Соңғы жаңалықтар
Аймақтар • 24 Қыркүйек, 2019
Ел ішінде ер-азаматқа екі нәрсеге ерекше мән беру керектігі ескертіледі. Әзіл ретінде айтылғанымен, түбінде зіл жатқанына көп адам көңіл бөле бермейді. Оның бірі – мамандық, бірі – өмірлік жар. Иә, екеуінің де адам өмірінде айрықша рөл атқаратыны бесенеден белгілі. Ғұмыр-дарияға бірге түсіп, сезім қайығының ескегін қатар есетін өмірлік жарыңды көргенде көзің қуанып, көңілің жайланса онда жар таңдаудан жаңылыспадым дей бер. Ал күніңнің көп уақытын өткізетін қызметіңе қызығып, мақсат-мұрат жолында маңдайтеріңді төгетін мекемеңе мейлінше ерте барып, еркін жүріп, құлшына еңбек етсең, бұл да жолыңның болғаны. Сүйген жар мен сүйікті қызметтің алар орнын айттық. Бірін ойлап үйге асықсаң, бірін ойлап түзге асығасың. Біздің айтпағымыз махаббат емес, мамандық болмақ.
Экономика • 24 Қыркүйек, 2019
Ұлттық банкке теңгенің нығайғаны тиімсіз бе?
Өткен аптада «қара алтын» құны 60 доллардан 68 долларға күрт көтерілгенде көпшілік доллардың теңгеге шаққандағы бағамы төмендейтін болды деп күткен.
Қоғам • 24 Қыркүйек, 2019
Әлеуметтік салаға серпін береді
Мемлекет басшысы Қасым-Жомарт Тоқаев халыққа арнаған Жолдауында бүгінгі заман талабына сай тиімді мемлекет құрудың ортақ тұжырымдамасын ұсынды. Онда еліміздегі маңызды мәселелер қамтылған әрі халық тұрмысын сапалық тұрғыда жақсарту көзделіп отыр.
Экономика • 24 Қыркүйек, 2019
Несие серіктестіктерін FinTech-ке бағыттасақ ұтылмаймыз
Апта басында Алматыда өткен III Несие серіктестіктерінің форумына Қазақстанда жұмыс істейтін 215 серіктестіктің өкілдері, Польшадан келген халықаралық консультанттар, Ұлттық банктің, Қазақстан қаржыгерлер қауымдастығының, «ҚазАгро» холдингінің, Аграрлық несие корпорациясының өкілдері, сондай-ақ FinTech саласындағы компаниялар қатысты.
Руханият • 24 Қыркүйек, 2019
Жүрекжұтқан редактор немесе «социалистіктен» қалай құтылдық?
Экономика • 24 Қыркүйек, 2019
Мұнай бағасы: пайда мен зиянның арасы
«Қара алтын» құнының күрт көтерілгеніне аптаға жуықтап қалды. Сауд Арабиясындағы кен орындарына дронмен шабуыл жасалғаннан кейін мұнай бағасы соңғы 30 жылда болып көрмеген қарқынмен қымбаттағаны белгілі. Бұл Қазақстан экономикасына қалай әсер етуі мүмкін?
Аймақтар • 24 Қыркүйек, 2019
Ақ балық, қармағымды қап, балық!
Бурабай баурайында бұрын-соңды болмаған, ел назарын өзіне аударатын қызықты фестиваль ұйымдастырылуда. Ол – ақ айдыннан балық аулау.
Қоғам • 24 Қыркүйек, 2019
Елбасы, қазақ диаспорасы және ел болашағы
Қазақстанның Тұңғыш Президенті – Елбасы Нұрсұлтан Назарбаевтың тәуелсіз мемлекетіміздің іргесін қалап, биік дәрежеге көтерудегі еңбегі барынша жан-жақты әрі ұшан-теңіз. Елбасының бұл еңбегінің ең бастыларының бірі – әлемнің әр түкпіріндегі сан миллион қазақтармен байланыс орнатып, олардың атажұртқа оралуына жол ашуы.
Әлем • 24 Қыркүйек, 2019
Шекара шегенделмесе, қақтығыс азаймайды
Қырғызстан мен Тәжікстан шекарасындағы кикілжің қыркүйектің 15-де басталып, 18-де аяқталды. Алайда кісі қаны төгіліп, «Азия-Плюс» ақпараттық агенттігінің хабарына қарағанда, бір қырғыз, үш тәжік шекарашысы қаза тапқан.
