Соңғы жаңалықтар
Аймақтар • 24 Қазан, 2019
Биыл Алматыда кәсіпкерлер «Даму» қорынан 5 миллиард теңгеден астам жеңілдетілген несие алған.
«Астана Клубының» кезекті отырысы өтеді
«Астана клубы» халықаралық пікірталас алаңы бесінші басқосуын өткізеді. Әлемнің 50-ге жуық сақа саясаткері мен Еуразияның әйгілі зиялыларын, халықаралық қатынастар саласындағы үздік мамандарды бір жерге тоғыстыратын кезекті кездесу Қазақстанның бас қаласында 2019 жылы қарашаның 11-12 аралығында өтеді.
Руханият • 24 Қазан, 2019
Академик Рәбиға Сыздық – көрнекті тұлға! Ұлттық биікке көтерілген тұлға! Бірегей тұлға! Ұлт биігіне көтерілу терең білімді, кәсіби мамандықты толық игерумен ғана шектелмейді. Бұл өлшемді белгілі бір салалық ғылымды игерген ғалымдарға тели бермейтініміз де сондықтан. Ұлт биігіне көтерілген тұлға ұғымының параметрлері әлдеқайда кең. Оның өлшемі де өзгеше. Өз ой-парасатымен, білік-білімімен белгілі бір кезеңде қоғамның түлеуіне, ұлт санасының жаңғыруына ықпал еткен, дана Абай сөзімен айтсақ, «толық адам» деңгейіне жеткен айырықша адамдар ғана ұлт биігіне көтеріле алған. Демек, ұлттық тұлғаның тамыры қаншама терең болса, оның кеңістігі де соншама кең, ұлан-ғайыр.
Қазақстан • 24 Қазан, 2019
Жезқазған қаласының мәдени өміріндегі айтулы оқиға ретінде есте қалған Жанат Хаджиев атындағы халықаралық театрлар фестивалі жоғары деңгейде өтті. Биыл үшінші рет жалау желбіреткен өнер сайысы театр тарланының туғанына 70 жыл толуына арналған еді.
Қоғам • 24 Қазан, 2019
Қос ғылымды серік еткен Серікболсын
Домбыра алса әнші, доп ойнаса спортшы болып кететін жаратылысынан жан-жақты жандар айналасына қашанда ардақты. Абыройы да асқақ, беделі де биік. Аудан түгілі аумағына, орта түгілі облысына танымал осындай кейіпкерлерді кездестіру қиын емес. Болмыс-бітімі, тұлға-тұрпаты келіскен өн бойы өнерге, сымбаты спортқа бейім жандарды құрбылары құрметтеп, ағайыны ардақтап, қоршаған ортасы қолынан келгенше әлпештеп, әспеттеп жүретінін көресіз. Оның бәрі адам бойына біткен қабілет пен қасиет деген ерекше екі ұғымның ұштасуынан туған бірегей дүние. Сондай соқпақты жасап, көпшіліктің көзайымына айналып үлгерген үміткерлерге біздің қазақ «сегіз қырлы, бір сырлы» деп тарихи таңба боларлықтай мәртебелі мөр басқан. Баянауылдың бауырынан, Жаяу Мұсаның ауылынан шыққан Серікболсын Дүйсембай да бір бойына қаншама қабілет дарыған дарынды жас азаматтардың бірі.
Қоғам • 24 Қазан, 2019
Әлеуметтік бастамалар қолдау тапты
Жастардың өздері өмір сүретін ортаны жақсартуға бағытталған 100 әлеуметтік бастамасы қолдауға ие болды. Мамыр айынан басталған «Jasa» жобасы Жастар жылының аясында Ақпарат және қоғамдық даму министрлігінің қолдауымен жүзеге асты.
Руханият • 24 Қазан, 2019
Аса көрнекті мемлекет қайраткері Сұлтанбек Қожановтың (Ходжановтың) туғанына 125 жыл толуы Түркістан облысының Созақ ауданында да тойланды.
Руханият • 24 Қазан, 2019
Сенімен қоштаспаймын, «Егеменім...»
