ءماسساعان! 400 دەن اسا كيت جاعاعا شىعىپ قالدى

kity

جاڭا زەلانديادا جۇزدەگەن كيت وزدەرىن جاعاعا لاقتىردى. قۇتقارۋشى ەرىكتىلەر كەلىپ جەتكەنشە ولاردىڭ باسىم بولىگى ءولىپ قالعان. بۇل تۋرالى ەلدىڭ تابيعاتتى قورعاۋ دەپارتامەنتىنە سىلتەمە جاساپ ۆۆس حابارلايدى.

kitter

دەپارتامەنت مالىمەتى بويىنشا، جاعاعا شىققان كيتتەردىڭ 70 پايىزى قىرىلدى. مەكەمە قىزمەتكەرلەرى، ۆولونتەرلار جانە جەرگىلىكتى تۇرعىندار تىرىلەردى قۇتقارۋعا تىرىسىپ جاتىر، الايدا بۇدان جاقسى ناتيجە شىعادى دەگەن ءۇمىت از ەكەنى ايتىلادى. ويتكەنى، ءتىرى قالعاندار ءولىم الدىندا جاتىر. جاعاداعى قايراڭدا جاتقان ءولى كيتتەر دە قۇتقارۋ جۇمىستارىنا كەدەرگى جاساۋدا.

دەپارتامەنت وكىلى ءتىرى كيتتەردىڭ ءبىرازى سۋعا قايتا جىبەرىلگەنىن ايتادى. قۇتقارۋشىلار ولاردىڭ قايتادان شىقپاۋى ءۇشىن جاعادا تىزبەك قۇرىپ تۇر.

كيتتۇقىمداستاردىڭ وزدەرىن جاعاعا لاقتىرۋى ءجيى كەزدەسەتىن قۇبىلىس. ونىڭ سەبەبى نەدە دەگەن سۇراققا بايلانىستى پىكىرتالاس كوپتەن ءجۇرىپ كەلە جاتىر، ول تۋرالى ءبىزدىڭ زامانىمىزدان بۇرىن ءومىر سۇرگەن گرەك فيلوسوفى اريستوتەل دە ايتقان. ءبىراق بۇل قۇبىلىستىڭ ناقتى جاۋابىن ءالى ەشكىم بىلمەيدى.