اق ءۇي ترامپتىڭ شەتەلدىك كوشباسشىلارمەن اڭگىمەسىنىڭ قالاي تاراپ كەتكەنىن تەكسەرەدى

استانا. قازاقپارات – ا ق ش اكىمشىلىگى دونالد ترامپتىڭ شەتەلدىك كوشباسشىلارمەن تەلەفونمەن سويلەسكەن اڭگىمەسىنىڭ قالايشا ب ا ق- قا جاريالانىپ كەتكەنىن تەكسەرەدى، دەپ مالىمدەدى اق ءۇيدىڭ رەسمي وكىلى شون سپايسەر.

بۇل تۋرالى ر ي ا نوۆوستي جازدى. «ءبىز بۇل جاعدايدى تەكسەرىپ جاتىرمىز، بۇل شىن مانىندە الاڭداتارلىق جايت»، – دەدى سپايسەر The Hill گازەتىنە بەرگەن سۇحباتتا.

ونىڭ ايتۋىنشا، «اقپاراتتىڭ ءمالىم بولۋى قولدانىستاعى قۇقىقتار مەن زاڭداردى ورسكەل بۇزىپ وتىر». اق ءۇي وكىلى قانداي تەرگەۋ جۇرگىزىلىپ جاتقانىن اشىپ ايتپادى جانە مەملەكەت باسشىسىنىڭ ءوزى الاڭداپ وتىرعانىن جەتكىزدى.

«ارينە الاڭدايدى. ونىڭ تەلەفونمەن ايتقان اڭگىمەلەرى جۇرتقا ءمالىم بولىپ وتىر، بۇل شىن مانىندە قاۋىپ تۋدىرارلىق جايت»، – دەدى ول.

بۇعان دەيىن رەيتەر اگەنتتىگى رەسەي پرەزيدەنتى ۆلاديمير پۋتينمەن اڭگىمەلەسۋ كەزىندە ترامپتىڭ New Start كەلىسىمىن ءساتسىز دەپ اتاعانىن حابارلادى. تۇراقتى بريفينگ بارىسىندا سپەنسەر ەكى كوشباسشى اراسىنداعى جەكە اڭگىمە تاقىرىبىن تالقىلاۋدان باس تارتتى.