Біраз жылдар еңбек етіп, журналистік қым-қуыт қарбалас тірліктің ыстық-суығын, қызығы мен шыжығын бастан бір кісідей өткерген, өткен жылдың қарашасында құрметтеп шығарып салып, қимай қоштасқан қара шаңырағым, өмірдегі бас газетім – «Егемен Қазақстанымды» сағынамын. Әуелі газеттің түр-сипатын, кескін-келбетін, атауының нақышты жазылуын, өзге басылымдардан өзгешерек, өзіме ыстық өзіндік өрнегін, жаныма соншалықты жақын ондаған айдарларын, беттерінің сырт көркемдігімен қатар ішкі мазмұн-мағынасын...
Аймақтар • 24 Қазан, 2019
Елімізде дәстүрлі медицина өкілдері көптен бері өткізуді жоспарлап жүрген «Ұлы дала емі» атты І ұлттық конференциясы өтті. Халықаралық ұйымдардың қатысуымен өткен ауқымды жиын дәстүрлі медицина әдістерін жаңғыртуды көздейді.Қазақстан халқының этностық-дәстүрлі медицинасына арналған жиынға 20 мемлекеттен ғылыми дәрежелері бар 200-ге тарта делегат қатысып, 17 бағытта ауқымды баяндама жасады.
Аймақтар • 24 Қазан, 2019
Обырмен күресте орнықты бағдарлама керек
Жуырда Нұр-Сұлтан қаласында Дүниежүзілік онкологиялық саммит өтті. Аталған жиынға Обырды бақылау жөніндегі халықаралық одақтың президенті (UICC), Иордания Ханшайымы Дина Майред қатысты. Біз елордаға келген саммиттің мәртебелі мейманына халықаралық одақтың қызметі жайлы бірнеше сауал қойған едік.
Аймақтар • 24 Қазан, 2019
Мемлекет қолдауымен еңсесін тіктеді
Түркістан облысының Арыс қаласынан Павлодар облысының Майқоңыр ауылына қоныс аударған Серік Жәдігердің отбасы мемлекет тарапынан көрсетіліп жатқан қолдауға дән риза. Қоныс аударушылар атаулы әлеуметтік көмекті және басқа да төлемдерді алып, жаңа, мұқтажсыз өмір сүруді бастады.
Аймақтар • 24 Қазан, 2019
Ішкі істер саласында Есімовтер әулетінің үшінші ұрпағы жемісті еңбек етіп келеді. Бахтияр атасы мен әкесінің бейбіт өмірде қалтқысыз сіңірген адал еңбегін әр кез мақтан тұтады. Тәлім-тәрбиелері мен үлгі-өнегелерін бойына сіңіріп, жақсы атақтарына кір жуытпауға тырысады.
Аймақтар • 24 Қазан, 2019
Қазақша контент дамымай, тілдің өрісі кеңеймейді
Алматы қаласының әкімі Бақытжан Сағынтаев «Қазақ ССР Тілдер туралы» алғашқы Заңның қабылданғанына 30 жыл толуына орай мемлекеттік тілдің дамуына үлес қосқаны үшін зиялы қауым өкілдеріне Мемлекет басшысының Алғыс хаттарын тапсырды.
Қоғам • 24 Қазан, 2019
Түрлі ұжымдарда қызметкерлер арасында қалыптасатын қарым-қатынастар әртүрлі болады. Кей жерлерде ол жайлы, адамдардың бір-біріне деген қимас жанашырлығы қалыптасса, тағы бір жерлерде ол қиындап, неше түрлі қысастықтар қолдан туып жатады.
Аймақтар • 24 Қазан, 2019
Тойбастар көшесін қуалай төмен түскен бойда, күнбатысты бетке алып Тайбурылдың тақтайдай асфальт жолының жиегіндегі түп-түзу тротуармен жүріп келемін... Арт жақтағы Ықылас көшесінің зәулім теректері көз ұшында бұлдырап қалды. Алдымда – Тайбурыл тұйықталған жерден басталатын Жазира көшесі. Міне, оң қанатта Шабыт шағын ауданы деген тайға таңбай басқандай етіп жазылған көрнекі тақтаға көзім түсті, енді бір елу метрден соң Атамекен, одан әрі Алмас шағын аудандарының еңселі үйлерінің қақпалары қарайып жалғаспақ!..
