Айгүл АХАНБАЙҚЫЗЫ«Egemen Qazaqstan»
156 материал табылды

Кино • 02 Ақпан, 2021

Бағы тайған балалар фильмі

Көптен көзіміз шалмағаннан кейін болар, осы күні көгілдір экраннан балалар фильмін іздемейтін халге де келген екенбіз. Себебі «балалар фильмі» деген сөздің өзі ескірген кеңестік атау-терминдер қатарында зияннан бас­қа пайдасы жоқ сала секілді бізден әлдеқашан алыстап кетіпті. Қателеспесек, «қазір балалар фильмі жоқ, бар болған күннің өзінде олар оны көрмейді» деп даурығып, дабыл қағып келе жатқанымызға ширек ғасыр уақыт­қа таяды.

Оқиға • 14 Қаңтар, 2021

«Ұлттық» мәртебе рухты оятады

Өткен жылдың желтоқсан айында ұлт руханиятынан өзгеше орын алатын, тамаша дәстүрлерге бай қазақ өнерінің қарашаңырағы М.Әуезов атындағы академиялық драма театрына Президент Қасым-Жомарт Тоқаевтың арнайы Жарлығымен «Ұлттық» мәртебесі берілген болатын. 1926 жылдың 13 қаңтарында Қызылорда қаласында тұңғыш кәсіби театрдың уығы қадалып, «Еңлік – Кебек» спектаклімен шымылдығы түрілгелі бері үлкен белестерден өтіп, рухани игіліктердің іргетасы шайқалмауы жолында еңбек етіп келе жатқан театр ұжымы бұл жағымды жаңалықты зор қуанышпен қабылдады. Қазақ театр өнерін өрге сүйреп келе жатқан сахна сардарларының «ұлттық өнерді дәріптеуге өлшеусіз үлес қосып келе жатқан қасиетті қарашаңырақ М.Әуезов атындағы драма театрына ұлттық мәртебесі берілуі керек» деп көңілге қонымды ұсыныс айтып келе жатқанына да біршама жылдардың жүзі болған еді. Театрдың 95 жылдық торқалы тойы қарсаңында сол арман орында уын тауып, кеше М.Әуезов атындағы Қазақ Ұлттық театрының және де өзге де төрт ірі мәдениет ошағының «ұлттық» мәртебесін иеленуіне орай еліміздің Мәдениет және спорт министрі Ақтоты Райымқұлова арнайы баспасөз мәслихатын өткізіп, театрдың бүгінгі тыныс-тіршілігімен танысты.

Руханият • 13 Қаңтар, 2021

«Ұлттық» мәртебесі рухты оятады

Өткен жылдың желтоқсан айында ұлт руханиятынан өзгеше орын алатын, тамаша дәстүрлерге бай қазақ өнерінің қарашаңырағы М.Әуезов атындағы академиялық драма театрына Президент Қасым-Жомарт Тоқаевтың арнайы Жарлығымен «Ұлттық» мәртебесі берілген болатын.

Руханият • 25 Желтоқсан, 2020

Алматыда «Тарих. Тағылым. Халық» атты халықаралық ғылыми-тәжірибелік конференция өтті

Жуырда ҚР Президенті Архивінде «Тарих. Тағылым. Халық» деген атаумен Х халықаралық ғылыми-тәжірибелік конференцияның материалдар жинағының тұсаукесері өткізілді. Іс-шара бейнебайланыс форматында ұйымдастырылды, деп хабарлайды Egemen.kz.

Өнер • 04 Желтоқсан, 2020

Өз балаң өзекке теппесін

Әрбір қия-қатпарына дейін қазақ көрер­меніне таныс оқиға алыстағы Америкада өтіп жатыр. Елу жыл отасып, бес бала бағып өсіріп, ақырында үйсіз-күйсіз далада қаңғып қалатын қариялардың қасіре­тін өткен ғасырдың басында-ақ драмаға айналдырған кезде Америка жазушысы Вина Дельмар дәл осы мәселенің бүкіл дүние халқына ортақ проблемаға айналарын қаламгерге тән жүрекпен алдын ала сезген секілді. Ал аударған Қалтай Мұхаметжанов пьесаны қазақ көрерме­ніне мейлінше жақындатып, ата-анасы­нан алыстап бара жатқан балалардың жүрегіне иман нұрын себуді мұрат тұтқаны анық.

Өнер • 20 Қараша, 2020

Аюхановтың «Аидасы»

Шын талант тұсаулап ұстауға көнбейді деген рас. Сексеннің сеңгірінен әлдеқашан асып кеткеніне қарамастан, классикалық өнердің аңызына айналған Болат Аюханов алматылықтарды «Аиданың» премьерасын тамашалауға шақырып жатыр. Осыдан жеті жыл бұрын 75 жасында сахнада билеп, балет үшін туатын нағыз біртуарлардың уақыт үстемдігіне бағынбайтынын, сыны мен сымбатының еш бұзылмайтынын бір дәлелдеген еді.

Сұхбат • 18 Қараша, 2020

Сарбас Ақтаев: «Егеменнің» ең басты ерлігі – қазаққа қазақ атын қайтарып бергені

– Сарбас аға, «газет – қоғам айнасы, тілші – жаңалық жаршысы» деген қоғамның озық насихатшысы бола жү­ріп, ұлттық журналистиканың ая­ғынан нық тұруына қызмет еттіңіз­дер. Бүгінгі «Егеменнің» ардагері ре­тін­де айтарыңыздың көп екеніне де еш күмән жоқ...

Театр • 09 Қараша, 2020

Шәмшіге арналған премьера

Жақында 86-маусымының шымылдығын түрген Алматы Мемлекеттік қуыршақ театры алғашқы премьерасын бел­­гілі композитор, Қазақстанның халық әртісі Шәмші Қал­даяқовтың 90 жылдығына арнап, ән еркесінің мерейтойына ерекше тарту жасады. Жеті ай бұрын карантинге жабылса да, жас көрерменімен байланысын үзбей, онлайн форматта жұмыс істеген қуыршақ театрының «Өмір-өзен» атты бұл қойылымы бір сағатқа жуық ән падишасының сырлы әуенімен сусындатып, ұлттық эстрада өнеріне жаңалық әкелген өткен жылдарға сапар шеккізіп, сахна арқылы саяхат жасатты.

Руханият • 09 Қараша, 2020

Ұранға айналған Бөрібай батыр

Қазақ шежіресі мен тарихында Матай Бөрібай батырдың есімі жоңғар отаршыларының зорлық-зомбылығына қарсы ұлт-азаттық көтерілісті ұйымдастырушы тұлға ретінде аталады. Бөрібай батыр Сарыұлы – шыққан тегі Найман, оның ішінде Матай руынан.