Айгүл СЕЙІЛОВА
Айгүл СЕЙІЛОВА«Egemen Qazaqstan»
127 материал табылды

Руханият • 25 Мамыр, 2021

Меценаттың мұраты

Әдебиет пен өнердің, білім мен ғылымның өркендеуіне үлес қосып келе жатқан адамдарды меценат деп атау ежелден қалыптасқан. Олардың әрбірінің ақшалай көмегі жекелеген жағдай болуы мүмкін, ал сондай қайырымдылықтың нәтижесінде мемлекеттің алдыңғы қатарлы дамыған елдердің тізіміне қосылуы өнерге, білім-ғылымға салынған ақшаның қайтарымы бар екенін, оның елді көркейтінін көрсететін нақты дәлел. Тарих мұндай адамдардың аты-жөнін ешқашан ұмытпайды. Қазіргі ақпараттық дәуірде өз жұмыс орныңда отырып, әлемнің кез келген елінің атақты меценаты туралы мәлімет табу қиын емес. Мысалы, салыстыру үшін өзге елдердің меценаттары туралы деректер іздесеңіз, олардың бәрін Уикипедия онлайн энциклопедиясынан таба аласыз.

Руханият • 10 Мамыр, 2021

Мәңгілік сауалға мәнді жауап

Сонау ілкі замандардан бері адам баласын толғандырып келе жатқан ең маңызды сауалдың қатарында «өмірдің мәні не?» деген сұрақ бар. Оған әр адам өз танымының деңгейінде жау­ап іздейді.

Өнер • 18 Сәуір, 2021

Берік Әлібай: Ұлттық дәстүрді сақтауға күш саламын

Бұл кісі туралы өз басымыз көп естігенбіз. Әсіресе зергердің қызының ұзатылу тойына арнап қымбат бағалы сәукеле жасағаны, домбыраның, самаурынның, кілемнің, басқа да заттардың жүзден астам түрін жинағаны, әне бір жылдары оның қолынан шыққан бойтұмарды Иорданияның сұлу патшайымы Ранияның тағып жүргені жайлы ақпараттар баспасөзде біраз «хит» болған жайы бар еді. Кейінірек «өз үйін жеке музейге айналдырыпты» деген хабарды естідік. Жуырда ұлттық өнерді ұлықтап жүрген зергермен сұхбаттасудың сәті түскен еді.

Руханият • 12 Сәуір, 2021

Елге керек екі кітап

Жуырда елордадағы Ұлттық академиялық кітапхана Қазақстанның Біріккен Ұлыбритания Корольдігіндегі елшілігімен бірлесіп британдық журналист әрі жазушы Ник Филдинг кітаптарының халықаралық онлайн таныстырылымын өткізді. Zoom байланыс платформасында өткен басқосуға Ұлттық академиялық кітапхана өкілдері мен кітап авторы Ник Филдинг, Қазақстанның Ұлыбританиядағы елшілігінің өкілі Әйгерім Сейсембаева, Ш.Уәлиханов атындағы Тарих және этнология институтының директоры Зиябек Қабылдинов қатысты.

Оқиға • 18 Наурыз, 2021

Абай жылын қорытындылады

Кеше Л.Н.Гумилев атындағы Еуразия ұлттық университетінде Түркі мәдениетін және өнерін дамыту халықаралық ұйымы ТҮРКСОЙ шығарған «Абай» альбомының таныстырылымы өтті. Альбом жайлы аталмыш халықаралық ұйымның Бас хатшысы Дүйсен Қасейінов егжей-тегжейлі баяндап берді.

Руханият • 04 Наурыз, 2021

Дәуірлермен бірге жасайтын тұлға

Л.Н.Гумилев атындағы Еуразия ұлттық университетінде Алаш қозғалысының көсемі, Алаш Орда үкіметінің төрағасы, көрнекті мемлекет және қоғам қайраткері, энциклопедист-ғалым Әлихан Бөкейханның туғанына 155 жыл толуына орай халықаралық онлайн конференция өтті.

Тарих • 25 Ақпан, 2021

Алтын Орда тарихы киноға айналады

Жуырда ел Президенті Қасым-Жомарт Тоқаев өзінің үндеуінде кинематографис­терге тарихи тақырыпта фильмдерді түсіру қа­жеттігін айтқаны есімізде. «Бүгін­де әлемдік киноиндустрияда тарих тақыры­бындағы сценарийлерге сұраныс жоғары. Осы орайда біздің де тарихымызда ауқымды фильмдерге арқау болатын маңызды белестер мен оқиғалар баршылық. Мысалы, әлемдегі ең қуатты империялардың бірі бол­ған Алтын орда тарихы дайын тұрған жоқ па?! Бұл мәселеге болашақта кино саласы­ның мамандары баса назар аударғаны жөн», деген еді Президент.

Әдебиет • 19 Ақпан, 2021

«Ергежейлі»

Біраз жыл бұрын оқып, санамның бір түкпіріне сақталып қалған шығарманың бірі – «Ергежейлі» еді. Яғымусты өзім шын өмірде көрген ергежейлімен салыстырам, кереуетіне аяғын асып қойып, мырзасып шалқасынан жатқанын, далпылдап жүгіріп бара жатқанын көз алдыма елестетем, әйтеуір ұмыта алмай жүрдім. Алты жасымда тұңғыш рет қаладан ергежейлі әйелді көргем. Азық-түлік сататын дүкеннен. Ол да бірдеңелер сатып алып жатты. Нан алуға барған маған мағынасыз көзімен тесірейіп қарағаны, бет-аузын құбылтып, ыржақтағаны үрейімді ұшырған. Бойы алты жастағы мен шамалас, басы үлкен, бет-жүзі ересек әйелді құбыжық ретінде қабылдағаным рас-ты. Кейіннен оның өмір тарихын естіген кезде кеудемде қорқынышымнан аяушылығым басым түсіп, бірден есейіп кеткендей күй кешкенім бар.

Оқиға • 12 Ақпан, 2021

Дегдар ақын

Соңында іздеушісі, жоқтаушысы бар ақын бақытты. Өмірден ерте озған көрнекті ақын Марфуға Бектемірованы еске алу кештерін ұйымдастырып, оның таңдамалы шығармаларының жарыққа шығуына бастамашы боп жүрген жары, ақын, жазушы Есенгелді Сүйіновтің ізгі әрекеттері осындай ойға жетелейді.

Әдебиет • 05 Ақпан, 2021

Тәкеннің Тәттімбеті

Тәттімбет – жұмбақ, күрделі тұлға. Күйшілік өнердің шыңына шыққан, соңына қырық шақты өлмес мұра қалдырған, қазақтың музыка тарихына есімі қашап жазылған бірегей өнер иесі туралы сәл ертеректе жазушы Таласбек Әсемқұловтың «Тәттімбет сері» дейтін романының біраз бөлігін оқып шыққам. Ол жерде болыс Тәттімбеттің белсенді әрекеттері, аға сұлтан Құнанбаймен байланысы, оның атынан қазақтың соңғы ханы Кенесарыға елшілікке баруы, ел ішіндегі даулы мәселелерді шешуге араласуы, думанды жастық шағы, күйшілік өнерімен елдің ықыласына бөленуі бәрі нанымды суреттелген.