Мирас АСАН«Egemen Qazaqstan»
54 материал табылды

Технология • Кеше

Онлайн-оқырман

Бүгінде әлеуметтік желіге жүктелген шығармаң әп-сәтте әудем жерің не, әлемді түгел шарлап кетсе таң қалмайсың. Тетікті дұрыс пайдалана білген жанға әлеуметтік желі – әдебиеттің әйбат насихатшысы болып тұр. Әрине, әттеген-ай дейтін тұстары да жоқ емес.

Әдебиет • 11 Қараша, 2019

«Шабыт» неге шалқымай тұр?

Қарашаның алақанат алғашқы қары ақын жанының аппақ әлеміндей жа­па­лақ­­тай жауды. Бір сәтке ұшқындай барып қара жерді қапсыра құшқан мамық ұлпа мақпал сезімдерді селт еткіз­гендей сәнді көрінеді. Алайда, алабұртқан көңіл терезесінен самарқау көше­лерге ұзақ қарап тұрып әлдебіреуді қатты са­ғынғандай боласың. Ішкі аңса­рың­ды оятқан бейуақ сезімге бірдеңе дегің келеді. Бірақ оны кім түсінгендей...

Әдебиет • 08 Қараша, 2019

«Ғасыр адамы» атағын суық жарықтың пайда болу табиғатын анықтағаным үшін берді

Қарағанды ғалымдары жайлы әңгімелегенде алдымен «Ұлы математика курсы» деп қазақ тілінде тұңғыш оқулық жазған Алашорданың соңғы тұяғы – Әлімхан Ермековті тілге тиек етеміз. Көмірден синтетикалық мұнай өндіруге қатысты жобаны алғаш жасап, «Атан қомында туған адам» атты тұңғыш жинағына профессор Зейнолла Қабдолов «Селен мен өлең» деген атаумен алғысөз жазған сұңғыла ғалым Евней Бөкетовті айтуға болады. Сол ірілердің лайықты інілерінің бірі, физика-математика ғылымдарының докторы — Темірғали Көкетай десек артық айтқандық емес. Әлемге әйгілі ғалым. 1999 жылы Ұлыбританияның Кембридж университетінің жанындағы Халықаралық географиялық орталықтың шешімімен «Ғасыр адамы» атағын алған тұңғыш қазақ. Біз бүгінде ғылымның небір майталмандары, әлем физиктері ашқан жаңалығын түгел мойындаған, кристалдардағы жарықтың табиғатын зерттеп, студент кезінде-ақ, кристалды қолдан өсірген дара тұлға жайлы көп біле бермейміз. Жуырда ғалыммен емен-жарқын әңгіме-дүкен құрудың сәті түсті.

Қазақстан • 05 Қараша, 2019

Менің Алматым

Жазушы Эрнест Хемингуэй әлемнің әйгілі шаһарларының бірі Париж туралы тебірене айта келіп: «Егер сізге әлдебір сәтті тағдыр бұйырып, Парижде жалқы сәт болсын, өмір сүрген болсаңыз, онда сіз қайда барсаңыз да, қайда жүрсеңіз де Париж сіздің ғұмырыңыздың соңына дейін сізбен бірге болады, өйткені Париж – бұл әрқашан сізбен бірге болатын мереке» дегені бар.

Қоғам • 30 Қазан, 2019

Ринат Кертаев: Мақсатымыз – отандық сапалы контент жасау

Күз келіп, жыл аяғына таяған уақыт – телевизия саласындағы жаңа маусымның, жаңа бастаманың, жаңа жобалардың басталатын кезі. Дәл осы кезеңде тың туындылардың тұсауы кесіліп, жаңа бағдарламалар мен түрлі телехикая қалың көрерменге жол тартады. Осыған орай біз «Хабар» агенттігі басқарма төрағасының бірінші орынбасары – Ринат Кертаевпен сұхбаттасқан едік.

