Театр • 05 Наурыз, 2024
«Астана Балет» театры ХІ маусымның жарқын премьерасы – Карина Абдуллинаның музыкасына Мукарам Авахри қойған «От қыз» балеті көрерменге жол тартты. Мәдениет және ақпарат министрлігінің қолдауымен сахна көрген қойылымның либретто авторы – Бақыт Қайырбеков. Спектакль бас дирижер Арман Оразғалиевтің жетекшілігіндегі симфониялық оркестрдің сүйемелдеуімен өтті.
Қоғам • 29 Ақпан, 2024
Л.Н.Гумилев атындағы Еуразия ұлттық университетінде қазақтың бас ақыны – Абай Құнанбайұлына арналған ғылыми еңбектердің таныстырылымы өтті. Бірегей жаңа зерттеулер ЕҰУ жанындағы «Абай академиясы» ғылыми-зерттеу институтында 9 серия бойынша жарық көрді. Ғалымдар ойшылдың «Толық адам» тұжырымдамасына да терең зерттеулер жүргізді.
Өнер • 25 Ақпан, 2024
Тарихта тұңғыш рет қазақ композиторының операсы Ұлыбританияның төрт қаласында шырқалды. 17 ақпан күні Глазго соборында «Болашақ» бағдарламасының докторанты, композитор-пианист Рахат-Би Әбдісағиннің «Брюс» операсының әлемдік премьерасы зор табыспен өтті.
Кино • 19 Ақпан, 2024
Кәрі құрлықтан жеткен ақжолтай хабар қазақ кино өнерінің мерейін асырып тастады. Оның себебі – режиссер Кенжебек Шайқақов түсірген «Айқай» фильмі аламанда топ жарды. Айтулы кинокартина Францияның Везуль кинофестивалінде Бас жүлде – Гран при сыйлығымен қоса Орта Азия киносыншыларының «НЕТПАК» жүлдесін қатар иеленді.
Өнер • 18 Ақпан, 2024
Өзбекстанның еңбек сіңірген әртісі Мәдина Файзиеваның «Астана опера» театрындағы өнер сапары басталды. Классик композитор С.Рахманиновтың 150 жылдық мерейтойына арналған концерттік бағдарламасын музыкант өткен аптада фортепианолық музыкаға арналған жеке шығармашылығынан бастаса, ал 20 ақпан күні өтетін «Романспен кездесу» вокалдық музыка кешінде өзбекстандық мейман елімізге танымал отандық опера әншілері – Қазақстанның еңбек сіңірген қайраткерлері, «Астана операның» жетекші солисі Бибігүл Жанұзақ және танымал баритон Азамат Жылтыркөзовпен бірге өнер көрсетеді.
Әдебиет • 08 Ақпан, 2024
Заман зауалы немесе Арыстанның көз жасы
Көзі тірісінде-ақ Сәкен сері атанған қазақ әдебиетінің классигі Сәкен Жүнісовтің «Аманай мен Заманай» повесі – әдеби шығарма ретінде де, кино тілінде де жолы болған табысты туындылардың бірі. Айтулы хикаяттың желісі бойынша түсірілген режиссер Болат Шәріптің «Заман-ай» фильмін қанша мәрте тамашаласаң, сонша мәрте ой шыңырауына құлдилайсың. Себебі онда сәтті сюжет қана емес, адам жанының қатпар-қыртысын қатар қозғайтын телегей теңіз тереңдік те бар. Ал адам жаны, тағдыры сөз болған шығарманың қай-қайсысы да өлмейтін өмірге ие, яғни классика!
Театр • 06 Ақпан, 2024
Алдар көсе мюзиклді бағындырды
«Astana Musical» мемлекеттік мюзикл театрында «Алдар көсе» қойылымы көрерменге жол тартты. Қазақ ауыз әдебиетінің кейіпкері, ақылды айлакер, зерделі қудың жиынтық бейнесін музыкалық жанрда қойып, алғаш тәжірибеге барған режиссер Есләм Нұртазин болса, композиторлары – Ербол Нариманұлы мен Ақжол Өмірзақов.
Театр • 05 Ақпан, 2024
Кеше Қалибек Қуанышбаев атындағы мемлекеттік академиялық қазақ музыкалық драма театрында көрнекті мемлекет қайраткері, ақын, жазушы, драматург, композитор Сәкен Сейфуллиннің туғанына 130 жыл толуына орай Қанат Жүнісовтің «Сәкен-сұңқар» спектаклінің арнайы көрсетілімі болды. Спектакльдің қоюшы режиссері – Қазақстанның еңбек сіңірген қайраткері Әлімбек Оразбеков.
Тағзым • 25 Қаңтар, 2024
«Операның отаны – Италия, Меккесі – Ла Скала». Миландағы опера театрының сахнасына шығып ән салған өнер иесіне дүниенің төрт қақпасы түгел ашық деген сөз. Бірақ оған жеткен әнші сирек. Сол аздың саз өкілі – Амангелді Сембин.
Театр • 24 Қаңтар, 2024
Қайта түрленген «Біржан – Сара»
«Астана Опера» театры ұлттық классика қазынасы – Мұқан Төлебаевтың «Біржан – Сара» операсын (либретто авторы – Қажым Жұмалиев) жаңа музыкалық-сахналық редакцияда көрерменге тарту етті. Қоюшы режиссері – Асхат Маемиров, режиссер кеңесшісі – Михаил Панджавидзе. Театрдың симфониялық оркестріне Қазақстанның еңбек сіңірген қайраткері Абзал Мұхитдин жетекшілік етті.