Айгүл АХАНБАЙҚЫЗЫ«Egemen Qazaqstan»
140 материал табылды

Руханият • 21 Қыркүйек, 2019

Әбіш Кекілбайұлының 80 жылдық мерейтойы аталып өтті

Абай атындағы Қазақ мемлекеттік академиялық опера және балет театрында көрнекті жазушы, танымал саясаткер, ірі мемлекет және қоғам қайраткері Әбіш Кекілбайұлының 80 жылдық мерейтойына арналған салтанатты кеш өтті. Қазақ қоғамында «Әбіш әлемі» деген тұтастай тұжырым қалыптастырған Әбіш Кекілбайұлының есімін қастерлеу мақсатында ұйымдастырылған кешті Алматы қаласы әкімінің орынбасары Ержан Бабақұмаров ашты.

Руханият • 20 Қыркүйек, 2019

Әбіш Кекілбайұлы тұрған үйге ескерткіш тақта орнатылды

Алматыда қазақ әдебиетінің қабырғалы қаламгері, көрнекті мемлекет және қоғам қайраткері Әбіш Кекілбайұлы есімін ұлықтауда зиялы қауым мен алматылықтар тағы бір тарихи сәттің куәсі болды. Шаһардың орталық көшелерінің біріне Әбіш Кекілбайұлының есімі берілсе, шара аяқтала сала, заңғар жазушының қырық жыл өмірі өткен, табанының ізі қалған қарашаңырағы орналасқан Н.Назарбаев, 118 көшесіне қарай шұбырды. Алматы қаласының әкімі Бақытжан Сағынтаев және Алматы қаласы мәслихатының шешімімен көрнекті қаламгерді мәңгі есте қалдыру мақсатында ол тұрған үйге ескерткіш-тақта орнатылды. Рәсімге келген Алматы қаласы әкімінің орынбасары Ержан Бабақұмаров әдебиет пен елге қызмет етудің озық үлгісін көрсетіп кеткен қайраткердің жан-жақты еңбегін еске алып, баға берді.

Қазақстан • 20 Қыркүйек, 2019

Көрнекті мемлекет және қоғам қайраткері Әбіш Кекілбайұлына Алматыдан көше берілді

Қазақстанның халық жазушысы, Еңбек ері, көрнекті мемлекет және қоғам қайраткері Әбіш Кекілбайұлының 80 жылдығына арналған іс-шаралар шеруі Алматыдан бастау алды. Қаланың тау беткейі тұсындағы Каблукова көшесі енді Әбіш Кекілбайұлының есімімен аталатын болады. Қарасөздің хас шеберін мәңгілік есте қалдыру шарасына жиналған зиялылар мен туған жерінен, алыс-жақын аймақтардан келген қауымның қарасы қалың болды. Олардың бәрі де шаһардағы ұзын әрі көрікті көшенің лайықты иесін тапқанына қуаныш білдірді. Көшенің ашылу рәсіміне Алматы қаласының әкімі Бақытжан Сағынтаев қатысып, ұлт руханиятына өлшеусіз үлес қосқан жазушының есімін ұлықтаудың маңызын атап өтті.

Руханият • 20 Қыркүйек, 2019

Гобелен – текті өнердің туындысы

Бәтима Зәуірбекова, суретші-гобеленші, Қазақстанның еңбек сіңірген қайраткері, Мемлекеттік сыйлықтың лауреаты

Қоғам • 20 Қыркүйек, 2019

Жаһандық білім саммитінің өзегі – жаңашылдық

Әл-Фараби атындағы Қазақ ұлттық университетінде әлемдік тәжірибеде алғаш рет қатысушылардың беделді құрамымен бір мезгілде бірнеше іс-шараның басын біріктірген халықаралық ауқымды шара – Университеттердің жаһандық саммиті басталды. Білім, ғылым, озық технологиялар мен рухани құндылықтарды интеграциялау аясында университеттердің болашақ дамуының жаңа моделін талқылауды мақсат еткен халықаралық іргелі басқосуды Қазақстан Премьер-Министрінің орынбасары Бердібек Сапарбаев ашты.

Аймақтар • 18 Қыркүйек, 2019

Алматыда Бибігүл Төлегенованың Х халықаралық вокалистер байқауы өтіп жатыр

Алматыда Бибігүл Төлегенованың Х халықаралық вокалистер байқауы өтіп жатыр. 14-24 қыркүйек аралығында өтетін байқау жас таланттардың есімін анықтап, қазақ классикалық өнерінің беделін арттырып, Қазақстан композиторларының шығармаларын насихаттауға септігін тигізеді. Байқау жас ұрпақтың бойына ізгілік қасиеттерін сіңіріп, эстетикалық тәрбие беру мақсатын көздейді.

Қазақстан • 18 Қыркүйек, 2019

Жақсының қадірі жоғалмасын

1970 жылдардың басында Еуропалық музей және ғылыми ортада қалыптасып, бірте-бірте әлемдік дәстүрге айналған «Музей түні» жобасын бұрынғыдай жылына бір рет емес, ай сайын өткізіп тұру туралы Қазақстан Республикасы Мәдениет және спорт министрлігі тарапынан енгізілгелі отырған ұсыныс музей қызметкерлерін тіксіндіріп тастады. Себебі бұл жобаның ерекшелігі түнде және міндетті түрде 18 мамырда Халықаралық музей күнінің құрметіне жылына бір-ақ рет ұйымдастырылады.

Руханият • 16 Қыркүйек, 2019

Шәкен Аймановтың мұражайы ашылды

Бүгін – Қазақ киносының күні. «Қазақфильм» киностудиясында қазақ киносы және Шәкен Айманов атындағы мұражай ашылды.

Қоғам • 16 Қыркүйек, 2019

Әженің арқасы

Шаужайына оралып әке-шешесінен айрылғысы келмей тұрған шолжаң немересін әжесі әуелі алдаусыратып шақырып алар еді. «Әй, мынаны көрдің бе, дейді қалтасында жүрген умаждалған орамал, түйме, жіп, тарақ секілді мидай араласқан бір уыс заттың ішінен қағазы мыж-мыж болып ақжемделіп, суреті әрең көрінетін ескі кәмпиттің шетін жылтыратып шығарып жатып, жүр, сен екеуміз Күріш апаңның үйіне барып кетпенін сұрап әкелейік».

Қазақстан • 15 Қыркүйек, 2019

«ALMAFEST» – береке мен ізгіліктің мерекесі

Қыркүйек айының дәл ортасында алма фестивалін өткізу Алматы жұрты мен қала қонақтары үшін дәстүрге айналған. Бұл күні Қазақстанның Тұңғыш Президентінің саябағына жүз мыңдаған адам ағылып келіп, көптен күткен ең жылы, ауқымды мерекені ақыш аспан астында бірге тойлайды.