Азамат ЕСЕНЖОЛ«Egemen Qazaqstan»
267 материал табылды

Қоғам • 25 Қаңтар, 2023

Көкірегі қазынаға толы еді...

Есілдің сол жағалауындағы «Нұрсая-1» тұрғын үй кешенінің жанынан өткен сайын ойыма белгілі қаламгер Табыл Құлияс ақсақал түседі. Жарықтық жылы күндері есік алдына шығып, темекесін бұрқыратып, шуақтап отырушы еді. Ара-тұра маған: «Азаматжан, газетіңде не жаңалық, әкеп берші», деп қоңырау шалатын. Онда мен «Астана ақшамында» істеймін. Жұмыс орным тиіп тұр. Жүгіріп барамын. Кейде әңгімеге тартады. Сөйлеуші – өзі, тыңдаушы – мен. Өткен-кеткен оқиғаларға ой жүгіртеді. Біресе Ақтөбенің, біресе Торғайдың сар даласын сапарласақ, енді бірде Ақмолаға алғаш келгендегі кезінен сыр тарқатады. Қысқасы, жақсылар мен жайсаңдардың ортасында жүріп, көпті көрген қарияның көкірегі қазынаға толы еді.

Әдебиет • 25 Қаңтар, 2023

«Ағашаяқ» кімдікі?

Қазақ музыкасын ғылыми айналымға түсірген көрнекті өнер зерттеушісі, композитор Ахмет Жұбанов «Замана бұлбұлдары» кітабындағы «Әміре» мақаласында былай дейді: «Парижде болатын концертке қатысу үшін Мәскеуге Қазақстаннан басқа ұлт республикаларынан да белгілі өнерпаздар келді. Бұл шеберлердің, оның ішінде Әміренің Париж концертіне дайындық есебінде өткен Үлкен театрдағы концертке шығуы үлкен табыс болды. Айтушылар Әміре «Ағашаяқтың» басындағы жоғарғы нотасын шырқағанда, партердің алдыңғы қатарында отырған бір әйел: «Мынау не деген күшті дауыс!» деп, шошып кетіп барып айтыпты деседі». Сондай-ақ академик кеңес өнерпаздарының Париждің сәулетті өнер ордаларында 11 концерт беріп, сол кештерде Әміре «Ағашаяқ», «Үш дос», «Екі жирен», «Дудар-ай», «Қос барабан», «Қызыл бидай» және тағы басқа өзінің жақсы көретін әндерін орындағанын айтады.

Өнер • 25 Қаңтар, 2023

Арнайы сыйлықтың жүлдегері

Astana Opera халықаралық опера академиясының солисі Гүлдана Алдадосова Мәскеудегі Станиславский мен Немирович-Данченко атындағы Музыкалық театр­да өткен Хибла Герзмаваның вокалистер мен концерт­мейстерлердің беделді байқауында арнайы сыйлық иегері атанды. Сонымен қатар талантты әнші арнайы жүлдеге қоса, Ресейдің бірнеше жетекші театр алаңдарында өнер көрсетуге ұсыныс алды.

Тарих • 24 Қаңтар, 2023

Есенберлиннің жазу үстелі

Жазушы үшін қаламнан кейін тағы бір қымбат дүние бар, ол – жазу үстелі. Әдебиетіміздегі тарихи романдардың көшбасшысы Ілияс Есенберлиннің жазу үстелі, туған жері – Атбасар қаласындағы көрнекті қаламгер атындағы әдеби музейде сақталған. Бұл жәдігерді суреткердің отбасы 2012 жылы аталған мұражайға тапсырған.

Тарих • 23 Қаңтар, 2023

Қайталанбайтын дауыс

Халқымызда «Ел іші – өнер кеніші» деген сөз бар. Шынында да, ел арасында талайды талантымен тәнті еткен тарландар мен дүлдүлдер жетерлік. Сондай өрелі өнерпаздың бірі – дарынды әнші Сайлау Ордабаев. Бұл кісі ақтық демі үзілгенше туған жерінен ірге аудармай, сайын даладағы сағымдай шалқыған асқақ дауысымен Торғайды ғана емес, барлық қазақ жерін әнімен тербеп өтті.

Әдебиет • 23 Қаңтар, 2023

Ақын шығармаларын айшықтады

Биыл елордадағы Сәкен Сейфуллин музейінің құрылғанына 35 жыл толады. Алғашқы ашылған күннен осы шаһардың рухани-мәдени ордасына айналған шаңырақта дауылпаз ақынға қатысты бірқатар құнды деректер мен жәдігерлер сақталған. Жақында мұражайда айтулы күнге байланыс­ты «Латын және төте қарпімен жазылған Сәкен шығармалары» атты көрме ашылды.

Қоғам • 19 Қаңтар, 2023

Батырға арналған брендбук

Биыл 1916 жылғы Торғайдағы ұлт-азаттық көтерілісінің бас сардары Амангелді Имановтың туғанына 150 жыл толады. Соған орай елордадағы «Қазмедиа» орталығында Қостанай облысы әкімдігінің мәдениет басқармасы және «Амангелді Иман» қоғамдық қорының бастамасымен халық батырының айтулы мерейтойына арналған брендбук таныстырылды.

Тарих • 18 Қаңтар, 2023

Ағайынды қоңыр қаз

Белгілі қаламгер Бауыржан Омарұлының Сыр өңірінің мықты журналистері Шәкірат және Шәкізат Дәрмағамбетовтер туралы «Ағайынды қоңыр қаз» атты эссесі бар еді. Газетке шыққанда қызығып оқығанбыз. Содан жадымызда қалған. Біздің бүгінгі кейіпкерлеріміз де осы жандарға ұқсас. Бірақ олар сөз емес, саз өнерінің саңлақтары – ағайынды Абдуллиндер.

Әдебиет • 17 Қаңтар, 2023

Жазушы кітабы Анкарада таныстырылды

Анкара қаласында белгілі жазушы, драматург Жолтай Жұмат-Әлмашұлының «Махаббат және өшпенділік» атты кітабының таныстырылымы өтті.

Әдебиет • 16 Қаңтар, 2023

Гүлфайруздың үздік картинасы

Қазақ қыздарының арасынан шыққан алғашқы суретші Айша Ғалымбаевадан кейін ойымызға бірден Гүлфайруз Исмайылова түседі. Қазіргі Санкт-Петербург қаласындағы И.Е.Репин атындағы кескіндеме, мүсін және сәулет өнері институтын бітірген көрнекті қылқалам шебері отандық бейнелеу өнерінің дамуына зор үлес қосты.