قاراعاندى وبلىسىندا تۇرعىن ءۇي ارزاندادى

1406206953_zhas-otbasylar-turgyn-ui-bagyty-318x219

قاراعاندى وبلىسىنىڭ باسپانا نارىعىندا باعا تومەندەپ كەلەدى، دەپ حابارلادى قازاقپارات.

ۇلتتىق ەكونوميكا مينيسترلىگى ستاتيستيكا دەپارتامەنتىنىڭ مالىمەتتەرى بويىنشا، جاڭا باسپانانىڭ ءبىر شارشى مەترىنىڭ ساتىلىم باعاسى 2016 -جىلدىڭ قاراشا ايىمەن سالىستىرعاندا 0,3 پايىزعا ارزانداپ، 247,4 مىڭ تەڭگەنى قۇراعان.

«اباتتاندىرىلعان باسپانانى قايتا ساتۋ قۇنى 0,1 پايىزعا ارزانداپ، 188,6 مىڭ تەڭگە بولعان. ال مۇنداي باسپانالاردى جالعا الۋ باعاسى وزگەرىسسىز قالدى جانە شارشى مەترى 1278 تەڭگەنى قۇرادى» ، — دەدى وڭىردەگى ستاتيستيكا دەپارتامەنتىنىڭ باسپا ءسوز قىزمەتى. قاراعاندىداعى پاتەر ساتىلىمى سەگمەنتىندەگى باعا اۋىتقۋلارى شامالى.

«ۋاقىت الاتىن يپوتەكاسىز جانە وزگە دە تولەم تۇرلەرىنسىز، قولما- قول تولەۋ كەزىندە قايتالاما نارىقتاعى پاتەر يەلەرى ايتارلىقتاي ارزان باعاعا ساتادى. ياعني، قولما- قول تولەم جاساۋشىلارعا جەڭىلدىك بولادى» ، — دەپ اتاپ ءوتتى ستاتيستيكا دەپارتامەنتى.

مونيتورينگتىڭ كورسەتۋىنشە، قاراعاندىنىڭ قايتالاما نارىعىندا ءۇش بولمەلى پاتەردى شامامەن 11 ميلليون 474 مىڭ تەڭگەگە الۋعا بولادى. جاڭا سالىنعان ۇيلەر — 15 ميلليون تەڭگەنىڭ اينالاسىندا. ەكى بولمەلى پاتەرلەر 8-9 ميلليون تەڭگەگە باعالانۋدا. ءبىر بولمەلى پاتەردى 5-6 ميلليون تەڭگەگە الۋعا بولادى. كەز كەلگەن ساتۋشى ساۋدالاسۋعا، باعانى تومەندەتۋگە دايىن.