قازاقستان ازاماتتارىنىڭ پىكىرى: بۇل بوكس كەشىندە قانات عانا ەمەس، قازاق ءتىلى دە جەڭىستىك الدى

قانات قانا ەمەس، قازاق ءتىلى دە جەڭىسكە جەتتى

kanat-islam-a
بەيجىڭ وليمپياداسىنىڭ قولا جۇلدەگەرى، كاسىپقوي بوكستىڭ كانىگى شەبەرى قانات يسلام 22^-  جەڭىسىن ءوز ەلىندە، تاۋەلسىزدىك بەسىگى الماتىدا تويلادى! WBA Fedelatin بەلبەۋىنىڭ يەگەرى، «قازاق» دەگەن لاقاپ اتى بار قانات يسلام كاسىپقوي بوكستا گانالىق قارسىلاسى، «ۋلى جەبە» اتانعان پاتريك اللوتەيدى ايقىن باسىمدىلىقپەن ۇتىپ، جەڭىسكە جەتتى.

قاناتتىڭ جەڭىسىمەن بىرگە، قازاق ءتىلى دە جەڭىسكە جەتتى! قانات يسلامنىڭ جەكپە- جەگى تەك قازاق ءتىلى مەن اعىلشىن تىلىندە كەرەمەت ءوتتى! 13 مىڭ ادام جينالعان «الماتى- ارەنا» سارايىندا ءبىر دە ءبىر ادام «مەن قازاقشا تۇسىنبەدىم، ماعان رەسەي تىلىندە ءتۇسىندىرىپ بەرىڭدەر» – دەپ شاعىم جاساعان جوق! 13 مىڭ ادام، ىشىندە اكىمى دە، اقىنى دا بار، ساياساتكەرى دە، قايراتكەرى دە بار، كاسىپكەرى دە، ءانشىسى دە، مالشىسى دا بار، بارلىعى ءبىر اۋىزدان » قانات – قازاق» – دەپ ايقايعا باسىپ، ۇرانداعاندا، ءزاۋلىم ساراي شايقالىپ تۇردى!

بيلىك پەن ءبىلىم ءمينيسترىنىڭ ء«ۇش تىلدىلىك بولماسا، كۇنىمىز قاراڭ بولادى، ءومىر سۇرە المايمىز» دەگەن جاساندى «قاعيداسىنىڭ» بىت- شىتى شىقتى! ەلگە ەكى ءتىل عانا – مەملەكەتتىك ءتىل مەن اعىلشىن ءتىلى عانا كەرەك ەكەن! ەشكىم رەسەي ءتىلىن ىزدەگەن جوق! ەشكىم «مەنىڭ تىلدىك اقپارات الۋ قۇقىم شەكتەلدى» – دەپ، پروكۋراتۋراعا شاعىمدانعان جوق!

imangalitasmagambetov1-kopiya

بۇل تەك قازاق ءتىلى مەن اعىلشىن تىلىندە وتكەن ۇلكەن شارانىڭ ءبىرىنشىسى عانا ەمەس… 2011 -جىلى 30 -قاڭتاردا قىسقى ازيادانىڭ اشىلۋىن استانادا سول كەزدەگى ەلوردا اكىمى، ۇلتتىق رۋحى جوعارى قايراتكەر يمانعاليى تاسماعامبەتوۆ ءبىر ورىس ءتىلىنسىز قازاقشا، اعىلشىنشا كەرەمەت ەتىپ وتكىزگەن ەدى. («قازاقيانىڭ ابىرويىن اسقاقتاتقان ازيادا. تاسماعامبەتوۆ قازاقستاندى قازاق تىلىنە ءبىر- اق كۇندە كوشىرىپ جىبەردى. » http://www.qazaquni.kz/2011/02/11/5505.html ) ء«اپ- ادەمى ءان ەدى، پۇشىق شىرىكىن ءبۇلدىردى» دەگەندەي، تەك ازيادانىڭ الماتىداعى جابىلۋىندا احمەتجان ەسىموۆ باستاعان قالا باسشىلارى ەكى تىلدە، ءتىپتى ءۇش تىلدە وتكىزەمىز دەپ، بىلىقتىرعان بولاتىن…

بۇل جولى وسى ءىرى سپورت دوداسىنىڭ باسى- قاسىندا جۇرگەن، جەكپە- جەكتىڭ باسىنان اياعىنا دەيىن ەلمەن بىرگە بولىپ، قاناتتى زور جەڭىسىمەن قۇتتىقتاپ، قازاقشا عانا جاقسى ءسوز سويلەگەن الماتى قالاسى اكىمى باۋىرجان بايبەككە ەل رازى بولدى. «جاس كەلسە ىسكە» دەگەن وسى شىعار. سايىپقىران سپورتشىلار مەن وسى زور الامان سايىسقا دەمەۋشى بولعان، ۇلت جاناشىرى باۋىرجان وسپانوۆقا دا ەل رازىلىعى شەكسىز بولدى. ياعني، قوس باۋىرجان جارادى! اتتارىنا لايىق ءىس كورسەتتى!