Аймақтар • 24 Қазан, 2019
Мәңгі жасыл қарағай мен қолдың саласындай түп-түзу, кей тұсында мың бұралған жасыл желекті ақ қайыңдар көмкерген Бурабай баурайының бар тарихы, көне тарихы, жан баласына ашып айта бермейтін сыры мен жан жадыратар жыры үнсіз мүлгіп жатыр-ау. Егер табиғатқа тіл бітсе не айтар еді, соны ұға білсе ғой. Міне, Ақылбай асуына көтерілдік. Таспадай тартылған тас жол қайқаң етіп бір биікке шығарған. Асу үстінде тұрып төңірегіңе зер салсаң, толқынданып біткен, ұйыса өскен қарағайлар шашақты найза секілді көлбеңдейді. Ара-арасында піл сауырындай дөңкиіп қойтастар жатыр. Жасыл желегін Сарыарқаның самал желімен бұлғаған ару қайыңдар төңірегіне тамсанып қарайтындай.
Қазақстан • 24 Қазан, 2019
Тиімді ынтымақтастық. Бірлескен іс-қимыл
Беларусь Республикасының Президенті Александр Лукашенконың Қазақстан Республикасына ресми сапары басталды. Осы орайда біз Қазақстан-Беларусь елдері арасындағы ынтымақтастықтың бүгінгі көрінісіне аз-кем шолу жасағанды жөн көрдік.
Руханият • 24 Қазан, 2019
Діннің тұтастығы – елдің тұтастығы
Елордада Қазақстан мұсылмандары діни басқармасының (ҚМДБ) ұйымдастыруымен «Рухани құндылықтар – қоғам бірлігінің негізі» атты ІІІ республикалық имамдар форумы өтті. ҚМДБ-ның Нұр-Сұлтан қаласындағы жаңадан пайдалануға берілген Бас кеңсесінде ұйымдастырылған дәстүрлі форумға Президент Әкімшілігінің Басшысы Ерлан Қошанов, Премьер-Министрдің орынбасары Бердібек Сапарбаев, Ақпарат және қоғамдық даму министрі Дәурен Абаев, Қазақстан мұсылмандары діни басқармасының төрағасы, Бас мүфти Серікбай қажы Ораз, мемлекет және қоғам қайраткерлері, ғалымдар мен белгілі теологтар және 500-ден астам имам қатысты.
Қазақстан • 24 Қазан, 2019
Геральдика орталығын құру ұсынылды
Кеше Ақордада Мемлекеттік хатшы Қырымбек Көшербаевтың төрағалығымен Мемлекеттік рәміздер мен ведомстволық және оларға теңестірілген өзге де наградалар геральдикасы мәселелері жөніндегі республикалық комиссияның отырысы өтті.
Парламент • 24 Қазан, 2019
Парламент Мәжілісінде көпшіліктің көкейкесті мәселелерін көтеріп жүрген халық қалаулылары заң жобаларын жан-жақты талқылағанда өңірлердің ахуалын назардан тыс қалдырмайды. Кеше палатаның жалпы отырысында мақұлданған 2020-2022 жылдарға арналған республикалық бюджет туралы заң жобасына депутаттардың ұсынысымен түзетулер енгізіліп, құжатта елді мекендерді ауызсумен қамтамасыз ету, тұрғын үй-коммуналдық шаруашылығы нысандарын және көлік инфрақұрылымын дамыту үшін қосымша қаражат көзделді.
Аймақтар • 24 Қазан, 2019
Қуатты «Кировец» тракторы енді Қостанайда шығады
«Кировец» тракторының аңызға айналғанын ешкім жоққа шығара алмайды. Өткен ғасырдың 80-жылдарынан бастап қазақ даласындағы егіс алқаптарына келе бастаған алып трактордың Тәуелсіз Мемлекеттер Достастығы аймағында баламасы жоқ болатын. Қазірде де солай.
