ترامپتىڭ مالىمدەمەسىنەن كەيىن ۋولل ستريت ساۋداسى بەس جىلدىق ماكسيمۋمعا كوتەرىلدى

اقش قور نارىعى بەسىنشى كۇن قاتارىنان بەس جىلدىق رەكوردتى جاڭارتىپ جاتىر. پرەزيدەنت دونالد ترامپتىڭ سالىقتى ازايتۋ تۋرالى ۋادەسى مەن ەكونوميكالىق مالىمەتتەردەگى جاعىمدى جاڭالىقتار ۋولل ءستريتتىڭ ءىرى كومپانيالارىنىڭ جالپى قۇنىن ۇلعايتتى.

استانا ۋاقىتىمەن كەشە كەشكى ساعات 21:36-دا Dow Jones كومپانياسىنىڭ جالپى قۇنى 0,39 پايىز كوبەيسە, S&P 500 كومپانياسى 0,21 پايىزعا ۇلعايدى, ال Nasdaq Composite كومپانياسىنىڭ اكتيۆى 0,2 پايىز كوبەيدى.

امەريكالىق ريتەيلدەردىڭ جەتەكشىلەرىمەن كەزدەسۋىندە ترماپ سالىقتى ازايتىپ, سالىق كودەكسىن جەڭىلدەتۋگە ۋادە بەردى.

سونىمەن قاتار, قاڭتارداعى تۇتىنۋ باعاسى مەن بولشەك ساۋدانىڭ ۇلعايۋى دا نارىققا وڭ اسەر ەتتى.

فەدەرالدى رەزەرۆ جۇيەسىنىڭ باسشىسى دجانەت يەللەن پارلامەنتتىڭ وكىلدەر پالاتاسىندا جاساعان بايانداماسىندا الداعى وتىرىستا دوللاردىڭ پايىزدىق ۇستەمەسىنىڭ كوتەرىلۋى مۇمكىن ەكەنىن ايتقان ەدى.

ناتيجەسىندە ەلدىڭ تۇتاس قارجى سەكتورى 0,6 پايىزعا نىعايدى.

پىكىر جازۋ