Руханият • 24 Қыркүйек, 2019
Алаштың рухани астанасы атанған Семей шаһарында 20 қыркүйекте әйгілі актриса, Қазақстанның Халық әртісі, Мемлекеттік сыйлықтың лауреаты Әмина Өмірзақованың 100 жылдығына арналған Қазақстан драма театрларының ХХVІІ республикалық фестивалі басталып кетті.
Аймақтар • 24 Қыркүйек, 2019
Полицейлер қамқорлығындағы жігіт шаңырақ көтерді
Қостанайда күнде той, жастар шаңырақ көтеріп ақ тілектер ақтарылып жатады. Жақында бір ерекше той болды. Қостанайдағы балалар үйінің тәрбиеленушісі Николай Жиделев көп жылдар бойы облыстық полиция департаментінің қамқорлығында болған еді.
Спорт • 24 Қыркүйек, 2019
Өз жерімізде алтын ала алмадық
Қазақстанның бас шаһары – Нұр-Сұлтанда жалауы желбіреген күрес түрлерінен 2019 жылғы әлем біріншілігі өз мәресіне жетті. Дүние жүзінің 103 елінен келген 1002 балуан бақ сынаған байрақты бәсекеде 120 медаль жиынтығы сарапқа салынды. Оның ішінде отандастарымыз 7 жүлде еншіледі. Яғни 3 күміс, 4 қола медаль жеңіп алды.
Саясат • 24 Қыркүйек, 2019
Нью-Йоркте БҰҰ Бас Ассамблеясының 74-сессиясы ашылды. Беделі биік ұйымның үш күнге, яғни 23-25 қыркүйек күндері аралығына жоспарланған сессиясына Қазақстан Президенті Қасым-Жомарт Тоқаев қатысып, баяндама жасайды деп күтілуде.
Қоғам • 24 Қыркүйек, 2019
Ғылым кандидаты PhD-ді қайта оқуы керек пе?
Редакциямызға бір оқырманымыз хабарласып, ғылым саласындағы өзекті мәселені көтерді. Ол Қазақстанда алған ғылым кандидаты атағымен шетелде жұмыс істемек көрінеді. Алайда шетелдік жоғары оқу орны басшылығы PhD диплом сұратыпты. Ал елімізде PhD дәрежесі ғылым кандидаты атағымен теңестірілген еді. Екі құжат та бір деңгейде болса, неліктен жұмысқа орналасуға жарамайды?
Руханият • 24 Қыркүйек, 2019
Латын әліпбиіне қатысты семинар өтті
«Рухани жаңғыру» бағдарламасын жүзеге асыру мақсатында Алматы қаласы Тілдерді дамыту және латын графикасына көшу орталығының жетекшілігімен қазақ тілі әліпбиін латын графикасына 2025 жылға дейін кезең-кезеңімен көшіру жөніндегі іс-шаралар жоспарына сәйкес Қазақ ұлттық Қыздар педагогикалық университетінде «Жаңа латын әліпбиін енгізудің ғылыми және ұйымдастырушылық мәселелері» тақырыбында өткен семинар кеңесте жоғары оқу орындарында, мемлекеттік органдарда тілді дамыту орталықтарының мамандары өзекті ұсыныстарымен бөлісті.
Руханият • 24 Қыркүйек, 2019
Қазақ хандары ұстанған бұйымдар қайда?
Осыдан 4 жыл бұрын, 2015 жылы сол кездегі Сенат депутаты Қуаныш Айтахановтың Түркістан қаласынан «Хандар мұражайын» ашу туралы ұсынысы Үкіметтің назарына енді жетті. Бүгін Түркістан қаласының жобасында хандар мұражайына орын бар деген хабар алдық.