قانات يسلامنىڭ ءوزى دە تەك قازاق تىلىندە، قوسىمشا اعىلشىن تىلىندە سويلەدى. ءيا، وسى قازاقشا- اعىلشىنشا ەكى تىلدەن ارتىق نە كەرەگى بار؟ مينيستر ساعاديەۆ «دۇنيە ءجۇزى تاريحى» ءپانىن مەكتەپتەردە ورىس تىلىندە وقىتۋ ءۇشىن، زورلاپ تىقپالاپ، ەلدىڭ كونستيتۋتسيالىق قۇقىن تاپتاماسىن! رەسەي ءتىلىنسىز كۇنىن كورە المايتىنداي، كەرەك بولىپ بارا جاتسا، ءوز وتباسى مەن اينالاسىنا وقىتا بەرسىن… بىزگە، قازاق ەلىنە – قازاق ءتىلى، تاۋەلسىز مەملەكەتكە – مەملەكەتتىك ءتىل كەرەك!

بۇنى باسا ايتىپ جاتقان سەبەبىمىز، دارىندى جاس اكتەر باقىت تۇشايدىڭ «ورىس ءتىلىنسىز الەمگە قانات جايدىق!»
( http://www.qazaquni.kz/2016/10/30/59986.html ) اتتى ماقالاسىن «قازاق ءۇنى» سايتىندا جارتى تاۋلىكتە 10 مىڭعا جۋىق ادام وقىپ، فەيسبۋك الەۋمەتتىك جەلىسىندە مىڭداعان ادام قولداپ، جۇزدەگەن ادام پىكىر جازدى، 300 گە جۋىق ادام كوشىرىپ جاريالادى. وسىدان- اق، ەلدىڭ ەكى ءتىلدى عانا قالاپ وتىرعانىن انىق كورۋگە بولادى. رەسەي ءتىلىن ىزدەگەن ءبىر ادام، ءبىر پىكىر شىققان جوق… ماقالادا ايتىلعانداي، «بىزگە ورىس ءتىلى قاجەتسىز بولا باستاعانىن حالىق ءوزى كورسەتىپ بەردى!.. » تەك 100 پايىز قازاقشا ءوتۋى ءتيىس ۇلتتىق ارنامىز «قازاقستاننىڭ» قوسامجارلانىپ، رەسەي تىلىندە قاباتتاسا قايتالاۋى مەن «قازسپورت» ارناسىنىڭ قازاقشا بىلمەيتىن قازاق تىلشىلەرىنىڭ قازاق بوكسشىلارعا ورىسشا سۇراق قويعاندارىن جۇرت قاتتى سىناپ جاتىر…

تاۋەلسىزدىكتىڭ 25 جىلدىق مەرەكەلى جىلى تاۋەلسىزدىك بەسىگى – الماتىداعى قاناتتىڭ جەڭىسى قازاقتىڭ رۋحىن كوتەرىپ كەتتى! ەندى «ەلدىڭ ۇلتتىق رۋحىن كوتەرىپ كەتەدى» دەپ ايتىسقا شەكتەۋ قويعان سياقتى، اقوردادا وتىرىپ، كرەملگە قاراپ سىيىناتىن شەنەۋنىكتەر بوكستىڭ دا قازاق تىلىندە وتۋىنە شەكتەۋ قويىپ جۇرمەسە دەڭىز…

قاناتتىڭ جەڭىسى – قازاقتىڭ جەڭىسى – قازاق ءتىلىنىڭ جەڭىسى باياندى بولعاي!

