеді. Бүкіл мә­дениеттер мен діннің сұхбат алмасу соқпағы болып біздің даламызды көлденеңінен кесіп өткен Ұлы Жібек жолын еске алайықшы. Жетісудың ең ірі сауда және қолөнер орталығы болған Қойлық қаласында мұсылман да, христиан да, будда өкілдері де қоян-қолтық өмір сүрген. Бұл жөнінде ХІІІ ғасырдың ортасында француз королі ІХ Людовиктің Мөңке ханға жолығуға жіберген өкілі Гильом де Рубрук жазып қалдырған. Ол Қойлық қаласында болып, көргенін суреттеп жазған. Рубрук қаладан мешітті де, будда храмын да, христиан шіркеуін де, манихей ғибадатханасын да көргенін айтады. Қойлық қаласын қазған археологтар осы аталған нысандардың қалдықтарын тапқанда, еріксіз бас шайқады.

Әрбір қазақстандық өз елінің патриоты болуға міндетті деп есептеймін. Мемлекет басшысы «Туған жер» бағдарламасы мен «Қазақстанның киелі жерлерінің географиясы» жобасын жасауды бекер тапсырып отырған жоқ. Патриотизм өз тарихы мен тамырын білумен тікелей байланысты. Біздің халқымыздың тарихы өте бай. Отырар мен Түркістан, Тараз бен Сауран қалалары тарихтың ғажайып әуеніне тұнып тұр. Қазақ хандығының байтақ жерін тұтасымен сақтап қалу үшін күресіп, Қазақстанның азаттығы жолында арпалысып, бар өмірі ат үстінде өткен батырларымыздың есімі бізге мәлім. Белгілі тарихи орындарды танып, оларды қастерлей білу өскелең ұрпақты патриоттық рухта тәрбиелеуде маңызы зор. Өзінің туған жеріне, өз халқы мен бабасына сүйіспеншілігі, құрметі жоқ адамның жер бетіндегі ізгілік үшін бір ұлы іс жасайды дегенге өз басым сене алмаймын.

Қазақстан бар болғаны 25 жылда әлемдік саяси аренада мойындалып, дамыған тәуелсіз мемлекетке айналуы­на көптеген көрнекті замандастарымыз қол ұшын созды. Біз оларды білуіміз керек және ол адамдардың өресімен теңесуіміз керек.

Жалпы алғанда, Прези­денттің бұл жаңа мақаласы – Қазақстан жаңғыруына заманмен үндес адамның көзқарасы тұрғы­сынан жаңаша қарау. Ел мен қоғамды құрып жатқан біздің әрқайсымыз дәл осы мемлекетте өмір сүру мен еңбектенуге қолайлы жағдай туғызуға мүдд­елі болуымыз керек.

Карл Байпақов,

академик


АЛМАТЫ

СОҢҒЫ ЖАҢАЛЫҚТАР

23.05.2018

Қ.Тоқаев: Атырау облысы – ел экономикасының флагманы

23.05.2018

Жаңаөзенде судағы қауіпсіздік ережелері түсіндірілді

23.05.2018

Маңғыстауда өрт қауіпсіздігі бойынша 77 бекет орнатылды

23.05.2018

Маңғыстаулық полицейлер мұқтаж отбасыларға көмек берді

23.05.2018

Нұрсұлтан Назарбаев Ресей Федерациясының Қорғаныс министрі С.Шойгумен кездесті

23.05.2018

Менингиттен қалай қорғану керек?

23.05.2018

«Баян сұлу» жобасының жеңімпазы анықталды

23.05.2018

Қазақ әдебиеті әлем тілдерінде сөйлейді

23.05.2018

Л.Гирш көпшілікке «Стихи о войне и мире» өлеңдер жинағын таныстырды

23.05.2018

Қазақстан Президенті қорғаныс ведомстволарының министрлерімен кездесті

23.05.2018

Қызылордада жасырын казино ашқан азамат ұсталды

23.05.2018

Сотқа жүгінбей татуласуға болады

23.05.2018

«Петропавл–Қорған» бағытындағы тас жолға 27 миллиард теңге бөлінбек

23.05.2018

Маңғыстауда сот жүйесін жетілдірудің 7 бағыты талқыланды

23.05.2018

Петропавлда омарташы мамандар оқытыла бастады

23.05.2018

Қазақстандықтар жеке мәліметтеріне қолжетімділікке тыйым сала алады

23.05.2018

«Азаматтарға арналған үкімет» 8 млн адамның цифрлық сауаттылығын арттырмақ

23.05.2018

«Арсеналға» жаңа бапкер келді

23.05.2018

Елбасы V халықаралық «KADEX-2018» көрмесінің ашылу рәсіміне қатысты

23.05.2018

Алматыда «Жас өркен» жастар орталығы ашылды

ТАҒЫ ЖҮКТЕУ
КОЛУМНИСТЕР

Думан АНАШ, «Егемен Қазақстан»

Мектеп вальсі туралы ой

Соңғы қоңырау – мектеп бітіруші түлектердің жанын тербететін аяулы сәт. Алабұртқан сезім, алып-ұшқан арман, үміт пен күдік. Одан өзге? Мектеп вальсі. Иә, мектеп вальсі туралы әр жүрек түкпірінде жазылмаған бір-бір шығарма бар шығар. Бұл – мектеп қабырғасымен, дос-құрбылармен ғана қоштасу емес, іште бұғып жатқан мөлдір, алғашқы алақұйын сезімдермен де қоштасу.

Қорғанбек АМАНЖОЛ, «Егемен Қазақстан»

Қызғаныш деген қызыл ит

Заты адам баласымен бірге жасасып келе жатқан, көнермес те көгер­мес сезімдердің бірі – қызғаныш. Адам­ның көзіне шел қапта­та­тын қара қыз­ға­ныштардан кекшілдік пен күн­шілдік, бақас­тық пен бақталастық қоз­дап, неше түрлі қылмыстар жасалып жата­ты­ны да ешкімге құпия емес. 

Талғат СҮЙІНБАЙ, «Егемен Қазақстан»

Алматының алмасы. Шырын қайда?..

Алматы жұрты күнде жауған жауын­мен, түнде ұрған суықпен жағаласып жүріп Алатаудың бөктеріндегі биылғы алма бақ гүл шашқан көркем шақтан көз жазып қалған сыңайлы. Содан ба екен, біреу «Биыл алма гүлдеді ме?» десе, біреу «Биыл өзі алма бола ма?» дейді қамығып. 

Қарашаш ТОҚСАНБАЙ, «Егемен Қазақстан»

Рух көтерудің жолы

Кейінгі өскелең жас ұрпақты патриот­тық рухта қалай тәрбиелейміз, ертеңгі ел қорғар өрендеріміздің бойына отаншылдық пен патриотизмді, елге, жерге деген сүйіс­пен­шілік сезімін  қалыптастырып, келешекте ержүрек, батыл болып өсулері үшін не істеуіміз керек деп,  жастардың ертеңгі тағдыры мен таңдауына жиі бас ауыртып, жанымыздың жабырқап жататыны рас.

Қамбар Ахмет,

Каспий мен Қара теңіздерді жалғау кімге тиімді?

Мамырдың екінші онкүндігінде ақпарат һәм саясат алаңында қызу тал­қыланған тақырыптың бірі – Қазақ­стан Президенті Нұрсұлтан Назарбаевтың Каспий мен Қара теңіздің арасын жал­ғайтын «Еуразия» каналын салу жөніндегі пікірі болды. 

Тағы да оқу

Пікірлер(0)

Пікір қосу