Бекен ҚАЙРАТҰЛЫ«Egemen Qazaqstan»
774 материал табылды

Қоғам • 30 Наурыз, 2022

Ай санау

Қазақ халқы бертінге дейін дәстүрлі ай санау тәсілін қолданып келді. Ол үшін ең алдымен айдың тууын қадағалайтын. Егер де жаңа туған айдың қос қиығы төмен қарай шаншылып, сауыры төңкеріліп туса «ай төңкерілді» дейді. Төңкерілген ай – малға жайлы, адамға қолайлы болады деп есептеп, алыс сапарға шығу, мал отарлату сияқты маңызды істерді жоспарлайды.

Руханият • 30 Наурыз, 2022

Рамазан – рухани жаңару айы

Күллі мұсылман баласына парыз етіліп, ішіне аса маңызды ораза құлшылығы сіңірілген «айлардың сұлтаны» Рамазан келіп жетті. Бұл ай – пайғамбар үмбеті үшін рухани жаңару айы. Яғни Жаратушы ие өз құлын осы айда жаңарту үшін, ол нәпсісін тізгіндеп, иман ләззатын сезе алатын халге жетуі үшін, ораза деген амалды таңдады. Сөйтіп, бізге бір ай бойы ораза ұстауды бұйырды. Бұл жерде біз біле бермейтін бір керемет дүние – ораза ұстаған кезде жүрегімізде, жан-дүниемізде рухани жаңару жемісі пісіп жетіледі. Осы арқылы адам баласы кемелденеді.

Сұхбат • 29 Наурыз, 2022

«Oitek» архитектурасының негізі – ұлттық сана

Қазақстанның еңбек сіңірген қайраткері, танымал архитектор, мемлекеттің басты рәміздерінің бірі Елтаңба авторы, қазіргі таңда Л.Н.Гумилев атындағы Еуразия ұлттық университетінің профессоры Жандарбек Мәлібеков соңғы жылдары осы университеттің Сәулет-құрылыс факультеті жанынан «Oitek» архитектурасы атты ғылыми-тәжірибелік орталық құрып, ұлтымыздың рухани һәм тұрмыстық құндылықтарын (тіл, дін, салт-дәстүр, мәдениет, өнер, этнография, экономика, саясат, т.б.) заманға сай дамытудың әдістемесін ұсынып жүр. Осы орайда тың идея иесі һәм «Oitek» архитектурасының авторын әңгімеге тартып, ой бөлістік.

Елорда • 27 Наурыз, 2022

Елді жаңғырту жолы талқыланды

Елордада Қазақстандық қоғамдық даму институты «Sarap» сарапшылық клубының ұйымдастыруымен «Жаңа Қазақстан: Жаңару мен жаңғыру жолы» тақырыбында дөңгелек үстел өтті. Аталған шараға Парламент Мәжілісінің депутаттары, танымал ғалымдар және зиялы қауым өкілдері һәм саясаттанушы мамандар қатысты.

Қоғам • 27 Наурыз, 2022

Өре

Бала күнімізде жайлауда кез келген үйдің жанында өре тұратын. Оның төрт сирағы болады. Олар жерге қаққан қазықтай нық та, мық орнатылып, үстіне көлденең белағаштар қойылады. Осы бел ағаштарды шабақтап, көлденең қадалар жайғастырылып, оның үстіне тоқылған ши төселіп, дайын болған керме тұғырды өре деп атайды.

Руханият • 20 Наурыз, 2022

Жеті қазына – жеті ырыс

Кейбір жағдайда көшпенділер танымында материалдық құндылықтарды да қазы­­на­ға телу бар. Демек қазақтың қазына тура­лы пәлсапалық байламы – қарапайым тілмен айтқанда, қоғам­дық дамудың ұстын­да­рына жататын материалдық һәм рухани құн­ды­­лық­тар. Яғни жеті қазына дәл мынау дей­тін­дей нақты тоқтам жоқ. Бірақ бұл ұғым хал­қымыздың ежелгі танымына сіңіріл­ген – «жеті қабат көк», «жеті қабат жер», т.б. тұжы­рым­да­ры негізінде «жеті» са­нына тұ­рақ­тап, басты құндылықтарды әр­түрлі жеті жікке бөлгенінен аңғаруға бо­ла­ды.

Тарих • 20 Наурыз, 2022

Барыс жылы туралы баян

Жаңадан ғалам қақпасын ашқан – Барыс жылы туралы ел ауызында сақталған:Жылыңыз он екіге бөлінеді,Ежелден осылайша көрінеді,Қарасаң бәрі бірдей болғанымен,Өтеуі неше саққа телінеді.Он екі жылдың үшіншісі Барыс екен,Ниеті хайуанның талыс екен.Жоқшылық, құрғақшылық пәлекеттерБұл жылдан жұттың ауылы алыс екен, – деп келетін көне шумақ бар.

Елорда • 16 Наурыз, 2022

Жақсылық жоралғысындай жобалар

Елорда төрінде Халықаралық «Қазақ тілі» қоғамының астаналық филиа­лы ұйым­дастыруымен Қазақ тілі мен мәдение­тінің I форумы өтті. Іс-шараға Нұр-Сұлтан қаласы әкімдігі, «Алтын қыран» компания­лар тобы, Халықаралық «Болашақ» стипендиаттар қауымдастығы қатарлы ұйымдар қолдау көрсетсе, маңыз­ды жиынға Пар­ламент Мәжілісінің депутаттары мен мемлекет және қоғам қайраткерлері, ғалымдар, тіл жанашырлары қатысты.

Таным • 13 Наурыз, 2022

Елді тыңдаудың үлгісі

Мемлекет басшысы Қасым-Жомарт Тоқаев екі жылдың алдында «Сындарлы қо­ғамдық диалог – Қазақстанның тұ­рақ­ты­лығы мен өркендеуінің негізі» атты Жолдауында «Халық үніне құлақ асатын мемлекет» тұжырымдамасын жүзеге асыру жайлы айтып: «Азаматтардың бар­лық сындарлы өтініш-тілегін жедел әрі тиімді қарастыратын тұжырымдаманы іске асыру – бәрімізге ортақ міндет», деген болатын. Президентіміз жоғарыдағы мәселені ­жылдың басында тағы да еске салып: «Біз халық үніне құлақ асатын мемлекет құ­ра­мыз. Бұл – асыра айтқандық емес. Шын мәнінде, мемлекет өз азаматтарының пікірін мұқият тыңдауы қажет» деді.

Руханият • 10 Наурыз, 2022

Манжероктағы кездесу

Таулы Алтай Республикасына қарасты курортты аймақ Майма ауданы аумағында Манжерок атты шағын кент бар. Қала­шықтың ір­гесі 1856 жылы қаланған дейді.  Ауылды жанай тас­қыны қатты Қа­тын өзені ағып жатыр. Өлке­нің та­би­­ғаты көр­ген жанды тамсандыр­май қой­­май­ды. Көк­пен таласқан ақ самырсын мен бал қа­ра­ғайы, таудан құлап аққан мөлдір бұлақ су­лары, тума таби­ғаттың саф ауасы... жанға ши­па, дертке дауа.