مۋزىكا مامانى ۆيتاس پەن ديماشتىڭ “وپەرا 2” ءانىن ورىنداۋىن سالىستىرىپ تالدادى

photo_34110

ق ر حالىق ءارتىسى، ق ر مەملەكەتتىك سىيلىعىنىڭ لاۋرەاتى لاكي كەسوگلۋ “وپەرا 2” ءانىن ۆيتاس پەن ديماش قۇدايبەرگەنوۆتىڭ ورىنداۋلارىن سالىستىردى، – دەپ حابارلايدى Tengrinews.kz ءتىلشىسى.

حالقى ءارتىسى ديماشتىڭ داۋسى مۋزىكا تىلىندە قالاي اتالاتىنىن ايتتى. “ديماشتىڭ داۋسى سيرەك. ديماشتىڭ داۋىس ءتۇرى تەنور التينو نەمەسە كونترتەنور دەپ اتالادى. ول كلاسسيكا جانرىندا دامي الادى. ءبىراق ول مۇنى قالامايدى. الەمدە كونترتەنورلار ساۋساقپەن سانارلىق. ولار تانىمال ەمەس، ءبىراق بار. بۇل وتە سيرەك كەزدەسەتىن داۋىستار. ول وتە جاس، 22 جاستا وسىنداي زور جەتىستىككە جەتىپ وتىر. ونى ۆيتاسپەن سالىستىرۋدىڭ قاجەتى جوق، مەن سىزگە رەسمي مالىمدەمە جاساي الامىن، ۆيتاستىڭ مۇمكىنشىلىگى ديماشتىڭ داۋسىنىڭ جانىندا تۇك تە ەمەس”، – دەپ مالىمدەدى ول.

ايتۋىنشا، بۇل ديماشتىڭ تابيعي داۋسى. “ول جوعارى تەنور نوتالارىندا دا ايتا الادى، ءبىراق ول ءوزىنىڭ قالىپتى داۋسىمەن دە ءان شىرقايدى، جاعىمدى ەستىلەدى. مەنىڭ بىلۋىمشە، ول اقتوبە مۋزىكالىق ۋچيليشەسىن كلاسسيك رەتىندە وقىپ شىقتى، ول جاقتا ەسترادانى وقىتپايدى. سوندىقتان، بۇگىندە ديماش كوش باسىنداعى ءانشىمىز. ونىڭ قاسىنا ەشكىمدى دە قويۋعا بولمايدى. قالعان جۇلدىزسىماق انشىلەر ونىڭ ماڭىنا دا جاقىنداي المايدى. ال ونىڭ ۆيتاسپەن سالىستىرۋ بىلىمسىزدىكتەن. ۆيتاستى تىڭداپ كورىڭىزدەر، ول ءوز داۋسىمەن ايتقاندا ارعى جاعىندا ەشتەڭەنىڭ جوق ەكەنىن بايقايسىز. ونىڭ داۋسى فالتسەت، دامىعان فالتسەت قانا، وسى مۇمكىندىگىن قولدانىپ قانا ءجۇر. تاياۋدا ۆيتاستىڭ پروديۋسەرى اندەرىن ايتۋعا تىيىم سالدى دەپ ەستىدىم، بۇل دەگەنىڭىز ولار باسەكەلەستىكتەن قورقىپ وتىر دەگەن ءسوز. ال مەنىڭشە، بۇل كونكۋرستا ديماش جەڭىمپاز اتانادى”، – دەپ بولجادى ءارتىس.

ونىڭ ايتۋىنشا، قىتايلىق بايقاۋدا دىبىس رەجيسسەرلەرى ەشقانداي دا سيقىر جاساپ وتىرعان جوق. “ديماشتىڭ دياپازونى ءتورت وكتاۆاعا كەڭ. ودان دا جوعارى بولماسا. كاسىپ يەسى رەتىندە ايتايىن، بىزدە دارىندى، مۋزىكالىق دارىنى بار دەگەن تەرمين بار. ادام ءان سالعاندا ول جايدى “جانىمەن ايتتى”، “جىلۋى سەزىلەدى” دەپ جاتامىز. بۇل مۋزىكالدىق دەپ اتالادى. بۇل قاسيەت بارلىعىندا بار دەۋ قيىن. ياعني ادامنىڭ داۋىس مۇمكىنشىلىكتەرى كوپ بولۋى مۇمكىن، ءبىراق ونى تىڭداپ كورسەڭ، بوس بولىپ شىعادى. ال ديماشتا بارلىعى دا بار، 22 جاسىندا ساحناعا دايىندىقپەن شىعىپ ءدۇر. ياعني نە جايلى ءان ايتىپ جاتقانىن بىلەتىن ءانشى. بۇل وتە قۇندى”، – دەدى ول.

كەسوگلۋ قۇدايبەرگەنوۆتى بۇرىننان بىلەتىنىن، شىعارماشىلىعىن شولىپ جۇرگەنىن دە ايتىپ وتىر.

“مەن ديماشتى بۇرىننان بىلەمىن، جارىلىس جاسايتىنىن كۇتىپ ءجۇرمىن. بىرنەشە جىل بۇرىن استانادا ءتۇرلى كونسەرتتەرگە قاتىستىم، سول كەزدە ول دا بولعان. سول ۋاقىتتا- اق وعان نازار اۋداردىم. كەيىن كونسەرتتەردىڭ بىرىندە اڭگىمەلەستىم. سۇحباتتارىمنىڭ بىرىندە ديماش قۇدايبەرگەنوۆ دەگەن جاس جىگىتتىڭ بارىن، ونىڭ سلاۆيان بازارىندا ناعىز ءدۇمپۋ تۋعىزعانىن ايتقانمىن. بۇل دەگەن كەرەمەت جەتىستىك قوي. انشىلەرىمىزدىڭ بىرەۋى دە سلاۆيان بازارىندا باس جۇلدە الماعان. ال بىزدە بۇل جاعداي نازارسىز قالدى. مەنىڭشە، ادىلەتسىزدىك”، – دەيدى لاكي كەسوگلۋ.

“سوڭعى رەت 9 ىندا استاناداعى كونسەرتتە ءان ايتتىم، ول دا بولدى. گريم بولمەسىندە اڭگىمەلەسكەنىمىزدە ول قىتايعا بارا جاتقانىن ايتتى. ءبىراق سول كەزدە قانداي كونكۋرس ەكەنىن بىلمەدىم، ەندى مىنە، ەستىپ جاتىرمىن، Youtube حوستينگىنەن كوردىم، ءدال وسىنداي جاعداي بولۋى كەرەك ەدى دەپ ويلاعان ەدىم. ول وتە دارىندى. تابيعاتىنان، قۇدايدىڭ بەرگەن دارىنى، ۆوكالى ەرەكشە، مۇنداي داۋىس سيرەك كەزدەسەدى. ەڭ باستىسى ول ماقساتىنا بەرىك، انمەن ءومىر سۇرەدى، ماماندىعىن سۇيەدى”، – دەپ قورىتتى ءسوزىن لاكي كەسوگلۋ.

15 پىكىر

پىكىر جازۋ