بەرىك سۇلتان: قاناتتىڭ قولعابىن شەشكەندە ەكى قولى دا ءىسىپ كەتكەن

14606420_1091506030966823_2833770236139114456_n
قانات يسلامنىڭ اقپاراتتىق كومەكشىسى، بلوگەر- جۋرناليست بەرىك سۇلتان ءوزىنىڭ الەۋمەتتىك جەلى پاراقشاسىندا وسىلاي دەپ جازدى.
«شۇكىر، قانات يسلامنىڭ جەكپە- جەگى جوعارى دەڭگەيىندە ءوتتى. قانات تازا جەڭدى، مۇنى بوكستى تۇسىنەتىندەردىڭ بارلىعى بىلەدى. ءبىرىنشى راۋندتان باستاپ سوڭعى راۋندقا دەيىن ءبىرىنشى بولىپ بوكستاستى. ءيا، قاناتتان نوكاۋت كۇتتىك. قوبالجىدىق. ۋايىمدادىق. سىزدەر كورمەگەن، بىرنارسە ايتايىن. جەكپە- جەك بىتە سالىپ، رازديەۆالكاعا كەتتىك. ءبينتتى شەشتى. ەكى قولى ءىسىپ كەتكەن. ەكىنشى راۋندتا ەكى جۇدىرىعىن بىردەن جاراقات الدى. قارسىلاسى وتە قولايسىز، اككى بوكسشى. كوردىڭىزدەر. نەبىر قۋىلىقتار جاسادى. سوعان قاراماستان، قانات 12 راۋند بويى ءبىرىنشى بولىپ جۇدىرىق جۇمساپ، بۇرىشتان بۇرىشقا قۋىپ ءجۇرىپ سابادى. بۇل ەرلىك. قازاقتىڭ نامىسى. قازاقتىڭ قاناتىنىڭ جەڭىسىنە ءار قازاق قۋاندى. ارەنادا بوكستى 15 مىڭنان استام ادام تاماشالادى. ينە شانشار ورىن بولعان جوق. اقش- تان كەلگەن پروديۋسەرلەر، بوكس ۇيىمداستىرۋدىڭ باس- قاسىندا جۇرگەن ماماندار قازاقتارعا ءدان ريزا بولدى. وتە جوعارى دەڭگەيدە ۇيىمداستىرىلعانىن ايتىپ قاتتى قىزىعىپ كەتتى. نەگىزى مۇنداي دەڭگەيدە بولادى دەپ كۇتپەگەن ەكەن. 2-اي جۇگىرگەن ەڭبەك اقتالدى. كاسىبي دەڭگەيدە(كەلگەن ادامداردىڭ بارلىعى وسىلاي ايتتى) 2 باسپا ءسوز ماسليحاتى جانە اشىق جاتتىعۋى وتكىزدىك. سالماق ولشەۋ ءراسىمىنىڭ قانداي قىزىق بولعانىن بىلەسىزدەر. بۇيىرتسا ءالى تالاي مىقتى دۇنيەلەر جاسالادى. قازاقتىڭ باعىنا تۋعان قانات يسلام ءبىز ءۇشىن تەك بوكسشى ەمەس، ۇلتتىڭ قامىن جەيتىن جاستاردىڭ كەلەشەگىنە الاڭدايتىن جانى دا قانى دا قازاق ناعىز پاتريوت ازامات. نەگە حالىق قاناتتى جاقسى كورەدى؟ سەبەبى قانات حالقىن سۇيەدى. ءار قازاققا جانى اشيدى. ءار قىزدى قارىنداسىم، ءار ۇلدى اعام ءىنىم دەپ قارايدى. قازاقتىڭ قاناتى تالماسىن، اللا قۋات بەرسىن. كوزدەن تىلدەن ساقتاسىن! بوكس كەشىن ۇيىمداستىرعان سپورت جاناشىرى باۋىرجان وسپانوۆ اعام تۋرالى بولەك پوست جازامىن. ءار قالتالى ازامات باۋىرجان وسپانوۆتاي بولسا عوي، شىركىن! الماتى قالاسى اكىمى باۋىرجان بايبەك اعام دا كەشتىڭ جوعارى وتۋىنە بار جاعدايدى جاساپ بەردى. مىقتى اكىم ەكەنىن تاعى ءبىر دالەلدەدى. قازاق بىرىكسە تاۋ قوپارادى. اللا بىرلىگىمىزدەن ايىرماسىن. » ، – دەيدى ول.

8 پىكىر

  • كۇللى قازاقتىڭ باعىنا تۋىلعان قانات باۋىرىمىزدى جانەدە اعالاپ العا شىققان قانداستارىمىزدى شىن جۇرەكتەن قۇتتىقتايمىز! ءتىل -كوزدەن امان بولسىن.
    الداعى كەزدەسەتىن بيىكتەردەن سۇرىنبەي وتۋىنە اللا جار بولسىن.

  • قانات اعا ۇلىت ماقتانىشى ،،،،،قانى قازاق جانى قازاق ءالى تالاي بىيىكتەن كورەمىز تەك العا ار كەز جاراتقان جار بولسىن سىزگە قانات اعا

  • قازاق حالقىنىڭ باعنا تۋعان ارسىمزعا براللا قۋات بەرسىن ارقاشان تەك بىيكتەردەن كۇرنسىن ينشاللاھ ،

  • قازاق قازاقتى كورە المايدى ما جوق شىندىق با بىلمەدىك كەيبىر ادامدار ايتىپ جاتىر “قانات تۋكتە سوققى بەرە العان جوق ,قارسىلاسى جاقسى ۋردى بىراق جەڭىستى قاناتقا بەرە سالدى” دەپ بۋعان نە دەيسىزدەر?

  • يا، وتە كەرەمەت ،قاناتتى تىل كوزدەن ساقتاسىن ،قاناتتاي ساباقتاسىمنىڭ بولعاننا ماقتانامىن ،قانات بالا كەزىنەن نامسشىل ،تالانتتى ،بەتكە العان ءسىن اياعىنا دەيىن جەتكىزەتىن،كشكەنتاي كەزىندە تەنتەك بولاتىن ،