قازىبەك يسا

qazaquni.kz

اقىن، «جاس قازاق ءۇنى» گازەتىنىڭ باس رەداكتورى

قادىرلى، قانداس !
بۇدان بىلاي « egemen.kz/tote/ » سايتىنىڭ توتە جازۋ بەتىنە توتە كىرىپ، ءتۇرلى سالا بويىنشا ەڭ سەنىمدى ءارى مەملەكەت، ۇلت ارالىق ازاردىقتارعا جەتەلەر جامان پيعىلدى جازبالارعا جول بەرمەيتىن شىنايى اقپاراتتار الىڭىز . قاجەت دەپ تاپساڭىز، دوستارىڭىزبەن ءبولىسىڭىز ! ءيا ، راس . قازاق قانىنا تارتادى.

41 پىكىر

  • قازاعىم سامعاسىن ،قاناتى تالماسىن،قازاقىستانىمنىڭ بولاشاعى نۇرلى بولعاي،ۇرپاعى مىعىمدى بولعاي،اتا بابا ارۋاعى قولداسىن كۇكتە قىرانى سامعاىسن،بىر اللاھ ۇزىڭ جارشى بولعاي،

  • وتە كەرەمەت, تەبىرەنبەي تۇرا المايسىڭ, ءبىز سياتى ورىس تىلىنە شورقاقتار ءۇشىن ۇلكەن جاڭالىق,بىزگەدە ءبىر اشىلاتىن كۇن تۋار!!!

  • سول عوي،وز تىلىمىزبەندە اتام قازاق وسىى كەزگە جەتكەندە ،ەندىگى جەردە نەگە قولدانباسقا ،ەندى تىپتى وز تىلىمىزبەن اتا بابامىز قالدىرىپ كەتكەن جەردە بارعان سايىن تامىر تارتىپ ۇرپاعىمىزعا دانا دا دارا جول تاستاۋىمىز كەرەك ،ۇرپاق ۇشىن وز تىلىمىزدى كۇش سالا قولداپ قولدانىپ تاۋەلسىزدىك العان مەمىلەكەتىمىزدە العا ۇمتىلىۋعا بارلىق الەم قازاعى ياكي قازاق ەلىندەگى بارلىق قازاق ازاماتتار بورىشىتار دەپ سانايمىن.ماڭگىلىك ەلدىڭ ازاماتتارىنىڭ وتەمەسە بولمايتىن ماڭگىلىك بورىشى بولماق،وز تىلىڭە بارلىق كۇش قۋاتىڭدى سارقا جۇمساپ ەسىمىزدى جىيىپ ،وزگە تىلدى قۇرمەتتەيتىن جەرگە كەلدىك اعايىن!!!

  • يلايىم اللاق تاعالا عالامداعى قازاقتارعا بەرەكە بىرلىك بەرگەي قازاق تىلى جاساسىن قازاق ۇشىن چىن جۇرەگىمەن جۇمىسستەپ جاتقان اعالار سىزدەر جاپا شەكتىڭىزدەر قايراتتانىڭىزدار ۇلىت ۇشىن قازاق ۇشىن

  • بۇل ماقالا وتە جاقسى جازىلپتى ،بىزگە ەىش قاشان ورىس تىلىنىڭ ماڭزى قالعان جوق ،عىلىم مەن تەحىنيكانى ۇيرەنەمىز دەسەك اعىلشىن تىلى دە جەتەدى .بۇدان كەيىن ارقانداي قانى قازاىق قازاق تىلىندە سويلەۋ كەرەك تەلەديدار بەلگىلى قىيمىلدار بارلىعىندا وزىمىزدىڭ انا تىلىمىزدە سويلەيىك ،ەندى قاشان باسىقالاردان بۇقپايلاي بەرەمىز ۇىش تىلدى دەگەن ساياسات تۇبەگەيىلى جويىلسىن مۇحتار شاحانوۆ اعامىزدىڭ پىكىرىن تىڭداپ سونى ىسكە اسىرايىق

  • كانات اگامىز مكىتى كانات كازاكتىن اتىن الەمگە تانتكان بيردەن بير كايراتكەر وگان كوز جۋما كاراي المايمىس باستىسى امان بولسىن اللا جولنا ساتيليك بەرسين .

