«مىڭ تىرنا» اڭىزى

«قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپ­حاناسى» مەملەكەتتىك مەكەمەسىنىڭ ينتەراكتيۆتى ءبىلىم بەرۋ ورتالىعىندا تۇرعان باعالى جادىگەردىڭ ءبىرى – 2002 جىلى پرەزيدەنت ن.نازارباەۆقا تارتۋ ەتىلگەن, جاپون بالالارىنىڭ ءوز قولدارىمەن بۇكتەگەن «1000 قاعاز تىرناسى». پرەزيدەنتتىڭ سەمەيدەگى يادرولىق پوليگوندى جابۋ جانە «اتوم» حالىقارالىق جوباسىن قۇرۋ جونىندەگى باستامالارىنا جاپون بالالارى ريزاشىلىقتارىن وسىلاي بىلدىرگەن.

ال ەندى «قاعاز تىرنالارعا» كەلسەك, «ول نەگە 1000 تىرنا?» دەگەن ساۋال تۋى مۇمكىن عوي. حيروسيماداعى جارىلىستان كەيىن ەكى جاستاعى ساساكي ساداكو دەگەن قىز تاڭعالارلىق جاعدايدا امان قالعان. بىراق ون جاس­تان اسا بەرگەندە قان وبىرى اۋرۋىنا شالدىعادى. سوندا قىز اۋرۋحانادا جاتىپ «قاعازدان مىڭ تىرنا جاساساڭ, تىلەگىڭ ورىندالادى» دەگەن جاپونداردىڭ ەسكى اڭىزى بويىنشا بوس ۋاقىتىندا قاعازدان تىرنا جاساي بەرەدى. ساساكي 12 جاسىندا قايتىس بولادى. تەك 644 تىرنا جاساپ ۇلگەرىپتى. دوستارى ول جاساي الماعان تىرنالاردىڭ ورنىن تولتىرادى. سودان بەرى جاپونداردا «مىڭ تىرنا» اڭىزى ءتىرىلىپ, تىنىشتىقتىڭ, تىلەكتىڭ ورىندالۋىنىڭ سيمۆولىنا اينالعانعا ۇقسايدى. ءبىر جاعىنان قاعاز بۇكتەۋ جاپونداردا ۇلكەن ونەر سانالادى. قاعازدان ءتۇرلى نارسەلەر جاساۋ ونەر سانالادى. ونى ولار وريگامي دەپ اتايدى.

ايگۇل سەيىلوۆا,
«ەگەمەن قازاقستان»

سۋرەتتى تۇسىرگەن
ورىنباي بالمۇرات

پىكىر جازۋ