Абай ҚАЗБЕКҰЛЫ«Egemen Qazaqstan»
190 материал табылды

Экономика • 06 Сәуір, 2021

Экономикада өсім болуы ықтимал

Еуразиялық даму банкі сарапшылары 2021 жылы Еуразиялық экономикалық одақ елдерінің ішкі жалпы өнім көрсеткіші 3,3 пайызға өседі деп болжап отыр. Өңірдегі елдердің экономикасы 2021 жылдың соңына таман ғана дағдарысқа дейінгі қалпына келеді. Банк осы және өзге де болжамдарын кезекті макроэкономикалық шолуында жария еткен.

Қаржы • 06 Сәуір, 2021

Несие тарихын жақсартудың жолы қандай?

Несие тарихы банк секторындағы аса нәзік мәселе санатына жатады. Оны мүлде жойып жіберу мүмкін емес. Бірақ жақсартуға болады. Қаржы нарығын реттеу және дамыту агенттігі тұтынушылық несиелеу сегментін реттеу және халықтың борыштық жүктемесін тежеу туралы мәлімдемесінде осы мәселеге назар аударған.

Қазақстан • 05 Сәуір, 2021

Тарифті өсіру тапшылықтың алдын ала ма?

Елімізде ай санап азық-түлік бағасы қымбаттайды, жыл санап инфля­ция өседі. Жылт еткен жа­ңалық­қа бола баспана бағасы шарықтайды. Қыс­қасы, өсім мол. Қаптаған өсу­лердің қатарын электр энер­гия­сының тарифі жыл сайын толықтырып отырады. 

Экономика • 04 Сәуір, 2021

АҚШ-та бизнес жүргізудің артықшылығы мол

ILF Adilet & Alem компаниясы құқықтық қолдау көрсетумен және инвестиция тартумен айналысады. «Астана» халықаралық қаржы орталығында тіркелген 50-ден астам шетелдік компания дәл осы ILF Adilet & Alem арқылы Қазақстанға келген. Компания өкілдіктері әлемнің бірнеше қаласында жұмыс істейді. Жақында компания Қазақстанда аса ірі бизнес жобаны жүзеге асырмақ. Осы және басқа да мәселелер туралы компанияның негізін қалаған Әйгерім БЕРЕКЕШЕВАМЕН пікірлесудің сәті түсті.

Қоғам • 19 Наурыз, 2021

Тұтынушылар құқығын қорғаушылар марапатталды

Тұтынушылар құқығын қорғау қоғамдағы өзекті мәселелер қатарында. 2020 жылы 30 мыңға жуық азамат Сауда және интеграция министрлігіне шағым жолдаған. Шағымдарға дер кезінде көңіл бөлудің нәтижесінде 249 млн теңге қазақстандықтарға кері қайтарылған. Ведомство дүниежүзілік тұтынушылар құқығын қорғау күні аясында осы салада елеулі еңбек етіп жүрген белсенділерді марапаттады.

Бизнес • 19 Наурыз, 2021

Отандық бизнестің жағдайы неге төмен?

Соңғы жылдары шағын және орта бизнеске ерекше көңіл мен қыруар қаражаттың бөлініп жатқанына қарамастан, даму деңгейі ойдағыдай емес. Пандемия дағдарысы кезінде елде жұмыс істемей қалған шағын компаниялар саны еселеп өскен.

Экономика • 18 Наурыз, 2021

Таңбасыз тауар – табыстың жауы

Осыдан екі апта бұрын елімізде 2 мыңға жуық арақ бөтелкесі цифрланып, тауар таңбасы жапсырылды. Алкоголь өнімдерін таңбалау биыл қыркүйекке дейін жалғасады. Үкімет одан бөлек аяқ киім, фармацевтикалық препарат, сүт өнімдері, жеңіл өнеркәсіп тауарларын да таңбалауды жоспарлап отыр. Қысқасы, әр ауылдың шеткі бұрышында жайқалып тұрған және нарықтағы сол секілді мыңдаған құжатсыз «қара бизнеске» зауал келмек. Үкіметтің жаппай тауар таңбалайық дегендегі мақсаты да сол – салығы қазынаға түспей, пайдасы жықпыл-жырамен айнала қашқан ақшаны ретке келтіру, көлеңкелі сауда-саттықтың жолын кесу.

Қазақстан • 17 Наурыз, 2021

Зейнетақы қаржысын жеке компанияларға беру пайда әкеле ме?

Көпшілік аса мән бермей, мән берсе да маңызын ұқпай жатқан бастама – зейнетақы қаржысын жеке компанияларға аудару мәселесі. Аударсақ пайда бар ма, аудармасақ неден ұтыламыз деген сұрақ бар. Жылдап жинаған ақшамызды компаниялар қалай жұмсайды деген де сауал туады. Компаниялардың әлеуеті бұған жете ме деген сұрақ бар. Әр сұрақтың астарынан қауіп те қылаң береді.

Қаржы • 16 Наурыз, 2021

Биыл ұлттық валюта қаншалықты нығаяды?

Ұлттық валютаның долларға қатысты курсы жыл соңына таман 395, тіпті 375 теңгеге нығаюы мүмкін. Әрине, егер мұнай бағасы барреліне 60 доллардан төмен құлдырамаса ғана. Мұндай жорамалды «Ренессанс Капитал» инвестициялық компаниясының экономисі Софья Донец айтады. Сарапшы пікірінің құлағымызға жаққаны сонша, оны әрі қарай сөйлете түселік. 

Қазақстан • 12 Наурыз, 2021

Электронды сауда-саттық баршаға оңтайлы

Төс қалтасынан ақша суырып саудаласар адамдардың сиреп бара жатқанын байқап жүрміз. Бұл қоғам үшін айтарлықтай жағымсыз үрдіс емес. Өте оңтайлы. Электронды коммерцияның қарыштап дами түскенін түрлі зерттеулерден де аңғарамыз. Қазақстанның онлайн сауда-саттыққа бейімі қалай? 2021 жылы бізді қандай трендтер күтіп тұр? E-commerce саласының алға басуына нендей факторлар кедергі келтіреді?