Пікір • 08 Ақпан, 2023
«Базар барсаң – бақыр бар, барсаң бақыр түгіл тақыр жоқтың» кері. Қазір интернет арқылы жалған жұмыс, өтірік вакансия ұсынатын компаниялардың, өз пайдасына жегіп қоятын желілік бизнестің қара тізімін оңай тауып алуға болады. Жұмыспен жарылқаушылардың қара тізімін жасауға септесіп отырғандар да сол – секта сияқты «сетевиктердің» айласынан әрең сытылып шыққандар. Өкінішке қарай, көп адам осыны өз басынан өткермей түсіне бермейтіндіктен, үш күні қор болған жігіттің мысалын баяндап көрелік.
Аймақтар • 06 Ақпан, 2023
Алматы сияқты алып шаһарды сумен қамтамасыз ету айтуға ғана оңай. Бұған қоса кеңес кезеңінен мұраға қалған, кейінгі жылдары тартылған су құбырларының ескіргені бар, қайта жөндейтін, жаңғыртатын тұстары бар. Бұл аз десеңіз, құлашын жайып бара жатқан қаланың жаңа шағын аудандарына да алдымен су керек. Әсіресе кейінгі уақытта шіріген құбырлар әлсін-әлсін жарылып, ыстық су атылып, тұрғындармен қоса тиісті мекемелерді әбігерге салып отыр.
Медицина • 02 Ақпан, 2023
Сирек кездесетін ауруларды анықтау мен емдеудің тәсілдері талқыланды
Алматыда Педиатрия және балалар хирургиясы ғылыми орталығының пульмонология бөлімінің 60 жылдығына орай, «Муковисцидозбен ауыратын науқастарды диагностикалау, емдеу мен оңалтудың заманауи аспектілері» тақырыбында шеберлік сағаты өтті деп хабарлайды Egemen.kz.
Экономика • 01 Ақпан, 2023
Азық-түлік одақтары отандық өндірушілер бағдарламасын қолдай ма?
Жуырда ел Үкіметі жергілікті нарықтағы заманауи әрі сапалы отандық өнімдерді жан-жақты қолдау үшін «Атамекен» ұлттық кәсіпкерлер палатасымен бірге атқарылатын «Қазақстанда жасалған» жалпыұлттық бағдарламасының іске қосылатынын мәлімдеді. Бұл қолдаудың отандық азық-түлік өндірушілеріміз үшін маңызы зор. Отандық тауарлардың өтімділігін көздейтін «Қазақстанда жасалған» бірыңғай ақпараттық платформасын енгізу өз азық-түліктеріміздің кең сауда сөрелеріне жайғасып, көзге түсетін аумақты иеленуіне жағдай тудырып, өндірушілер мен сауда орындары арасындағы өзара әрекетіне бағытталған. Өкінішке қарай, жағдай әлі де керісінше.
Қоғам • 01 Ақпан, 2023
Дүниежүзілік денсаулық сақтау ұйымы алкоголизмді ауру деп таныған. Денесін арақ улағандарға бұл диагноз қойылғанға дейін ол абыройдан, жұмыстан, денсаулықтан, отбасы мен ағайын-туыстан айырылатынын жазып отырудың өзі артық.
Медицина • 30 Қаңтар, 2023
Күйзелгенге көмектесетін 3580 call-орталығы
Адамдар қиын жағдайларға тап болып торыққанда түрлі қателікке ұрынып, тіпті өз өзіне қол салуға дейін баратынын, бірақ тікелей психиатриялық көмек көрсететін медициналық мекемелерге қаралуға жұрттың қауесетінен қаймығатынын айтып жатады. Ендігі жерде күйзеліске түскендерге қолұшын созатын call-орталықтары бір айдан бері Алматы, Тараз және Семей қалаларында жұмысын бастады.
Сұхбат • 26 Қаңтар, 2023
Жұмағали Исмаилов: Осы бюджет, осы жүйемен де талай мәселені шешуге болады
Өткен жылы Есеп комитеті 2019-2021 жыл аралығында жалпы денсаулық сақтау саласына бөлінген бюджет қаражатына аудит жүргізгенде, орасан ақшаның орынсыз жұмсалғанын анықтады. Таяуда Парламент Мәжілісінің Үкімет сағатында да денсаулық сақтау саласына бөлінетін қаражаттың тиімсіз жұмсалатыны сөз болды. Өзектілігін жоғалтпай отырған осынау мәселеге орай, «International Academy of Medicine&Sciences» ЖШС бас директоры, профессор, дәрігер-хирург Жұмағали Исмаиловпен сұхбаттастық. Өйткені бұл команда бірнеше жыл бұрын қарызға белшесінен батқан Алматы облыстық ауруханасын шетелдік инвесторлармен бірге басқаруға алған еді.
Аймақтар • 25 Қаңтар, 2023
Күріш өсіруді үйретуге мүдделі
Өткен жылы Мемлекет басшысы Қасым-Жомарт Тоқаев Иранға барған сапарында егер барлық мүмкіндікті пайдалансақ, екі ел арасындағы сауда-саттық алдағы үш жылдың ішінде 3 млрд долларға дейін өсуі мүмкін екенін айтқан болатын. Оған қоса Қазақстан Иран азаматтары үшін 14 күн мерзімге визасыз режім енгізді. Осынау бастама алғашқы нәтижесін бере бастады.
Қоғам • 25 Қаңтар, 2023
Алматы студенттері алкогольді ішімдіктер ішу жөніндегі зерттеулерге қатысты
Мына қызықты қараңыз, Қазақстан заңнамасына сәйкес алкогольді ішімдіктерді тек 21 жастан асқандарға сатуға рұқсат етіледі. Алайда «Денсаулық» Ұлттық қауымдастығы» ЗТБ Алматы Менеджмент Университеті студенттерінің көмегімен жүргізген зерттеулер мүлде басқа жәйттерді анықтап отыр. Мәселен, сауалнамаға қатысқандардың 63%-ы арақ-шараптың дәмін алғаш рет 18 жасқа дейін, 31%-ы 18 бен 21 жас аралығында, тек 6%-ы ғана 21 жастан асқан соң татып көрген.
Қоғам • 24 Қаңтар, 2023
Қаржы пирамидасынан қалай сақтанамыз?
Атышулы қаржы пирамидасы алданғандардың ақшасын қайтарып жатыр. «Қайтқан малда қайыр бар» десек те, өкінішке қарай, жұртты зар илетіп кеткен қаржы пирамидаларына алданып жүргендер әлі де бар. Таныс туыстарымыздың арасынан да мұндай алаяқтардың ықпалына астындағы көлігін, үстіндегі үйін сатып кіріп кеткендер табылады. Тіпті ана дүниеге қайғыдан қаржы пирамидаларына салған миллион қарызымен аттанып кеткендерді білеміз. Сонда мұның атын қарапайым түйсіксіздік дейміз бе, әлде дүниеқоңыздық адамның екі көзін байлап қоя ма?
