Өнер • 19 Қазан, 2022
«Алаштың Ақтоқтысына» арналған фестиваль
Биыл «Алаштың Ақтоқтысы» атанған аңыз актриса, театр мен кино жұлдызы, КСРО халық әртісі, Қазақстан Мемлекеттік сыйлығының лауреаты Шолпан Жандарбекованың ғасыр тойы. Атаулы датаға орай ел ордасы Астанада Қазақстан драма театрларының республикалық XXVIII фестивалі өз жұмысын бастады.
Театр • 19 Қазан, 2022
Бас шаһарда театр тойы! Мәдениет және спорт министрлігінің қолдауымен 18-23 қазан аралығында көрнекті театр және кино актрисасы, Қазақстанның Мемлекеттік сыйлығының лауреаты, КСРО халық әртісі Шолпан Жандарбекованың 100 жылдығына арналған Қазақстан драма театрларының XXVIIІ республикалық фестивалі өтіп жатыр.
Әдебиет • 12 Қазан, 2022
«Драматургия – қым-қиғаш интрига. Мұны У.Шекспир де мойындаған. Арбасқан көздер, мың құбылған қас-қабақ пен жан берісіп, жан алысқан әрекетті сөз, қара тасты қақ айырар отты да өткір тіл. Қоғамдық-әлеуметтік көтерер жүк автор қиялының көркемдік мүмкіндігіне қарай жіті сұрыпталып, адамзат жүрегіне жол тартары тағы бар. Осынау ауыр мехнатқа саналы түрде бас қойған кісіні ықылым заманнан драматург деп атап келеміз». Театр сыншысы Әшірбек Сығайдың драматургия турасындағы бұл толғамы драма өнеріне жүктелер міндет пен жауапкершіліктің салмағына әділ таразы.
Сұхбат • 11 Қазан, 2022
Еліміздегі кинотеатрлардың жағдайын пандемияға дейін және кейін деп қарастырып жүрміз. Карантин айтарлықтай өзгеріс әкелген прокаттағы жағдайлар күні бүгінге дейін талай түйткілге себеп болып отырғаны да жасырын емес. Одан бөлек прокат мәселесінде туындап жатқан өзекті проблемалар кино мамандарының дабыл қағуына да себеп болып отыр. Мұның бір мысалы – қазақстандық кинотеатрлар танымал емес Қытай мен Мексиканың фильмдерінің көрсетілуіне барынша жағдай жасап, есесіне бұл уақытта отандық режиссерлердің фильмдері сөрелерде шаң басып қалып жатыр. Өндірісіне мемлекеттік қаражат бөлінген фильмдер неліктен көрерменнің назарына жетпейді? Біздің кинопрокаттағы отандық картиналардың жағдайы қандай? Осы және басқа да сұрақтарға Ұлттық киноны қолдау мемлекеттік орталығы басқарма төрағасының орынбасары Бауыржан Шөкенов жауап берді.
Театр • 10 Қазан, 2022
«Кармен-сюита» көрерменін күтеді
Жақында «Астана Балет» театрында үлкен өнер оқиғасы өтеді. 14-15 қазан күндері театр сахнасында Альберто Алонсоның Жорж Бизенің «Кармен» операсының негізінде қойылып, композитор Родион Щедрин оркестрге арнайы лайықтаған «Кармен-сюита» бір актілі балетінің премьерасы көрерменін қуантуға асық.
Театр • 09 Қазан, 2022
Көптің көңілінен шыққан Күлбике
Қуанышпен аяқталатын ертегіні кім жақсы көрмейді? Балалық шаққа қайта оралтып, қиял-ғажайып әлемнің қызығына бойлататын туындылардың қай кезде де көрерменінің көңіл төрінен орын алары сөзсіз. Күні кеше «Астана Опера» театрында тұсауы кесілген «Күлбике» («Золушка») балеттік спектаклінің дәл осы санаттан табылғанына күмән жоқ.
Сұхбат • 09 Қазан, 2022
Жапондық сценограф Йоко Сеяма: Арманымызбен үндес
«Астана Опера» театрында 8-9 қазан күндері премьерасы сәтті өткен «Күлбике» балетінен кейін қойылымның сценографы жапониялық жас маман Йоко Сеямамен тамаша туындының өмірге келу процесі жайында тілдесудің сәті түскен еді. Суретші шығармашылық ізденістері туралы ойын бүкпесіз ортаға салды.
Театр • 05 Қазан, 2022
«Астана Опера» труппасы – Кремль төрінде
«Астана Опера» балет труппасының қазан айына жоспарлаған шығармашылық жобалары мол. Соның бірі 29 қазанда Ресейдің ең танымал әрі беделді театрлық-концерттік алаңы Кремль сарайының сахнасында өтеді. Мәскеулік көрермендер назарына Борис Асафьевтің «Бақшасарай бұрқағы» балеті ұсынылады.
Әдебиет • 28 Қыркүйек, 2022
Оралхан драматургиясының даралығы
Қазақ драматургиясында Оралхан Бөкей есімі айрықша аталады. Өткен ғасырдың 70-жылдарында сахна әлеміне енген суреткердің өнер саласына әкелген жаңалығы мол. «Құлыным менің», «Қар қызы», «Текетірес», «Зымырайды пойыздар», «Жау тылындағы бала», «Жанар», «Атау кере» сынды сахналық туындылары – Оралхан Бөкейдің драматург ретіндегі жұлдызын жарқырата түскен шоқтықты шығармалар.
Театр • 26 Қыркүйек, 2022
Жазушы Оралхан Бөкейдің драматург ретіндегі төл мұрасын сахнаға шығарып, көрерменімен қауыштыруда Қазақстанның еңбек сіңірген белгілі, режиссер Нұрқанат Жақыпбайдың сіңірген еңбегі ерен. Ең алғаш 1982 жылы Ғ.Мүсірепов атындағы балалар мен жасөспірімдер театрында корей режиссері Мең Дон Уктың режиссерлігімен қойылған «Қар қызы» лирикалық драмасында бас кейіпкердің бірі – Бақытжанды театр тарихында алғаш болып сомдаса, кейінірек режиссер ретінде де және бірқатар пьесасына сахналық ғұмыр сыйлады. Сондай туындының бірі – «Атау кере» шығармасы.