Руханият • 15 Қазан, 2019

Баянғали туралы баян

Әдебиеттің үш тегі: эпос, лирика, драма. Үш үлкен бағыт, шегі жоқ үш шалқар, басын бұлт құрсаған үш мұзарт. «Түгел сөздің түбі бір, түп атасы Майқы би» дегенімізбен, бұл әдеби жанрлар мен түрлердің әрқайсысының өзіндік мазмұны, суреттеу, баяндаудағы бөлек тәсілдері өз тарапынан жүйе құрып, сан тарау жікке бөлінеді. Асқан дарын, тума талант болмаса бұл үш құрылымның басын бірдей шалу көбінің қолайына келе бермейді. Келген күнде ол бөлек құбылыс, айрықша қаламгер, қайткен күнде көп әріптесінен бәсі басым, басы жоғары тұлға. Сегіз қырлы, бір сырлы Баянғали Әлімжанов феноменіне ден қойған уақытта біз ылғи осы оймен бетпе-бет келеміз.

Руханият • 01 Қазан, 2019

«Бір пьесаның ізімен...»: ақиқат пен ақтаңдақ

Кеңес империясының қанды қасабына іліккен Алаш зиялыларының қилы тағдырлары тек қазақтың қабырғасына батпауы керек. Сталиндік репрессияның әр құрбаны – әлемдік трагедия. Бұл тұрғыда аталған тақырып әлі де «ашылмаған арал» деуге болады. Кейде шындықты шыңыраудан, ақиқатты аспаннан іздеудің қажеті жоқ. Тек тарихи оқиғаларға әділ баға беру әркімнің ар алдындағы бұлжымас парызы болса жеткілікті.

Әдебиет • 13 Қыркүйек, 2019

Тұлғалар тұғырындағы татулық

ХХ ғасырдың басында талайды сарсаңға салып, қалың қазаққа қайғы шектірген саяси қуғын-сүргін қасіреті әлі күнге дейін санамызда жазылмас жара сияқты сыздап тұрады. Сонау зұлмат заманда елі үшін құрбан болған ерлерді еске алу бүгінгі болашақтың бұлжымас парызы. Осы ретте ұлты үшін шүберек жанын шындық деп пида еткен қазақтың аяулы ақын қайраткерлері Сәкен мен Мағжан хақында көп айтылатыны белгілі. Біз де қос талант-қос тағдырға қарата бірер сөз арнағымыз келеді.

Әдебиет • 12 Қыркүйек, 2019

Бір дүбір естіледі дала жақтан

Бүгін назарларыңызға есімі айтыс аламанынан жақсы таныс, жазба поэзияда қолтаңбасы бөлек, телқоңыр ақын Тілеген Әділовтің бір топ өлеңін ұсынып отырмыз. Ақынның автопортреті  – өзегін жарып шыққан өлмес өлеңдері болса керек. Ендеше, сол өлеңдер сөйлесін. Тілеген Әділов 1974 жылы 28 маусымда Қарағанды облысы, Шет ауданы, Қармыс ауылында туып-өскен. Ө.Байқоңыров атындағы Жезқазған университетінің түлегі. Бірнеше, облыстық, республикалық айтыс, мүшәйралардың жүлдегері.

Руханият • 09 Қыркүйек, 2019

Гүлдер неге көріктімін демейді?

Бүгін назарларыңызға жас ақын Алпамыс Файзолланың бір топ жаңа өлеңін ұсынып отырмыз. Алпамыс – жаңа заман жыршысы. Оның бойындағы бағалап айтатын ең ерекше қасиет – Алпамыстың ағылшын тіліне жетік сауаты. Әлем әдебиетін түпнұсқадан оқып қана қоймай, қазақ тіліне көркем тәржіма жасап жүрген жас ақынның талабына сәттілік тілейміз. Алпамыс ФАЙЗОЛЛА – 1995 жылы 6 наурызда Орал қаласында дүниеге келген. 2016 жылы әл-Фараби атындағы ҚазҰУ-дың журналистика факультетін, 2018 жылы Л.Н.Гумилев атындағы ЕҰУ-дың филология факультетінің магистратурасын тәмамдаған. Өлеңдері «Ақ желкеннің ұландары», «Жауқазын жылда гүлдейді», «Өлмес өлең» т.б. жастар жинақтарына енген. Көптеген республикалық байқауларда жүлдегер болған.