Президент • 24 Қазан, 2019
Елбасы – Цукуба университетінің Құрметті докторы
Қазақстанның Тұңғыш Президенті – Елбасы Нұрсұлтан Назарбаевқа Жапонияға сапары барысында Цукуба университетінің Құрметті докторы атағы берілді.
Аймақтар • 24 Қазан, 2019
Мемлекеттік тіл мерейі қайтсе көтеріледі?
Келелі кеңесте кемел ой, кестелі сөз сөйлеу үшін кемеңгерге керегі алдымен көркем тіл. «Тілі жоғалған жұрттың өзі де жоғалады», деп Ахмет Байтұрсынұлы айтқан аталы сөз ұрпақтан-ұрпаққа жалғасқан тәлімді тәмсілге айналды.
Қоғам • 24 Қазан, 2019
Орбұлақ шайқасы – қазақ пен жоңғар шапқыншылығы кезеңіндегі шешуші ұрыс пен жігерлі жеңістің тарихи бастауы. 1643 жылы Алатауды бөктерлей жылжыған жоңғар қоңтайшысы Батыр бастаған 50 мың әскер Жетісуға еніп келе жатқан еді. Жорық сапарында Алатаудың арғы бетіндегі қырғыз қоныстарын қанға бөктірген мың сан қолдың екпініне төтеп тұратын күш сол тұста шашырап жатқан қазақ ауылдарында жоққа тән болатын...
Қазақстан • 23 Қазан, 2019
Әскерилер арнайы ипотека арқылы үй ала алады
«Баспана» ипотекалық ұйымының мәліметінше, әскерилер үшін «7-20-25» және «Баспана Хит» ипотекалық бағдарламаларының негізгі талаптары бұрынғыдай сақталады.
Аймақтар • 23 Қазан, 2019
Алматыдағы Ұлттық кітапханада конференция өтті
Алматы қаласы Қоғамдық даму басқармасының мемлекеттік-әлеуметтік тапсырысы аясында «Ел-шежіре» қоғамдық қоры «Ұлттық құндылықтар – ұлттық идеяның негізі» тақырыбында елімізге белгілі ғалымдардың қатысуымен Ұлттық кітапханада конференция өткізді.
Президент • 23 Қазан, 2019
Президент Ұлттық қоғамдық сенім кеңесі мүшелерімен кездесу өткізді
Белгілі заңгер,адвокат Айман Омаровамен кездесуде азаматтардың құқығын қорғау және осы бағыттағы заңнаманы жетілдіру мәселелері талқыланды. Атап айтқанда, А.Омарова Қазақстан Республикасы Қылмыстық Кодексінің 130-бабының қылмыстық мазмұнын өзгерту және 174-бабына түзетулер енгізу туралы ұсыныс жасады. Бұл туралы Ақорданың баспасөз қызметі хабарлады.
Үкімет • 23 Қазан, 2019
Асқар Мамин Қазақстанда жасалған тракторды сынап көрді
Үкімет басшысы Асқар Мамин Елбасы Нұрсұлтан Назарбаев бастамашы болған Индустриялық-инновациялық даму мемлекеттік бағдарламасының іске асырылуына, сондай-ақ Мемлекет басшысы Қасым-Жомарт Тоқаевтың Қостанай облысының өнеркәсіптік әлеуетін дамыту жөніндегі тапсырмаларының орындалуына бақылау орнату аясында өңірге жұмыс сапарымен барды.
Президент • 23 Қазан, 2019
Мемлекет басшысы Тимур Құлыбаевты қабылдады
Мемлекет басшысы «Атамекен» ҰКП президиумының төрағасы Тимур Құлыбаевты қабылдады. Бұл туралы Ақорданың баспасөз қызметі хабарлады.
Қазақстан • 23 Қазан, 2019
Нұр-Сұлтанда терроризмге қарсы комиссияның отырысы өтті
Қалалық әкімдікте Нұр-Сұлтан әкімінің орынбасары Бахтияр Мәкеннің төрағалығымен терроризмге қарсы комиссиясы жұмыс тобының отырысы өтті. Бұл туралы Нұр-Сұлтан қаласы әкімдігінің баспасөз қызметі хабарлады.