Кино • 24 Қыркүйек, 2019
Әлмира Тұрсын: Менің ішімде өз Томирисім өмір сүреді
Түбі бір түркі жұртының тұтастығы жолына ғұмырын арнап, тағдырын қиған даңқты қолбасшылар, жаужүрек батырлар тұлғасы тарих үшін қашанда қастерлі. Уақыт-ағзам алақанында әлдеқашан жазылып қалған ақиқат кейінгі ұрпаққа ғұмырлық тағылым десек те, сол дала данышпандарын лайықты деңгейде ұлықтай алып жатырмыз ба?! Бұған Елбасы Нұрсұлтан Назарбаев та «Ұлы даланың жеті қыры» бағдарламалық мақаласында ерекше тоқталып: «Біздің даңқты батырларымыз, ойшылдарымыз бен ел билеушілеріміз – тек Қазақстан ғана емес, сондай-ақ бүкіл әлем бойынша еліктеуге лайықты тұлғалар» – деп, өскелең ұрпақтың танымын тағылымды тарихпен суарып, патриоттық рухта тәрбие алуына, жас өскіндер санасына ұлт қаһармандарын үлгі тұту үрдісін қалыптастыруға жол ашатын сапалы фильмдер мен сахналық қойылымдарды жарыққа шығару жұмыстарына барынша назар аудару керектігін айрықша атап өткен болатын. Ұсыныс баянды бастамаларға арқау болып, ұлттық кинематография бірнеше сапалы көркем туындымен толығып үлгерді. Соның бірі – «Томирис» фильмі. «Томирис» кино тілінде сөйлейді» деген ақжолтай хабарды естігеннен бастап-ақ премьера күнін көпшілік қауым асыға күтті. Әсіресе басты рөлді сомдайтын актрисаның таңдалуы қызу талқыға түскені де ұмытыла қойған жоқ. Қазақстанды былай қойғанда, атағы күллі түркіні шарлап кеткен туынды халықтың төл тарихын тануға деген ынта-ықыласын әйгілеп берді. Санаулы күннен кейін отандық режиссер Ақан Сатаевтың көркем сараптауында көпшілікпен қауышқалы отырған картинада басты рөлді кино әлеміндегі жаңа есім – Әлмира ТҰРСЫН сомдайды. Аты аңызға айналған әйгілі Сақ патшайымын өз биігінде бейнелеу жолында тер төккен актрисамен фильм тұсаукесері алдында жолығып, аз-кем ой бөлісудің сәті түскен еді.
Руханият • 24 Қыркүйек, 2019
Қазақ әдебиетінің Би-ағасы – Бейімбет Майлиннің кіндік қаны тамған жер Әйет өзені бойында жатыр. Тобылдың арналы саласы толықсып ағады. Қазақ даласының тастақты, қыратты келетін бір сұлу өңірі бұл. Жылдың төрт мезгілінде асыл тастың қырындай құлпыратын, көкмайса жазы, сарыала тон кигендей күзінің көркемдігі көрген жанның есінен кетпейді. Халық ақыны Нұрхан Ахметбековтің: «Сазды Әйет, Сарыарқада Түйемойнақ, Сары жайлау, сабатына бие байлап, Отырып уық тастам көшпелі елдер, Ететін ала шаңдық үнемі ойнақ, Тірілген шыбын-шіркей шілде шалып, Көк майса құлпырған кез жер жасарып» деп жырлайтын өңірде бала Бейімбеттің шыбық мініп, шапқылап жүгіргені, ат жалын тартып, жігіт болғаны аян. Туған жерде сауатын ашып, қызметін бастады. Ғасырдан астам уақытта туған жердің ақын жырындағы бедері түгел, өзі дауылы мен жауынын көрген, құрбаны болған құрсауы мықты заман да әлдеқашан өзгерді. Бүгін Әйет бойы да Бейімбет пен оның аталары аңсаған Тәуелсіз қазақ елімен бірге тыныстап жатыр.
Аймақтар • 24 Қыркүйек, 2019
Маңызды мәселеге мейлінше мән берілді
Қазақстан Республикасы Парламенті Сенаты Халықаралық қатынастар, қорғаныс және қауіпсіздік жөніндегі комитетінің төрағасы Мұхтар Құл-Мұхаммед бастаған Төлеубек Мұқашев, Қайрат Қожамжаров және өзге де комитет мүшелері Ақмола облысында жұмыс сапарымен болып, әскери және техникалық оқу орындарының жағдайымен, сондай-ақ арнайы мамандандырылған өрт сөндіру бөлімінің жұмысымен танысты.
Үкімет • 24 Қыркүйек, 2019
Қытымыр қысқа қапысыз дайындық керек
Кеше Премьер-Министр Асқар Маминнің төрағалығымен өткен Үкіметтің селекторлық отырысында қысқы жылыту маусымына өңірлердің дайындық барысы қаралды. Аталған мәселе бойынша Энергетика министрінің бірінші орынбасары Махамбет Досмұхамбетов және бірқатар өңірдің әкімдері жылыту маусымына дайындық туралы баяндады.
Экология • 24 Қыркүйек, 2019
Көп балалы отбасылар бірінші кезекте үй алады
Биыл көп балалы отбасыларға 8 мыңнан астам пәтер беріледі. Бұл туралы Индустрия және инфрақұрылымдық даму бірінші вице-министрі Қайырбек Өскенбаев мәлімдеді.
