قىتايداعى قازاقستان ەلشىسى مالىمدەدى: قانداستار ءۇشىن ۆيزا 3 جىلعا بەرىلەدى

70f42acc034d24a49d0265b5434d97f2_resize_w_520_h_

استانادا باسپا ءسوز ءماسليحاتىن وتكىزگەن قازاقستاننىڭ قىتايداعى توتەنشە جانە وكىلەتتى ەلشىسى شاحرات نۇرىشيەۆ قىتايدا ءومىر ءسۇرىپ جاتقان قانداستارىمىزدىڭ ەلگە ورالۋىنا بىردەن ءبىر قولبايلاۋ بولاتىن ۆيزا ماسەلەسى جايىندا مالىمدەدى، دەپ حابارلايدى BAQ.kz ءتىلشىسى.

قازىرگى كەزدە قىتاي ەلىندە ەلىمىزدىڭ ەلشىلىگىمەن بىرگە ەكى بىردەي ءىرى قالاسى شانحاي مەن گونكونگتا باس كونسۋلدىق جۇمىس ىستەيدى. ال قانداستارىمىزدىڭ ەڭ كوپ شوعىرلانعان شۇار- دىڭ ورتالىعى ءۇرىمجى قالاسىندا پاسپورتتىق- ۆيزالىق قىزمەت ورتالىعى بار.

“قىتايدان وزگە مەملەكەتكە شىعۋعا قۇجاتتارى تولىق 800 مىڭنان استام قانداسىمىز بار. سوعان قاراماستان پاسپورتتىق- ۆيزالىق قىزمەتكە كۇنىنە 400-500 ادام كەلىپ ۆيزا راسىمدەيدى. قازاق قانداستارىمىزعا قازاقستانعا كەلۋ ءۇشىن ۆيزا تەگىن بەرىلەدى. سونىمەن قاتار قانداستارىمىزعا بۇعان دەيىن 1 جىلعا عانا بەرىلىپ كەلسە، ەندى 3 جىل ۋاقىتپەن بەرۋگە وڭ شەشىمىن تاپتى. ودان بولەك بۇدان بۇرىن قانداستارىمىز پاسپورت الۋدان قيىندىقتار كورەتىن بولسا، ەندى ول ماسەلەلە دە رەتتەلدى”، – دەيدى شاحرات نۇرىشيەۆ.

ەلشىنىڭ ايتۋىنا قاراعاندا بۇل ءىس- شارالاردان بولەك وتكەن جىلى قىتاي حالىق رەسپۋبليكاسىنىڭ ازاماتتارىنا 321 118 ۆيزا بەرىلدى. سونىڭ ىشىندە 358 83 ۆيزانى، ياعني بارلىق رۇقسات قاعازدارىنىڭ 70 پايىزىن سول جەردە تۇراتىن قازاقتار الدى. قالعانى – جۇمىس، تۋريستىك جانە ءبىلىم الۋ ءۇشىن بەرىلەتىن ۆيزالار.

“ال اعىمداعى جىلدىڭ توعىز ايى ىشىندە 203 86 ۆيزا راسىمدەلدى. ونىڭ ىشىندە 474 58ۆيزا نەمەسە 68 پايىزى ەتنيكالىق قازاقتارعا بەرىلدى. 15 مىڭنان استامى – ىسكەرلىك ۆيزالار، 6 مىڭ جۇمىس ۆيزاسى، 5 مىڭ تۋريستىك، 299 وقۋعا، 322 قىزمەتتىك، 23 ينۆەستورلىق جانە 56 ترانزيتتىك ۆيزانى باسىپ بەردىك”، – دەپ اتاپ كورسەتتى ەلشى.

قىر بالاسى
Baq.kz
فوتو: ەرجان جاۋباي

 

قادىرلى، قانداس !
بۇدان بىلاي « egemen.kz/tote » سايتىنىڭ توتە جازۋ بەتىنە توتە كىرىپ، ءتۇرلى سالا بويىنشا ەڭ سەنىمدى ءارى مەملەكەت، ۇلت ارالىق ازاردىقتارعا جەتەلەر جامان پيعىلدى جازبالارعا جول بەرمەيتىن شىنايى اقپاراتتار الىڭىز . قاجەت دەپ تاپساڭىز، دوستارىڭىزبەن ءبولىسىڭىز ! ءيا ، راس . قازاق قانىنا تارتادى.

3 پىكىر

پىكىر جازۋ