  • مەيلى كىشى جاىرس مەيلى ۇلكەن دودا بولسىن مەملەكەت تىلىندە ۇتكىزۋ سول ەلدىڭ بولاشاعىنىڭ تۇرلانا تۇسەتىندىگىنى بىلدىرەدى

  • ايتقاندارى وتە دۇرىس قازاق قازاق بولۋ ۇشىن وز تىلىن قۇرمەتتەگەنى جون ،ورىس تىلىن بىلمەگەن قازاق ساۋاتسىز سانالمايدى،قايتا قازاقشا سويلەي الماعان قازاق قازاق ەمەس

  • ايتقاندارى وتە دۇرىس قازاق قازاق بولۋ ۇشىن وز تىلىن قۇرمەتتەگەنى جون ،ورىس تىلىن بىلمەگەن قازاق ساۋاتسىز سانالمايدى،قايتا قازاقشا سويلەي الماعان قازاق قازاق ەمەس،ەڭ توعىشارلار سولار بولادى

  • باسققا ايتارجوق،بارلىق جاستاردىىڭ ۇلتىمىز ۇشىىن اينباي تەر تۇگۇىىنە قاتتى قۋانامىىن،،،،قازاق دەگەن عاجاپ اتققا ماقتانامىن،،،قاناتتىىڭ ەسىمى ماڭگى قازاق جەرىندە قاناتتانسىن،،،،،👍👍👍

  • تىلىڭ بولماسا ءدىنىڭ بولمايدى ەڭ اۋەلى بىر ۇلتتى جوعالتۋدىڭء تاسىلىء تىلىن جوعالتۋ دەيدى ەگەر تىلىمىز جويىلسا اعايىن بىز ەشقاشان ەل بولا المايمىز اۋەلى تىلىمىز امان بولسىن ەلىمىز جۇرتىمىز امان بولسىن تىلىمىزدى قورعايىق اعايىن كەشە عانا ءوتكەن قازاق ەلىندەگى جەتى الپامىستاي ازاماتتىمىزعا راقىمەتىمىز شەكسىز قازاقتار جاساسىن
    قازاقتڭ باتىرلارى كوبەيە بەرسىن

  • اسسالاۋماعالايكۇم حابارلارىڭىز تارتىمدى جانەدە ايتا كەتەرىم زاڭ ساۇاتىن جاقسى كورەم بۇدان بىلاي زاڭ تۇرالى ساۇاتتى كوپ جولداڭىزدارشى راحىمەت سىزدەرگە قالامدارىڭىز ماڭگى ۇشتالا بەرسىن

  • وتە كەرەمەت قانات اعانىڭ ارقاسىندا بارىدە ءوز ازاماتىمىزدىڭ ارقاسى كەرەكەسى بيىك بولسىن اعايىن بارشا جاماعات

  • قازاعمىز ۇشىن ، بۇل ولكەن ابىروي بولدى، بىر بالا اعاسنىڭ مقتى دارندى بولعانىن ماقتانش ەتەدى، ءال قانات سلامنىڭ بوكس ،كەشندە، قازاقتىڭ رۋحىن تانتقان جەتى ارس، قازاق تاريحنا جازلاتىن بولدى، ون مىڭ ادامدىق زالدا، بە س جاستان ، جەتپس جاس ارالعنداعى قازاق اعاينداردىڭ ۇنى ، نايزاعايداي كۇركىرەدى، جالندى جاس بالالادىڭ ۇندە كەرەمەت شقتى،، بۇكىل قازاقتى ءالەمگە تانتۋمەن بىرگە دۇنيەدەگى قازاق قالحىن،ءالەمگە تانتتى، ءالەمنىڭ ساسىق كەۋدە بوكسشلەرى، قازاقتى وز وتانندا باس كوتەرتپەستەي جەڭۋ ۇشىن كەلگەن تاتتى قيالى، نامشىل قازاق ازاماتتارى جاعننان ،بىردەن جەر قۇشتى، منە بۇدان قازاقتىڭ قانى، گەنى، تانى ،دۇنيە كۇينشە قانشالق ساپالى ەكەنىن بلدىرىپ جاتپايما،، بۇل ءاسىرەسە ۇلتىن قور سانايتىن جاس جەتكنشەكتەر ۇشىن ۇلكەن رۋحاني ازىق بولدى، ەندگى جاستارعا وز ولتنىڭ قانشالق مقتى ۇلى ەكەنىن تۇسندىپ جاتادى، قازاق بولعاننا ماقتانش ەتەدى، باسقا ەلدىڭ ماڭگۇرتتەدندرۋ ، تاسلنەن وڭاي قۇتلۋ ۇشىن بالالارڭزعا بۇل جارس كەسكنىن جالعاستى قويىپ بەرسەڭزدەر دەگەن ۇمتەمىن

  • قااق تىلى قازاق ەلمەن بىرگەازاتتىق الىۋىن ارماندايمىز قااق ەلى جاساسىن قازاق تىلى جاساسىن،ۇلتتڭ ۇرۋقىن بىيىك تەتەر ۇلىت تىلى،