Әлем • 24 Қыркүйек, 2019
Халықаралық Түркі академиясында елордада өтіп жатқан Еуразия елдері Парламенттері спикерлерінің IV кеңесіне қатысуға келген Түркия мен Әзербайжан Республикалары Парламент төрағаларымен кездесу болды. Дөңгелек үстел форматында өткен басқосуға Түркия Ұлы Ұлттық мәжілісінің төрағасы Мұстафа Шентоп, Әзербайжан Ұлттық мәжілісінің төрағасы Октай Асадов, ТүркПА бас хатшысы Алтынбек Мамаюсупов, сондай-ақ елшілер, депутаттар, ғалымдар және өзге де мәртебелі меймандар қатысты. Шара Түркі кеңесінің құрылуына себепші болған Нахчиван келісімінің 10 жылдығы аясында ұйымдастырылды.
Президент • 24 Қыркүйек, 2019
Қазақстан Президенті «Bloomberg» ақпарат агенттігінің басшысымен кездесті
БҰҰ Бас Ассамблеясының 74-ші сессиясы аясында Мемлекет басшысы «Bloomberg» ақпарат агенттігінің негізін қалаушы әрі иесі Майкл Блумбергпен кездесті. Бұл туралы Ақорданың баспасөз қызметі хабарлады.
Президент • 24 Қыркүйек, 2019
Қ. Тоқаев БҰҰ Өркениеттер Альянсының Жоғары өкілі Мигель Анхель Моратиноспен кездесті
БҰҰ Бас Ассамблеясының 74-ші сессиясы аясында Мемлекет басшысы БҰҰ Өркениеттер Альянсының Жоғары өкілі Мигель Анхель Моратиноспен кездесті. Бұл туралы Ақорданың баспасөз қызметі хабарлады.
Қоғам • 23 Қыркүйек, 2019
Ақмола облысында үстіміздегі жылы атаулы көмек алушылар саны өткен жылмен салыстырғанда бірден үш есеге өсті. Әлеуметтік жағынан аз қамтылған, көп балалы отбасыларға көмек көрсету үшін 7 млрд теңгеге жуық қаражат қарастырылған. Екі мыңнан астам отбасының көмек алу үшін табыстарын жасырғаны белгілі болып отыр.
«Алма-сырнайдың» тұсауы Алматыда кесіледі
«Қалалық туризм басқармасының ұйымдастыруымен өткен зергерлер конкурсында «Алма-сырнай» үздік деп танылды. «Almaty Art center» орталығында болған байқауға еліміздің түкпір-түкпірінен қолөнершілер келген» деп хабарлайды Алматы қаласы әкімдігінің баспасөз қызметі.
Аймақтар • 23 Қыркүйек, 2019
Алматы жаңа жылу маусымын тың технологиямен бастамақ
Осылай деп мәлімдеген «Алматы жылу жүйесінің» мамандары жаңа жүйені биыл алғаш рет сынап көретінін, құрылғылардың жұмысы өзгеше болғанымен, тариф қымбаттамайтынын айтып отыр. Бұл жаңалық кеше Алматы қаласы әкімдігі баспасөз қызметі таратқан ақпараттан белгілі болды.
Парламент • 23 Қыркүйек, 2019
Мун Хи Сан: Қазақстан - Кореяның маңызды әріптесі
Мәжіліс Төрағасы Нұрлан Нығматулин Еуразия елдері Парламенттері Спикерлерінің 4-кеңесіне қатысуға келген Корея Республикасы Ұлттық Ассамблеясының төрағасы Мун Хи Санмен алдағы форум жайын әңгімеледі. Бұл туралы Мәжілістің баспасөз қызметі хабарлады.
Қазақстан • 23 Қыркүйек, 2019
Парламент Сенатының Төрағасы Дариға Назарбаева мен Ресей Федерациясы Мемлекеттік Думасының Төрағасы Владимир Володинмен, Федералдық Жиналыстың Федерация Кеңесі Төрағасының орынбасары Ильяс Умахановпен кездесуі барысында Қазақстан мен Ресей ынтымақтастығын тереңдете түсудің келешегі талқыланды. Бұл туралы ведомствоның баспасөз қызметі хабарлады.
Руханият • 23 Қыркүйек, 2019
Иранда «Қорқыт ата» кітабының жаңа нұсқасы табылды
«Қорқыт ата» кітабының жаңа жазбасы Иран жерінен табылды. Бұл жөнінде Сыр өңірінде өткен түркітілдес елдердің «Қорқыт және Ұлы дала сазы» өнер фестиваліне келген ирандық коллекционер Вели Мухаммед Ходжа мәлім етті деп хабарлайды ҚазАқпарат тілшісі.